Mistar Gaming-جنقو حول العالم

Mistar Gaming-جنقو حول العالم Contact information, map and directions, contact form, opening hours, services, ratings, photos, videos and announcements from Mistar Gaming-جنقو حول العالم, شارع عبيد ختم, Khartoum.

منصة مخصصة لـ 'الجنقو' المكافحين حول العالم. نناقش قضايا الهجرة، تحديات العمل، وسبل النجاح في المهجر بصدق وشفافية. هنا صوت من لا صوت له في الغربة."

ملحوظة:
( إن دعتك نفسك للهجرة عليك بسلك الطرق الرسمية ولا أنصحك بمراكب الموت )
admin:

ما ترمي نفسك في البحر وتخلي حياتك رهينة موجة ممكن ما ترجعك تاني…البحر ماطريق مضمون، هو مغامرة خطيرة ممكن تصل وممكن لا،، ...
25/03/2026

ما ترمي نفسك في البحر وتخلي حياتك رهينة موجة ممكن ما ترجعك تاني…
البحر ماطريق مضمون، هو مغامرة خطيرة ممكن تصل وممكن لا،، ونهايات حزينة كتيرة شفناها بعيننا 💔
✔️ فكّر بعقلك قبل قلبك
✔️ خطط صح وابحث عن طرق افضل
✔️ اشتغل على نفسك وطور مهاراتك
✔️ أوربا سمحة… لكن ما تستاهل تخسر حياتك عشانها
🔥 حياتك أغلى من أي حلم
والنجاح الحقيقي هو إنك توصل وانت حي وقادر تفرح بيه، مش تضيع في طريق مظلم💔

لو جاتك الفرصه هسي.. لندن ولا باريس؟ 😎
24/03/2026

لو جاتك الفرصه هسي.. لندن ولا باريس؟ 😎

مافي زول وصل وهو قاعد…ومافي نجاح جا بالحظ بس!الطريق صعب؟ طبيعي.الناس بتقلل منك؟ عادي.التعب حاصل؟ أكيد.لكن الفرق بينك وبي...
23/03/2026

مافي زول وصل وهو قاعد…
ومافي نجاح جا بالحظ بس!
الطريق صعب؟ طبيعي.
الناس بتقلل منك؟ عادي.
التعب حاصل؟ أكيد.
لكن الفرق بينك وبين الباقين… إنك ما بتوقف 💪
خليك فاكر:
إنت ما جاي تلعب… إنت جاي تكسر الدنيا!
🌱 ونصيحة ليك:
الزراعة ما بس تعب… دي مستقبل وثروة حقيقية.
ازرع اليوم، تحصد بكرة، وتبني حاجة بتدوم.
🏭 والصناعة؟
هي القوة البترفعك فوق…
أي حاجة بسيطة ممكن تتحول لمشروع كبير لو اشتغلت عليها صح.
ابدأ بالقليل… لكن فكّر كبير!
كل خطوة بتتعب فيها اليوم
هي سبب راحتك بكرة ✨
🔥 شد حيلك… ركّز… وخلّي أفعالك تتكلم 🔥

#الجنقو #قوة #إصرار #زراعة #صناعة #نجاح

🌙✨ عيد فطر مبارك ✨🌙لكل الجنقو حول العالم 🌍❤️أنتم الحكاية، وأنتم القوة، وأنتم الفخر 👑نسأل الله أن يعيده عليكم بالخير والي...
20/03/2026

🌙✨ عيد فطر مبارك ✨🌙
لكل الجنقو حول العالم 🌍❤️
أنتم الحكاية، وأنتم القوة، وأنتم الفخر 👑
نسأل الله أن يعيده عليكم بالخير واليمن والبركات،
وأن يحقق لكم كل أمانيكم، ويملأ حياتكم فرحًا وسعادة 💫🙏
عيدكم مبارك وإن شاء الله دايمًا أقوى 💪🔥

الوسامة والنضافة دي "نعمة من الله"، ما عندها أي علاقة بـ "الرجولة". الرجولة دي "مواقف" 🦅،​💪 الجمال والرجولة الحقيقية هي ...
16/03/2026

الوسامة والنضافة دي "نعمة من الله"، ما عندها أي علاقة بـ "الرجولة".

الرجولة دي "مواقف" 🦅،
​💪 الجمال والرجولة الحقيقية هي شنو؟
​الشجاعة: ما إنك إلا تكون زول "شين" 🧟‍♂️❌. الشجاعة هي إنك تقيف في الحق، وتحمي الضعيف، وتتحمل المسؤولية 🦅💯. سيدنا علي بن أبي طالب (كرم الله وجهه) كان فارس الفرسان 🗡️، وكان أجمل الناس وجهًا ✨.
​الجمال الحقيقي: هو جمال "الروح" والأخلاق 💖😇. زول مهذب، محترم، لسانو حلو 🍬، وقلبو أبيض 🤍.. دا هو الجمال البيدوم.
​النضافة: دي "من الإيمان" يا مؤمنين! 🔥🧼. زول مهتم بي نفسو، نضيف، مرتب، ريحتو طيبة.. دا زول راقي ومحترم 🧖‍♂️✨. ما "كلجة"! ربنا جميل يحب الجمال.✨💖
​من صفحة "جنقو حول العالم" بنقول ليكم:
الرجولة "مواقف" 💪🦅، والنضافة "إيمان" ✅🧼، والجمال "نعمة" ✨💖. ما تخلطوا الأمور وتظلموا الناس بي مفاهيمكم المقلوبة. كل سنة وأنتو طيبين، نضيفين، وراقين!🥰 🌙❤️🇸🇩

يا حليلك يا "رشدي".. بقيت لينا زي الراجل الـ عمره 50 سنة وما اتزوج داك! 😂😹😹😹😹"يا رشدي يا حبيبنا.. والله أنا ما شمتان فيك...
15/03/2026

يا حليلك يا "رشدي".. بقيت لينا زي الراجل الـ عمره 50 سنة وما اتزوج داك! 😂😹😹😹😹
"يا رشدي يا حبيبنا.. والله أنا ما شمتان فيك،لكن والله عايز مصلحتك! 😂
​يا أخوي النصيحة بلاش.. ألحق باقي عمرك ده قبل ما الجلحات دي تشق طريقها وتوصل (نص ضهرك) وتتلاقى مع نهاية الجلابية! 👴🔙 لو وصلت المرحلة دي، تاني إلا "ترضع بالبزّة" في دار العجزة،
ألحق "الجنقو" الفاتوك، قبال ما الصلعة دي تبقى (مدرج طيارات) وما تلقى ليك زول يظبط ليك فيها (جل)! 😂🏃‍♂️💨"
يا رشدي، أسمع الكلام ده وقسّمو في راسك (المجلّح) ده.. ردمك ده والله "حلال بلال" وأخو أخوان! 😂
​لأنو السكوت على حالتك دي (جريمة) في حق البشرية..
​يا رشدي يا وهمي:
​ردمنا ليك ده (زكاة) عن عمرك الضايع، وعن (البزّة) الراجيك في أوروبا وما داير تمشي ليها! 🍼🇪🇺
​"الحلال" إنك تلم باقيك وتتخارج، و"الحرام" إنك تضيع السنين الجاية. والناس فاتتك القدرك عرسو 🤣
​الجلابية دي زاتها لو عندها (ذمة) كانت قالت ليك: "ردمك حلال.

قالوا بقيت (دهابي)، لكن والله ما ظاهر فيك أصلو! ياهو ياهو (الفلس) واللحم الكمل.
​إنت شكلك كدة ما مشيت تفتش دهب، إنت مشيت تضحك في الناس هناك وترجع! 😂⛏️ بدل ما تجيب (السبائك)، جيتنا بجلحات واصلة نص الظهر😹😹.
وبقيت (دهابي) بالاسم بس، تشبه مومياء فرعون عديل! 😂🧟‍♂️
​، والله لو ما الجلابية الساتراك دي، كان هسه (علماء الآثار) جو شالوك وفحصوك بالكربون عشان يعرفوا إنت من ياتو أسرة فرعونية! 😂📏 إنت وصلت مرحلة من (النشاف) تخلي الواحد يخاف يهبشك عشان ما تتفشفش في يدو!
​ألحق حرك نفسك يا مومياء، وشوف ليك (عَمْرة) وسفرة تلم بيها لحيماتك دي، قبل ما (بعانخي) يجي يطالب بيك ويختك في التابوت جنبو! 🤣🤣🏃‍♂️"

11/03/2026

شيرو

مبروك ي جنقو الدهب ✊ تم جغم قائد قطاع المليشيا المصرية المهاجمةإلي #جهنم وبئس #المصير🔥✌️دا مصير كل #غازي ومعتديبنقول ...
11/03/2026

مبروك ي جنقو الدهب ✊ تم جغم قائد قطاع المليشيا المصرية المهاجمة
إلي #جهنم وبئس #المصير🔥✌️
دا مصير كل #غازي ومعتدي
بنقول ليك ي ود فوزية👇
الـدم الـسـودانـي غـالـي.. ومـهـرُه عـزّة وتـار
مـا بـنـسـلـّم رقـابـنـا.. ولا بـنـرضـى بـالإنـكـسـار
الـدوشـكـا "أبـو تـيـلة".. تـزغرت وتـولّـع الـنـار
والـ ١٣٠ لامن يدون.. بـيـبـقـى لـلـخـونه حـصـار!
​يـسـمـعـن أمـاتـنـا.. الـرّكـزة لـيـنـا شـعـار
الـتـراب ده حـامـي.. وجـمـره يـحـرق الـغـدّار
يـا نـمـوت عديل .. يـا نـصـون هـيـبـة الأحرار!...
مانوصيكم ي جنقو
الدخل مايرجع إلا في صندوق✊🔥

القصة ما قصة "فيزا" ولا سفرية سياحة.. الحكاية حكاية شباب "انعصروا" في بلدهم لحدي ما بقت أحلامهم كلها مجرد "مخارجة".​ليه ...
08/03/2026

القصة ما قصة "فيزا" ولا سفرية سياحة.. الحكاية حكاية شباب "انعصروا" في بلدهم لحدي ما بقت أحلامهم كلها مجرد "مخارجة".
​ليه الجنقو بيختاروا "السمبك" والمخاطرة؟
​⚠️ في بلدي: الفساد بقى هو "السيد"، والواسطة هي البتفتح الأبواب. والظلم؟ الظلم بقى "هيكلي" بياكل في عمرك وطموحك. حتى العنصرية "النتنة" بتمزق فينا من جوة، بتخليك تحس إنك "غريب" وأنت في نص أهلك وفي بلدك القلت هي "حاضناك".
​❄️ في أوروبا:
بتمشي عشان "العدل" المفقود. هناك في "قانون" بيمشي على الوزير قبل الغفير. بتمشي عشان تلقى "دولة" بتحترم آدميتك، وبتديك حقك كامل من غير ما تسألك "ود قبيلة منو؟".
لكن الثمن "حراق".. بتدفع من "نفسيتك" ومن "عمرك". بتعيش "غريب" في بلاد الخواجات،
وبتموت بالوحدة والشوق لـ "ونسة الضل" و "جبنة المغرب".
​الخلاصة المرة:
الجنقو بيمشوا يرموا نفسهم في "المتوسط" عشان يهربوا من "ظلم أخوهم" لـ "عدل الخواجة". بيعيشوا في "قصور" هناك، لكن قلوبهم معلقة بـ "قطية" أو "بيت جالوص" في السودان.
​هي "مغامرة" بالعمر.. يا صابت وبقيت "السند" لأهلك، يا خابت وبقيت مجرد "ذكرى" وصورة في بروفايل. 🇸🇩💔

#الغربة





مساء الخير🙂موعد نتيجة اللوتري اليوم الساعة 6 مساءاً بتوقيت السودان والخطوات كالتالي:- يكون عندك انترنت وادخل الرابط الت...
03/05/2025

مساء الخير🙂
موعد نتيجة اللوتري اليوم الساعة 6 مساءاً بتوقيت السودان والخطوات كالتالي:
- يكون عندك انترنت وادخل الرابط التحت حق الموقع الرسمي واضغط check status

-في الجزء حق Authentication ادخل الحروف والارقام اللي بظهر ليك في الصورة عشان السيكوتيري.ذيما هو (كابيتل كابيتل، اسمول اسمول).
- لما يفتح معاك ادخل كونفرميشن نمبر واسمك الاخير(ذي ما كتبت في التقديم)غالباً الاسم الرابع في جواز سفرك.وادخل تاريخ ميلادك.
دا كل المحتاجه عشان تشوف النتيجة.ومبروك لو من الفائزين

-لو ضيعت الكونفرميشن نمبر حقك اختار الخيار اللي تحت الخانة حق الكونفرميشن نمبر forgot confirmation number. وادخل الإيميل اللي كتبتها في التقديم والاسم وباقي البيانات ذيما كتبتها في التقديم. وبظهر ليك النتيجة.
رابط الموقع 👇
https://dvprogram.state.gov/
نموذج خطاب الفوز 👇
بالتوفيق للجميع🙏🏿

Address

شارع عبيد ختم
Khartoum

Website

,

Alerts

Be the first to know and let us send you an email when Mistar Gaming-جنقو حول العالم posts news and promotions. Your email address will not be used for any other purpose, and you can unsubscribe at any time.

Shortcuts

Share