Yobe Voice Tv, Yobe State, Potiskum local Government, Potiskum (2026)

19/09/2026

Tinubu ya umurci gwamnonin jihohi su hanzarta shirin rage wa 'yan Najeriya kuɗin sufuri zuwa 1 ga Oktoba - Bayo Onanuga

Shugaban Najeriya Bola Ahmed Tinubu ya buƙaci gwamnonin jihohin ƙasar su hanzarta aiwatar da shirin rage kuɗin sufuri zuwa ranar 1 ga Oktoba, ta hanyar faɗaɗa amfani da motocin CNG da na lantarki.

Wata sanarwa da hadiminsa kan harkokin yaɗa labarai Bayo Onanuga ya fitar a shafin Facebook ta ambato Tinubu ya ce tuni wasu jihohi s**a samu gagarumar nasara wajen rage kuɗin sufuri, inda ya bayyana cewa sama da motoci 120,000 aka sauya zuwa CNG, tare da cibiyoyin sauya motoci sama da 400 da tashoshin cike CNG sama da 90 a faɗin ƙasar.

Ya buƙaci jihohi su haɗa kai da ƙungiyoyin sufuri da masu motocin haya, domin tabbatar da cewa raguwar kuɗin makamashi ta haifar da saukin kuɗin sufuri ga ’yan Najeriya.

18/09/2026

Da Dumi-Duminsa: Manyan Jiragen Ruwa Makare Da Kayan Abinci Da Man Fetur Zasu Iso Tashar Jiragen Ruwa Ta legas

Hukumar Kula da Tashoshin Jiragen Ruwa ta Najeriya (NPA) ta bayyana cewa jiragen ruwa 30 dauke da man fetur, kayan abinci da sauran kayayyaki ana sa ran za su isa tashoshin jiragen ruwa na Apapa, Lekki Deep Sea da Tin Can Island da ke Legas tsakanin 15 zuwa 28 ga Satumba, 2026.

NPA ta ce daga cikin jiragen ruwan da ake sa ran isowarsu, 10 za su kawo kwantena dauke da kayayyaki daban-daban, yayin da jirage biyar za su kawo man jiragen sama (aviation fuel).
Hukumar ta ce ana ci gaba da sa ido kan shigowar jiragen domin tabbatar da yadda ake sarrafa kayayyakin da s**a iso tashoshin cikin tsari.

Wannan sanarwar na zuwa ne a yayin da ake ci gaba da bibiyar samar da man fetur da sauran muhimman kayayyaki a kasuwannin Najeriya.

18/09/2026

Yadda Shugaban Faransa, Emmanuel Macron, ya karɓi Shugaban Najeriya Bola Ahmed Tinubu tare shirya masa liyafar cin abinci ta musamman a daren a Fadar Élysée.

Bayo Onanuga mai taimakawa shugaba Tinubu kan harkokin yada labarai ya bayyana cewa wannan na nuna yadda kyakkyawar alaƙar da ke tsakanin Najeriya da Faransa, ke kyautatuwa da kuma ƙudurin ƙasashen biyu na ƙara ƙarfafa haɗin gwiwar da ke tsakaninsu.

18/09/2026

Da ɗumi-ɗumi: Shugaba Bola Tinubu Yasha Alwashin cire tallafin wutar lantarki kamar yadda Ya cire tallafin man fetur idan Ya lashe zaɓen 2027

Gwamnatin Tarayyar Najeriya ƙarƙashin jagorancin Shugaban Ƙasa Bola Ahmed Tinubu ta bayyana cewa za ta kawo ƙarshen tallafin wutar lantarki daga shekarar 2027, a wani sabon shiri da ake sa ran zai sauya tsarin biyan kuɗin lantarki a faɗin ƙasar.

Ministan Wutar Lantarki, Joseph Tegbe, ya ce gwamnatin Shugaba Bola Ahmed Tinubu ta ɗauki matakin ne domin kawo ƙarshen tarin bashin da ke cikin ɓangaren wutar lantarki tare da tabbatar da tsarin da zai kasance mai ɗorewa.

A cewarsa, daga shekarar 2027 gwamnati za ta daina biyan tallafin wutar lantarki, amma ta ce hakan ba yana nufin za a hana ‘yan Najeriya samun wuta ba, sai dai za a mayar da hankali wajen inganta samar da ita.

Me hakan ke nufi ga ‘yan Najeriya?

Idan aka aiwatar da wannan shiri, ana sa ran masu amfani da wutar lantarki za su riƙa biyan kuɗi bisa cikakken farashin lantarki, lamarin da zai iya ƙara kuɗin wuta ga gidaje da ‘yan Najeriya

Wannan sanarwa ta jawo ce-ce-ku-ce, musamman ganin yadda cire tallafin man fetur ya ƙara tsadar rayuwa a Najeriya.

18/09/2026

DA ƊUMI ƊUMI: Sakamakon Jarabawar WAEC na ɗaliban makarantun gwamnati na jihar Yobe ya fito...

Ma’aikatar Ilimin Firamare da Sakandare ta Jihar Yobe ta sanar da cewa sakamakon jarabawar WAEC na ɗaliban makarantun gwamnati ya fito.

Ma’aikatar ta buƙaci dukkan ɗaliban da abin ya shafa da su fara duba sakamakonsu daga gobe domin ganin yadda s**a yi a jarabawar.

Haka kuma, an shawarci ɗaliban da su tabbatar sun duba sakamakonsu cikin gaggawa tare da yin nazari a kansa.

17/09/2026

Solomon Dalung ya yi hasashen Bola Tinubu zai sha mummunan kaye a zaben 2027 saboda mutuwar Muhammadu Buhari da wahalar da 'yan arewa suke ci - Karanta rahoton a sashen sharhi

17/09/2026

Daliban Arewa sun goyi bayan Tinubu a zaben 2027

Shugabannin dalibai daga manyan makarantu da ke jihohin Arewa 19 da Babban Birnin Tarayya Abuja, sun bayyana goyon bayansu ga Shugaba Bola Ahmed Tinubu domin sake tsayawa takarar shugaban ƙasa a zaben 2027.

Daliban, waɗanda s**a fito daga jami’o’i, kwalejojin kimiyya da fasaha da kuma kwalejojin ilimi, sun bayyana matsayinsu ne a ranar Talata yayin ƙaddamar da ɓangaren dalibai na ƙungiyar Arewa for Asiwaju (A4A).

Mai kula da ɓangaren daliban na A4A, Abdulmudallib Sheriff, wanda kuma shi ne Shugaban Ƙungiyar Dalibai (SUG) ta Jami’ar Bayero da ke Kano, ya ce goyon bayan nasu ya samo asali ne daga matakan da gwamnatin Tinubu ta ɗauka a fannin ilimi, tallafin ɗalibai, koyar da sana’o’i da kuma bunƙasa matasa.

Sheriff ya ce ƙungiyar za ta fara gudanar da gangamin wayar da kan dalibai da neman goyon baya ga shugaban ƙasar a jami’o’i da sauran cibiyoyin ilimi.

Ya ce: “Muna tare da Asiwaju. Goyon bayanmu ba na baki kawai ba ne; tsari ne, an shirya shi kuma a shirye muke mu aiwatar da shi. Za mu kai wannan saƙo zuwa makarantu da al’ummominmu, mu wayar da kai, mu shirya tare da tattara mutane.”

Da yake jawabi a wajen taron, Gwamnan Jihar Kaduna, Uba Sani, ya danganta goyon bayan daliban da abin da ya kira manyan nasarorin gwamnatin Tinubu a fannonin ilimi, ababen more rayuwa, kiwon lafiya da noma.

Gwamnan ya ce matakan gwamnati na mayar da hankali kan ilimi da koyar da sana’o’in fasaha sun fi muhimmanci ga yankin Arewa, musamman shirin Technical and Vocational Education and Training (TVET) da Asusun Lamunin Ilimi na Najeriya (NELFUND).

A cewarsa, bai kamata a tsaya kan tallafawa matasa ta fuskar ilimi kawai ba, sai an samar musu da damar tattalin arziki da fasahar zamani.

Uba Sani ya ce bayanan shirye-shiryen sun nuna cewa Arewa na da sama da kashi 60 cikin 100 na masu cin gajiyar wasu muhimman tsare-tsaren gwamnati.

17/09/2026

Yawan Jama’ar Najeriya: Rashin Sabunta Ƙidaya Na Ƙara Wa Tsare-Tsaren Raya Ƙasa Ƙalubale

Rashin samun sabbin alkaluman ƙidayar jama’a na daga cikin ƙalubalen da ke iya kawo cikas ga ingantaccen tsarin tattalin arziƙi da raya ƙasa a Najeriya.

Ƙidayar jama’ar ƙasa ta ƙarshe da aka gudanar a Najeriya ta kasance a shekarar 2006, lamarin da ya sa ake fuskantar buƙatar samun sahihan bayanai da za su nuna ainihin yawan jama’a da yanayin rabuwarsu a faɗin ƙasar.

Masana sun bayyana cewa gudanar da ƙidayar jama’a ta zamani ta hanyar amfani da fasahar dijital na da matuƙar muhimmanci wajen bai wa gwamnati damar tsara manufofi bisa ingantattun bayanai.

Sun ce sahihin bayanan yawan jama’a za su taimaka wajen tsara harkokin ilimi, lafiya, ababen more rayuwa, samar da ayyukan yi, rabon albarkatun ƙasa da kuma kasafin kuɗin gwamnati.

Rahoton ya kuma nuna cewa, rashin sabbin alkaluman jama’a na iya sa wasu tsare-tsare da manufofin tattalin arziƙi su dogara da bayanan da ba sa sake nuna ainihin halin da ake ciki a ƙasar a yanzu.

Saboda haka, ana ganin gudanar da ingantacciyar ƙidayar jama’a ta dijital a matsayin wani muhimmin mataki wajen samar da ingantaccen tsarin raya ƙasa da kuma tsara manufofin kasafin kuɗi da s**a dace da bukatun al’ummar Najeriya.

Yobe Voice Tv

17/09/2026

Yawan Jama’ar Najeriya: Rashin Sabunta Ƙidaya Na Ƙara Wa Tsare-Tsaren Raya Ƙasa Ƙalubale

Rashin samun sabbin alkaluman ƙidayar jama’a na daga cikin ƙalubalen da ke iya kawo cikas ga ingantaccen tsarin tattalin arziƙi da raya ƙasa a Najeriya.

Ƙidayar jama’ar ƙasa ta ƙarshe da aka gudanar a Najeriya ta kasance a shekarar 2006, lamarin da ya sa ake fuskantar buƙatar samun sahihan bayanai da za su nuna ainihin yawan jama’a da yanayin rabuwarsu a faɗin ƙasar.

Masana sun bayyana cewa gudanar da ƙidayar jama’a ta zamani ta hanyar amfani da fasahar dijital na da matuƙar muhimmanci wajen bai wa gwamnati damar tsara manufofi bisa ingantattun bayanai.

Sun ce sahihin bayanan yawan jama’a za su taimaka wajen tsara harkokin ilimi, lafiya, ababen more rayuwa, samar da ayyukan yi, rabon albarkatun ƙasa da kuma kasafin kuɗin gwamnati.

Rahoton ya kuma nuna cewa, rashin sabbin alkaluman jama’a na iya sa wasu tsare-tsare da manufofin tattalin arziƙi su dogara da bayanan da ba sa sake nuna ainihin halin da ake ciki a ƙasar a yanzu.

Saboda haka, ana ganin gudanar da ingantacciyar ƙidayar jama’a ta dijital a matsayin wani muhimmin mataki wajen samar da ingantaccen tsarin raya ƙasa da kuma tsara manufofin kasafin kuɗi da s**a dace da bukatun al’ummar Najeriya.

17/09/2026

Gwamnan Kano ya naɗa Hafsat Kutama Muƙaddashin shugabar hukumar hana cin hanci da ƙarbar rashawa ta jihar

Gwamnan Jihar Kano, Abba Kabir Yusuf, ya naɗa Barr. Hafsat Ada’u Kutama a matsayin Muƙaddashin shugabar hukumar ƙorafe-ƙorafe da yaƙi da cin hanci da rashawa ta jihar wato (PCACC).

Kafin wannan naɗin, Barr. Hafsat ta kasance sakatariyar hukumar.

Naɗin ya zo ne bayan murabus din tsohon shugaban hukumar, Sa'idu Yahaya, wanda rahotanni ke nuni da cewa ya ajiye muƙaminsa a ranar Talata, 15 ga Satumba, 2026.

Karanta cikakken labarin a shafin jaridar 'The Historica Nigeria'.

Yobe Voice Tv

19/09/2026

18/09/2026

18/09/2026

18/09/2026

18/09/2026

17/09/2026

17/09/2026

17/09/2026

17/09/2026

17/09/2026

Address

Website

Alerts

Shortcuts

Share

Category

Listing takedown request