12/07/2021
Farxadii kediska aheyd.
Qeybtii labaad.
Sagal :- asc feysal see tahay aboowe.
Feysal :- fiican abaayo alxamdulilaah.
Sagal:- mashlh aboowe waxaan niyada iska iri, bal Feysal wac oo xaaladiisa caafimaadka ka wareyso,
Feysal :- mahadsanid abaayo, waan caafimaad qabaa alxamdulilaah, adiga see tahayne ?
Sagal :- waan kuu fiicanahy aboowe, balo ma jirto, adiga oo mashquul ah miyaan ku soo wacay aboowe ?
Feysal ;- maya abaayo hadda ayaan salaadda cishaha ka soo baxay, oo xaafadaan ku sii socday, markii aan wicitaankaada arkay ayaan fariistay darbi darjiin ah si aan kuula hadlo,
Sagal :- oo maxaa gidaarka ku fariisiyay aboowe ?
Feysal :- waan ka xumahay in aan kula socodsiiyo in aan xaasle ahay oo aanan jecleyn in ay xaaskeygu i aragto aniga oo gabar kale telka uga sheekeynaya sidaa ayaan halkaan ugu hakaday.?
Runtii Sagal markii ay maqashay jumlada ah " xaas ayaan leeyahay, runtii hadalkii ayey ku margatay, naxdin ayey dareentay, waxey mooday in uu dhulka la wareeganaayo, dhidid ayaa ku soo istaagay wijigeeda, wax ay ku hadasho ayey garan waaysay, ayidoo oo xaaladaa ku jirta ayaa waxaa hadalkii qaatay, Feysal oo ku yiri, " maxaa ku helay sagaleey oo aad la aamustay, ?
Sagal oo uu hadalku ku adag yahay lana dareemi karo in ay si un u qal qalsan tahay ayaa ku jawaabtay, " maya aboowe waxaan ku moodayay in aadan xaas laheyn oo aad kiligaa tahay wax kale ma jiraano,
Feysal ayaa ku yiri, :- mise wax kale oo aad iga qarineyso ayaa jira abaay,?
Sagal ayaa ku tiri, maya aboowe mar kalaan sheekeysaneynaa dhib ma lahan haatan waan isku yara buuqsanahay, kheyr baan kuu rajeynayaa aboowe .
Feysal oo la yaaban hadalada Sagal ayaa ku yiri ;- habeen wanaagsan sagaleey, farxad baan kuu rajeynayaa, bye iyo asc ayaa hadalkii lagu soo gaba gabeeyay,
Sagal runtii waxay gashay marxalad aan la qiyaasi karin runtii, ruux aad hawada ka jeclaatay kolka uu kuu sheego in uu meeleysan yahay ama ay meeleysan tahay waad dareemi kartaa sida aad noqoneyso amaba waxaa dareemi karo qofkii ay ku dhacday qisadaan oo kale !
Dhanka kale Feysal qudhiisa waa uu dareemay in ay Sagal aad u daneyneysay isaga oo ay rabtay in ay xiriir la sameysato, balse ay ka naxday ereyada ah in uu xaas leeyahay ,!
Taloow xaalku sidee buu ku dambeyn doonaa ?
La soco qeybta seddexaad.
Qore ;- Al-ustaad Axmed diiriye afrax.
