10/10/2022
الترف دمر حياتنا
١- قضينا علي ثقافة الشيش الخشب اللي بيمنع الصهد والشمس وبقينا كلنا عالم الوميتال يدخل الشمس ويشويك وبقي التكييف ال ٣ حصان الزامي في كل اوضة وكل واحد فيهم بيرمي نار في الشارع
٢- رغم وجود الغسالات الفول اوتوماتيك اللي مش طالبة غير انك ترمي فيها الغسيل الا ان ثقافة الكافولات القطن الصحية انتهت وحل محلها ثقافة البامبرز اللي بيجيب حساسية وبقي الواد لو عملها يكلفك في المرة ٥ جنية كل ما يظرط .. وقاعدين نشتكي
٣- قتلنا التليفون الارضي رمياً بالرصاص وخليناه زي طقم الكاسات اللي في النيش .. وبقي اللي عايز ينده علي امه من المطبخ يكلمها ع الموبايل وبقت نص ميزانياتنا ضايعة علي الشركات الحرامية
٤- بنستورد بنطلونات وتيشيرتات مقطعة عشان الموضة وكل واحدة تتباهي بمكان القطعة بتاعتها .. وهي لو دورت في دولابها ح تلاقي هدوم ينفع تتقطع احسن من كده لو مصممة تمشي متسولة
٥- نسينا الفنيك اللي كانت بتتطهر بيه الارض اللي تمنه 5 جنيه وبقينا نجيب ازازة الديتول ابو 160 جنيه عشان نمسح الارض
٦- نسينا الريفو والاسكين اللي لسه بمبلاليم عشان الصداع والانفلونزا وبنشتري البنادول المضروب العلبة ب 75 جنيه
٧- بنتباهي بعصير الجرين جوس ابو ٣٥ جنيه في الكافيتريا وهو عبارة عن خيارة وبقدونس وواحدة كيوي ب ب 2 جنيه
٨- بنشرب عصير برتقال طبيعي في الكافيتريا ب ١٦ جينيه وهو الكيلو منه ب 2 جنيه ونص
٨- بنجيب للعيال ٤ دينر من كينتاكي ب ١٨٠ جنيه وههما كلهم عبارة عن فرخة واحدة تمنها ٤٠ جنيه لو اتعملت في البيت
امتي حنرجع لنفسنا
واللي عنده حاجة كمان يزود
منقول
يسعدني تشريفك لي بمتابعه واعجاب بالصفحه
