21/06/2025
एपेक्स एजुकेशनल हबद्वारा आयोजित वनभोज कार्यक्रम — २०८२
______________________
पाल्पा जिल्लाको ऐतिहासिक शहर तानसेनमा विगत तीन दशकदेखि शैक्षिक सेवामा अग्रणी भूमिका निर्वाह गरिरहेको संस्था एपेक्स एजुकेशनल हबले, परम्परालाई निरन्तरता दिँदै, २०८२ साल असार ६ गते, शुक्रबारका दिन श्रीनगर डाँडा, तानसेनमा एक भव्य वनभोज कार्यक्रमको आयोजना गरेको थियो।
कार्यक्रममा कम्प्युटर कोर्स, कोरियन, जापानी र अंग्रेजी भाषा कक्षा, ब्रिज कोर्स, स्टाफ नर्स तयारी कक्षा तथा IELTS / PTE तयारी कक्षाका सम्पूर्ण विद्यार्थीहरूको सहभागिता थियो। आपसी समन्वय, सद्भाव र सहकार्य अभिवृद्धि गर्ने उद्देश्यले आयोजना गरिएको यस मनोरञ्जनात्मक वनभोज कार्यक्रमको प्रमुख अतिथि संस्थाका संस्थापक अध्यक्ष श्री धर्मेन्द्र कुमार गुप्ता हुनुहुन्थ्यो।
कार्यक्रम संस्थाका प्रबन्ध निर्देशक श्री खुम बहादुर सारुको स्वागत मन्तव्यबाट सुरु भएको थियो। उहाँले शिक्षा केवल किताबी ज्ञानमा सीमित नरही, समय-समयमा मानसिक ताजगी र आपसी सम्बन्ध सुदृढ बनाउन यस्ता कार्यक्रम आवश्यक रहेको उल्लेख गर्नुभयो।
विद्यार्थीहरूबाट पनि कार्यक्रममा अत्यन्त सकारात्मक प्रतिक्रिया प्राप्त भयो। उनीहरूले यस्तो अवसरले आपसी मित्रता, सहकार्य र सामूहिक भावना अझ मजबुत बनाएको अनुभव व्यक्त गरे।
समग्रमा, उत्साहपूर्ण सहभागिता, जिम्मेवारीपूर्वक व्यवहार, र सौहार्दपूर्ण वातावरणले भरिएको यो वनभोज कार्यक्रम स्मरणीय, भव्य र अनुशासित ढंगले सम्पन्न भएको थियो।
