Pikko - Your Design Ally

Name: Pikko - Your Design Ally
Address: Bangkok, 11000, TH
Telephone: +66832744630

Welcome to my design playground! I will be sharing my experience, creative projects, and insights, all while showcasing my work and offering freelance services.

05/11/2024

𝐏𝐞𝐫𝐬𝐨𝐧𝐚𝐥 𝐁𝐫𝐚𝐧𝐝𝐢𝐧𝐠 𝐢𝐧 𝐭𝐡𝐞 𝐃𝐢𝐠𝐢𝐭𝐚𝐥 𝐀𝐠𝐞 ✨✨

ဒီနေ့ခေတ် ဒီဂျစ်တယ်လောကကြီးထဲမှာ Personal Branding ဆိုတာ Buzzword တစ်ခုထက်ပိုပါတယ်။ ကျွန်တော်တို့ Influencer ဖြစ်ဖြစ်၊ စီးပွားရေးလုပ်ငန်းရှင်ဖြစ်ဖြစ်၊ ဘယ်လောကပဲဖြစ်ဖြစ် ခိုင်မာတဲ့ Personal Brand တစ်ခုဟာ ကျွန်တော်တို့ကို ထူးခြားစေမှာ အမှန်ပါပဲ။

ဒီနေ့ခေတ်မှာ လူတွေဟာ ကျွန်တော်တို့ရဲ့ Resume နဲ့ Portfolio ကိုပဲ ကြည့်နေတာ မဟုတ်တော့ပါဘူး။ သူတို့က ကျွန်တော်တို့ရဲ့ Online Presence တွေကိုပါ စစ်ဆေးကြည့်ရှုပြီး ကျွန်တော်တို့ ဘယ်လိုလူစားမျိုးလဲ၊ ဘာတွေကို ယုံကြည်လဲ၊ ကိုယ့်ကိုယ်ကိုယ် ဘယ်လို present လုပ်လဲဆိုတာတွေကိုပါ လေ့လာနေကြပါတယ်။

🌟 𝐖𝐡𝐲 𝐏𝐞𝐫𝐬𝐨𝐧𝐚𝐥 𝐁𝐫𝐚𝐧𝐝𝐢𝐧𝐠 𝐌𝐚𝐭𝐭𝐞𝐫𝐬

Online Space ထဲမှာ လူတွေအများကြီးရှိနေတဲ့အထဲက ကျွန်တော်တို့ကို ထူးခြားစေမယ့်အရာက Personal Brand ပဲဖြစ်ပါတယ်။ ဒါဟာ ကျွန်တော်တို့ရဲ့ Voice , Story ကျွန်တော်တို့ပြောချင်တဲ့ Message တွေကို Convey လုပ်တာမျိုးပါ။

🌟 𝐄𝐬𝐭𝐚𝐛𝐥𝐢𝐬𝐡𝐢𝐧𝐠 𝐀 𝐒𝐭𝐫𝐨𝐧𝐠 𝐏𝐞𝐫𝐬𝐨𝐧𝐚𝐥 𝐁𝐫𝐚𝐧𝐝

1. Define your brand identity
- ကျွန်တော်တို့ရဲ့ professional ကဘာကို ကိုယ်စားပြုလဲ။
- ကျွန်တော်တို့ရဲ့ တန်ဖိုးထားမှုတွေက ဘာတွေလဲ?
- ကျွန်တော်တို့ရဲ့ story ကရော ဘယ်လိုမျိုးလဲ
ဒီမေးခွန်းတွေကနေ ကျွန်တော်တို့စဉ်းစားကြည့်လို့ရပ်တယ်။ ကျွန်တော်တို့ရဲ့ စိတ်ဝင်စားမှုတွေ၊ ကျွမ်းကျင်မှုနယ်ပယ်တွေနဲ့ Goals တွေအကြောင်းကို သုံးသပ်ဖို့ အရင်အချိန်ယူပါ။

2. Craft a consistent message
ကျွန်တော်တို့ Share လုပ်တဲ့ Content တွေ၊ သုံးနှုန်းတဲ့ စကားလုံးတွေ၊ Post တွေရဲ့ Tone တွေအားလုံးဟာ ကျွန်တော်တို့ရဲ့ Brand နဲ့ ကိုက်ညီနေဖို့ လိုပါတယ်။

3. Choose the right platforms
Social Platform တိုင်းက ကျွန်တော်တို့အတွက် အဆင်ပြေမှာ မဟုတ်ပါဘူး။ ကျွန်တော်တို့ရဲ့ Target Audience တွေ အများဆုံးရှိနေတဲ့ Platform တွေကိုပဲ အာရုံစိုက်ပါ။ ဥပမာ -
- Visual Artist တွေအတွက် Instagram
- Writer တွေအတွက် LinkedIn သို့မဟုတ် Blog

4. Show your authenticity
Personal Branding မှာ Authenticity က အရမ်းအရေးကြီးပါတယ်။ လူတွေက ကျွန်တော်တို့ စစ်စစ်မှန်မှန်နေသလား၊ ပညာတွေကို ချပြနေလား ၊ ရောင်းချဖို့ပဲ ကြိုးစားနေသလားဆိုတာ ခွဲခြားသိနိုင်ပါတယ်။ ကျွန်တော်တို့ရဲ့ Passion နဲ့ Area of interests တွေနဲ့ အတူ Achievements တွေ Challenges တွေကိုပါ မျှဝေပေးပါ။

5. Engage with your audience
Personal Branding ဆိုတာ Content တင်ရုံနဲ့ မပြီးပါဘူး။ Comment တွေကို ပြန်ဖြေပါ၊ ဆွေးနွေးမှုတွေမှာ ပါဝင်ပါ၊ ကျွန်တော်တို့ရဲ့ သိမြင်နားလည်မှုတွေကို မျှဝေပါ။

🌟 𝐆𝐫𝐨𝐰𝐢𝐧𝐠 𝐲𝐨𝐮𝐫 𝐏𝐞𝐫𝐬𝐨𝐧𝐚𝐥 𝐁𝐫𝐚𝐧𝐝𝐢𝐧𝐠

Personal Brand တည်ဆောက်တာဟာ တစ်ညနဲ့ ပြီးမှာ မဟုတ်ပါဘူး။ Content တွေကို ပုံမှန် Update လုပ်ပါ၊ တက်တက်ကြွကြွနေပါ၊ ကျွန်တော်တို့ရဲ့ ပန်းတိုင်နဲ့ မျှော်မှန်းချက်တွေ ကြီးထွားလာတာနဲ့အမျှ လိုက်ပြီးတော့ ပြောင်းလဲမှုတွေ ပြုလုပ်ပါ။ဒီဂျစ်တယ်လောကကြီးဟာ အမြဲပြောင်းလဲနေပါတယ်။ ဒါကြောင့် ကျွန်တော်တို့လည်း လိုက်လျောညီထွေ ပြောင်းလဲနိုင်ဖို့ လိုပါတယ်။

Personal Branding အများစုက Online မှာ ဖြစ်ပေမယ့် Offline ကိုလည်း မမေ့ပါနဲ့။ Meeting တွေ၊ Networking Event တွေ၊ ရင်းနှီးတဲ့ တွေ့ဆုံမှုတွေမှာ ကျွန်တော်တို့ ကိုယ့်ကိုယ်ကိုယ် ဘယ်လိုတင်ဆက်လဲဆိုတာဟာလည်း ကျွန်တော်တို့ရဲ့ Personal Brand ထဲက တစ်စိတ်တစ်ပိုင်းပါပဲ။

ဒီဂျစ်တယ်ခေတ်ကြီးထဲမှာ Personal Branding ဟာ ရွေးချယ်စရာ မဟုတ်တော့ပါဘူး။ ကျွန်တော်တို့ စီးပွားရေးလုပ်ငန်းကို တိုးချဲ့ချင်တဲ့ လုပ်ငန်းရှင်ဖြစ်ဖြစ်၊ အသက်မွေးဝမ်းကျောင်းမှာ ရှေ့ဆက်ချင်တဲ့ ပညာရှင်ဖြစ်ဖြစ် Personal Brand မှာ ရင်းနှီးမြှုပ်နှံတာဟာ ကျွန်တော်တို့ လုပ်နိုင်တဲ့ အတန်ဖိုးတန်ဆုံး အရာတွေထဲက တစ်ခုပါ။

Personal Brand တည်ဆောက်တဲ့ ခရီးလမ်း အဆင်ပြေပါစေ။ 💪✨

27/10/2024

𝐇𝐨𝐰 𝐭𝐨 𝐞𝐦𝐛𝐫𝐚𝐜𝐞 𝐌𝐢𝐧𝐢𝐦𝐚𝐥𝐢𝐬𝐦 𝐚𝐬 𝐚 𝐥𝐢𝐟𝐞𝐬𝐭𝐲𝐥𝐞 : 𝐃𝐞𝐜𝐥𝐮𝐭𝐭𝐞𝐫𝐢𝐧𝐠 𝐟𝐨𝐫 𝐌𝐞𝐧𝐭𝐚𝐥 𝐂𝐥𝐚𝐫𝐢𝐭𝐲

ကျွန်တော်တို့တွေက Minimalism လို့ ပြောလိုက်တာနဲ့ များသောအားဖြင့် Physical Space တွေကို ရှင်းလင်းတယ် လျှော့ချတယ်လို့ပဲ မြင်တတ်ကြပါတယ်။ တကယ်က Minimalism ဆိုတာက intentionality, simplicity, mental clarity ကိုပါ push လုပ်ပေးနိုင်တဲ့ mindset တစ်ခုလိုပါပဲ။ ကျွန်တော်တို့တွေရဲ့ life တွေ အခုခေတ်ကာလမှာ fast-paced , complex ဖြစ်လာတာတဲ့အမျှ ကျွန်တော်တို့တွေပါ လိုက်ပြီးတော့ physically ရော mentally ရော အနည်းနဲ့အများ ပင်ပန်းရတတ်ပါတယ်။ ဒါကြောင့်ပဲ Minimalism ကို ကျွန်တော်တို့ ဘယ်လို embrace လုပ်ကြမလဲ ပြောပြပေးသွားချင်ပါတယ်။

𝐖𝐡𝐲 𝐦𝐢𝐧𝐢𝐦𝐚𝐥𝐢𝐬𝐦 𝐦𝐚𝐭𝐭𝐞𝐫𝐬

Minimalism ကို ကျွန်တော်တို့ အကျဉ်းချုံးပြောရရင် အရေးမကြီးတဲ့အရာတွေ ကိစ္စတွေကို focus သိပ်မထားပဲ အရေးကြီးတဲ့အရာတွေကို focus ပိုပြီးပေးပြီးတော့ ရှင်းရှင်းလင်းလင်းနဲ့ လုပ်ဆောင်ခြင်း ဆိုပြီး အဓိပ္ပါယ်ဖွင့်လို့ရပါတယ်။ ကျွန်တော်တို့ဘဝမှာ မလိုအပ်တဲ့အရာတွေ ရှုပ်ထွေးတဲ့အရာတွေကို လိုက်ပြီး ခံစားရတဲ့အခါ ကြုံတွေ့ရတဲ့အခါ စိတ်ဖိစီးမှုကို ပိုပြီးတော့ ဖြစ်စေပါတယ်။ ဆန့်ကျင့်ဘက်အနေနဲ့ ရိုးရှင်းတဲ့အရာတွေ အရေးကြီးတဲ့အရာတွေကိုပဲ လုပ်ဆောင်ကြမယ်ဆိုရင်တော့ ကျွန်တော်တို့တွေရဲ့ physical ရော mental health အတွက်ပါ အကျိုးဖြစ်စေနိုင်ပါတယ်။ ကျွန်တော်တို့အတွက် အချိန်တွေ အများကြီးလဲ ပိုရပြီးတော့ အနီးနားက လူတွေကို အချိန်ပိုပေးနိုင်မယ် ။ creative pursuits တွေအတွက်လဲ ကောင်းလာမယ် ။ productive ပိုဖြစ်လာမယ် စသဖြင့် အများကြီး အကျိုးရှိပါတယ်။

တစ်ခုထပ်ရှိတာက Minimalism က အဝတ်အစား အသုံးအဆောင် ပစ္စည်းအနည်းငယ်တစ်ချို့နဲ့ နေ့ဖို့ ကြိုးစားနေတဲ့သူတွေ ဒါမှမဟုတ် အိမ်သေးသေးငယ်ငယ်လေး အခန်းကျဉ်းကျဉ်းလေးမှာပဲ space အနည်းငယ်တွင်းမှာပဲ နေထိုင်ဖို့ကြိုးစားနေတဲ့သူတွေ အတွက်ပဲမဟုတ်ပါဘူး။ ဒါက ဘဝရဲ့ မည်သည့် အစိတ်အပိုင်းမှာပဲဖြစ်ဖြသ် အသုံးချနိုင်တဲ့ mindset တစ်ခုဖြစ်ပြီးတော့ ပိုပြီးတော့ ရည်ရွယ်ချက်ရှိရှိ နေထိုင်ဖို့ကူညီပေးပါတယ်။

𝐃𝐞𝐜𝐥𝐮𝐭𝐭𝐞𝐫𝐢𝐧𝐠 𝐏𝐡𝐲𝐬𝐢𝐜𝐚𝐥 𝐒𝐩𝐚𝐜𝐞𝐬

Minimalism ကို လက်တွေ့ကျင့်သုံးဖို့ အထိရောက်ဆုံး နည်းလမ်းတစ်ခုကတော့ ကျွန်တော်တို့တွေရဲ့ physical space ကို ရှင်းရှင်းလင်းလင်းဖြစ်အောင် ထားခြင်း ဖြစ်ပါတယ်။ ကျွန်တော်တို့တွေရဲ့ ပတ်ဝန်းကျင်က ကျွန်တော်တို့ရဲ့ စိတ်ခံစားချက်နဲ့ လုပ်ဆောင်မှုတွေ အပေါ်မှာ clarity ပိုင်းအရသက်ရောက်မှု ရှိပါတယ်။ ကျွန်တော်တို့ရဲ့ အိမ် ဒါမှမဟုတ် အလုပ်နေရာက ရှုပ်ပွနေတဲ့အခါ ရှုပ်ထွေးမှူနဲ့ စိတ်ဖိစီးမှု ခံစားချက်တွေကို ဖြစ်ပေါ်စေနိုင်ပါတယ်။ တစ်ဖက်မှာလည်း သန့်ရှင်းပြီး စနစ်တကျရှိတဲ့နေရာက ငြိမ်းချမ်းမှုနဲ့ ထိန်းချုပ်နိုင်မှု ခံစားချက်တွေကို ဖြစ်ပေါ်စေပါတယ်။

𝐌𝐞𝐧𝐭𝐚𝐥 & 𝐃𝐢𝐠𝐢𝐭𝐚𝐥 𝐃𝐞𝐜𝐥𝐮𝐭𝐭𝐞𝐫𝐢𝐧𝐠

Minimalism ဆိုတာက ကျွန်တော်တို့ရဲ့ ရုပ်ပိုင်းဆိုင်ရာ နေရာထဲက အရာတွေသာ မဟုတ်ပါဘူး။ ကျွန်တော်တို့ရဲ့စိတ်နဲ့ ဒစ်ဂျစ်တယ်ဘဝကိုပါ ရှင်းလင်းဖို့ ဖြစ်ပါတယ်။ ကျွန်တော်တို့ရဲ့ အလွန်အမင်း ချိတ်ဆက်နေတဲ့ ကမ္ဘာကြီးမှာ၊ ဒစ်ဂျစ်တယ် ဝန်ပိုတွေက စိတ်ဖိစီးမှုနဲ့ စိုးရိမ်ပူပန်မှုတွေကို ဖြစ်ပေါ်စေနိုင်ပါတယ်။ ပြည့်နှက်နေတဲ့ အီးမေးလ်ဘောက်စ်ကနေ မရပ်မနား လူမှုမီဒီယာ အကြောင်းကြားချက်တွေအထိ၊ ကျွန်တော်တို့ဘဝထဲက ဒစ်ဂျစ်တယ် ရှုပ်ထွေးမှုတွေကလည်း ရုပ်ပိုင်းဆိုင်ရာ ရှုပ်ထွေးမှုတွေလိုပဲ စိတ်ဖိစီးမှု ဖြစ်စေနိုင်ပါတယ်။

𝐒𝐢𝐦𝐩𝐥𝐢𝐟𝐲𝐢𝐧𝐠 𝐑𝐨𝐮𝐭𝐢𝐧𝐞𝐬 𝐟𝐨𝐫 𝐂𝐥𝐚𝐫𝐢𝐭𝐲

ရိုးရှင်းစွာနေထိုင်ခြင်းက ကျွန်တော်တို့ရဲ့နေ့စဉ်ဘဝကို ဘယ်လိုဖွဲ့စည်းထားလဲဆိုတာအထိ ပါဝင်ပါတယ်။ နေ့စဉ်လုပ်ငန်းတွေကို ရိုးရှင်းအောင်လုပ်ခြင်းက ဆုံးဖြတ်ချက်ချရတဲ့ ပင်ပန်းမှုကို လျှော့ချပေးပြီး ပိုမိုအဓိပ္ပါယ်ရှိတဲ့ လုပ်ဆောင်ချက်တွေအတွက် နေရာဖန်တီးပေးနိုင်ပါတယ်။ ဒါက အစားအသောက်တွေကို ကြိုတင်စီစဉ်ထားခြင်း၊ မနက်ပိုင်း ပုံမှန်လုပ်ငန်းစဉ် တည်ဆောက်ခြင်း၊ သို့မဟုတ် တန်ဖိုးမဖြည့်ဆည်းပေးနိုင်တဲ့ မလိုအပ်တဲ့ အလုပ်တွေကို ဖြတ်တောက်ခြင်း စတာတွေ ဖြစ်ပါတယ်။

𝐓𝐡𝐞 𝐌𝐞𝐧𝐭𝐚𝐥 𝐁𝐞𝐧𝐞𝐟𝐢𝐭𝐬 𝐨𝐟 𝐌𝐢𝐧𝐢𝐦𝐚𝐥𝐢𝐬𝐦

Minimalism ကို approach လုပ်နိုင်လေလေ ရနိုင်မယ့်် စိတ်ပိုင်းဆိုင်ရာ အကျိုးကျေးဇူးတွေကလည်း အများကြီးပါပဲ။ ကျွန်တော်တို့ရဲ့ ဘဝမှာ မလိုအပ်တဲ့ အရာတွေကို ဖယ်ရှားလိုက်ခြင်းဖြင့် ကျွန်တော်တို့တွေရဲ့ stress တွေ လျော့သွားမယ် တစ်ဖက်ကနေ focus တွေ ပိုပြီးတော့ တိုးလာမယ် အကျိုးရှိမဲ့အရာတွေ မှန်ကန်တဲ့ decision တွေ ပိုပြီးတော့ ချလာနိုင်မယ်။ မလိုအပ်တဲ့အရာတွေကြောင့် စိတ်ဖိစီးမှုမရှိတဲ့အခါ ကျွန်တော်တို့ကို ပျော်ရွှင်စေမဲ့အရာတွေ စိတ်ကို peace ဖြစ်စေမယ့် အရာတွေကို လုပ်နိုင်ဖို့အတွက် ပိုပြီးတော့ စိတ်ရလာစေမယ်။ တစ်နည်းအားဖြင့် self awareness လဲ ပိုပြီးရလာမယ်။

Conclusion အနေနဲ့ ပြောရရင် Minimalism က Trend တစ်ခုထက် ပိုတဲ့အပြင် စိတ်နဲ့နေထိုင်မှုကို clarity , simplicity နဲ့ intentionality ကို ပေးစွမ်းနိုင်ပါတယ်။ physical spaces တွေ လျှော့ချတာပဲ ဖြစ်ဖြစ် Digital life ကို တတ်နိုင်သမျှ လျှော့ချတာပဲဖြစ်ဖြစ် daily routine တွေကို ရိုးရိုးရှင်းရှင်းနဲ့ ဖြတ်သန်းတာမျိုးပဲ ဖြစ်ဖြစ် စတင်ပြီးတော့ approach လုပ်ကြည့်ကြပါ။ ဒီလိုကနေပြီးတော့ ဘဝကို ပိုပြီးတော့ peace , joy နဲ့ more purpose တွေ ရလာမယ်လို့ ထင်ပါတယ်။

Why not start small today and see where it takes you?

21/10/2024

𝐂𝐫𝐞𝐚𝐭𝐢𝐯𝐢𝐭𝐲 & 𝐌𝐢𝐧𝐝𝐟𝐮𝐥𝐧𝐞𝐬𝐬: 𝐇𝐨𝐰 𝐭𝐨 𝐛𝐨𝐨𝐬𝐭 𝐲𝐨𝐮𝐫 𝐜𝐫𝐞𝐚𝐭𝐢𝐯𝐞 𝐟𝐥𝐨𝐰

အရင်တစ်ခါက the art of creative problem solving အကြောင်းကို ပြောပြီးတဲ့အခါမှာ ဒီနေ့မှာတော့ ကျွန်တော်တို့ရဲ့ creative flow ကိုဘယ်လိုမြင့်တင့်သွားမလဲဆိုတာရယ်နဲ့ အတူ Mindfulness အကြောင်းကိုပါ လေ့လာထားသလောက် sharing လုပ်ချင်ပါတယ်။

လက်ရှိကျွန်တော်တို့တွေရဲ့ fast paced world ထဲမှာ နေ့စဉ်လုပ်စရာတွေအများကြီးကြားထဲမှာမှ ကျွန်တော်တို့တွေရဲ့ creativity ကို cultivate လုပ်ဖို့ရာက ခက်ခဲတဲ့အလုပ်လို့ ထင်ရတတ်ပါတယ်။ ဒါပေမဲ့ creativity ဆိုတာက artists တွေ designers တွေရဲ့ အပိုင်းမှာပဲ ရှိနေတာမဟုတ်ပါဘူး။ ကျွန်တော်တို့ဘဝရဲ့ အရေးပါတဲ့တစ်ခုဖြစ်ပြီးတော့ ကျွန်တော်တို့ရဲ့ ပြသာနာတွေဖြေရှင်းပုံ ၊ တွေးတောပုံ ၊ ထုတ်ဖော်ပြပုံတွေမှာပါ တစ်စိတ်တစ်လေ ကတော့ အကျိုးသက်ရောက်မှုရှိပါတယ်။ အဲ့ဒီ creative mind ကို cultivate လုပ်ဖို့အတွက်နည်းလမ်းထဲမှာ mindfulness ကလဲ တစ်ခုအပါအဝင်ဖြစ်ပါတယ်။

Mindfulness ဆိုတာကဘာလဲ။?

Mindfulness ဆိုတာကတော့ ကျွန်တော်တို့ရဲ့ လက်ရှိရှိနေတဲ့ present moment မှာ negativity တွေဖြစ်စေမယ့်အရာတွေကို ရှောင်ပြီး positivity ဖြစ်စေမယ့် ခံစားချက်တွေ ၊ အတွေးတွေ ၊ ပတ်ဝန်းကျင်မိတ်ဆွေတွေနဲ့ ကိုယ့်ဘာသာကို surround လုပ်လိုက်တာမျိုးပါ။ ကျွန်တော်တို့တွေရဲ့ observation ability ကိုလဲ တိုးလာနိုင်စေပြီးတော့ တစ်ဖက်မှာ စိတ်ငြိမ်စွာနဲ့ creativity ကိုပါတစ်ခါတည်း cultivate လုပ်နိုင်ပါတယ်။ Mindfulness ကိုလေ့ကျင့်ခြင်းက ကျွန်တော်တို့စိတ်ကို chaotic ဖြစ်စေတဲ့အရာတွေကနေ တားဆီးပြီးတော့ ပြန်လည်စိတ်တည်ငြိမ်လာစေဖို့ကိုလဲ အခွင့်အလမ်းပေးပါတယ်။

𝐓𝐡𝐞 𝐂𝐨𝐧𝐧𝐞𝐜𝐭𝐢𝐨𝐧 𝐁𝐞𝐭𝐰𝐞𝐞𝐧 𝐌𝐢𝐧𝐝𝐟𝐮𝐥𝐧𝐞𝐬𝐬 𝐚𝐧𝐝 𝐂𝐫𝐞𝐚𝐭𝐢𝐯𝐢𝐭𝐲

Research တွေအရ mindfulness က creativity ကို push လုပ်ပေးပါတယ်။ ကျွန်တော်တို့တွေရဲ့ စိတ်တွေကို calm ဖြစ်စေပြီးတော့ creativity ကို enhance လုပ်နိုင်မယ့် mindfulness ကို ဘယ်လို approach လုပ်လို့ရမလဲဆိုတာကို တစ်ချက်ကြည့်လိုက်ကြရအောင်ပါ။

Mindful Breathing: Mindful breathing ဆိုတာကတော့ အသက်ကို စိတ်ဝင်တစိုက်နဲ့ သေချာရှုတာမျိုးကို ပြောချင်တာပါ။ ကျွန်တော်တို့တွေ အသက်ရှုတယ်အခါမှာ လေကို deeply inhale လုပ်မယ် ခန 2 or 3 seconds အထိ hold လုပ်ထားမယ် ပြန်ပြီးဖြေးဖြေးချင်း လျှော့ချမယ်။ ဒီ practice က လွယ်ကူပေမယ့် တစ်နေ့တာအလုပ်ကိစ္စတွေ များတဲ့အခါ ကျွန်တော်တို့ သေချာလုပ်ဖြစ်ဖို့ မေ့တတ်ကြပါတယ်။ ဒါပေမဲ့ mindfulness breathing က ကျွန်တော်တို့ရဲ့စိတ်ကို clam လုပ်နိုင်ပြီးတော့ stress တွေကိုပါ လျှော့ချပေးနိုင်ပါတယ်။ တစ်ဖက်မှာလဲ ကျွန်တော်တို့ကို creative thinking နဲ့ insights တွေ ရဖို့ push လုပ်ပေးနိုင်ပါတယ်။

Meditation: Meditation ကတော့ လူတိုင်းသိကြမယ်လို့ထင်ပါတယ်။ ဒါပေမဲ့ ကျွန်တော်တို့ မလုပ်ဖြစ်ပါပါဘူး။ ကျွန်တော်တို့ရဲ့ တစ်နေတာအချိန်ထဲမှာ 10-15 mins လောက် meditation လုပ်ပေးနိုင်ရင် ကျွန်တော်တို့ရဲ့ mental chatter ကို ငြိမ်စေပြီးတော့ creativity ကို boost လုပ်ပေးနိုင်မယ်လို့ထင်ပါတယ်။ Meditation လုပ်တဲ့အခါမှာ distraction နည်းပြီးတော့ quiet ဖြစ်မယ့်နေရာမျိုးမှာဆိုရင် ပိုကောင်းပါတယ် စိတ်ကို သေချာ recharge ဖြစ်အောင်လို့ပါ။

Creative Journaling: Journaling ကတော့ ကျွန်တော် practice လုပ်ပေးမယ့် fail ခနခနဖြစ်ပါတယ်။ journaling လုပ်ဖို့ ထွေထွေထူးထူး accessories တွေ အချိန်တွေ အများကြီးမလိုပါဘူး။ အချိန်ခနပေးပြီးတော့ ကျွန်တော်တို့ တစ်နေ့တာလုပ်ရမယ့်အရာတွေကို list ထုတ်ထားမျိုး ဖြစ်ဖြစ် note down လုပ်ထားမျိုးဖြစ်ဖြစ် လုပ်သွားပေးရင်ရပါပြီ။ personal suggestion အနေနဲ့ မနက်ခင်းအိပ်ယာထတဲ့အခါမျိုး ၊ မနက်ဖြန်လုပ်ရမဲ့အရာတွေကို ညကတည်းက list လုပ်ထားတာမျိုးဆို ပိုကောင်းမယ်ထင်ပါတယ်။ ကျွန်တော်တို့တွေရဲ့ subconscious ဖြစ်နေတဲ့အရာတွေကို unlock လုပ်ပေးနိုင်ပြီးတော့ ideas အသစ်တွေကို တစ်ခါတစ်လေရနိုင်ပါတယ်။ စိတ်ထဲမှာလဲ ကိုယ်လုပ်ရမယ့်အရာတွေကို သိတဲ့အခါ ပိုပြီးတော့ စိတ်ငြိမ်ငြိမ်နဲ့ တစ််ခုပြီးတစ်ခုလုပ်ဆောင်နိုင်မယ် ပိုပြီးတော့လဲ ပြီးသွားနိုင်မယ်လို့ထင်ပါတယ်။

Nature Walking: Nature Walking ဆိုတာကတော့ များသောအားဖြင့် outdoor activities တွေကို ဆိုလိုချင်တာပါ။ ဒါပေမဲ့ outdoor activities ကိုလုပ်တဲ့အခါ တတ်နိုင်သလောက် ကျွန်တော်တို့တွေရဲ့ ဖုန်းတွေ
digital devices ကိုမသုံးဘဲနဲ့ မြင်ကြားနေရတဲ့ ပတ်ဝန်းကျင်ကိုပဲ သေချာ attention ပေးနိုင်ရင်
ပိုကောင်းပါတယ်။

Rest & Recharge: တစ်ခါတစ်လေမှာ ကျွန်တော်တို့ရဲ့ စိတ်ကို recharge လုပ်ဖို့ creativity ကို boost လုပ်ဖို့ကတော့ လုပ်နေတဲ့အရာတွေကနေ step back လုပ်ပြီးတော့ လုံးဝကို moment တစ်ခုလောက်အထိ ခနလောက်ဖြစ်ဖြစ် အနားယူတာမျိုးပါ။ ကျွန်တော်တို့တွေ break ယူလိုက်တဲ့အခါ ရှေ့ကိုဆက် forward လုပ်ဖို့ ပိုပြီးတော့ အားတွေရသွားပါတယ်။ သေချာအနားယူထားတဲ့လူအတွက် creativity ကို embrace လုပ်ဖို့က အရမ်းလွယ်ကူပါတယ်။

𝐄𝐦𝐛𝐫𝐚𝐜𝐢𝐧𝐠 𝐂𝐫𝐞𝐚𝐭𝐢𝐯𝐢𝐭𝐲 𝐰𝐢𝐭𝐡 𝐌𝐢𝐧𝐝𝐟𝐮𝐥𝐧𝐞𝐬𝐬 𝐢𝐧 𝐄𝐯𝐞𝐫𝐲 𝐋𝐢𝐟𝐞

Mindfulness ကိုကျွန်တော်တို့တွေရဲ့ နေ့စဉ်ဘဝထဲကို incorporate လုပ်ချင်းက creativity ကိုတင်မကပဲ mental wellbeing ကိုပါ တိုးတက်စေပါတယ်။ ကျွန်တော်တို့ mindfulness ကို approach လုပ်လေလေ ကျွန်တော်တို့တွေ present moment ကိုပိုပြီးတော့ enjoy လုပ်နိုင်လေလေ focus လုပ်နိုင်လေလေပါပဲ။ တစ်ဖက်မှာလဲ balanced ဖြစ်တဲ့ life ကိုတစ်ခါတည်းရမယ်။ ကျွန်တော်တို့ personal နဲ့ professional life အတွက် mindfulness ကအရေးပါလို့ approach လုပ်ကြည့်ကြဖို့ ပြောချင်ပါတယ်။

ဆိုတော့ အသက်ဝဝရှူကြပါ။ intentions တွေကို သေချာ set up လုပ်ပါ။ creative ဖြစ်အောင်လဲ ကြိုးစားနေကြည့်ကြပါ။ ကျွန်တော်လဲ တတ်နိုင်သလောက် approach လုပ်ကြည့်ပါအုံးမယ်။

15/10/2024

𝐓𝐡𝐞 𝐀𝐫𝐭 𝐨𝐟 𝐏𝐫𝐨𝐛𝐥𝐞𝐦 𝐒𝐨𝐥𝐯𝐢𝐧𝐠 [ 10 mins ]

Creative Problem Solving ဆိုတာကတော့ ကျွန်တော်တို့တွေရဲ့ နေ့စဉ်ဘဝမှာ အမြဲတွေ့ကြုံနေရတဲ့ အရာဖြစ်ပါတယ်။ အလုပ်ခွင်မှာပဲ ဖြစ်ဖြစ် ကျွန်တော်တို့တွေရဲ့ တစ်နေ့တာကိစ္စတွေပဲဖြစ်ဖြစ် creative ဖြစ်စွာနဲ့ဆောင်ရွက်ဖြေရှင်းနိုင်ရင် ကျွန်တော်တို့တွေ အကြံကောင်းနည်းလမ်းကောင်းတွေ ရနိုင်သလို လျင်လျင်မြန်မြန်နဲ့လဲ ပိုပြီးတော့အလုပ်တွေ ပြီးစေပါတယ်။ ဒီနေ့မှာတော့ ကျွန်တော် creative ဖြစ်အောင်ဘယ်လိုနေမလဲ creativity ပိုတိုးစေမဲ့ နည်းလမ်းတွေကို ပြောပြပြီးတော့ creative problem solving ကို personal နဲ့ professional life မှာ ဘယ်လိုအသုံးချသွားမလဲဆိုတာကို လေ့လာထားသလောက် sharing လုပ်ပေးသွားပါမယ်။

Creativity ကဘာလို့ အရေးပါတာလဲ။ Creative Problem Solving ကိုဘာလို့ ကျွန်တော်တို့ approach လုပ်သင့်တာလဲ။ ? ဘာလို့လဲဆိုတော့ Creative Problem Solving က ကျွန်တော်တို့ရဲ့ လက်ရှိရှိနေတဲ့ problem solving ability နဲ့ mindset ကို မြင့်တင်ပေးပြီးတော့ ပိုပြီးတော့ ကောင်းတဲ့ solutions တွေကို ပေးနိုင်လို့ အချိန်မြန်မြန်နဲ့ solutions တွေမြန်မြန် ရနိုင်လို့ပဲဖြစ်ပါတယ်။ ဆိုလိုချင်တာကတော့ င်္သချာပုစ္ဆာတစ်ခု တစ်ခုကို ကျွန်တော်တို့က တွက်နည်းတစ်ခုပဲ သိတယ် ဆိုကြပါစို့။ ကျွနော်တို့တွေ creative ဖြစ်ဖြစ်တွေးနိုင်တဲ့အခါ အခြား diverse ဖြစ်တဲ့ တွက်နည်းတွေ အများကြီး ခေါင်းထဲမှာ ပေါ်လာတာမျိူး ဖြေရှင်းလိုက်နိုင်တာမျိုးပဲဖြစ်ပါတယ်။

Creative Problem Solving ကိုပိုပြီးတော့ enhance လုပ်နိုင်မယ့် အလေ့အကျင့်တွေ နည်းလမ်းတွေကို တစ်ချက် ကြည့်လိုက်ကြရအောင်

1. Brainstorming: Brainstorming ဆိုတာကတော့ ကျွန်တော်တို့က ဦးနှောက်ထဲမှာ မုန်းတိုင်းတွေဝင်ပစ်လိုက်တာမျိုးပါ။ တစ်နည်းပြောရရင် ရှိသမျှ ideas flow တွေကို limitation မထားပဲနဲ့ ရနိုင်သလောက် တွေးပြီးတော့ ဆွဲထုတ်တာမျိုးပါ။တစ်ခါတစ်လေမှာ ကျွန်တော်တို့ အဲ့ဒီလို imagination တွေကို limitless ထုတ်တဲ့အခါမျိူးမှာ ကျွန်တော်တို့ပိုပြီးတော့ creative ဖြစ်လာတတ်ကြပါတယ်။

2. Mind Mapping: Mind mapping ကကျတော့ ကျွန်တော်တို့ ရှိနေတဲ့ ideas တွေကို ခွဲထုတ်လိုက်ပြီးတော့ စိတ်ကူးထဲမှာ ပုံဖော်ကြည့်တာမျိုးကို ပြောချင်တာပါ။ problem တစ်ခု ကိစ္စတစ်ခုကိုဖြေရှင်းတဲ့အခါ အဲ့ဒီအရာကို base လုပ်ပြီးတော့ သူနဲ့ ဆက်နွယ်တဲ့အရာတွေ questions တွေ မေးခွန်းတွေကို ချိတ်ဆက်ပြီးတော့ သစ်ပင်အကိုင်းအခတ်တွေလို ပုံဖော်ကြည့်တာမျိုးလို့ ကျွန်တော်တို့ မှတ်ယူလို့ရပါတယ်။ ဒီ technique ကို သေချာ embrace လုပ်ကြည့်မယ်ဆိုရင် တစ်ခါတစ်လေ ကျွန်တော်တို့ ထည့်သွင်းစဉ်းစားဖို့ လိုနေတဲ့အရာတွေ မရှင်းမလင်းဖြစ်နေတဲ့ နေရာတွေကိုပါ မြင်လာနိုင်မှာ ဖြစ်ပါတယ်။

3. Reverse Engineering: ဒီ technique ကတော့ ကျွန်တော်နဲ့ familiar သိပ်တော့မဖြစ်ပါဘူး။ သူကကျတော့ ကျွန်တော်တို့တွေ လိုချင်တဲ့ outcome လိုချင်တဲ့ solution ကိုရဖို့အတွက် နောက်ပြန်ပြန်တွေးတာမျိုးဖြစ်ပါတယ်။ ဒီနည်းလမ်းနဲ့ဆိုရင်တော့ ကျွန်တော်တို့က ကျွန်တော်တို့ လိုချင်တဲ့ goal , outcome တွေကိုရဖို့ လုပ်ဆောင်ရမယ့် steps တွေ ဖြစ်လာနိုင်တဲ့ obstacles တွေကို ကြိုတင်ပြီးတော့ pinpoint လုပ်နိုင်လာပါလိမ့်မယ်။

4. Role - Playing: ဒါကတော့ရှင်းပါတယ် ကျွန်တော်တို့ ML , LOL တို့ဆော့တဲ့အခါမျိုးမှာ ကိုယ့် pick လိုက်တဲ့ hero နေရာကနေပြီးတော့ ဝင်ပြီးတော့ ဆော့ရတာမျိုး တွေးလိုက်တာမျိုးနဲ့ ဆင်ပါတယ်။ တစ်ခြားသူနေရာကနေ ဝင်ရောက်ပြီးတော့ တွေးလိုက်တဲ့အခါမျိုးမှာ ကျွန်တော်တို့ fresh perspectives တွေ pathways တွေ ရလာပြီးတော့ တစ်ခါတည်း empathize ပါလုပ်နိုင်သွားတာမျိုးပါ။

5. The Five Whys: ဒီ technique ကတော့ အရမ်းရိုးရှင်းသလို effective လဲဖြစ်ပါတယ်။ problem တစ်ခု ကိစ္စတစ်ခုကို ထပ်ခါသလဲလဲ ဘာကြောင့်ဘာကြောင့်နဲ့ ရှာဖွေရင်း သူရဲ့ root cause ကိုရှာဖွေတာမျိုးဖြစ်ပါတယ်။ ရှာဖွေရင်းနဲ့ နောက်ဆုံး ငါးကြိမ်မြောက် why ကိုရောက်တဲ့အခါ ကျွန်တော်တို့ စစဖြေရှင်းတုန်းက မမြင်နိုင်ခဲ့တဲ့တစ်ခြားအရာတွေကို မြင်လာနိုင်ပါတယ်။

6. Prototyping: Prototyping ကတော့ ကျွန်တော်တို့ design field တွေမှာ ပိုပြီးတော့ အသုံးများကြပါတယ်။ ကျွန်တော်တို့ design တွေဆွဲတဲ့အခါ ideas တွေသိပ်မထွက်တဲ့အခါမျိုးတွေမှာ ဒီ technique နဲ့ tangible ဖြစ်တဲ့ solution တွေကို test လုပ်ရင်း iterate လုပ်ရင်းနဲ့ solution တွေ ပေါ်လာတတ်ပါတယ်။ တစ်ခြားနယ်ပယ်တွေမှာတော့ ကျွန်တော်တို့အနေနဲ့ solutions တွေကို ထုတ်ပြီးတော့ အဆင်ပြေမပြေ အခြေအနေနဲ့ လိုက်လျောညီထွေမှုရှိမရှိကို solutionတစ်မျိုးပြီး တစ်မျိုး ထုတ်ရင်းနဲ့ သုံးသပ်ကြည့်လို့ရမယ် ထင်ပါတယ်။

ဒီ techniques တွေကို ကျွန်တော်တို့ personal နဲ့ professional life တွေမှာ ဘယ်လိုအသုံးချသွားမလဲဆိုတာကို scenarios တစ်ချို့နဲ့ ပြောပြပေးသွားပါမယ်။

- Personal Cases: ဒီနေရာမှာ ကျွန်တော် ကိုယ့်ဘာသာကိုယ် example တစ်ခုအနေနဲ့ ပြောပြသွားပါမယ်။ ကျွန်တော်အနေနဲ့ လက်ရှိ self branding လုပ်နေရင်း blogs ရေးဖို့ ideas တွေ ထုတ်ရတဲ့အခါ brainstorming နဲ့ mind mapping နဲ့က အရမ်း handy ဖြစ်ပြီး အသုံးဝင်ပါတယ်။

- Workplace challenge: ဒီနေရာမှာလဲ ကျွန်တော်တို့ team projects တွေ collaboration တွေလုပ်တဲ့အခါ ကိစ္စတစ်ခုခု ကြုံလာရင်း brainstorming တို့ the Five Whys တို့တွေကို သုံးပြီးတော့ root cause တွေရှာ solutions တွေထုတ်လို့ရပါတယ်။

- Life-decisions: တကယ်လို့ ကျွန်တော်တို့က career တစ်ခုခုဖြစ်ဖြစ် ရွေးနေတဲ့အခါမျိုးမှာဆိုရင် role-playing ကိုသုံးပြီးတော့ options တိုင်းမှာ ဖြစ်လာမဲ့အရာတွေ outcomes တွေကို မြင်လာနိုင်ပြီးတော့ အတွေးတွေကို clarify လုပ်နိုင်သွားမယ် မှန်မယ်ထင်ရတဲ့ အရာကို ရွေးချယ်ဖို့လဲ guidance တစ်ခုအနေနဲ့ ရသွားနိုင်မယ်လို့ မြင်ပါတယ်။

Creative Problem Solving ကအရမ်း versatile ဖြစ်တော့ နေရာတိုင်းအတွက်အဆင်ပြေပါတယ်။ လူတိုင်းအတွက်လဲ အလွယ်တကူနဲ့ ဖြေးဖြေးချင်း သင်ယူသွားနိုင်မယ့် အရာဆိုလဲမမှားပါဘူး။ creative ဖြစ်တဲ့အခါ effective ဖြစ်တဲ့ solutions တွေ ပိုပြီးထွက်ပေါ်လာနိုင်တာမလို့ နောက်တစ်ခါ challenge တွေ problems တွေ ဖြေရှင်းတဲ့အခါမျိုးမှာ ဒီနည်းလမ်းတွေ ကြိုးစားပြီးတော့ သုံးကြည့်ပါလို့ ပြောချင်ပါတယ်။

13/10/2024

𝐌𝐲 𝐉𝐨𝐮𝐫𝐧𝐞𝐲 𝐢𝐧𝐭𝐨 𝐔𝐈/𝐔𝐗 𝐚𝐧𝐝 𝐏𝐫𝐨𝐝𝐮𝐜𝐭 𝐃𝐞𝐬𝐢𝐠𝐧: 𝐅𝐫𝐨𝐦 𝐈𝐓 𝐏𝐫𝐨𝐣𝐞𝐜𝐭𝐬 𝐭𝐨 𝐚 𝐏𝐚𝐬𝐬𝐢𝐨𝐧 𝐟𝐨𝐫 𝐃𝐞𝐬𝐢𝐠𝐧

Design ဆိုတာက ကျနော်အမြဲ စိတ်ဝင်စားခဲ့တဲ့အရာတစ်ခုပါ။ ဒါပေမဲ့ အရင်တုန်းကတော့ ကျွန်တော်ရဲ့ Passionတစ်ခု Careerတစ်ခု ဖြစ်လာမယ်လို့တော့ တစ်ခါမှ မတွေးဖူးပါဘူး။ ကျောင်းတက်တုန်းက IT projects တွေ ရေးရတယ် အထူးသဖြင့် Mobile App Development, Website Development အပိုင်းတွေ အများဆုံး လုပ်ရတယ်။ ဒါပေမဲ့ ကျွန်တော် ပိုစိတ်ဝင်စားခဲ့တာက Coding ပိုင်းမဟုတ်ဘဲ User Interface အပိုင်းက ဘယ်လိုမျိုးဆို ပိုလှတယ် ဘယ်လိုမျိုးဆို ပိုကြည့်ရကောင်းတယ် သုံးရအဆင်ပြေလဲ ဆိုတာပါ။ ကျောင်းမှာ သူငယ်ချင်းတွေက coding ပိုင်းကို များသောအားဖြင့် လုပ်ကြပေမယ့် ကျနော်ကတော့ Design ဘယ်လိုဆို ပိုလှတယ် ဘယ်လိုဆို အဆင်ပြေတယ် ဆိုပြီး ပိုစိတ်ဝင်စားခဲ့တယ် ပိုပြီးတော့ အဲ့ဘက်အပိုင်းမှာ သေချာလုပ်ဖြစ်တယ် အချိန်လဲ တော်တော်ကြာခဲ့တာပေါ့။

အဲ့ကနေ စပြီးတော့မှ UI UX နဲ့ Product Design ကို ပထမဆုံး glimpse တွေ့ခဲ့ရတာပါ။ ကျောင်းက projects တွေ လုပ်နေချိန်ရော ကိုယ်ပိုင် self practice coding တွေလုပ်နေတုန်းမှာပါ Coding ပိုင်းထက် Appearance ပိုင်း Visual ပိုင်းကို အချိန်ပိုပြီး ပေးပြီး တသသ ပြင်နေတယ်ဆိုတာကို အဲ့နောက်မှ သတိထားမိလာတယ်။ အဲ့ဒီတုန်းက ဒီ Passion ကို career အဖြစ်ရွေးနိုင်မယ် ဆက်လုပ်နိုင်မယ် လို့လဲ မထင်မိပါဘူး။

1. 𝐔𝐈 𝐔𝐗 ပိုင်းကို ဘယ်လိုလုပ်ပြီး 𝐏𝐚𝐬𝐬𝐢𝐨𝐧 အဖြစ်တွေ့ခဲ့လဲ?

Pandemic နဲ့ Military coup ဖြစ်တုန်းက တစ်ခြားလူတွေလိုပဲ Education ရော Plan တွေရော တစ်ခုမှ ဆက်မဖြစ်ခဲ့ဘူး။ Organization တစ်ခုမှာ Content Writer အနေနဲ့ ဝင် contribute လုပ်ပေးတာကလွဲလို့ တစ်ခြားများများစားစား ကျွန်တော် သိပ်မလုပ်ဖြစ်ခဲ့ဘူး။ သိပ်မကြာခင်မှာပဲ Private University တစ်ခုမှာ enroll လုပ်ခဲ့တယ်။ တက်နေရင်း Projects တွေ လုပ်နေရင်းနဲ့ပဲ Passion ရော Career ကိုပါ တွေ့ခဲ့တယ်။ ကျွန်တော်က Design background ကလာခဲ့တာမျိုးမဟုတ်ပါဘူး။ ကျောင်းက projects တွေ လုပ်နေရင်းနေမှ ဒီဘက်အပိုင်းကို စိတ်ဝင်စားလာခဲ့တာပါ။

ကျောင်းကနေ break တစ်ဖြတ်ရတုန်း Design နဲ့ ပတ်သက်တာ တစ်ခုခုလုပ်ကြည့်မယ်ဆိုပြီး Google UX Course ကို စစ join ဖြစ်ခဲ့ပါတယ်။ UI UX အပိုင်းကို အဲ့ကနေမှ စပြီးသင်ဖူးတာပါ သင်နေရင်းနဲ့လဲ စိတ်အရမ်းဝင်စားခဲ့ပါတယ်။ Google UX Course ကနေ များသောအားဖြင့် Design Thinking, User Problem Solving, User Center Design များသောအားဖြင့် UX Methodologies တွေ ပိုပြီးတော့ သင်ခဲ့ရပါတယ် ။ Program ကနေ ကျွန်တော်တို့ project တွေလုပ်ရတယ် ။ မှတ်မှတ်ရရ ကျွန်တော်လုပ်ဖြစ်ခဲ့တာက Movie Ticketing Application တစ်ခုပါ။ အားတဲ့အချိန်တွေမှာ အိမ်ကဆိုင်ကို စျေးရောင်းကူလိုက် တစ်ဖက်က Youtube Tutorial တွေကြည့်လိုက်နဲ့ လုပ်ရင်း အချိန်သိပ်မပေးနိုင်ပဲ ၆ လလောက် ကြာမှ အဲ့ဒီ project ကိုပြီးပါတယ်။

အမြဲတစ်ခုခုဆို self study လုပ်တိုင်း ကိုယ်ကိုယ့်ကို fulfilling မဖြစ်နေဘူးလို့ ခံစားရတာနဲ့ Compass က UI UX Course ကို ဝင် join ဖြစ်ခဲ့ပါတယ် ။ Course အတွက်ပါ full scholarship ရလိုက်ပါတယ်။ အဲ့ဒီကနေပြီးတော့မှ ဒီ field ကိုပိုပြီးတော့ deep dive လုပ်ဖြစ်ပါတယ်။ အခုထိပါပဲ။

2. အလုပ်ထဲမှာ 𝐈𝐧𝐭𝐞𝐫𝐧 𝐏𝐨𝐬𝐢𝐭𝐢𝐨𝐧 ကနေပြီးတော့ 𝐒𝐞𝐧𝐢𝐨𝐫 𝐔𝐈 𝐔𝐗 𝐓𝐫𝐚𝐢𝐧𝐞𝐞 အထိ ဘယ်လိုဖြစ်လာလဲ။ ?

Course ပြီးပြီးချင်း ၃ လကြာကြာလောက်မှာ Lota မှာ Intern အနေနဲ့ join ဖို့ စပြီးတော့ opportunity ရလာခဲ့ပါတယ်။ ပထမဆုံး Passion ဖြစ်မိတဲ့အလုပ်ကို လုပ်ဖို့ chance ရလာတော့ အရမ်းလဲပျော်ခဲ့ပါတယ်။ စစချင်းတုန်းကတော့ သိပ်မလွယ်ခဲ့ပါဘူး။ Constructive အမြင်အနေနဲ့ ပြောရရင် စစ join ချင်းမှာ guidance guidelines သိပ်မရခဲ့ပါဘူး။ ကျွန်တော်တွေးထားတဲ့ စိတ်ကူးထဲက အလုပ်သင်လိုမျိုး မဟုတ်ခဲ့တာပေါ့။ ဒါပေမဲ့ တစ်ချို့နေရာတွေမှာတော့ ဘေးကတော့ ကိုယ်တိုင် observe လုပ်ပြီးတော့မှ သိလာခဲ့တာမျိုးတွေလဲ ရှိပါတယ်။ အဲ့ဒီအချိန်က ရုံးမှာကလဲ projects ပိုင်းက သိပ်မများတဲ့အချိန်ဆိုတော့ များသောအဖြင့် အလုပ်ချိန်မှာ စာတွေဖတ် Youtube တွေကြည့်ပြီး တစ်မျိုးမဟုတ်တစ်မျိုးတော့ လုပ်ဖြစ်ခဲ့ပါတယ်။

သိပ်မကြာခင်မှာပဲ Dashboard အပိုင်းဆွဲရတဲ့ project ကို scratch ကနေ အဆုံးအထိ လုပ်ဖို့ assignment ရလာခဲ့ပါတယ်။ စစချင်းတုန်းကတော့ overwhelm အရမ်းဖြစ်ခဲ့ပါတယ်။ ဒါပေမဲ့ steps by steps လုပ်ရင်း senior တွေနဲ့ တိုင်ပင်ရင်း feedbacks တွေယူရင်းနဲ့ ပထမဆုံး project လေးပြီးသွားခဲ့တယ်ပေါ့။ feedbacks အနေနဲ့ကတော့ positive ရော negative ရော ဆိုပေမဲ့ ငါပိုလုပ်နိုင်မှ ရမယ်ဆိုပြီး အလုပ်အပြင် အားနေတဲ့အချိန်မှာပါ article တွေဖတ် projects သေးသေးလေးတွေ လုပ်ဖြစ်ပြီး ကိုယ့်ဘာသာကိုယ် ပိုပြီး push ဖြစ်ခဲ့တယ်

တစ်ဖြည်းဖြည်းနဲ့ အလုပ်ထဲမှာ recognized ဖြစ်လာခဲ့ပြီးတော့ Junior role ကို promoted ဖြစ်ခဲ့တယ်။ သိပ်မကြာခင်မှာ ထပ်ပြီးတော့ Senior UI UX Trainee အထိ အလုပ်က promote ပေးခဲ့တယ်။ ကျွန်တော်အတွက်တော့ အရေးကြီးတဲ့ milestone တစ်ခုလိုပါပဲ။ အဲ့ဒီကနေမှ projects တွေကို independently စပြီးကိုင်လာရတယ်။ တစ်ချို့ project တွေဆိုရင်လဲ start to finish အကုန်လုပ် အတူတူလုပ်ရတဲ့ တစ်ခြား designer အကိုကိုပါ feedback တွေပေး guidelines တွေချပေးလာရတယ်။ senior trainee တစ်ယောက်အနေနဲ့ lead management အပိုင်းမှာ အများကြီးလိုနေသေးပေးမယ့် fast learning ဖြစ်ခဲ့ပြီးတော့ skills တွေ advance ဖြစ်ခဲ့ပါတယ်။

3. 𝐏𝐫𝐨𝐝𝐮𝐜𝐭 𝐃𝐞𝐬𝐢𝐠𝐧 ဘက်ကို ဘယ်လို 𝐭𝐫𝐚𝐧𝐬𝐢𝐭𝐢𝐨𝐧 ဖြစ်လာခဲ့လဲ ?

Lota ပြီးတော့ Startup Company တစ်ခုမှာ UI UX နဲ့ Product Designer အနေနဲ့ အလုပ်ထပ် join ခဲ့တယ်။ Role တစ်ခုပိုတိုးလာလေလေ Responsibilities နဲ့ သင်ယူစရာတွေ ပိုတိုးလာလေလေပါပဲ။ အခုအလုပ်မှာ လူတွေ အများကြီးမရှိသေးပေမယ့် Knowledges တွေ အတွေ့အကြုံတွေ ပိုပြီးတော့ ရလာပါတယ်။ အထူးသဖြင့် Product ကို successfully ဘယ်လို launch ဘယ်လိုကြမလဲ marketing အပိုင်း technology အပိိုင်းတွေ ဘယ်လိုတွေ သုံးမလဲ အစုံစုံပါပဲ ။ Design Process ကိုလဲ တစ်ယောက်ထဲ start to finish လုပ်ရင်း တစ်ဖက်ကလဲ product အပိုင်းနဲ့ ပိုပြီးတော့ ideas တွေ outputs ထုတ်ရင်းနဲ့ သင်ယူစရာတွေ ပိုရလာပါတယ်။

4. အနာဂတ်မှာ ဘာဖြစ်ချင်လဲ ?

ဒီဘက် UI UX နဲ့ Product Design အပိုင်းမှာ သင်ယူစရာတွေ အများကြီးကတော့ ရှိနေဆဲပါပဲ။ ဒီလို အခြေအနေက ဘာမှတော့ မဟုတ်သေးပေမယ့် ကိုယ့်ဘာသာကိုယ်တော့ ဂုဏ်ယူပါတယ် ဝမ်းသာပါတယ်။ Career Goal အနေနဲ့ကတော့ Design Lead တစ်ယောက်အနေနဲ့ မဟုတ်ရင် Product Owner or Manager တစ်ယောက်အနေနဲ့ ဆက်ပြီးတော့ လုပ်ချင်တာပါ။ အဲ့ဒီနေရာထိရောက်ဖို့ကိုလဲ များကြီး ကြိုးစားရပါအုံးမယ်။

ဒီ page လေးကို create ဖြစ်တာကလဲ career development အရရော personal အတွက်ရောလဲ ပါပါတယ်။ ရှေ့ဆက်လျှောက်ပြီးကတော့ လုပ်ဖြစ်တဲ့ projects တွေကို showcase လုပ်ပါမယ်။ resources တွေ knowledge တွေ သင်ယူရင်း ရှာဖွေရင်းနဲ့ sharing လဲလုပ်ပါမယ်။ freelance ကိုလဲ များကြီး intend ထားတာမျိုး မဟုတ်ဘဲ ဒီ page ကနေလဲပဲ promote လုပ်သွားပါမယ်။ ဒီနေ့ post လေးကတော့ ဒီလောက်ပါပဲ ခင်ဗျာ။

Pikko - Your Design Ally 🙌🏻