Autoriteti Kombëtar për Sigurinë Kibernetike

Name: Autoriteti Kombëtar për Sigurinë Kibernetike
Address: Rruga. "Papa Gjon Pali II", Nr. 3, Kati I, Tirana, 10001, AL
Telephone: 04-22-21039

Home
Albania
Tirana
Autoriteti Kombëtar për Sigurinë Kibernetike

Contact information, map and directions, contact form, opening hours, services, ratings, photos, videos and announcements from Autoriteti Kombëtar për Sigurinë Kibernetike, Rruga. "Papa Gjon Pali II", Nr. 3, Kati I, Tirana.

08/09/2026

🇬🇧 Albania and the UK share a commitment to a safer, more secure digital future and that commitment is being put into practice together.
Through UK-Albania cyber cooperation, and with thanks to BAE Systems, Albania's National Cyber Security Authority now has a continuous, national-level view of cyber risk across government and critical infrastructure a capability built jointly and operated by Albanian personnel.
This is more than a technical project. It reflects cooperation built on trust, shared values, and a recognition that cyber resilience in one country strengthens security across the whole region.
Proud of what we've built together. 🇦🇱🇬🇧
----
🇦🇱 Shqipëria dhe Britania e Madhe ndajnë angazhimin për një të ardhme digjitale më të sigurt dhe më të mbrojtur dhe këtë angazhim po e vënë në praktikë së bashku.
Përmes bashkëpunimit kibernetik UK-Shqipëri dhe falë BAE Systems, Autoriteti Kombëtar i Sigurisë Kibernetike (AKSK) tashmë ka një pasqyrë të vazhdueshme, në nivel kombëtar, të rrezikut kibernetik në institucionet qeveritare dhe infrastrukturën kritike, një aftësi e ndërtuar së bashku dhe e operuar nga ekipi shqiptar.
Ky është më shumë se një projekt teknik. Ai reflekton bashkëpunimin e ndërtuar mbi besim, vlera të përbashkëta dhe njohjen se qëndrueshmëria kibernetike në një vend forcon sigurinë në gjithë rajonin.
Krenarë për atë që kemi ndërtuar së bashku. 🇦🇱🇬🇧

04/09/2026

📲 A do të jetë portofoli me pagesë? A do të jetë përdorimi i tij i detyrueshëm?

Përgjigjja është e qartë: përdorimi i portofolit të identitetit digjital është pa pagesë për të gjithë personat fizikë e gjithashtu vullnetar. Kush zgjedh të mos e përdorë, do të vijojë të aksesojë shërbimet publike e private përmes mjeteve ekzistuese, pa kufizime në tregun e punës apo në lirinë për të kryer biznes.

*Ligji ofron të njëjtat standarde ligjore dhe teknike që zbatohen në Bashkimin Evropian. 🇦🇱🇪🇺

02/09/2026

🔐 “Sa i sigurt do të jetë portofoli i identitetit digjital?” Kjo ishte pyetja më e përsëritur pas videos sonë të parë dhe meriton një përgjigje të qartë.

Në këtë pjesë të dytë, Autoriteti Kombëtar për Sigurinë Kibernetike sqaron si do të mbrohen identiteti dhe të dhënat tuaja, kush do t’i kontrollojë ato dhe si garantohen të njëjtat standarde ligjore dhe teknike që zbatohen në Bashkimin Evropian.

01/09/2026

Në këtë 1 Shtator, Ditën Ndërkombëtare të Grave në Sigurinë Kibernetike, sjellim në fokus një pjesë të stafit të AKSK-së, vajza dhe gra që kontribuojnë çdo ditë në misionin për një Shqipëri më të sigurt në hapësirën digjitale.

Më shumë vajza dhe gra në sigurinë kibernetike do të thotë më shumë talent, më shumë perspektiva dhe kapacitete më të forta për vendin.

Për Autoritetin Kombëtar për Sigurinë Kibernetike, mbështetja e vajzave dhe grave në këtë sektor është kthyer në iniciativa konkrete: trajnime të dedikuara, aktivitete praktike, maratona të sigurisë kibernetike dhe mundësi për zhvillimin e aftësive dhe identifikimin e talenteve të reja.

Me mbështetjen e Qeverisë Shqiptare, ky angazhim është pjesë e një vizioni më të gjerë për forcimin e kapitalit njerëzor dhe krijimin e më shumë mundësive që vajzat dhe gratë të jenë jo vetëm pjesë e transformimit digjital, por edhe të sigurisë së tij.

Sot vlerësojmë ato që janë tashmë pjesë e këtij rrugëtimi dhe punojmë që nesër të jenë edhe më shumë. 💻

31/08/2026

Identiteti juaj, dokumentet tuaja dhe nënshkrimi juaj elektronik, të gjitha në një portofol digjital.

Me ligjin nr. 51/2026, kjo bëhet pjesë e kuadrit të ri për identifikimin elektronik dhe shërbimet e besuara në Shqipëri.
Si do të funksionojë portofoli i identitetit digjital? Çfarë mundësish sjell dhe çfarë ndryshon për qytetarët, bizneset dhe institucionet?

Autoriteti Kombëtar për Sigurinë Kibernetike sjell në këtë video risitë kryesore të ligjit dhe mënyrën se si ai do ta bëjë ndërveprimin digjital më të sigurt, më të lehtë dhe më të besueshëm.

27/08/2026

Laboratori i Sigurisë Kibernetike pranë Autoritetit Kombëtar për Sigurinë Kibernetike po fuqizohet me pajisje të reja teknike, me mbështetjen e Shoqërisë Gjermane për Bashkëpunim Ndërkombëtar (GIZ), në kuadër të bashkëpunimit mes dy institucioneve.

Pajisjet u dorëzuan në kuadër të Memorandumit të Mirëkuptimit për “Laboratorin e Sigurisë Kibernetike të Ballkanit Perëndimor: Trajnim, Inovacion dhe Shkëmbim Ekspertize” (Western Balkans Cybersecurity Laboratory), i cili synon zhvillimin e laboratorit pranë AKSK-së në një qendër rajonale për trajnime të avancuara, simulime, shkëmbim njohurish dhe bashkëpunim mes ekspertëve të vendeve të Ballkanit Perëndimor.

Infrastruktura e re do të krijojë mundësi për zhvillimin e aftësive praktike të profesionistëve dhe studentëve të rajonit, veçanërisht në reagimin ndaj incidenteve, forenzikën digjitale, testimin e penetrimit dhe qëndrueshmërinë kibernetike.

Drejtori i Përgjithshëm i AKSK-së, Bledar Kazia, vlerësoi mbështetjen e GIZ dhe Qeverisë Federale Gjermane, duke theksuar se zgjerimi i këtij bashkëpunimi krijon mundësi të reja për të ndarë ekspertizën dhe për të ndërtuar kapacitete të përbashkëta me partnerët e Ballkanit Perëndimor.

Mbështetja realizohet përmes projektit “Partneriteti për Forcimin e Sigurisë Kibernetike”, financuar nga Ministria Federale e Jashtme e Gjermanisë dhe zbatuar nga GIZ.

26/08/2026

Mesazhet mashtruese mund të paraqiten si njoftime nga banka, kërkesa për pagesën e një gjobe apo lajmërime për një pako të bllokuar në postë.

Autoriteti Kombëtar për Sigurinë Kibernetike (AKSK) u bën thirrje qytetarëve të mos klikojnë në lidhje të dyshimta, të mos ndajnë të dhëna personale ose bankare dhe të verifikojnë çdo njoftim përmes kanaleve zyrtare të institucionit përkatës.

Tregohuni vigjilentë ndaj çdo mesazhi të dyshimtë.

22/08/2026

Autoriteti Kombëtar për Sigurinë Kibernetike (AKSK), në kuadër të angazhimit të përditshëm për garantimin e një hapësire kibernetike të sigurt në vend, ka evidentuar vulnerabilitete kritike në WordPress, të cilat kërkojnë ndërhyrje të menjëhershme nga të gjitha subjektet që përdorin versionet e prekura.

Teknologjia e prekur: WordPress

Versionet e prekura:

- WordPress 7.0.0 – 7.0.1
- WordPress 6.9.0 – 6.9.4
- WordPress 6.8.0 – 6.8.5 (prekur nga CVE-2026-60137)

🔴 CVE-2026-63030 – Vulnerabilitet në WordPress Core REST API Batch Endpoint

Versionet e WordPress para 7.0.2 janë të prekura nga një vulnerabilitet në REST API Batch Endpoint, i cili mund të mundësojë SQL Injection dhe Remote Code Ex*****on (RCE).

Niveli: Kritik
CVE: CVE-2026-63030
CVSS: 9.8
Data e alertit: 17.07.2026

🔴 CVE-2026-60137 – Vulnerabilitet SQL Injection në WordPress

Versionet e prekura të WordPress nuk e pastrojnë siç duhet parametrin “author__not_in” të “WP_Query”, duke krijuar mundësinë për SQL Injection në rastet kur një plugin ose theme i kalon këtij parametri të dhëna të pabesueshme.

Niveli: Kritik
CVE: CVE-2026-60137
CVSS: 9.1
Data e alertit: 17.07.2026

Menjëherë pas publikimit të këtyre vulnerabiliteteve, ekipet e AKSK kanë njoftuar infrastrukturat kritike dhe të rëndësishme të informacionit, duke kërkuar kryerjen urgjente të përditësimeve të nevojshme.

Ky njoftim u drejtohet gjithashtu të gjitha institucioneve, organizatave, bizneseve dhe administratorëve të faqeve publike në Republikën e Shqipërisë që përdorin WordPress.

AKSK rekomandon përditësimin e menjëhershëm të WordPress në versionin më të fundit të sigurt, për të reduktuar ekspozimin ndaj shfrytëzimit të këtyre vulnerabiliteteve dhe për të parandaluar cenimin e sistemeve dhe të dhënave.

20/08/2026

Pushimet janë për t’u shijuar, por siguria kibernetike nuk duhet lënë pas. ☀️🔐

Gjatë udhëtimeve, një rrjet Wi-Fi publik, një rezervim online, një kod QR apo edhe një postim në rrjetet sociale mund të kërkojë më shumë kujdes nga sa mendoni.

Autoriteti Kombëtar për Sigurinë Kibernetike ju sjell disa këshilla praktike për të mbrojtur pajisjet, llogaritë dhe të dhënat tuaja gjatë pushimeve verore.

🔗 Për më shumë, lexoni artikullin e plotë në faqen e AKSK: https://aksk.gov.al/siguria-kibernetike-gjate-pushimeve-verore-keshilla-per-nje-udhetim-te-sigurt/

19/08/2026

Gjatë gjashtëmujorit të parë të vitit 2026, AKSK identifikoi 131 raste të rrjedhjes së kredencialeve të aksesit në Infrastrukturat Kritike dhe të Rëndësishme të Informacionit, duke evidentuar se komprometimi i llogarive vijon të mbetet një nga sfidat kryesore të sigurisë kibernetike.

Administrata publike rezulton sektori më i prekur, me 98 raste, e ndjekur nga infrastruktura digjitale me 10 raste. Këto të dhëna nënvizojnë rëndësinë e forcimit të masave për mbrojtjen e kredencialeve dhe parandalimin e aksesit të paautorizuar në sisteme.

Përdorimi i fjalëkalimeve unike dhe komplekse, si dhe aktivizimi i autentifikimit me shumë faktorë (MFA), janë ndër masat kryesore për reduktimin e rrezikut të komprometimit.

AKSK vijon monitorimin dhe analizimin e kërcënimeve dhe ekspozimeve në hapësirën kibernetike, si dhe bashkëpunimin me institucionet për forcimin e masave parandaluese dhe rritjen e qëndrueshmërisë së sistemeve.

Address

Rruga. "Papa Gjon Pali II", Nr. 3, Kati I
Tirana
10001

Telephone

04-22-21039

Website

http://www.aksk.gov.al/

Alerts

Be the first to know and let us send you an email when Autoriteti Kombëtar për Sigurinë Kibernetike posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Autoriteti Kombëtar për Sigurinë Kibernetike: