Opportunity SH.P.K

12/07/2022

Puno me ne!

Plotësoni aplikimin duke klikuar linkun.
http://45.32.238.169/onlineApplication.php

27/06/2022

Javë të mbarë Opportunity! 🤗

17/05/2022

Një nga problemet më thelbësore që mund të të ndikojë për keq gjatë hiking, është dehidratimi. Si fillim duhet pasur parasysh se kur je në grup, pushimin nuk mund ta diktojë vetëm njëri dhe kurrësesi nuk mund të bëhesh pengesë për ritmin e përgjithshëm të ecjes, për këtë ja katër-pesë këshilla për t’i pasur parasysh në mënyrë që simptomat e dehidratimit të të rrijnë larg:
1. Për të rikuperuar lëngjet dhe kripërat e humbura gjatë natës, përpara se të nisesh për në guidë mund të pish diçka më pak se një shishe të vogël ujë (rreth 0.3-0.4l) ose çaj të ftohtë.
2. Këshilla ideale është që të mos e rëndosh trupin me sasi të mëdha lëngjesh por të fiksosh intervale të shpeshta. 3-4 gllënka uji/lëng frutash çdo 20 minuta!
3. Ushqehu me ndonjë gjë të shpejtë: Karbohidratet janë çelësi kryesor për të furnizuar këmbët me energji dhe ritëm. Thuhet se çdo gram karbohidrate mund të stimulojë deri në 3 gramë lëngje në sistemin tretës dhe për rrjedhojë të nxisë hidratimin e trupit. Kështu e këshillueshme është që në çdo pushim që mund të bësh me grupin të konsumosh ndonjë gjë të shpejtë: fruta; biskota; çokollata apo ndonjë ushqim të lehtë. Shmang në mënyrë kategorike të ushqehesh rëndë në pushime, kjo pasi do të të bëjë dëm dhe do të të shkaktojë dhembje/sforcim të aparatit tretës ndërsa je në ecje!
4. Mos i neglizho shenjat: Dhembjet e kokës, marramendjet apo vështirësitë në të përqendruarit janë simptoma të dehidratimit. Ilaçi më i mirë është: pushimi, ushqimi dhe pirja e lëngjeve. Ndjesitë e ankthit, pulset e shpeshta apo edhe të dobëta të rrahjeve të zemrës mund të jenë gjithashtu shenja të dehidratimit. Po kështu edhe lëkura e thatë, dhe trashja e pështymës janë shenja që nuk duhen neglizhuar pasi nëse shoqërohen me të gjitha simptomat që thamë, tregojnë për dehidratim serioz. Nëse po vuan ndjesi të tilla teksa po shtegton me miqt e tu, dhe gjërat nuk po shkojnë drejt përmirësimit, mos vazhdo më tej! Ndalu! Pusho! Ndërprite udhëtimin!
Asgjë nuk duhet të na i prishë humorin, dëshirën dhe ndjesitë që na ofron hiking, prandaj këshillat më lart janë për t’i paraprirë çdo lloj situate.

02/05/2022

Gëzuar Bajramin të gjithë besimtarëve musliman!

23/04/2022

23 Prilli festohet si Dita Botërore e Librit në mbarë globin. E njohur edhe si Dita Botërore e Librit dhe e të Drejtave të Autorit, kjo ditë është një ditë e rëndësishme për letërsinë pasi shënon lindjen dhe vdekjen e disa autorëve të shquar. William Shakespeare, Miguel de Cervantes dhe Josep Pla vdiqën më 23 prill dhe Manuel Mejia Vallejo dhe Maurice Druon lindën më 23 prill. Dita Botërore e Librit organizohet nga Organizata e Kombeve të Bashkuara për Arsim, Shkencë dhe Kulturë (UNESCO).
•
•
•
•
•

22/04/2022

Truri shëtiti në kavanoz për 43 vjet

Pas vdekjes në vitin 1955, truri i Ajnshtajnit u hoq pa lejen e familjes nga Thomas Harvey që kreu autopsinë. Ai e mori trurin në shtëpi dhe më vonë u pushua nga puna për shkak se refuzoi ta dorëzonte organin. Shumë vite më vonë, kur Harvey mori leje nga Hansi ta studionte trurin, i dërgoi copëza disa shkencëtarëve në të gjithë botën. Njëra prej tyre ishte Marian Diamond nga Universiteti Berkeley, e cila zbuloi se ai kishte më shumë qeliza në atë pjesë të trurit që ishte përgjegjëse për sintetizimin e informacionit. Neuronet e trurit të tij, që ishte më i madh se normalja, komunikonin më mirë me njëri-tjetrin, për shkak se mungonte një “rrudhë” e quajtur prerja silviane. Studime të tjera sugjerojnë se truri i Ajnshtajnit ishte i dendur dhe se lobi inferior, që ka të bëjë me aftësitë për matematikë, ishte më i madh se truri normal.

22/04/2022

Kur Nelson Mandela ishte student, një profesor me mbiemrin Peters nuk e kishte fare qejf.
Një ditë, Peters po hante drekë në mensë, kur Mandela erdhi me tabakanë e tij dhe u ul ngjitur me profesorin, ai i tha: “z. Mandela, ju nuk e kuptoni, një derr dhe një zog nuk ulen kurrë bashkë për të
ngrënë.”
Mandela iu përgjigj me qetësi: “Mos u shqetësoni profesor, unë do të fluturoj larg,” dhe shkoi të ulej në një tavolinë tjetër.
Peters i skuqur nga inati, vendosi të hakmerrej. Të nesërmen në klasë ai bëri këtë pyetje: “z. Mandela, nëse do të ish*t duke ecur në rrugë, dhe do gjenit një pako, dhe brenda saj ka një çantë me dije, dhe një tjetër me para, cilën do të zgjidhnit?”
Pa hezituar Mandela u përgjigj: “Atë me para, sigurisht”. Peters, duke buzëqeshur, u përgjigj: “Unë në vendin tënd do të kisha marrë atë me dije”.
Nelson Mandela ngriti shpatullat dhe u përgjigj: “Të gjithë marrin atë që nuk kanë”.
Peters në këtë pikë e kishte humbur toruan. Kaq i madh ishte zemërimi i tij, sa në fletën e provimit të Mandelës shkroi fjalën “idiot” dhe ia dha atij.
Mandela mori fletën e provimit dhe u ul në bankën e tij duke u përpjekur të ruante qetësinë, ndërsa mendonte lëvizjen e tij të radhës.
Disa minuta më vonë, Nelson Mandela u ngrit, shkoi te profesori dhe i tha me një ton shumë të denjë e të sjellshëm: “Z. Peters, e keni firmosur fletën e provimit, por nuk më keni dhënë një notë.”

21/04/2022

BETIMI I HIPOKRATIT
Me të hyrë në radhët e anëtarëve të profesionit mjekësor dhe farmaceutik, betohem solemnisht se jetën time do ta vë në shërbim të njerëzimit.
Për mësuesit e mi do të kem gjithmonë mirënjohje dhe mirësjellje të merituar.
Detyrën time do ta ushtroj me ndërgjegje e dinjitet.
Përkushtimi im më i madh do të jetë shëndeti i të sëmurit.
Do ta ruaj fshehtësinë e atij që më beson në profesionin tim.
Do ta ruaj nderin dhe traditën fisnike të profesionit mjekësor dhe farmaceutik me tërë fuqinë që kam.
Kolegët e mi do ti kem shokë dhe vëllezër.
Në punën time me të sëmurët nuk do të ndikojnë kurrfarë paragjykimesh kombëtare, racore, fetare,politike ose klasore.
Jetën e njeriut do ta respektoj plotësisht.
Nuk do të lejoj, as në rrethana kërcënimi që, dija ime mjekësore dhe farmaceutike të përdoret në kundërshtim me ligjet e njerëzimit.
Këtë betim e bëj solemnisht dhe me vullnet të lirë, duke u mbështetur në nderin dhe ndërgjegjen time profesionale dhe njerëzore.

11/02/2022

1.Marrëdhënia e grave në shkencë është karakterizuar gjithmonë me vështirësi. Atyre i është dashur të thyejnë barrierat e mentaliteteve kryesisht mashkullore për të çarë udhën mes kolegëve meshkuj dhe të fitojnë respekt.
Po ta mendojmë, janë të pakët ata që dinë se zbulimi që ka revolucionuar gjenetikën njerëzore dhe studimet mbi të, dmth zbulimi i spirales së dyfishtë të ADN-së, është meritë e një gruaje, Rosalind Franklin, por fatkeqësisht asaj nuk ju njoh kurrë merita, që i kaloi gabimisht dy shkencëtarëve Watson dhe Crick, të cilëve “iu dhurua” çmimi nobel për një zbulim të tillë.
Një fat i ngjashëm do i përkiste edhe një shkencëtareje shqiptare, të parës, Sabiha Kasimati.Sabihaja ishte gati të publikonte veprën e saj voluminoze “Peshqit e Shqipërisë”, por ja që fati i saj ndërthuret me atë të Rosalind Franlin, sepse vepra e saj nuk u publikua kurrë në emrin e autores së vërtetë, Sabiha Kasimati, por në emrin e një shkencëtari rus Anatoli Poliakov, dhe të dy sudiuesve fillestarë Ndoc Filipi e Ndoc Rakaj.
2.Shkencëtarja e njohur shqiptaro-amerikane Dr. Laura Mersini flet lidhur me teorinë e saj të “multiversit”, dallimin e shkencës nga religjioni, spekulimet rreth çmimit Nobel etj.Laura ka shtjelluar probleme lidhur me teoritë aktuale për krijimin e universit. Në këtë kontekst ajo ka mbrojtur teorinë e saj që vë në pikëpyetje teorinë e “Big Bang”. Sepse, dr. Mersini pyet: çfarë ka pasur para kësaj dhe këtë e shtjellon në Teorinë e saj të “Multiversit” që domethënë se ka më shumë se një univers. Sipas saj, teoria e Big Bang-ut është e pamjaftueshme për të shpjeguar krijimin e universit. Dhe, kjo teori e kozmologes shqiptare, ka pasur një aprovim nga qarqe shkencore të avancuara në botë.
3.Shkencëtarja shqiptare, Klejda Bega nga Elbasani, është në prag të çmimit Nobel, pasi në arritjet e saj në shkencë, ka gjetur një formulë që mund të
lëvizë atomet sipas dëshirës nëse përdor një procedurë të veçantë dhe disa pajisje sipas skemës së krijuar prej saj.
Që në fillim, Bega ka qenë një nxënëse e shkëlqyer duke u rreshtuar në studentët ekselentë dhe fituese e vazhdueshme e Olimpiadave të Matematikës
dhe Fizikës në Shqipëri.
4.Në këtë listë mund të shtojmë edhe binjaket Argita dhe Detina Zalli. Të cilat kanë studiuar Imunologji dhe Biologji Molekulare.
5. Xhulia Kurti, studentja shqiptare që fitoi çmimin e dytë në Gjermani pasi paraqiti ide inovative për dërgimin e materialeve përmes ‘Smartphone’ edhe pa internet dhe pa paguar faturën. 23 vjeçarja u përzgjodh nga juria mes 26 finalistë.

04/02/2022

Intervistë me Doris Bisha. Zbuluam pasionin e saj, frikën e saj më të madhe, e plot gjëra të tjera.
Who’s gonna be next?!

01/02/2022

Filluam sezonin e intervistave me Marsit Halluni. Who’s gonna be next?😌

03/12/2021