11/01/2022
1.
Malo e lelei 'a e hou'eiki mo e kainga tonga kotoa pe ho'omou me'a mai ki ho'omou "Letio Fakamafolalea Le'o 'o e Talupite" (Sound of the Trumpet).
2.
Ko e letio fakakalisitiane foki eni pea hange ko 'eku fakaafe atu mo fakataukei he ngaahi 'aho kuohili, 'oku fakataumu'a pe ki hono tufaki mo talaki e Kosipeli (MATIU 28:19,20). 'Oku 'ikai ko ha letio eni ha siasi, community, kautaha, kulupu ngaue, famili, etc ka'oku lesisita tau'ataina pea 'ikai ko ha pisinisi (Not for profit organisation), pea kuopau pe ke muimui he Lao mo e Tu'utu'uni kuo 'osi tofa 'e he Pule'anga 'Aositelelia ni. Mahu'inga 'aupito kainga tonga ke tau fakapotopoto 'i he'etau feohi, lea, to'onga, etc telia na'a tau ta'etokanga 'o ngauekovi mo ngaue hala 'aki e faingamalie 'oku tau ma'u pea mole ka kuo tomui. 'Oku 'ikai totongi ha polokalama 'o fakatatau ki he lao. Kapau pe 'e 'i ai ha'o mea'ofa or donation (according to the rules), ko e me'a tau'ataina pe ia 'a moutolu he ko 'etau letio, kaikehe pe ke mou tau'ataina he fakahoko ha'amou fa'ahinga polokalama fakalotu 'o fakatatau ki hono taumu'a.
3.
Oku to'o foki e hingoa e polokalama ni mei himi 'iloa ko ia kuo ngaue'aki he ngaahi siasi faka-kalistiane he ta'u lahi, "WHEN THE TRUMPET OF THE LORD SHALL SOUND, AND TIME SHALL BE NO MORE....."
Ko e fa'u eni 'e he tangata New York, 'Amelika, ko Semisi Militoni Peleki (James Milton Black, 1856-1938). Ko e tangata fa'uhiva eni tautefito ki he himi, faihiva, pea failautohi faka-sapate foki. Na'a ne tukupa ke ngaue ma'ae Siasi Metotisi 'Episokopale (Methodist Epsicopal Church, New York)
4.
'I ha ngaahi 'aho si'i mei heni, 'e maau leva e ngaahi teuteu ki he me'angaue, fiema'u fakalao, ngaahi tu'utu'uni fakangaue, etc pea 'e kamata leva 'etau ngaahi polokalama.
5. 'Oku ou fakafofonga atu e fakamalo loto hounga mei he kaungaue pea pehe foki ki hoku famili, 'i ho'omou kau mai ke tau tu'u fakataha hono poupou e ngaahi polokalama fakaletio 'e fakahoko. Tatau pe mo hono talitali lelei kimoutolu ki he'etau ngaahi polokalama.
6.
'Oku ou fie fakafofonga atu e fakamanatu ki he kau takilotu, faifekau, pisope, etc ke mou ta mai pe tukumai ha fekau he messenger ke tau talanoa ke mou vahevahe ke kakato e Monite ki he Sapate pe ko hono lea mahino ange..24,7 (24HRS _ 7 DAYS)
7. Malo mo e 'ofa lahi atu he hufia mei ho'omou letio fakamafolalea Le'o 'o e Talupite. 'Ofa ke fai tapuekina kitautolu 'e he 'Eiki fakataha mo e Le'o 'o e Talupite, he 'amanaki ke tau ngaue fakataha he 2022.
