Khost C.I.T خوست د مخابراتو او معلوماتي ټکنالوجۍ ریاست

  • Home
  • Afghanistan
  • Khost
  • Khost C.I.T خوست د مخابراتو او معلوماتي ټکنالوجۍ ریاست

Khost C.I.T خوست د مخابراتو او معلوماتي ټکنالوجۍ ریاست زموږ اداره یوه دولتي ملکي خدمتي اداره ده چې عامو خلکو ت?

اترا ادارې له دریو مخابراتي شرکتونو سره د هېواد د ۷ ولایتونو په لیرې پرتو او له خدمتونو محرومو سیمو کې د ۱۱ مخابراتي آنت...
14/07/2026

اترا ادارې له دریو مخابراتي شرکتونو سره د هېواد د ۷ ولایتونو په لیرې پرتو او له خدمتونو محرومو سیمو کې د ۱۱ مخابراتي آنتنونو د جوړولو تړون لاسلیک کړ.
د افغانستان د مخابراتي خدمتونو د تنظیم ادارې

بسم الله الرحمن الرحیمپه خوست ولایت کې د اتصالات مخابراتي شرکت پنځه سایټونه له 3G څخه 4G خدمتونو ته لوړ شولد خوست ولایت ...
11/07/2026

بسم الله الرحمن الرحیم
په خوست ولایت کې د اتصالات مخابراتي شرکت پنځه سایټونه له 3G څخه 4G خدمتونو ته لوړ شول

د خوست ولایت د مخابراتو او معلوماتي ټکنالوجۍ ریاست د دوامداره هڅو، د مخابراتو او معلوماتي ټکنالوجۍ وزارت د لارښوونو او د اتصالات مخابراتي شرکت په همکارۍ، په خوست ولایت کې د اتصالات مخابراتي شرکت پنځه مخابراتي سایټونه له 3G څخه 4G خدمتونو ته لوړ او فعال شول.

په دې لړ کې د نادرشاه‌کوټ (KWT027)، موسی‌خېل (KWT028)، د خوست مرکز لکڼ (KWT04)، د خوست مرکز ماڼۍ (KWT037) او تڼیو درګي (KWT046) سایټونه د 4G ټکنالوجۍ په وسیله ارتقا وموندله، چې له امله به یې د یادو سیمو اوسېدونکي د لوړ کیفیت انټرنېټي او مخابراتي خدمتونو څخه برخمن شي او د انټرنېټ او مخابراتي اړیکو ډېری ستونزې به تر ډېره بریده هوارې شي.

د خوست ولایت د مخابراتو او معلوماتي ټکنالوجۍ ریاست ژمن دی چې د مرکزي ادارې د لارښوونو په رڼا کې، له خصوصي مخابراتي شرکتونو سره د اغېزمنې همغږۍ له لارې د ولایت محرومې او لرې پرتې سیمې تر مخابراتي پوښښ لاندې راولي، د مخابراتي خدمتونو کیفیت لا ښه کړي او د مخابراتي او انټرنېټي اسانتیاوو د پراختیا لپاره خپلو هڅو ته دوام ورکړي.

د خوست ولایت د مخابراتو او معلوماتي ټکنالوجۍ ریاست

بسم الله الرحمن الرحیمد ځاځي میدان ولسوالۍ او شاوخوا سیمو د اوسېدونکو لپاره د خوښۍ زېری!د خوست ولایت د مخابراتو او معلوم...
09/07/2026

بسم الله الرحمن الرحیم
د ځاځي میدان ولسوالۍ او شاوخوا سیمو د اوسېدونکو لپاره د خوښۍ زېری!
د خوست ولایت د مخابراتو او معلوماتي ټکنالوجۍ ریاست د دوامداره هڅو او د مخابراتو او معلوماتي ټکنالوجۍ وزارت د محترمې رهبرۍ د ځانګړې پاملرنې او همکارۍ په پایله کې، د خوست ولایت د ځاځي میدان ولسوالۍ اړوند د شیرپاڼۍ غره پر سر د افغان ټیلی‌کام مخابراتي شرکت د TDF لسمې پروژې په چوکاټ کې نوی مخابراتي سایټ په بریالیتوب سره بشپړ او په رسمي توګه ګټې اخیستنې ته وسپارل شو.
یاد مخابراتي سایټ نن ورځ په رسمي ډول خپل عملي فعالیت او د مخابراتي خدمتونو وړاندې کول پیل کړل.
د یادونې وړ ده چې د ځاځي میدان ولسوالۍ اړوند دغه سیمه او شاوخوا کلي له اوږدې مودې راهیسې د مخابراتي او انټرنېټي خدمتونو له جدي ستونزو سره مخ وو، خو د الله تعالی په فضل او د یادې پروژې په عملي کېدو سره اوس د سیمې اوسېدونکي د باکیفیته 4G مخابراتي او انټرنېټي خدمتونو څخه برخمن شول.
د دې پروژې له لارې د الګاډه، حسن‌خېل، اکا کلي، اسکندره او یو شمېر نورو نږدې سیمو اوسېدونکو ته د مخابراتي پوښښ او انټرنېټي خدمتونو اسانتیاوې برابرې شوې، چې د سیمې د خلکو د ورځنیو اړیکو، زده کړو، سوداګرۍ او نورو خدماتو په ښه والي کې به مهم رول ولوبوي.
د خوست ولایت د مخابراتو او معلوماتي ټکنالوجۍ ریاست

بسم الله الرحمن الرحیمپه خوست ښار کې د خصوصي انټرنېټي شرکتونو څخه نظارت ترسره شونن د خوست ولایت د مخابراتو او معلوماتي ټ...
08/07/2026

بسم الله الرحمن الرحیم
په خوست ښار کې د خصوصي انټرنېټي شرکتونو څخه نظارت ترسره شو
نن د خوست ولایت د مخابراتو او معلوماتي ټکنالوجۍ رئیس، مولوي محمد اسحاق نظامي، او د اترا ادارې د سویل ختیځ زون مسؤل، اکرام الله ویسا، په خوست ښار کې د خصوصي انټرنېټي شرکتونو څخه د نظارت په لړ کې د صوت ټلي‌کام انټرنېټي شرکت څخه لیدنه او بررسي ترسره کړه.
د بررسۍ په ترڅ کې څرګنده شوه چې یاد شرکت له خپلو ډېری مشتریانو سره د نافذه اصولو او طرزالعملونو خلاف جبري او یا هم جعلي قراردادونه ترسره کړي دي. همدارنګه، د دې موضوع په اړه ګڼ شمېر مشتریانو د خوست ولایت د مخابراتو او معلوماتي ټکنالوجۍ ریاست ته رسمي شکایتونه هم وړاندې کړي دي.
د ترسره شوې بررسۍ او ترلاسه شویو شواهدو پر بنسټ پرېکړه وشوه چې د نوموړي شرکت دفتر به تر هغه وخته مهر او تړلی پاتې وي، ترڅو چې د خپلو مشتریانو حقوق تأمین، د هغوی رضایت ترلاسه او د نافذه قوانینو، اصولو او طرزالعملونو بشپړ رعایت ونه کړي.
د خوست ولایت د مخابراتو او معلوماتي ټکنالوجۍ ریاست

بسم الله الرحمن الرحیمد خوښۍ خبر!په خوست ولایت کې د اتصالات مخابراتي شبکې د څلورو سایټونو خدمات د څلورم نسل (4G) ټکنالوج...
02/07/2026

بسم الله الرحمن الرحیم
د خوښۍ خبر!
په خوست ولایت کې د اتصالات مخابراتي شبکې د څلورو سایټونو خدمات د څلورم نسل (4G) ټکنالوجۍ ته لوړ شول.
له یادو سایټونو څخه یو د مندوزیو ولسوالۍ په دوه‌ سرکه کې(KWT013) ، بل د تڼیو ولسوالۍ په دورملکه کې(KWT016)، دریم د خوست ښار د متون په ماجانې کلي(KWT017) او څلورم یې د خوست ښار د ۱۲۰۰ فامیلیو (B) پروژې(KWT040) په ساحاتو کې موقعیت لري، خدمات یې 4G ټکنالوجۍ ته لوړ شوي دي. د دې پرمختګ په پایله کې به د یادو سیمو د اوسېدونکو مخابراتي او انټرنېټي ستونزې تر ډېره هوارې او د خدمتونو کیفیت به لا ښه شي.
د خوست د مخابراتو او معلوماتي ټکنالوجۍ ریاست هڅه کوي چې د مرکزي ادارې او اړوندو خصوصي مخابراتي شرکتونو په همغږۍ، د مخابراتي خدمتونو کیفیت لا پیاوړی کړي.
خوست د مخابراتو او معلوماتي ټکنالوجۍ ریاست

بسم الله الرحمن الرحیمد خوښۍ زیری!د ۱۴۰۵ هـ.ش کال د سرطان میاشتې په ۹مه نېټه، د خوست ولایت د نادرشاه کوټ ولسوالۍ د شمبوا...
01/07/2026

بسم الله الرحمن الرحیم
د خوښۍ زیری!
د ۱۴۰۵ هـ.ش کال د سرطان میاشتې په ۹مه نېټه، د خوست ولایت د نادرشاه کوټ ولسوالۍ د شمبوات غونډۍ پر سر د سلام مخابراتي شبکې د نوي سایټ له روانو ساختماني چارو څخه لیدنه ترسره شوه، چې دا مهال یې د ټاور د تهداب چارې روانې دي.
یاده لیدنه د خوست ولایت د مخابراتو او معلوماتي ټکنالوژۍ رئیس، مولوي محمد اسحاق نظامي، د نادرشاه کوټ ولسوالۍ له قدرمن ولسوال مولوي نقیب الله، د افغان ټیلیکام ولایتي مسؤول وطن‌یار ملنګ او د اترا ادارې د مسؤول انجنیر عزت الله په ګډون ترسره شوه.
د مسؤلینو د معلوماتو له مخې، د یاد سایټ شاوخوا ۸۰ سلنه ساختماني چارې بشپړې شوې دي او تمه ده چې په نږدې راتلونکې کې به ګټې اخیستنې ته وسپارل شي.
د دغه سایټ په فعالېدو سره به د نادرشاه کوټ ولسوالۍ اړوند د شمبوات، لټکې، پلوسۍ، څوۍ، څرمښکۍ، کاڼي، ملنګان، جګه کلا، شین کان، ترکۍ، څپر روغه، کوړمي، انځرګي، خجریم، زیړۍ او ګڼ شمېر نورې سیمې د مخابراتي پوښښ تر چتر لاندې راشي او اوسېدونکي به یې له معیاري مخابراتي خدمتونو څخه برخمن شي.
د خوست د مخابراتو او معلوماتي ټکنالوجۍ ریاست ژمن دی چې د هېواد لرې پرتو او محرومو سیمو ته د مخابراتي او معلوماتي خدمتونو د پراختیا لپاره خپلې هڅې لا ګړندۍ او پیاوړې کړي، ترڅو ټول هېوادوال له باکیفیته مخابراتي او معلوماتي خدمتونو څخه په مساوي ډول برخمن شي.
د خوست د مخابراتو او معلوماتي ټکنالوژۍ ریاست

بسم الله الرحمن الرحیمد خوښۍ زیری!د ۱۴۰۵ هـ.ل کال د چنګاښ میاشتې په ۸مه نېټه، د ځاځي میدان ولسوالۍ د اکا کلي پر غونډۍ د ...
29/06/2026

بسم الله الرحمن الرحیم
د خوښۍ زیری!
د ۱۴۰۵ هـ.ل کال د چنګاښ میاشتې په ۸مه نېټه، د ځاځي میدان ولسوالۍ د اکا کلي پر غونډۍ د روشن مخابراتي شبکې یو نوی سایټ نصب او په رسمي ډول فعال شو.
د یادونې وړ ده چې د دغه سایټ د 4G خدمتونو په فعالېدو سره به د سکندره، الګډې، حسن خېلو او شاوخوا سیمو اوسېدونکي د مخابراتي خدمتونو تر پوښښ لاندې راشي، چې له امله به یې د دغو سیمو د خلکو مخابراتي ستونزې تر ډېره حده هوارې او د اړیکو اسانتیاوې به لا پیاوړې شي.
د خوست د مخابراتو او معلوماتي ټکنالوجۍ ریاست ژمن دی چې د هېواد لرې پرتو او محرومو سیمو ته د مخابراتي خدمتونو د پراختیا لپاره خپلې هڅې لا ګړندۍ او پیاوړې کړي، ترڅو ټول هېوادوال له باکیفیته مخابراتي او معلوماتي خدمتونو څخه برخمن شي.
د خوست د مخابراتو او معلوماتي ټکنالوژۍ ریاست

بسم الله الرحمن الرحیمد صبریو او یعقوبیو ولسوالۍ اوسېدونکو لپاره ښه زیری!د خوښۍ ځای دی چې یوه اوونۍ وړاندې د صبریو او یع...
28/06/2026

بسم الله الرحمن الرحیم
د صبریو او یعقوبیو ولسوالۍ اوسېدونکو لپاره ښه زیری!
د خوښۍ ځای دی چې یوه اوونۍ وړاندې د صبریو او یعقوبیو ولسوالۍ اړوند د خالبیساط ښارګوټي او د یعقوبیو بازار په سیمو کې د روشن مخابراتي شرکت له لوري دوه مخابراتي سایټونه فعال او د 3G خدمات یې پیل کړي وو، چې نن د خپلې کړې ژمنې له مخې دغه خدمات 4G ته لوړ شول.
د خوست د مخابراتو او معلوماتي ټکنالوجۍ ریاست هڅه کوي، څو د مرکزي ادارې او اړوندو خصوصي مخابراتي شرکتونو سره په همغږۍ محرومې او لرې پرتې سیمې تر مخابراتي پوښښ لاندې راولي، د مخابراتي خدمتونو کیفیت لا پیاوړی کړي او د هېوادوالو رضایت ترلاسه کړي.
د خوست د مخابراتو او معلوماتي ټکنالوجۍ ریاست

بسم الله الرحمن الرحیمزیری!!!د ۱۴۰۵ هـ.ل کال د چنګاښ میاشتې په ۶مه نېټه، د موسی خېلو ولسوالۍ د لادور سر په سیمه کې د سلا...
27/06/2026

بسم الله الرحمن الرحیم
زیری!!!
د ۱۴۰۵ هـ.ل کال د چنګاښ میاشتې په ۶مه نېټه، د موسی خېلو ولسوالۍ د لادور سر په سیمه کې د سلام مخابراتي شبکې په سایټ کې د آټوما مخابراتي شبکې (KST052) شمېرې سایټ په بریالیتوب سره شریک او په رسمي توګه فعال شو.
چې د یاد سایټ په فعالېدو سره به د کووخوله، ویچکړي، ګبر، کوسین‌خوله، زوړکوټ، غوزک او شاوخوا سیمې د مخابراتي خدمتونو تر پوښښ لاندې راشي، چې له دې سره به د دغو سیمو د اوسېدونکو مخابراتي ستونزې تر ډېره هوارې او د مخابراتي خدمتونو کیفیت به یې ښه شي.
د خوست د مخابراتو او معلوماتي ټکنالوجۍ ریاست ژمن دی چې د هېواد لرې پرتو او محرومو سیمو ته د مخابراتي خدمتونو د پراختیا لپاره خپلې هڅې لا پیاوړې کړي، ترڅو ټول هېوادوال له باکیفیته مخابراتي او معلوماتي خدمتونو څخه برخمن شي.
د خوست د مخابراتو او معلوماتي ټکنالوژۍ ریاست

مخابراتي شرکتونو سره د بنډلونو (پکیجونو) د بیو د راټیټیدو اړوند ناسته وشوه!
25/06/2026

مخابراتي شرکتونو سره د بنډلونو (پکیجونو) د بیو د راټیټیدو اړوند ناسته وشوه!

Address

Khost City Opposite To The Alfath High School خوست ښار الفتح لیسې ته مخامخ
Khost
2501

Website

Alerts

Be the first to know and let us send you an email when Khost C.I.T خوست د مخابراتو او معلوماتي ټکنالوجۍ ریاست posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Khost C.I.T خوست د مخابراتو او معلوماتي ټکنالوجۍ ریاست:

Shortcuts

Share