20/06/2026
🇹🇷 د ترکيې ميډيکل ويزې په اړه مهمه خبرتيا
د وروستيو معلوماتو له مخې، له پرون راهيسې هغه کسان چې د ترکيې ميډيکل ويزه لري، يعنې مريض او پايواز (ملګری)، بايد په يو وخت او يو ځای له کابل څخه ترکيې ته سفر وکړي.
د راپورونو له مخې، د کابل هوايي ډګر اړوندو ادارو ته رسمي لارښوونه رسېدلې چې د ميډيکل ويزې لرونکي مريض او پايواز دې جلا جلا سفر نه کوي، بلکې دواړه دې په ګډه الوتنه کې ترکيې ته ولاړ شي.
📌 سپارښتنه: هغه کسان چې د ترکيې ميډيکل ويزه لري، د سفر له تنظيم او ټکټ اخيستلو مخکې دې له خپلې هوايي کمپنۍ، سفارت يا د سفر له ادارې سره وروستي معلومات او شرايط حتمي تائيد کړي، ترڅو د سفر پر مهال له ستونزو سره مخ نه شي.
🔹 يادونه: مريض او پايواز دواړه بايد د سفر پر مهال اړين اسناد او ويزې له ځان سره ولري.
