دکونړولایت د Kunar C.I.T مخابراتواومعلوماتی ټکنالوجۍ ریاست

08/08/2026

خبرتیا
د کونړ ولایت د مخابراتو او معلوماتي ټکنالوجۍ ریاست
د کمپیوټر زده کړو ټولو مینه‌والو ته خبر ورکول کېږي چې د کونړ ولایت د مخابراتو او معلوماتي ټکنالوجۍ ریاست د کمپیوټر زده کړی (۲۶مې) دورې لپاره د ۱۴۰۵ کال د اسد میاشتې له لومړۍ (۱) نېټې څخه د اسد میاشتې تر پایه پورې د نویو زده‌کوونکو نوم‌لیکنه پیلوي.
ټول علاقه‌مندان کولای شي د اسد میاشتې تر پایه پورې له دی فرصت څخه په ګټې اخیستنې سره په دې ښوونیز پروګرام کې ګډون وکړي.
د شپږ (۶) میاشتو بشپړ تدریس فیس یوازې ۱۰۰۰ افغانۍ دی.
د کورس له بشپړېدو وروسته ګډونوالو ته د مخابراتو او معلوماتي ټکنالوجۍ وزارت له لوري رسمي سند (Certificate) ورکول کېږي.
د نوم‌لیکنې وخت:
هره ورځ د سهار له ۸:۰۰ بجو څخه د مازیګر تر ۴:۰۰ بجو پورې.
د نوم‌لیکنې ځای:
د کونړ ولایت د مخابراتو او معلوماتي ټکنالوجۍ ریاست انګړ.
د اړیکو شمېرې:
📞 0765656977
📞 0706262174
📞 0744545685
📞 0770910096
📞 0771143630

29/07/2026

29/07/2026

26/05/2026

د کونړ ولایت د مخابراتو او معلوماتي ټکنالوجۍ ریاست کې د مخابراتي شرکتونو ترمنځ ګډه همغږیزه ناسته ترسره شوه، چې پکې د مخابراتي خدمتونو اړوند ستونزو، د شبکو د کیفیت ښه والي، د سیمکارتونو قانوني ثبت او د مشترکینو ستونزو ته د پر وخت رسېدنې په اړه هر اړخیز بحث وشو.

په یاده ناسته کې د کونړ ولایت د مخابراتو او معلوماتي ټکنالوجۍ رئیس الحاج عبدالولي "مارشال "د مخابراتي شرکتونو مسئولینو ته سپارښتنه وکړه، چې ټول مخابراتي خدمات باید د مخابراتو وزارت او د اترا ادارې د قوانینو او اصولو مطابق وړاندې شي. نوموړي ټینګار وکړ چې د خدماتو کیفیت لوړول، د تخنیکي ستونزو حل، او د خلکو رضایت ترلاسه کول دې د شرکتونو لومړیتوب وي.

په غونډه کې د افغان ټیلیکام، اټوما، افغان بیسیم، او روشن مسئولینو ګډون کړی و. یادو شرکتونو د کونړ ولایت د مخابراتو او معلوماتي ټکنالوجۍ ریاست د ښې رهبرۍ، دوامدارې همغږۍ او همکاریو څخه مننه وکړه او څرګنده یې کړه، چې په نږدې وخت کې به ټول مخابراتي سایتونه په 4G خدماتو سمبال شي او د مخابراتي خدمتونو د لا ښه والي لپاره به خپلو همکاریو ته دوام ورکړي.

ناسته په مثبتې فضا کې ترسره شوه او په پای کې د ریاست د رئیس له لوري د هېواد د امنیت، پرمختګ او غوره مخابراتي خدمتونو د دوام لپاره دعا وشوه.

16/05/2026

د شیګل ولسوالۍ اړوند د لاحسین درې په محرومه او لرې پرته سیمه کې، د سلام مخابراتي شرکت له لوري یو مخابراتي سایټ په بریالیتوب سره فعال او ګټې اخیستنې ته وسپارل شو، چې ورسره د 2G او 3G مخابراتي خدمتونو وړاندې کول پیل شول.
یاده سیمه چې د اوږدې مودې راهیسې د مخابراتي خدمتونو له نشتون سره مخ وه، اوس د دغه نوې فعال شوي سایټ په مټ د اړیکو، انټرنېټي خدمتونو او مخابراتي اسانتیاوو څخه برخمنه شوه، چې دا چاره د سیمې د اوسېدونکو لپاره یو مهم او ارزښتناک پرمختګ بلل کېږي.
د د کنړ ولایت د مخابراتو او معلوماتي ټکنالوجۍ ریاست رهبري او تخنیکي پرسونل د مخابراتي خدمتونو د پراختیا، څارنې او د لرې پرتو سیمو د ارتباطي ستونزو د حل په موخه دوامدارې هڅې ترسره کوي، ترڅو د هېواد ټولو وګړو ته د عصري مخابراتي خدمتونو زمینه برابره شي.
یاد ریاست د هېواد د مخابراتي شبکو د پیاوړتیا او د محرومو سیمو د نښلولو په برخه کې د مخابراتي شرکتونو له همکارۍ څخه مننه کوي او ډاډ څرګندوي چې په راتلونکې کې به هم د ولایت په نورو لرې پرتو سیمو کې د مخابراتي خدمتونو د پراختیا لپاره خپلې هڅې جاري وساتي.

13/05/2026

📡 د مخابراتي خدمتونو د پراختیا په برخه کې مهم پرمختګ!
د کونړ ولایت د مخابراتو او معلوماتي ټکنالوجۍ ریاست د نه ستړې کېدونکو هڅو، دوامدارې همغږۍ او جدي تعقیب په پایله کې د کونړ ولایت مرکز اړوند ساحو کې د اټوما مخابراتي شرکت درې سایټونه فعال او د مخابراتي خدمتونو وړاندې کول یې پیل کړل.
دغه سایټونه به د سیمې اوسېدونکو ته د مخابراتي او انټرنېټي خدماتو په ښه والي، د اړیکو په چټکتیا او د شبکې د پوښښ په پراختیا کې مهم رول ولوبوي.
د کونړ ولایت د مخابراتو او معلوماتي ټکنالوجۍ ریاست تل هڅه کوي څو د خلکو مخابراتي ستونزو ته رسېدنه وکړي او د معیاري خدماتو د وړاندې کولو لپاره له ټولو مخابراتي شرکتونو سره نږدې همغږي وساتي.
#اټوما

04/05/2026

د کونړ ولایت د مخابراتو او معلوماتي ټکنالوجۍ ریاست له لوري، د مخابراتي خدماتو د کیفیت د لوړولو او د اصولو د لا ښه پلي کېدو په موخه، د ټولو مخابراتي شرکتونو د نمایندګیو څخه هر اړخیز نظارت ترسره شو.
په دې نظارت کې د خدماتو کیفیت، د مراجعینو د ستونزو د حل بهیر، د تخنیکي اسانتیاوو وضعیت، او د نافذه مقرراتو د رعایت کچه له نږدې وارزول شوه.
یاد ریاست ژمن دی چې د عصري ټکنالوجۍ په رڼا کې د مخابراتي خدمتونو د معیاري کولو، پراختیا او لا ښه والي لپاره خپلو هڅو ته دوام ورکړي، تر څو هېوادوالو ته اغېزمن، چټک او باکیفیته خدمات وړاندې شي.
✨ د باکیفیته خدمتونو لپاره زموږ هڅې دوام لري.

30/04/2026

د کونړ ولایت د مخابراتو او معلوماتي ټکنالوجۍ ریاست د موظف کمیسون له لوري د پستي او کارګو شرکتونو د چارو څخه نظارت ترسره شو.
په دغه نظارت کې د خدماتو کیفیت، د مراجعینو د چارو بهیر ، د پستی او کارګو د طرزالعمل او مقرراتو په رعایت کولو ټینګار وشو او چاری یی له نږدې وڅارل شوی.
یاد اقدام د دې لپاره ترسره شو، چې خلکو ته منظم، شفاف او معیاري خدمات وړاندې شي او د پستي او کارګو سکتور فعالیتونه لا ښه او اغېزمن شي.
د ریاست له لوري ټینګار وشو چې ټول شرکتونه باید د نافذه قوانینو په چوکاټ کې خپل فعالیتونه تنظیم کړي او د خدماتو کیفیت ته ځانګړې پاملرنه وکړي.