Qara-qura

Home
Azerbaijan
Baku
Qara-qura

Contact information, map and directions, contact form, opening hours, services, ratings, photos, videos and announcements from Qara-qura, Graphic designer, Baku.

Məqsədimiz küçələrimizi korlayan, yaşam tərzimizə təsir edən yanlış, səliqəsiz dizayn nümunələrini işıqlandıraraq "daha yaxşı necə edə bilərik?" sualına cavab verməkdir.

27/01/2023

Ehtimal edilir ki, poster elə Avto yuma məntəqəsinin divarında yerləşdirilib. Ola bilər ki, elə bu səbədən xidmətin qiyməti qeyd edildiyi təqdirdə adı göstərilməyib. Lakin məntəqənin bağlı olduğu zamanlarda posteri görəcək şəxs üçün reklam heç nəyi ifadə etmir.

Hər tərəfdə rastlaşdığımız eyni qırmızı fon, eyni şriftlərdən istifadə edilərək hazırlanan qarışıq çöl reklamı nümunəsi. Belə reklamların əksəriyyəti görünmür, yadda qalmır, fərq edilmir.

26/01/2023

Şəhər küçələrində bir-birinə bənzəyən çoxsaylı reklam nümunələrinə rast gəlirik. Nümunələrdə əsas problem məhsul və xidmətlərin tam şəkildə siyahı halında yazılaraq, hər birisinin şəkillərini ayrı göstərməkdir. Elə təəssürat yaranır ki, informasiyanı tam şəkildə yazdığımız zaman reklam daha çox işləyəcək. Lakin bu belə deyil.

Mövcud vizualda çox şey dəyişilməlidir.

25/01/2023

Bəlkə, 15 il bundan əvvəl bu cür dizaynlarda olan qara-quralığa insanlarımız fikir verməsə də, günümüzdə bu fikir keçərli deyil. Səliqəsiz, estetik baxımlı olmayan reklamlar müasir insanda güvən yarada bilmir.

Mövcud eksteryer reklamında çox şey dəyişilməlidir.

10/01/2023

Sarı fon, qırmızı yazı tipi, səliqəsiz seçilən yazı tipi şəhərin bir çox yerində gördüyümüz qara-qura dizayn nümunələrinin ortaq cəhətlərindəndir. Çöl reklamlarında sıxlıqla gördüyümüz bu rənglərdən istifadə düşündürür. Mövcud dizayn nümunəsində problemlər az deyil.

Vizual kommunikasiyada şəkillərin xüsusi önəmi var. Şəkillər sözlərdən daha gur səslə danışaraq, onların oxunmadığı, görünmədiyi, fərq edilmədiyi ərazilərdə daha faydalı ola bilirlər.

05/01/2023

Elə təəssürat yaranır ki, vizual lombardın nə olduğunu bilməyənlərə onun mahiyyətini izah edir. Lakin başlığı oxuduğumuz zaman reklamın əsas məqsədinin başqa olduğunu görürük.

Əsas məqsədimiz reklam başlığının səliqəli təqdim edilməsi, seçilən şəkillərin isə buna xidmət etməsidir.

03/01/2023

Problemli vizualın problem həll etməsinə inanmaq problemdir. Reklam mütləq şəkildə şirkətiniz, məhsulunuz, xidmətiniz haqqında təəssürat yaradır. Bunun üçün reklamı dəqiq, uyğun və yerində etməlisiniz.

Bannerdə hüquq məsləhətxanasının loqosu və əlaqə vasitələri yerləşdirilməlidir. Böyük ehtimal ki, oxlar məsləhətxananın sağda yerləşdiyini göstərmək üçün əlavə edilib. Oxlardan biri saxlanılmalı, digəri ixtisar edilməlidir. Problemin siyahı şəklində alt-alta yerləşdirilməsi onların qarışmaması, bir cümlə kimi oxunmaması üçün daha uyğun olar.

02/01/2023

Çöl reklamının əsas məqsədi məhsul və ya xidmət haqqında məlumat verməkdir. Seçilən şəkillərin sayı, çəkiliş rakursu və digər xüsusiyyətləri bu kommunikasiyanı asanlaşdırmaq üçün dəqiq yerinə yetirilməlidir.

Mövcud vizualda qarışıqlıq və baxımsızlığı aradan qaldırmaq üçün edəcəyimiz ilk iş şəkilləri ixtisar etməkdir.

01/01/2023

Mağazanın divarında yerləşdirilən çöl reklam nümunəsi daha əvvəl çox gördüyümüz qarışıq şəkillər, qırmızı fondan ibarətdir.

Çöl reklamlarında şəkillərin rolu qədər seçilən söz və cümlələrin də xüsusi rolu var. Əgər poster ilin bütün mövsümləri divardan asılı qalacaqsa (böyük ehtimal ki, elədir) o zaman "Sərin sular" başlığı qış mövsümündə öz aktuallığını itirəcək.

31/12/2022

Kafe və restoran kimi ictimai iaşə sahəsində fəaliyyət göstərən obyektlər daxili təmizliyə riayət etməli olduqları kimi xarici görünüşə də xüsusi həssaslıqla yanaşmalıdırlar. Hədəf kütlənizin kim olmasından asılı olmayaraq xidmətiniz təmiz, təhlükəsiz və etibarlı təəssürat formalaşdırmalıdır. Sadalananların heç biri mövcud nümunədə öz əksini tapmayıb.

Vinil çap əsasında hazırlanan çöl reklamları önündə şüşə, plastik kimi xüsusi qoruyucu materiallar yoxdursa, müxtəlif hava şəraitinin təsiri nəticəsində onların rəngi korlanır. Bu səbəbdən uzun müddətli istifadə üçün belə lövhələri çap edib yerləşdirmək tövsiyə edilmir.

30/12/2022

Ətrafda gördüyümüz qeyri-peşəkər dizayn nümunələri həyat tərzimizə təsir edir. Düşünürük ki, ölkəmizdə belə layihələrin sayının çox olması insanların ciddi mənada həmin işlərdə problem görməməsindən qaynaqlanır. Qara-qura olaraq niyyətimiz diqqətimizdən qaçan bu məqamı qabartmaqdır. Sizləri gözümüzü qaraldan, təxəyyülümüzü vizual zəhərləyən belə işlərlə rastlaşdığınız zaman biganə qalmamağa səsləyirik. 👈🙏

29/12/2022

Qara-qura işlərin gözümüzü qaraltmasına etiraz olaraq yanlışa diqqət çəkib, yaxşını göstərmək istəyirik. 👌

Qara-qura şəhərin arxitekturasına, vizual abu-havasına p*s təsir edən nümunələri toplayaraq problemi qabardıb, həll yolunu yazılı və obrazlı təqdim edir. Problemin müxtəlif və çox sayda dəqiq həlli ola bilər deyə bu hissəni ictimaiyyətə tam açıq etdik. Qarşınıza çıxan kobud, baxımsız işlərin şəklini çəkib qaraqura.com saytına daxil olaraq yerləşdirə bilərsiz. Sayt idarə heyəti nümunəni sayta yerləşdirdikdən sonra problem və həll yolu yazılı təqdim ediləcəkdir. Eləcə də sayta daxil olan ziyarətçilər istənilən dizayn nümunəsinə öz həll yolunu yükləyə bilər. Uyğun olduğu təqdirdə dizayn etdiyiniz nümunə müvafiq problemin altında yerləşdiriləcəkdir.

Məqsədimiz küçələrimizi korlayan, yaşam tərzimizə təsir edən yanlış, səliqəsiz dizayn nümunələrini işıqlandıraraq "daha yaxşı necə edə bilərik?" sualına cavab verməkdir.

Qeyri-peşəkar dizayn nümunələrini paylaşarkən zövqlü həll yollarına diqqət çəkmək üçün qərəzsiz yanaşma, dəqiq təhlil, maarifləndirici tənqid əsas dəyərlərimizdir.

Platfomanın əsas hədəfi ölkəmizdə dizaynın inkişafına dəstək verməkdir. Qara-qura yalnız dizaynerlərin deyil, hər kəsin faydalanacağı onlayn dizayn platformasıdır.

Yanlışı qabardaraq yaxşını göstər. 👈

Address

Baku

Website

https://qaraqura.com/

Alerts

Be the first to know and let us send you an email when Qara-qura posts news and promotions. Your email address will not be used for any other purpose, and you can unsubscribe at any time.