22/05/2026
ابھی جب ناشتہ کرنے گیا تو یہ بزرگ ملے جب پوچھا کہ آپ کیسے حج کریں گے تو مسکرا کر کہنے لگے کہ میرا بیٹا میرے ساتھ ہے ان شاء اللہ آسانی ہوگی ۔
جن جن کے ساتھ بیٹے ہیں وہ خوش ہیں
ہماری بلنڈنگ می کئی بزرگ حجاج پریشان ہیں کیونکہ اب بڑھاپا آچکا ہے اور حج ادا کرنا انتہائی مشکل ہے نہ راستے یاد ہوتے اور نہ ہی فرائض اور سنتیں یاد رہتیں یہ ایک پریشانی کا معاملہ ہے ۔
جب میں باہر نکلا تو مدینہ کے ساتھے بابا عبید اللہ انتہائی پریشان تھے کہ حج کیسے ہوگا مدینہ میں جو جو میرے ساتھ تھے ان میں اکثر بزرگ حضرات کا ریاض جنت کا پرمنٹ بنا دیتا یا ان کو راستہ دیکھا دیتا اس سے ان کی پریشانی ختم ہوجاتی اور مجھے دعائیں بھی ملتیں ۔
اگر ہم چاہیں تو اپنے حج کو حج مبرور بنا سکتے ہیں اس کا طریقہ بالکل آسان ہے
اب کی بار حج پہ کئی نوجوان لڑکے لڑکیاں آئی ہوئی ہیں جن میں اتنی طاقت ہے کہ وہ الحمد اللہ با آسانی عمرہ اور حج ادا کرسکتے ہیں ۔
اگر ہم چاہیں تو اپنے ساتھ بزرگ حضرات کو جوڑ سکتے ہیں جن کے ساتھ کوئی نہیں ہے
آپ کا ذہن تیز ہے جسم ساتھ دے سکتا ہے تو پلیز ان کا ساتھ لازمی دیں اپنے ذہن سے نکال دیں کہ ﷲ پاک کو آپکے سجدوں کی ضرورت ہے ﷲ پاک تو یہ دیکھنا چاہتا ہے کہ آپ کتنے مہربان ہیں
کیا آپ کو کسی کا دکھ نظر آتا ہے ؟ اب کی بار ایک لاکھ انہتر ہزار پاکستانی حجاج کرام ہیں اور ایک دوسرے کے ساتھ ہم رابطہ میں ہیں غور کریں کہ کتنے جوان ساتھ ہیں اور کتنے بوڑھے اگر ایک جوان لڑکا یا لڑکی کسی ایک بزرگ خاتون یا مرد کو حج کروانے میں آسانی والا معاملہ کردے تو سوچیں کیا ﷲ آپ سے راضی نہیں ہوگا ؟ میں چیلنج کرتا ہوں سو رکات کی نیت باندھنے کی بجائے کسی ایک کے لیئے آسانی کردیں پھر آپ دعا مانگ کر دیکھ لیں اگر ﷲ راضی نہ ہو آپ کی دعا قبول نہ کرے تو میرا نام بدل دینا
چوبیس تاریخ سے اٹھائیس تاریخ تک موقع آپ کے ہاتھ میں سوچ لینا یہ وقت پھر نہیں آنا
اور حج مبرور کا بدلہ جنت کے سوا کچھ نہیں اور حج مبرور کسی کے لیئے آسانی پیدا کرنے سے حاصل ہوسکتا ہے ۔
اگر ہوسکے پیغام دوسروں تک پہنچا دیں ایک بھی نوجوان اس پہ عمل کرلے گا تو بہت کچھ پالے گا ۔
❤❤❤❤
