میرویس حریفال

میرویس حریفال طراح گرافیک!
پښتو شعرونه، نثرونه لیکنی اسلامی او ټولنی?

د سردار داود خان عکس العمل!يوه ورځ يې يو په آس سپور عسکر ودرولو، د نامنظمې قيافې له امله يې له هغه پوښتنه وکړه هغه ورته ...
25/08/2026

د سردار داود خان عکس العمل!
يوه ورځ يې يو په آس سپور عسکر ودرولو، د نامنظمې قيافې له امله يې له هغه پوښتنه وکړه هغه ورته کومه بهانه وکړه. سردار داود په قهر شو او په هغه عسکر يې د څپيړې وار وکړ.
عسکر غږ کړ: دا چې خلک تاته ليونی وايي نو ملامت نه دي پاک صاف ليونی يې.
ماخذ: د ريښتيا په لټه کې، صـــــ ۹۹.

#دولس جیب مه تشوئ!د تېلو د بیو لوړېدل یوازې د موټرو د تګ راتګ پر لګښت اغېز نه کوي، بلکې د خلکو د ژوند پر ډېرو اساسي اړت...
23/08/2026

#دولس جیب مه تشوئ!

د تېلو د بیو لوړېدل یوازې د موټرو د تګ راتګ پر لګښت اغېز نه کوي، بلکې د خلکو د ژوند پر ډېرو اساسي اړتیاوو مستقیمه اغېزه لري.
نن ورځ د خوراکي توکو، ترانسپورټ، کرایې او ګڼو نورو لومړنیو اړتیاوو بیې له تېلو سره مستقیم تړاو لري. په داسې حال کې چې افغانه ټولنه له اقتصادي پلوه له جدي ستونزو سره مخ ده، د تېلو د بیو ناڅاپي او دوامداره لوړوالی د ولس پر اقتصادي وضعیت لا زیات فشار راوړي او د خلکو د ژوند ملا ماتوي.
په همدې وروستۍ موده کې د تېلو بیې تر یوه حده مناسبې شوې وې؛ خو اوسنی لوړوالی د اندېښنې وړ دی او په مستقیم ډول د بازار پر عمومي بیو اغېز کوي.
له اړوندو مسؤلینو څخه زموږ غوښتنه دا ده چې د تېلو د بیو د کنټرول، د احتکار او غیرمنطقي ګران‌فروشۍ د مخنیوي او د بازار د تنظیم لپاره جدي او عملي اقدامات وکړي.

د ولس اقتصادي توان باید د بې‌نظم بازار قرباني نه شي.

ښکلې کيسه👇وائل بن حجر حضرمي د يمن د بادشاهانو له جملې څخه يو چارواکی رسول الله ته پداسې حالت کې راغی چې اسلام يې راوړو ا...
22/08/2026

ښکلې کيسه👇

وائل بن حجر حضرمي د يمن د بادشاهانو له جملې څخه يو چارواکی رسول الله ته پداسې حالت کې راغی چې اسلام يې راوړو او خپل ملک يې پرېښود رسول الله صلی الله عليه وسلم ورته ډېر امتيازات ورکړل او يوه ساحه يې ورته په واک کې ورکړه.
د ساحې د ښودنې لپاره يې معاويه رضي الله عنه ورسره ملګری کړو
معاويه رضي الله عنه پدغه وخت کې د ډېر غربت او فقر سره مخ وو نه ورسره سورلۍ وه او نه په پښو پيزار
لار کې معاويه رضي الله عنه وائل بن حجر ته وويل چې ما ځان سره سورلۍ باندې سپور کړه
هغه ورته وويل په سورلۍ بخيل نه يم خو ته ددې لايق نه يې چې د بادشاهانو سره په سورلۍ کېنې هغه رضی الله عنه بيا وويل ښه نو پيزار دې بيا راکړه هغه وويل په پيزار بُخل نکوم خو ته ددې لايق نه يې چې د بادشاهانو پيزار په خپو کړې بلکې د اوښ په سيوري کې لاړ شه
الله اکبر څومره غرور
د وخت په تېرېدو سره حالات بدل شو
معاويه رضي الله عنه د وخت خليفه وټاکل شو يوه ورځ همدغه وائل بن حجر چې اتيا کلن وو د معاويه رضي الله عنه ملاقات ته ورغی
معاويه رضي الله عنه له تخت څخه راکوز شو او هغه يې د بادشاهۍ په تخت کينولو او بيا يې ورته تېره قصه راياده کړه او د ډېر مال د ورکړې امر يې وکړو
وائل وويل مال نه اخلم هغه چاته يې ورکړه چې له ما څخه زيات مستحق وي خو ما چې ستا حلم او صبر وليدلو نو دا خوښوم چې که حالت بدل شو نو زه به همدغه ورځ تا په سورلۍ له ځانه مخکې کېنوم.
#عبرت
نه مالداري او يو موقف هميشه وي او نه فقر د چا هميشه ملګری وي بلکې حالت بدليږي ( وَتلِْكَ الْأَيَّامُ نُدَاوِلُهَا بَيْنَ النَّاسِ)
د خلکو سره حکيمانه چلند وکړئ يوه ورځ کېدای شي له همداسې واقعې سره مخ شئ
قصد وکړه چې هميشه له هر چا سره محسن او حليم واوسی حتی له هغه چا سره هم چې تا سره يې بد کړي وي
من المحال ان تدوم الحال
ناممکن ده چې يو حالت دې هميشه وي

د حبيب الله کلکاني په امر د هېواد د وژلو شويو روشنفکرانو ليست !دا کسان د حبيب الله کلکاني په امر بې محکمې وژل شوي دي:۱. ...
20/08/2026

د حبيب الله کلکاني په امر د هېواد د وژلو شويو روشنفکرانو ليست !
دا کسان د حبيب الله کلکاني په امر بې محکمې وژل شوي دي:
۱. مولوي عبدالواسع کندهاری.
۲. سردار علي احمد خان.
۳. عبدالغفور خان تګاوی.
۴. حبیب الله خان.
۵. عبدالرسول خان.
۶. قاري دوست محمد خان.
۷. عبدالحمید خان توخي.
۸. سردار حیات الله خان.
۹. سردار عبدالمجید خان.
۱۰. سردار محمد عثمان خان.
۱۱. قاضي محمد اکبر خان.
۱۲. حبیب الله خان.
۱۳. او قاضي عبدالرحمن خان.
ماخذ: دعوت ميډيا. د عبدالقيوم مقاله، ۲۰۲۳/جولای/۰۱.

( ۱۴۱ ) د #أسلام دسپيڅليو أتلانو سپيڅلي کارنامي جهادونه :غيرتونه :بهادري: غوره اخلاق: او اخلاص۔ ایا پوهیږئ سپیڅلی ...
16/08/2026

( ۱۴۱ )
د #أسلام دسپيڅليو أتلانو سپيڅلي کارنامي جهادونه :غيرتونه :بهادري: غوره اخلاق: او اخلاص۔ ایا پوهیږئ سپیڅلی أتلان څوک دی؟
خپل أصلي أتلان وپیژنئ( ۱۴۱)برخه:
اميرالمؤمنين عمربن الخطاب رضي الله عنه ابوعبيده عامر بن الجراح رضي الله عنه ته داسی جوابي ليک وليکلو ۔
بِسْمِ اللهِ الرَّحْمٰنِ الرَّحِيمِ د عمر بن الخطاب رضي الله عنه له طرفه د شام عامل او أمير أبوعبيده عامر بن الجراح رضي الله عنه ته اول زه د الله جل جلاله ثنا اوصفت کوم بيا په رسول الله صلي الله عليه وسلم درود وايم بيا درته وايم د باتورو او اتلو غازيانو فرق د نورو څخه ضرور وکړه د سپاره او پياده ترمنځ فرق وکړه په غازيانو پام کوه تقوي ته يي رابله له غنيمت تقسيمولو وروسته په خپل ځاي اوسه تر څو زما امر درته وشي والسلام ۔
حذيفه بن يمان او نورو صحابه کرامو رضي الله عنهم اجمعين ته يي ليک ورکړو هغوي ټول په شريکه بېرته لاړل ليک يي ابوعبيده عامربن الجراح رضي الله عنه ته ورسولو هغه چي ليک ولوستو په سترګو يي کيښودو ويي ويل په سترګو ستا امرمي قبول دي بيا يي غنيمتونه وويشل هر غازي ته چي سپور ؤو څلور ويشت زره(۲۴۰۰۰) مثقاله سره زر او پياده ته اوه زره(۷۰۰۰) مثقاله سره زر او همدومره سپين زر ورسيدل هغه چا سره چي دوه يا زيات اسونه وه هغوي ته يي زياته برخه ورکړه لکه زبير بن عوام رضي الله عنه ځکه چي هغه سره دوه آسونه وه چي يو به ستومانه شو بل باندي به سپور شو ضرار بن الازور ۔رافع بن عمير الطائي ۔سعيد بن زيد ۔عبدالله بن عمر ۔عبدالرحمن بن ابي بکر۔يزيد‌ بن ابي سفيان ۔ابي سفيان بن حرب۔عمروبن العاص ۔معديکرب الزبيدي۔مالک اشتر النخعي۔ معاذبن جبل ۔زبير بن عوام ۔رضي الله عنهم ته يي زياته برخه ورکره د‌ اسپو ترمنځ يي هم فرق وکړو برذون اسپي يي دهجين په نوم اسپو سره برابر غنيمت کي شريکي کړي تاتاري اسونه يي عربي اصيلو اسونو سره برابر کړل په دغه تقسيم مسلمانان زيات دولتمند شول خو هغوي ټول چي نيتونه يي صاف وه عيش عشرت يي نه خوښولو هماغسي ساده ژوند به يي کولو خير خيرات به يي کولو چي زياتو صحابه کرامو رضي الله عنهم ټوله شتمني خيرات کړه ۔۔
بل خوا هرقل ته خبر ورسيدو چي ستا ټول جنرالان قومندانان حاکمان پهلوانان مړه شول هيڅوک پاتي نشو هغه د ځان په وير اخته شو هغه پدي انتظار کي ؤو چي مسلمانان به نور څه کوي ۔
ابوعبيده عامر بن الجراح رضي الله عنه پوره يوه مياشت غازيانو ته دمه او استراحت ورکړو بيا يي مشران او نامتو اتلان ورټول کړل هغوي ته يي وويل مشوره راکړئ چي چيرته لاړ شو اول قيساريه ته لاړ شو که اول بيت المقدس ته لاړ شو هغوي ورته وويل ته د أمت أمین يي چی چيرته دي زړه غواړي روان شه مونږ درپسي يو معاذبن جبل رضي الله عنه ورته وويل زه وايم چي اميرالمؤمنين عمربن الخطاب رضي الله عنه ته ليک وليږه له هغه مشوره وغواړه چي د کوم طرف امر درته وکړي مونږ درسره يو ۔
ابوعبيده بن الجراح رضي الله عنه اميرالمؤمنين ته ليک وليکلو چي زه د قيساريه او بيت المقدس د فتحي اراده لرم کوم ځاي ته اول لاړ شم ستا د امر په انتظار يم ليک يي عرفجه بن ناصح النخعي رضي الله عنه ته ورکړو هغه چي ليک مديني منوري ته ورسولو عمر بن الخطاب رضي الله عنه صحابه کرامو رضي الله عنهم ته ليک ولوست او له هغوي يي هم مشوره وغوښتله علي بن ابي طالب رضي الله عنه ورته وويل زما رأيه داده چي اول بيت المقدس ته لاړ شي هغه محاصره کړي چي هغه فتح شي بيا دي قيساريه ته لاړ شي ماته رسول الله صلي الله عليه وسلم همدغسي خبر راکړي اميرالمؤمنين عمربن الخطاب رضي الله عنه ورته وويل زما هم ستا مشوره خوښه ده بيا يي جوابي ليک ابوعبيده عامر بن الجراح رضي الله عنه ته وليکلو له (بسم الله الرحمن الرحيم) وروسته زما درته مشوره داده چي تاسو اول بيت المقدس ته لاړ شي ځکه چي رسول الله صلي الله عليه وسلم خپل تره ځوي او زوم علي بن ابي طالب رضي الله عنه ته همدغسي ويلي وه اوس هغه ماته وويل اميد لرم بيت المقدس الله جل جلاله ستاسي په مبارکو لاسونو فتح کړي عرفجه النخعي رضي الله عنه ته يي ورکړ ورته يي وويل په بيړه بېرته دغه ليک ويسه هغه چي کله شام ته لاړو ابوعبيده عامر بن الجراح رضي الله عنه غازيان جابيه کي ديره کړي وه هغوي ته چي ليک ورسيدو زيات خوشحاله شول ځکه چي د بيت المقدس اذادول د ټولو يواځينۍ هیله او اروزو وه۔۔
نوربيا راسره اوسئ شير يي کړئ کاپي يي کړئ چی هرمسلمان خپل اتلان وپيژني ۔
ليکوال او ژباړونکی مولانا حبل الله المتين۔
فتوح الشام للواقدي عربی جلد اول.
صفحه
344.345.346

موږ چې عزتمن وو!د عثماني پاچا سلیمان القانوني زمانه وه چې فرانسه کې د نارینه وو او ښځینه وو د ګډ رقص مجلسونه جوړېدل.. دا...
12/08/2026

موږ چې عزتمن وو!
د عثماني پاچا سلیمان القانوني زمانه وه چې فرانسه کې د نارینه وو او ښځینه وو د ګډ رقص مجلسونه جوړېدل.. دا خبر چې خلیفه (القانوني) ته ورسېد، سمدلاسه یې د فرانسې پاچا ته لیک واستاوه؛ په کې لیکلي یې وو:
خبر شوم چې ستاسو په ملک کې نارینه او ښځې د خلکو د وړاندې یو بل ته غاړې ورکوي او ګډ رقص کوي؛ او دا د حیاء او اخلاقو مخالف کارونه هغو سپکو محفلونو کې ترسره کېږي چې تاسو رواج کړي دي.
څرنګه چې ستاسو ملک زموږ سره ګډه پوله لري، نو د دې احتمال شته چې دا بد اخلاقي او بې حیایي زموږ ملک ته سرایت وکا، بناء زما د دې لیک له رسېدو سره سم دا بې حیایي ختمه کړه، که نه نو زه کولی شم پخپله درشم او دا فساد په خپل لاس له منځه یوسم!
اطریشی مؤرخ هامر لیکلي چې له دې لیک وروسته پوره سل کاله فرانسه کې چا په ښکاره د رقص محفل ونه لېد!
له عربي ترجمه
سلطان محمود صلاح.

09/08/2026

تاریخ د نوې نسل د بیداري لپاره!

د پاکستان دښمني ده ظاهر شاه بابا سره له کومه پیل شوه؟

تر ۲۰۰۲ کال پورې هم د پاکستان آی ایس آی نه غوښتل چې ظاهر شاه افغانستان ته راستون شي.

دلیل دا و چې

د پاکستان پخواني صدراعظم ذوالفقار علي بوټو ظاهر شاه ته پاکستان ته د سفر بلنه ورکړې وه، خو ظاهر شاه دا بلنه ونه منله.

کله چې د سردار محمد داود او پاکستان اړیکې د پښتونستان د موضوع پر سر خرابې شوې،

پاکستان د احمد شاه مسعود، برهان‌الدین رباني، ګلبدین حکمتیار او د سردار داود د نورو مخالفینو په ګډون ګڼو افغانانو ته سیاسي پناه او ځای ورکړ، ترڅو وروسته یې د افغانستان پر ضد وکاروي.

همدارنګه،ذوالفقار علي بوټو یوه جرګه، چې پکې لاندې کسان شامل وو، ایټالیا (روم) ته واستوله:

۱. حاجي محمد یونس خوګیاڼی
۲. وکیل محمد اعظم شینواری
۳. کرنل ابراهیم خان (یو پاکستانی محمدزی او د ظاهر شاه د نیکونو خپلوان)
۴. او دوه نور پښتانه مشران

د دغې جرګې موخه دا وه چې ظاهر شاه پاکستان ته د ورتګ بلنه ومني او وروسته یې د سردار داود پر وړاندې وکارول شي.

خو ظاهر شاه دغه بلنه ونه منله او د پاکستاني جرګې غړو ته یې وویل:
«موږ افغانان خپلمنځي ستونزې په خپله حل کولای شو.»

د همدې ، وروسته پاکستاني چارواکو هوډ وکړ چې ظاهر شاه به بیا کابل ته د واکمن په توګه ونه رسېږي.

همدارنګه، حتې هغه کسان چې د ظاهر شاه پلویان وو، په کوټه او پېښور کې هم د آی ایس آی له خوا د مرموزو وژنو هدف ګرځېدل، چې د بېلګې په توګه

د مرحوم سید بهاوالدین مجروح صاحب نوم یادېږی

باور په الله وکړي افغانانو

که چیرې ظاهرشاه د بهټو دغه بلې ته هو ویلې وو نو د حکمتیار صیب،ربانی او مسعود په شمول،ټول جهادی مشران به د ظاهرشاه د عسکر په توګه نن یادیدل.
کاپي الکوزی صاحب 🇦🇫❤️‍🩹🏴‍☠️

کمونستانو دا ډول هستۍ ولې له منځه وړې؟د کابل پوهنتون استاد دکتور محمد یونس اکبري په مسکو کې د هستوي فزیک په برخه کې دکتو...
07/08/2026

کمونستانو دا ډول هستۍ ولې له منځه وړې؟
د کابل پوهنتون استاد دکتور محمد یونس اکبري په مسکو کې د هستوي فزیک په برخه کې دکتورا کړي وه او د افغانستان د اتومي انرژۍ د پراختیا کمېټې مشر هم و، نوموړی په ١٩٨٥ م کې د افغانستان د هغه وخت حکومت د استخباراتي ادارې خاد لخوا ونیول شو او د ځانګړي محکمې د حکم پر اساس په اعدام محکوم شو، د افغانستان د دغه سترې علمي هستۍ قبر او جسد تر ننه ورک دي!!!
که چېرته موږ دا ډول سترې علمي هستۍ ساتلي وای نن به موږ هم د ایران په څېر توغندي تولیدولی او د ګاونډیانو تر څنګ به مو سیال ژوند لرلی.

اتریشۍ اداکاره ماري (ماريان) کوخهغې د «قنديل أم هاشم» په فلم کې د شکري سرحان د محبوبې رول ولوباوه. د هماغه وخت په شاوخوا...
20/07/2026

اتریشۍ اداکاره ماري (ماريان) کوخ
هغې د «قنديل أم هاشم» په فلم کې د شکري سرحان د محبوبې رول ولوباوه. د هماغه وخت په شاوخوا کې هغه په جرمني کې د طب په زده کړو بوخته وه.
ماري په داسې کورنۍ کې زیږېدلې وه چې ازاد او بې‌پروایه ژوند یې درلود. د کورنۍ د ناسمو شرایطو له امله یې د ځینو وروڼو او خویندو ژوند هم خراب شوی و، خو ماري هڅه وکړه چې ځان له دې چاپېریاله وساتي او په حلاله او عزتمنده لاره ژوند وکړي. هغې د خپل ژوند د لګښت لپاره په یوه کافه کې د کارګرې په توګه کار پیل کړ.
یوه ورځ یو فلمي پروډیوسر هغه ولیده او په فلمونو کې یې د کوچنیو رولونو وړاندیز ورته وکړ. په همدې ډول هغې په جرمني او اتریش کې په ځینو فلمونو کې د اضافي لوبغاړې په توګه کار پیل کړ.
کله چې د «قنديل أم هاشم» د فلم د ثبت ډله جرمني ته ولاړه، هلته یې یوې جرمنۍ اداکارې ته اړتیا لرله چې په لږ معاش کار وکړي. ماري آډیشن ورکړ او د همدې رول لپاره غوره شوه.
د فلم د کیسې له اورېدو وروسته، هغې د سیدې زینب رضي الله عنها او اهل بیتو په اړه ډېرې پوښتنې وکړې. د فلم کارکوونکو د حضرت زینب رضي الله عنها د پاکۍ، تقوا، صبر او لوړ اخلاقو په اړه معلومات ورکړل. د روایت له مخې، ماري له دې شخصیت څخه ډېره متأثره شوه او په زړه کې یې ځانګړی سکون احساس کړ.
کله چې د فلم ثبت پای ته ورسېد، هغې پرېکړه وکړه چې خپل ژوند بدل کړي. لږې پیسې یې جمع کړې، د مصر پلازمېنې قاهرې ته یې ټکټ واخیست او مصر ته ولاړه.
هلته تر رسېدو وروسته لومړی د سیدې زینب رضي الله عنها زیارت ته ولاړه. دا چې په عربي نه پوهېده، د خلکو مرسته یې وغوښته، تر دې چې د مصر مشهور اداکار عبدالوارث عسر ته ورسېده، چې هغه هم په همدې فلم کې برخه لرله.
عبدالوارث عسر هغې ته ښه راغلاست ووایه، او ماري د اسلام د منلو خپله هیله څرګنده کړه. هغه یې دارالافتاء ته بوتله او د روایت له مخې، د مفتي احمد عبدالعال بریدي په لاس یې اسلام قبول کړ. بیا د مشورې له مخې د هغې نوم «زینب الحسین علي» کېښودل شو.
له اسلام راوړلو وروسته یې د قرآن کریم جرمني ژباړه لوستل پیل کړل. ویل کېږي چې د تلاوت او ژباړې د لوست پر مهال به ډېره ژړل. وروسته یې د حج کولو هیله څرګنده کړه. عبدالوارث عسر د هغې د حج ترتیبات برابر کړل او د محمد توفیق او د هغه د مېرمنې په ملتیا حج ته ولاړه.
د محمد توفیق مېرمن روایت کوي چې ماري به هېڅکله ستړې کېده نه، بلکې د حج په ټولو مناسکو کې به تل له نورو مخکې روانه وه.
د حج له ادا کولو وروسته مدینې منورې ته ولاړه. ، کله چې د رسول الله ﷺ روضې مبارکې ته ورسېده، په څېره یې ځانګړی نور څرګند شو، قرآن کریم یې خپلې سینې ته ونیو، په لوړ غږ یې د شهادت کلمه وویله او هماغلته یې خپل روح الله تعالی ته وسپاره.
هغه په جنت البقیع کې خاورو ته وسپارل شوه.
محترمو او قدرمنو وروڼو!
انسان باید هېڅکله په خپلو تېرو اعمالو مغرور نه شي چې ما فلاني عمل کړي، او نه د نورو ته په پخوانيو اعمالو سپک وګوري..
بلکې تل له الله تعالی څخه د باایمانه خاتمې دعا وغواړي.
اللهم اختم لنا بالحسنى، واجعل عاقبتنا على الإيمان. آمین يا رب العالمین.

د یوی ټولنی د تباهی پیل!😐په کنړ کې سلګونه کسان د یوه مشهور ورزشکار هرکلي ته راووته، خو څو ورځې وړاندې د همدې ولایت هغه ځ...
15/07/2026

د یوی ټولنی د تباهی پیل!😐

په کنړ کې سلګونه کسان د یوه مشهور ورزشکار هرکلي ته راووته، خو څو ورځې وړاندې د همدې ولایت هغه ځوان، چې د هېواد په کچه یې په کانکور کې دوهم مقام ترلاسه کړ، له کوم ځانګړي درناوي پرته پاتې شو.
دا یوازې د دوو اشخاصو د پرتله کولو موضوع نه ده، بلکې زموږ د ټولنیزو ارزښتونو هنداره ده. کله چې علم، زحمت او ریښتینې لاسته راوړنې له پامه وغورځول شي او پر ځای یې یوازې رسنیز شهرت وستایل شي، نو ټولنه خپل اصلي اتلان له لاسه ورکوي.
کومه ټولنه چې خپل ریښتیني اتلان ونه ستایي، هلته نور اتلان نه روزل کېږي او نه هم د اتلولۍ انګېزه ژوندۍ پاتې کېږي.

Address

Afshar

Telephone

+93781733023

Website

Alerts

Be the first to know and let us send you an email when میرویس حریفال posts news and promotions. Your email address will not be used for any other purpose, and you can unsubscribe at any time.

Contact The Business

Send a message to میرویس حریفال:

Shortcuts

Share

Category