05/11/2025
مباروك لمستخدمي أجهزة سامسونج بسوريا .. أخيراً وبعد فترة طويلة من الحظر، تم رفع الحظر الكامل عن سوريا من خدمات شركة سامسونج، وحالياً صار متجر Galaxy Store يشتغل بشكل طبيعي ومن دون أي مشاكل.
قبل هيك، كان لازم حتى يشتغل المتجر إنك تشيل السيم كارد وتستخدم VPN لتغيّر الموقع، بس هلأ ما عاد في داعي لهالخطوات أبداً ..
صار فيك تفتح المتجر مباشرة، تحمّل التطبيقات والتحديثات الرسمية من سامسونج بكل سهولة ومن دون أي قيود ..
خطوة حلوة كتير لمستخدمي سامسونج بسوريا، وإن شاء الله تكون بداية لانفتاح أكتر من الشركات العالمية على البلد بالفترة الجاية ..
