عزو استور - Ezo Store

14/07/2026

احلى حاجة هي الرسالة البتجيك من الزبون بعد تحل ليهو مشكلتو ودا السبب البخلينا نجتهد إنو لمن تجي المحل تلقى نفس الحاجة الانت كنت متوقعها من ناحية معاملة أو من ناحية حل مشكلتك وثقتكم دي دافع كبير جدا وأكيد التوفيق من ربنا❤

13/07/2026

الشركات لمن تصمم التلفونات بتعمل الجهاز على اساس انو يشحن مثلاً بـ15 واط فإنت لمن تفكر انو لو جبت شاحن 33 واط كدا التلفون ح يشحن اسرع كدا انت بتكون غلطان لانو الجهاز بكون عارف محتاج كم من الطاقة وح يتجاهل الطاقة الزايدة والموضوع دا مرتبط برضو بالايسيهات الفي الجهاز بتكون مصممة انها تاخد 15 واط بس، عشان كدا في فكرتين ما بنفعو كتير الاولى تغيير السوكت من USB لـ تايب سي والتانية انك تستخدم شاحن بقدرة اعلى من متطلبات الجهاز
وصلت؟

12/07/2026

تصميم مسرب للآيفون الترا القابل للطي ما مشكلة يا جماعة دي أول محاولة ليهم انتو رايكم شنو في التصميم😅

12/07/2026

لما صحبي يفتح لي واي فاي

11/07/2026

الفخ الممكن تقع فيهو لو ما تابعت في الصفحة الاحتياطية🫣

10/07/2026

حل مشكلة تسجيل الدخول من جهاز تاني في تطبيق التليجرام للناس الكانت مهتمة تعرف الطريقة🫡❤

10/07/2026

اعملو متابعة للصفحة الاحتياطية ح يكون فيها مواضيع تانية كتيرة🫡❤

الناس اللسه بتعاني من مشكلة التليجرام تحديداً تسجيل الدخول من أجهزة تانية ومشاكل الكود والرسائل القصيرة.
جبت ليكم طريقة ساهلة وعن تجربة ح تاخد معاكم دقايق بس وحسابكم يفتح.
ح انزلا ليكم الساعة 3، اسي كل الدايرو منكم تتفاعـ ـلو في البوست دا ولو أول مرة تشوف الصفحة أعمل متابـ ـعة وأكتب "مـ ـهتم" في التعليقات وخليك منتظر البوست❤🫡

09/07/2026

قبل شهر واحد بس كنا 73 ألـ ـف الليلة بقينا 79 ألـ ـف الواحد يعجز عن وصفكم والصفحة منورة بيكم دايما وأبداً وحبابكم كلكم
اكتبو لي منورني من اي منطقة 🫡❤

09/07/2026

هو لسه في ناس لمن يسمعو انو التلفون سعودي بكونو قايلين انو مصنوع في السعودية؟

08/07/2026

لمن تودي تلفونك لي فني صيانة ويقول ليك تلفونك فيهو مشكلة معالج ومحتاج يتعمل ليهو (ريبولنغ) انت م بتفهم هو قاصد شنو المهم تلفونك يتصلح لكن تعال أفهمك هو قاصد شنو

في المعالج بكون في كريات لحام كل نقطة بتتصل مع المكنة وكدا الجهاز بشتغل، نجي للمشكلة: لمن تحصل سخانة بي صورة مستمرة اللحام بسيح وبحصل فصل بين المعالج والمكنة وكدا الجهاز بقيف وما ضروري السخانة بس مرات حتى الوقعة بتخلي المعالج يفصل.

عارفك لسه م قدرت تفهم ريبولنغ يعني شنو😅
الريبولنغ دا يعني نرفع المعالج ونشيل لحام الشركة برا ونعمل إعادة تكوير للارجل عشان تتوصل تاني بالمكنة والجهاز يرجع يشتغل والعملية دي محتاجة ممارسة لانها صعبة وما اي فني بقدر يعملا ومرات المعالج بحصل فيهو شورت داخلي وكدا خلاص معناها مـ ـات وما بتعالج تاني.

حصل مريت بالمشكلة دي في تلفونك ولا لا؟ غايتو لو ما مرت عليك ادعي انو ما تحصل عليك
🤣