Autoriteti Kombëtar për Sigurinë Kibernetike

Autoriteti Kombëtar për Sigurinë Kibernetike Contact information, map and directions, contact form, opening hours, services, ratings, photos, videos and announcements from Autoriteti Kombëtar për Sigurinë Kibernetike, Rruga. "Papa Gjon Pali II", Nr. 3, Kati I, Tirana.

🔐 Bashkëpunimi, koordinimi dhe shkëmbimi i informacionit mbeten ndër elementët më të rëndësishëm për forcimin e sigurisë...
17/06/2026

🔐 Bashkëpunimi, koordinimi dhe shkëmbimi i informacionit mbeten ndër elementët më të rëndësishëm për forcimin e sigurisë kibernetike në nivel kombëtar.

Në këtë kuadër, Autoriteti Kombëtar për Sigurinë Kibernetike zhvilloi një takim me përfaqësues të Infrastrukturave Kritike dhe të Rëndësishme të Informacionit, ku u diskutuan sfidat aktuale të sigurisë kibernetike, zhvillimet më të fundit në peizazhin e kërcënimeve dhe prioritetet për forcimin e qëndrueshmërisë së sektorëve kritikë.

Takimi ofroi një mundësi për dialog të hapur mbi nevojat, sfidat dhe mundësitë për bashkëpunim, me fokus rritjen e kapaciteteve, përmirësimin e koordinimit dhe ndërtimin e një qasjeje të përbashkët ndaj menaxhimit të rreziqeve kibernetike.

AKSK mbetet e angazhuar të punojë ngushtë me të gjithë aktorët e ekosistemit për të garantuar një hapësirë digjitale më të sigurt, më të qëndrueshme dhe më rezistente ndaj kërcënimeve kibernetike.

🤝 Një falënderim i veçantë për DCAF për mbështetjen e vazhdueshme dhe kontributin në forcimin e ekosistemit të sigurisë kibernetike në Shqipëri.

⚠️ Kujdes nga thirrjet mashtruese me video që imitojnë banka dhe institucione të njohura!Autoriteti Kombëtar për Sigurin...
17/06/2026

⚠️ Kujdes nga thirrjet mashtruese me video që imitojnë banka dhe institucione të njohura!

Autoriteti Kombëtar për Sigurinë Kibernetike (AKSK) ka identifikuar raste të thirrjeve të dyshimta përmes aplikacioneve të komunikimit, ku përdoruesit kontaktohen nga adresa e-maili që përdorin emra, logo dhe identitete vizuale të bankave apo institucioneve të njohura për të fituar besimin e tyre.

🎭 Mashtruesit mund të paraqiten si përfaqësues të një banke ose institucioni, duke pretenduar se ka probleme me llogarinë tuaj, se kërkohet verifikim i të dhënave ose se duhet të kryeni një veprim urgjent.

❌ Mos ndani:
▪️ Kredencialet e hyrjes në llogaritë tuaja;
▪️ Kodet OTP ose kodet e verifikimit;
▪️ Të dhëna të kartave bankare;
▪️ Informacione të tjera personale apo financiare.

✅ Për t’u mbrojtur:
▪️ Verifikoni gjithmonë identitetin e personit që ju kontakton përmes kanaleve zyrtare të institucionit përkatës;
▪️ Mos i besoni vetëm emrit, logos apo fotos së profilit;
▪️ Mos klikoni lidhje dhe mos instaloni aplikacione të dërguara gjatë komunikimit;
▪️ Ndërprisni menjëherë telefonatën nëse e keni hapur dhe ju kërkohen informacione;
▪️ Bllokoni (Block) dhe raportoni (Report) llogaritë ose kontaktet e dyshimta në platformën përkatëse.

📢 Bankat dhe institucionet nuk ju kërkojnë kredencialet, fjalëkalimet apo kodet e sigurisë përmes telefonatave, videothirrjeve apo mesazheve.

Nëse hasni raste të ngjashme, ruani provat dhe raportojini pranë AKSK-së në https://aksk.gov.al/raporto-5/

16/06/2026

🔐 Autoriteti Kombëtar për Sigurinë Kibernetike zhvilloi një takim me përfaqësues të Infrastrukturave Kritike dhe të Rëndësishme të Informacionit, me fokus forcimin e qëndrueshmërisë kibernetike kombëtare dhe thellimin e bashkëpunimit ndërmjet institucioneve publike dhe operatorëve privatë.

Në fjalën e tij, Drejtori i Përgjithshëm i AKSK-së, Bledar Kazia, vlerësoi bashkëpunimin me Infrastrukturat Kritike dhe të Rëndësishme të Informacionit dhe rolin e tyre në forcimin e sigurisë kibernetike në vend. Ai theksoi se, përballë një mjedisi kërcënimesh gjithnjë në zhvillim, raportimi i incidenteve, komunikimi i vazhdueshëm dhe reagimi i koordinuar mbeten elementë kyç për mbrojtjen e infrastrukturave.

Gjatë takimit u diskutuan gjithashtu prioritetet e Autoritetit për periudhën në vijim, përfshirë forcimin e kapaciteteve monitoruese, ngritjen e CSIRT-eve sektoriale dhe mbështetjen e vazhdueshme të infrastrukturave kritike dhe të rëndësishme përmes auditimeve, testimeve të sigurisë dhe trajnimeve të zhvillimit të kapaciteteve.

Takimi shërbeu si një platformë dialogu për adresimin e sfidave të përbashkëta dhe për forcimin e mëtejshëm të bashkëpunimit në funksion të një mjedisi digjital më të sigurt dhe më të qëndrueshëm.

AKSK falënderon DCAF për mbështetjen dhe partneritetin e vazhdueshëm në forcimin e kapaciteteve kombëtare të sigurisë kibernetike

15/06/2026

👧🏼🛡️ Siguria e fëmijëve në mediat sociale fillon me informimin dhe kujdesin e vazhdueshëm.

➡️ Bisedoni rregullisht me fëmijët për përvojat e tyre online dhe rreziqet që mund të hasin.

➡️ Përdorni kontrollet prindërore për të kufizuar aksesin në përmbajtje të papërshtatshme dhe për të monitoruar aktivitetin e tyre.

➡️ Mësojini të mos ndajnë informacione personale dhe të jenë të kujdesshëm me personat që njohin online.

➡️ Inkurajojini të raportojnë çdo sjellje, mesazh apo aktivitet të dyshimtë.

➡️ Nëse hasni raste të dyshimta mashtrimi, abuzimi apo kërcënimi online, raportojini në: https://aksk.gov.al/raporto-5/

📍Autoriteti Kombëtar për Sigurinë Kibernetike (AKSK) zhvilloi trajnimin e katërt dhe të fundit në kuadër të ciklit të tr...
11/06/2026

📍Autoriteti Kombëtar për Sigurinë Kibernetike (AKSK) zhvilloi trajnimin e katërt dhe të fundit në kuadër të ciklit të trajnimeve teknike të dedikuara për përfaqësues të disa institucioneve të pavarura, me fokus në Endpoint Detection & Response (EDR) dhe mbrojtjen e pajisjeve fundore nga kërcënimet kibernetike. 🛡️💻

Gjatë trajnimit, pjesëmarrësit u njohën me qasje dhe mjete që mundësojnë monitorimin e vazhdueshëm të pajisjeve fundore, identifikimin e aktiviteteve të dyshimta dhe reagimin ndaj incidenteve të sigurisë. Përmes sesioneve praktike, ata eksploruan teknika për zbulimin e kërcënimeve dhe forcimin e mbrojtjes së sistemeve ndaj sulmeve kibernetike. 🔐📊

Ky trajnim përmbylli ciklin e trajnimeve teknike të organizuara nga AKSK, të cilat synuan forcimin e kapaciteteve profesionale të institucioneve në monitorimin, mbrojtjen dhe reagimin ndaj incidenteve kibernetike, si dhe rritjen e qëndrueshmërisë së tyre digjitale. 🌐🤝

🙏 Falenderim i veçantë për DCAF për mbështetjen dhe bashkëpunimin në realizimin e këtij cikli trajnimesh.

📍 Përfundoi me sukses faza e dytë e procesit të përzgjedhjes së ekipit që do të përfaqësojë Shqipërinë 🇦🇱 në European Cy...
10/06/2026

📍 Përfundoi me sukses faza e dytë e procesit të përzgjedhjes së ekipit që do të përfaqësojë Shqipërinë 🇦🇱 në European Cybersecurity Challenge (ECSC) 2026.

Për dy ditë me radhë, rreth 25 studentë dhe të rinj të apasionuar pas teknologjisë dhe sigurisë kibernetike morën pjesë në këtë fazë selektimi, duke testuar aftësitë e tyre në kategori të ndryshme të sfidave Capture The Flag (CTF), si web security, cryptography, digital forensics, reverse engineering dhe fusha të tjera të sigurisë kibernetike.

🎯 Në përfundim të kësaj faze intensive do të përzgjidhen 10 kandidatët më të mirë, të cilët do të formojnë ekipin kombëtar shqiptar për pjesëmarrjen në European Cybersecurity Challenge 2026, kompeticioni më i madh evropian për talentet e reja të sigurisë kibernetike, i organizuar nga European Union Agency for Cybersecurity (ENISA).

🌍 ECSC 2026 do të zhvillohet nga 12–16 tetor 2026 në Bochum, Gjermani, dhe pritet të mbledhë rreth 500 pjesëmarrës nga më shumë se 35 vende evropiane, të cilët do të konkurrojnë në sfida praktike të sigurisë kibernetike dhe do të shkëmbejnë eksperienca me talentet më të mira të kontinentit.

👏 Urime të gjithë pjesëmarrësve për përkushtimin dhe performancën e treguar, si dhe suksese ekipit shqiptar në rrugëtimin drejt ECSC 2026! 🇦🇱🔐

⚠️ Kujdes nga fushatat e përsëritura mashtruese që imitojnë e-Albania apo institucionet shtetërore!Autoriteti Kombëtar p...
08/06/2026

⚠️ Kujdes nga fushatat e përsëritura mashtruese që imitojnë e-Albania apo institucionet shtetërore!

Autoriteti Kombëtar për Sigurinë Kibernetike është njoftuar për një rast të ri mashtrimi, i shpërndarë përmes SMS-ve, ku qytetarët informohen për gjoba trafiku të papaguara dhe ftohen të klikojnë në një link për të kryer pagesën.

Linku i dërguar ridrejton përdoruesit drejt një faqeje që imiton platformën zyrtare e-Albania, me qëllim mbledhjen e të dhënave personale dhe bankare të qytetarëve.

Menjëherë pas identifikimit të rastit, AKSK ka ndërmarrë veprimet përkatëse dhe në bashkëpunim me institucionet përgjegjëse, domain-et në këtë aktivitet mashtrues janë referuar për trajtim dhe bllokim.

🚨 BËNI KUJDES!
❌ Mos klikoni në linke të dyshimta që ju vijnë përmes SMS-ve, aplikacioneve të komunikimit apo rrjeteve sociale.
❌ Mos vendosni të dhënat e kartave bankare apo kredencialet e aksesit në faqe të pa verifikuara.
❌ Mos u ndikoni nga mesazhe që krijojnë ndjesinë e urgjencës apo kërcënojnë me penalitete financiare.

✅ Verifikoni gjithmonë adresën e faqes së internetit përpara se të identifikoheni ose të kryeni pagesa.
✅ Shërbimet e e-Albania aksesohen vetëm përmes adresave zyrtare institucionale.
✅ Raportoni pranë autoriteteve çdo mesazh apo faqe që dyshoni se mund të jetë mashtrues.

📢 Sulmuesit kibernetikë vijojnë të përdorin tema që lidhen me gjoba, pagesa dhe shërbime publike për të mashtruar qytetarët dhe për të vjedhur të dhëna sensitive. Tregoni kujdes të shtuar dhe verifikoni gjithmonë burimin e informacionit përpara se të ndërmerrni veprime online.

🚨 KUJDES NGA MESAZHET MASHTRUESEAutoriteti Kombëtar për Sigurinë Kibernetike (AKSK) ka identifikuar një fushatë mashtrim...
07/06/2026

🚨 KUJDES NGA MESAZHET MASHTRUESE

Autoriteti Kombëtar për Sigurinë Kibernetike (AKSK) ka identifikuar një fushatë mashtrimi përmes mesazheve SMS, të cilat paraqiten si njoftime për gjoba trafiku të papaguara dhe ridrejtojnë përdoruesit drejt faqeve që imitojnë platformën zyrtare e-Albania me qëllim përvetësimin e të dhënave personale, kredencialeve dhe informacioneve bankare.

AKSK ka ndërmarrë masat e nevojshme duke referuar pranë Drejtorisë për Hetimin e Krimeve Kibernetike në Policinë e Shtetit, si dhe pranë AKEP, domain-et dhe adresat IP të përdorura në këtë aktivitet keqdashës për marrjen e masave përkatëse të bllokimit.

⚠️ Mesazhet përmbajnë lidhje të dyshimta që synojnë të përvetësojnë të dhëna personale, kredenciale dhe informacione bankare.

🛡️ Për t’u mbrojtur:

* Mos klikoni në lidhje të dyshimta.
* Mos ndani të dhëna personale apo bankare.
* Verifikoni gjithmonë adresën e faqes që po vizitoni.
* Përdorni vetëm kanalet zyrtare për të kontrolluar apo kryer pagesa.

📢 Nëse dyshoni se keni rënë pre e këtij mashtrimi, kontaktoni menjëherë bankën tuaj dhe raportoni rastin pranë autoriteteve përkatëse.

🇦🇱🇪🇺🇫🇷 Shqipëria merr vlerësime të veçanta për progresin e arritur në fushën e sigurisë kibernetike gjatë Paris Cyber Su...
06/06/2026

🇦🇱🇪🇺🇫🇷 Shqipëria merr vlerësime të veçanta për progresin e arritur në fushën e sigurisë kibernetike gjatë Paris Cyber Summit 2026, ku u theksuan zhvillimet e rëndësishme në forcimin e ekosistemit kombëtar të sigurisë kibernetike dhe roli i vendit si lider në rajonin e Ballkanit Perëndimor. Në këtë aktivitet, Autoriteti Kombëtar për Sigurinë Kibernetike u përfaqësua nga Drejtori i Përgjithshëm, Bledar Kazia, si pjesë e delegacionit zyrtar shqiptar.

Gjatë diskutimeve të zhvilluara në Senatin Francez, u vlerësua veçanërisht fakti që Shqipëria është ndër vendet e pakta në Evropë që ka transpozuar plotësisht Direktivën NIS2 në legjislacionin kombëtar, së bashku me aktet përkatëse nënligjore. Gjithashtu, u evidentuan si arritje të rëndësishme rritja e kapaciteteve operacionale monitoruese, parandaluese dhe reaguese, ngritja e CSIRT-eve sektoriale dhe forcimi i mbrojtjes së infrastrukturave kritike dhe shërbimeve thelbësore.

Në kuadër të samitit, Drejtori i Përgjithshëm zhvilloi takime dypalëshe me përfaqësues të Cybersecurity and Infrastructure Security Agency (CISA), Agenzia per la Cybersicurezza Nazionale (ACN) të Italisë dhe partnerë të tjerë ndërkombëtarë, me fokus bashkëpunimin strategjik dhe operacional në fushën e sigurisë kibernetike.

Samiti mblodhi ministra, vendimmarrës dhe drejtues të sigurisë kibernetike nga vende të ndryshme për të diskutuar mbi forcimin e qëndrueshmërisë kibernetike në kushtet e transformimit të shpejtë digjital, sfidave gjeopolitike dhe kërcënimeve gjithnjë e më të sofistikuara në hapësirën kibernetike.

🔐 Ke një biznes të vogël apo të mesëm (SME)?Sulmet kibernetike nuk prekin vetëm institucionet apo kompanitë e mëdha. Biz...
05/06/2026

🔐 Ke një biznes të vogël apo të mesëm (SME)?

Sulmet kibernetike nuk prekin vetëm institucionet apo kompanitë e mëdha. Bizneset e vogla dhe të mesme janë gjithnjë e më shumë në fokus të kërcënimeve që mund të ndikojnë në aktivitetin, të dhënat dhe punën e tyre.

Në kuadër të Programit Kombëtar për Ngritjen e Kapaciteteve të Sigurisë Kibernetike për SME-ve, Autoriteti Kombëtar për Sigurinë Kibernetike, me mbështetjen e DCAF, fton përfaqësues të bizneseve të bëhen pjesë e takimit të parë ndërgjegjësues që do të zhvillohet më 18 qershor 2026.

Takimi synon të rrisë ndërgjegjësimin mbi rreziqet kibernetike, të prezantojë praktika bazë për mbrojtjen e bizneseve në mjedisin digjital dhe të nxisë një qasje më proaktive ndaj sigurisë kibernetike.

📅 Afati i aplikimit: 15 qershor 2026
🔗 Regjistrohu përmes linkut: https://forms.office.com/e/jGsqhV7WBa

Address

Rruga. "Papa Gjon Pali II", Nr. 3, Kati I
Tirana
10001

Telephone

04-22-21039

Website

Alerts

Be the first to know and let us send you an email when Autoriteti Kombëtar për Sigurinë Kibernetike posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Autoriteti Kombëtar për Sigurinë Kibernetike:

Shortcuts

Share