Tatay Pur Press Club ٹا ٹے پور پریس کلب

24/01/2026

ملک حامد رضا دھرالہ خدمت، اخلاص اور قیادت کی روشن مثال

تحریر: افتخار اسلم ناہلیہ
سیکرٹری اطلاعات ٹاٹےپور پریس کلب

معروف زمیندار، سیاسی و سماجی رہنما، سی ای او حامد کراپ کیئر اور ان شاءاللہ چیئرمین ملک حامد رضا دھرالہ اپنی نجی اور کاروباری مصروفیات کے باوجود اپنے علاقے کے عوام سے گہرا تعلق رکھتے ہیں۔ آپ لوگوں کے ہر دکھ درد، خوشی غمی اور مشکل وقت میں شانہ بشانہ کھڑے نظر آتے ہیں جو آپ کی عوام دوستی اور خلوصِ نیت کا واضح ثبوت ہے۔
ملک حامد رضا دھرالہ بے لوث محبت اور خدمتِ خلق کے سچے حامی ہیں۔ آپ کا ماننا ہے کہ اصل قیادت وہی ہے جو بلا تفریق عوام کی خدمت کرے اور معاشرے میں آسانیاں پیدا کرے۔ یہی وجہ ہے کہ آپ کی سماجی خدمات ہی آپ کی اصل پہچان اور وجۂ شہرت ہیں۔
بے شمار مواقع ایسے آئے ہیں جہاں ملک حامد رضا دھرالہ نے ذاتی طور پر مداخلت کر کے مختلف فریقین کے درمیان پیدا ہونے والے تنازعات کو خوش اسلوبی سے حل کروایا۔ چاہے معاملہ لڑائی جھگڑوں کا ہو، لین دین کے اختلافات ہوں، گھریلو مسائل ہوں یا زمینی تنازعات آپ نے ہمیشہ بردباری، دانائی اور انصاف کے ساتھ مسئلے کا حل نکالا اور فریقین کو باہمی رضا مندی پر آمادہ کیا۔
ان تمام خدمات کے پیچھے آپ کا مضبوط ایمان، خوفِ خدا اور رضاۓ الٰہی کا جذبہ کارفرما ہے۔ آپ کسی ذاتی مفاد کے بغیر صرف اللہ کی خوشنودی اور عوام کی بھلائی کے لیے اپنا کردار ادا کرتے ہیں۔ یہی اوصاف آپ کو ایک کامیاب سماجی رہنما اور باوقار عوامی شخصیت بناتے ہیں۔
بلاشبہ ملک حامد رضا دھرالہ جیسے افراد معاشرے کے لیے ایک عظیم سرمایہ ہیں۔ آپ کی خدمات اور عوام سے وابستگی اس بات کی عکاس ہے کہ آپ نہ صرف ایک کامیاب کاروباری شخصیت ہیں بلکہ ایک دردِ دل رکھنے والے، مخلص اور ذمہ دار قائد بھی ہیں جن سے علاقے کے عوام کو روشن مستقبل کی امید ہے۔

23/09/2025

🌸"فخرِ ٹاٹےپور، آوازِ ٹاٹےپور، شاعرِ وسیب" خضر حیات مون🌸

ٹاٹےپور (سیکرٹری اطلاعات) ٹاٹےپور کی دھرتی ہمیشہ اپنے باسیوں پر نازاں رہی ہے، اور آج یہ فخر ایک نئے رنگ کے ساتھ اُجاگر ہوا ہے۔ شاعرِ وسیب، صدر پریس کلب اور معروف سینئر صحافی جناب خضر حیات مون کو محکمہ اطلاعات و ثقافت حکومتِ پنجاب نے ریڈیو پنجاب رنگ کے پروگرام ”یاراں نال بہاراں" (FM 99.4 ملتان) کے میزبان کے طور پر منتخب کیا ہے۔

یہ صرف ایک ذمہ داری نہیں بلکہ ٹاٹےپور کے ہر فرد کے دل کی دھڑکنوں کی نمائندگی ہے، یہ اعزاز وسیب کے درد اور محبت کو حکومتِ پنجاب تک پہنچانے کا معتبر وسیلہ ہے۔

محکمہ اطلاعات و ثقافت پنجاب کی ڈائریکٹر جنرل محترمہ بینیش فاطمہ ساہی، ڈائریکٹر ڈاکٹر خاقان حیدر غازی، ڈپٹی ڈائریکٹر شفاعت بلوچ، انچارج پنجاب رنگ ریڈیو انجینئر عثمان یوسف اور پروڈیوسر مہہ جبیں طاہر نے خضر حیات مون اس شاندار کامیابی پر مبارکباد دیتے ہوئے ان کے فن و ہنر کو خراجِ تحسین پیش کیا۔

اہلیانِ ٹاٹےپور کی جانب سے بھی دل کی گہرائیوں سے اپنے اس سپوت کو مبارکباد ، جنہوں نے اپنے عزم اور محنت سے یہ ثابت کیا کہ ٹاٹےپور کے لوگ ہنر و صلاحیت کے کسی میدان میں پیچھے نہیں۔

🌹 خضر حیات مون کی یہ کامیابی صرف اُن کی نہیں، بلکہ ہر اُس دل کی کامیابی ہے جو وسیب سے محبت کرتا ہے۔ 🌹

21/09/2025

Surya kumar out Pakistan-India in Super-Four encounter T20 Asia Cup 2025 at the Dubai International Cricket Stadium

08/09/2025

تعلیم و تربیت کے عملی نفاذ سے نوجوان نسل روشن مستقبل کی طرف بڑھ سکتی ہے، ملک فرخ نسیم راں

ٹاٹےپور (سیکرٹری اطلاعات) سابق وائس چیئرمین ملتان ڈویلپمنٹ اتھارٹی، سابق یوسی چیئرمین اور معروف سیاسی و سماجی رہنما ملک فرخ نسیم راں نے کہا ہے کہ نوجوان نسل کا سب سے قیمتی سرمایہ تعلیم اور اچھی تربیت ہے، مگر جب تک نوجوان تعلیم و تربیت کو صرف کتابی حد تک محدود رکھیں گے، ترقی کی منازل طے کرنا ممکن نہیں ہوگی۔

انہوں نے کہا کہ تعلیم کا مقصد محض ڈگری کا حصول نہیں بلکہ اس علم کو عملی زندگی میں بروئے کار لا کر معاشرے میں مثبت تبدیلی پیدا کرنا ہے۔ اگر نوجوان اپنی تعلیم و تربیت کو عملی جامہ پہنائیں تو نہ صرف ذاتی کامیابی حاصل کرسکتے ہیں بلکہ ملک و قوم کو بھی ترقی کی راہ پر گامزن کرسکتے ہیں۔

ملک فرخ نسیم راں نے مزید کہا کہ جدید دور کے تقاضوں کے مطابق محنت، ایمانداری اور عملی جدوجہد ہی کامیابی کی ضمانت ہیں۔ نوجوانوں کو چاہیے کہ وہ وقت ضائع کرنے کے بجائے اپنے علم کو عملی زندگی میں نافذ کریں تاکہ ایک روشن اور خوشحال مستقبل تشکیل دیا جا سکے۔

انہوں نے زور دیا کہ آج کی دنیا میں مقابلہ صرف اُنہی افراد اور قوموں کا ہے جو تعلیم کو عملی جامہ پہنا کر اسے جدید ٹیکنالوجی، اخلاقی تربیت اور سماجی خدمت کے ساتھ ہم آہنگ کرتے ہیں۔ نوجوان اپنی صلاحیتوں کو ضائع کرنے کے بجائے درست سمت میں استعمال کریں تاکہ ایک پرامن، خوشحال اور ترقی یافتہ معاشرہ وجود میں آ سکے۔

29/08/2025

29/08/2025

اس وقت پاکستان سیلاب جیسی آفت سے دوچار ہے، مہر ضمیر حسین سنڈھل
ٹاٹےپور (سیکرٹری اطلاعات) معروف قانون دان، سابق ڈپٹی اٹارنی جنرل پاکستان، سابق جج ڈرگ کورٹ اور ایڈووکیٹ سپریم کورٹ *مہر ضمیر حسین سنڈھل* نے اپنے ایک بیان میں کہا ہے کہ وطنِ عزیز پاکستان اس وقت سیلاب جیسی بڑی آفت سے دوچار ہے۔ لاکھوں افراد اپنے گھروں اور فصلوں سے محروم ہوچکے ہیں، غربت و بے بسی کی تصویر بنے یہ لوگ ہماری توجہ اور تعاون کے منتظر ہیں۔

انہوں نے کہا کہ ہمیں سب سے پہلے اپنے ربّ ذوالجلال کے حضور جھک کر اپنے گناہوں کی معافی مانگنی چاہیے اور دعا کرنی چاہیے کہ اللہ پاک ہم سب پر رحم فرمائے اور اس آفت کو اپنی رحمت میں بدل دے۔ یہ آزمائش ہمیں اپنی کوتاہیوں اور غفلتوں کا احساس دلاتی ہے، لہٰذا اس وقت بحیثیت قوم ہمیں توبہ و استغفار کے ساتھ ساتھ ایک دوسرے کا سہارا بننے کی ضرورت ہے۔

مہر ضمیر حسین سنڈھل نے مزید کہا کہ ان سیلاب زدہ بھائیوں اور بہنوں کی مدد کرنا ہماری قومی و دینی ذمہ داری ہے۔ ہمیں اپنے وسائل، عطیات، کھانے پینے کی اشیاء، کپڑے اور دیگر ضروری سامان ان متاثرہ خاندانوں تک پہنچانا چاہیے تاکہ وہ بھی اس مشکل گھڑی میں امید اور حوصلے کے ساتھ کھڑے رہ سکیں۔

انہوں نے عوام سے اپیل کی کہ وہ اختلافات اور ذاتی مفادات سے بالاتر ہو کر انسانیت کی خدمت کے جذبے کے تحت سیلاب زدگان کی مدد کریں، یہی وقت ہے جب ہم حقیقی معنوں میں ایک زندہ قوم ہونے کا ثبوت دے سکتے ہیں۔