CGTN Pashto

28/05/2026

28/12/2025

28/12/2025

28/12/2025

د AFCON 2025 پایلې: د لوبو د لومړي پړاو پای ته رسیدو سره سره سره کارتونه خپریږي
د ۲۰۲۵ د افریقا د ملتونو د جام (AFCON) په سیالیو کې د چارشنبې په ورځ، د ډسمبر ۲۴مه، اته لوبډلو د ډلې پړاو لومړۍ سیالۍ ترسره کړې او اوس د سیالیو دوهم پړاو ته چمتو کېږي.
په دې پرانیستونکیو لوبو کې یو شمېر مشهور لوبغاړو د خپلو ملي ټیمونو لپاره ارزښتناک ټکي خپل کړل، خو په عین حال کې د نظم او انضباط ستونزو سیالۍ تر سیوري لاندې راوستې، ځکه څو لوبغاړو سور کارټونه ترلاسه کړل.
په E ډلې کې د استوایي ګینې او بورکینا فاسو ترمنځ شانداره لوبه وشوه. د استوایي ګینې باسیلېو نډونګ د خطرناک تکل له امله د دوهمې نېمايي په لومړیو کې له میدان وشړل شو، خو بیا هم د لوبې په ۸۵مه دقیقه کې مارتین انیبو د ګول په وهلو سره خپل ټیم د بریا په لوري بوته.
خو د بورکینا فاسو اسونو په اضافي وخت کې دوه ګولونه ووهل او سیالي یې په ډراماتیک ډول ۲ – ۱ وګټله.
همدا شان په همدې ډله کې د سوډان صلاح عادل د الجزایر پر وړاندې له لوبې ایستل شوی و. ریاض محرز دوه ګولونه ووهل او الجزایر په ۳ – ۰ وړاندې کولو سره د ګروپ په سر کې ځای ونیوه.
په F ډلې کې د من‌چسټر یونایټډ لوبغاړي اماد دیالو د یوازیني ګول په وهلو د عاج ساحل (کوت دیوار) ته د موزمبیق پر وړاندې بریا ډالۍ کړه، او کامرون هم په همدې توپیر د ګابوون پر وړاندې بری ترلاسه کړه.
د ډلې پړاو دوهمه ورځ به د جمعې په ورځ، د ډسمبر ۲۶مه ترسره شي؛
مصر به د سویلي افریقا پر وړاندې
انګولا به د زیمبابوې پر وړاندې
زامبیا به د کومور پر وړاندې
او د ورځې په وروستۍ سیالۍ کې د کوربه هېواد مراکش د مالي پر وړاندې میدان ته ښکته کېږي.
د AFCON 2025 پایلوبه د ۲۰۲۶ کال د جنوري په ۱۸مه نېټه پلان شوې ده.

28/12/2025

28/12/2025

28/12/2025

په مېکسیکو کې اندېښنې زیاتې شوې دي چې ښايي د متحده ایالاتو له لوري پوځي مداخله وشي. د دې وضعیت تر شا هغه مهال جدي بدلون راغی چې د امریکا ولسمشر ډونالډ ټرمپ د وینزیویلا پر لور یوه پیاوړې سمندري ضربتي ډله واستوله او ګواښ یې وکړ چې په لاتینتیا امریکا کې د مخدره موادو د کارټلونو خلاف به پوځي ځواک کاروي.
د CGTN خبریال فرانس کانترراس د مېکسیکو ښار څخه راپور ورکوي چې د دې تهدیدونو په نتیجه کې، د مېکسیکو چارواکو او خلکو کې د امنیتي وضعیت په اړه د خطر احساس زیات شوی دی.

28/12/2025

په ۲۰۲۵ کال کې نړیوال تجارت تر ډېره د امریکا د تعرفو تر اغېز لاندې راغلی دی. د چین او متحده ایالاتو ترمنځ د میاشتو اوږدې سوداګریزې خبرې اترې روانې دي، خو اقتصادي پایلې یې تر ټولو ډېر امریکا اغېزمنه کړې ده.
کارپوهان وايي، د امریکايي تولیدوونکو او مصرفوونکو لپاره د لګښتونو لوړوالی، د عرضې ځنځیرونو بیا ناامنۍ، او د سوداګرۍ د ودې په اړه د امریکايي شرکتونو زیاتېدونکې اندېښنې هغه مهم عوامل دي چې ښيي دا سوداګریزه جګړه ښايي د واشنګټن پر ځان ګرانه تمامه شي.

28/12/2025

د چین د بهرنیو چارو وزیر به د کمبودیا او تایلنډ له همتایانو سره په یوننان ولایت کې وویني.
د چین د بهرنیو چارو وزیر وانګ یي به په راتلونکو ورځو کې د کمبودیا او تایلنډ د بهرنیو چارو له وزیرانو سره د چین په جنوبي ولایت یوننان کې رسمي خبرې ترسره کړي.
د چین د بهرنیو چارو وزارت ویاند په یوه اعلامیه کې ویلي، چې د وانګ یي په بلنه – چې د چین د کمونیست ګوند د مرکزي کمېټې د سیاسي بیرو غړی هم دی – د کمبودیا د بهرنیو چارو وزیر پراک سوخون او د تایلنډ خارجه وزیر سهاساک فوانګکټکیاؤ به د دسمبر له ۲۸مې تر ۲۹مې یوننان ته سفر وکړي.
تمه ده چې دواړه لوري به د سیمه‌ییزې همکارۍ، امنیتي اړیکو، اقتصادي شریکوالي او د ګډو پرمختیایي پروژو پر پیاوړتیا بحث وکړي.