Aminchi Sports

Aminchi Sports Aminchi Sports | Jaridar Hausa ta Wasanni
Labarai • Analysis • NPFL • Premier • Laliga • UCL • Seria A
Aminci da Sauri a kowane labari ⚽

Shafin da ke wayar da kan matasa akan harkar Crypto, musamman Mining da Trading...

Jerin Manyan Abubuwan Tarihi da Messi Ya Bari a Argentina...Lionel Messi ya rufe babin wasansa na kasa bayan ya buga was...
07/10/2026

Jerin Manyan Abubuwan Tarihi da Messi Ya Bari a Argentina...

Lionel Messi ya rufe babin wasansa na kasa bayan ya buga wasan karshe a cikin rigar Argentina, inda ya bar tarihi da ya dauki lokuta, daga fitowarsa a World Cup ta 2006 har zuwa daga kofin duniya a Qatar.

A wasansa na farko a World Cup, Messi ya shigo daga benci a karawar Argentina da Serbia da Montenegro a 2006, kuma cikin mintuna 16 kacal ya ci kwallo daya tare da taimakawa wajen samar da wata. Wannan ne ya fara nuna wa duniya cewa Argentina ta samu sabon tauraro.

A 2012 kuma, Messi ya samar da daya daga cikin wasanninsa mafi kayatarwa da Brazil, inda ya ci hat-trick a wasan da Argentina ta doke babbar abokiyar hamayyarta da ci 4-3. Kwallonsa ta uku ce ta fi daukar hankali, bayan ya dauko kwallo daga tsakiya ya yi gudu sannan ya aika da ita saman ragar Brazil.

Bayan shekaru na takaici, 2021 ta kawo wa Messi da Argentina abin da s**a dade suna nema. A wasan karshe na Copa America da Brazil, kwallon Angel Di Maria ta bai wa Argentina kofin, yayin da Messi ya zubar da hawaye bayan busar karshe, bayan dogon lokaci yana fama da rashin nasara a manyan finals.

Sai Qatar 2022, lokacin da aka kammala labarin da Messi ya dade yana rubutawa. Bayan Argentina ta sha kashi a hannun Saudi Arabia, Messi ya zura wata muhimmiyar kwallo da Mexico wadda ta sake bude musu kofin gasar. Daga nan s**a ci gaba har s**a kai wasan karshe, inda Messi ya ci kwallaye biyu a wasan da ya kare 3-3 da Faransa kafin Argentina ta lashe kofin a bugun fanareti.

Daya daga cikin abubuwan da s**a fi nuna irin tasirin Messi shi ne wasan kusa da na karshe da Croatia a 2022. Yana da shekara 35 a lokacin, amma ya iya wuce Josko Gvardiol cikin wani gagarumin gudu kafin ya taimaka wa Julian Alvarez ya zura kwallo.

Har a gasar 2026, Messi ya ci gaba da rubuta tarihi. A wasan da Argentina ta fafata da Egypt, ya taimaka wajen dawowar kungiyar daga ci 2-0, inda ya ci kwallo bayan ya taimaka wajen samar da ta farko. Wannan ya sa ya zama dan wasa na farko a tarihin World Cup da ya ci kwallo a wasannin knockout guda shida a jere.

Daga baya kuma ya kara wani babi mai girma a wasan da England, inda ya taimaka Argentina ta kai wasan karshe. Wannan duk ya faru ne yana da shekaru 39, abin da ya kara tabbatar da cewa har zuwa karshen tafiyarsa da Argentina, Messi bai daina kasancewa dan wasan da ke iya sauya makomar wasa ba.

Amma idan akwai wani lokaci da ya fi sauran haske, shi ne Qatar 2022. Bayan shekaru da dama na shan s**a da rashin nasara da Argentina, Messi ya samu damar daga kofin da ya dade ana cewa shi ne abin da ya rage a tarihin sa. A wannan gasar ma ya zama dan wasa daya tilo da ya lashe Golden Ball sau biyu a tarihin World Cup.

Yanzu labarin ya kare. Messi ya yi bankwana da Argentina bayan shekaru masu yawa na nasara, takaici, kuka da kuma tarihi. Amma tambayar ita ce: wane daga cikin wadannan lokutan ne ku ke ganin ya fi nuna girman Messi da Argentina?

Ku zabi lokacinku a comments: 2006, Copa America 2021, World Cup 2022, ko kuma wani daga cikin abubuwan da ya faru a 2026?

Isah Jarma Jr, Matashi Dan Jihar Kano Da Ya Samu Babban Gurbi Kungiyar Kwallon Kafa Ta CD Leganés Dake Spain...Matashin ...
09/09/2026

Isah Jarma Jr, Matashi Dan Jihar Kano Da Ya Samu Babban Gurbi Kungiyar Kwallon Kafa Ta CD Leganés Dake Spain...

Matashin ɗan wasan ƙwallon ƙafa na jihar Kano, Isah Usaini, wanda aka fi sani da Jarma Jr, ɗan Hon. Usaini Isah Jarma, ya samu wata muhimmiyar dama fannin kwallon kafa a ƙasar Spain, inda a yanzu yake daukar horo a ƙungiyar Club Deportivo Leganés.

Isah, ɗan asalin Ƙaramar Hukumar Dala, ya samu wannan dama ne bayan shafe wani lokaci yana buga ƙwallon a wani club dake kasar Faransa, inda ya ci gaba da ƙoƙarin ganin ya kai ga matakin da yake fata tun yana da kananun shekaru.

Wannan ƙoƙari nasa ne yanzu ya kai shi Spain, inda ya samu damar kasancewa a CD Leganés, ƙungiyar da ta daɗe tana cikin manyan harkokin ƙwallon ƙafar Spain, kuma ta taɓa shafe shekaru tana fafatawa a gasar La Liga.

Bayanan da Aminchi Sports ta samu sun nuna cewa Isah yana cikin 'yan wasan tsakiya, inda aka sanya sunansa cikin jadawalin atisaye na musamman da aka tsara wa 'yan wasa gwargwadon wuraren da suke bugawa a fili.

Wannan wata babbar dama ce ga matashin ɗan wasan, musamman idan aka yi la'akari da yadda ya taso daga Kano, ya tafi Faransa domin neman ci gaba a ƙwallo, sannan kuma yanzu tafiyar tasa ta kai shi Spain.

Bisa bayanan da muka samu, ba kasafai ake samun matasa ƴan jihar Kano da ya kai ga samun irin wannan dama a tsarin ƙungiya mai matsayin CD Leganés ba.

Sai dai samun dama shi ne mataki na farko. Babban aikin da ke gaban Isah yanzu shi ne amfani da wannan dama yadda ya kamata.

Tafiyar Isah daga Kano zuwa Faransa, sannan yanzu Spain, abin ƙarfafa gwiwa ne ga matasa masu tasowa da ke da burin zama ƙwararrun 'yan ƙwallon ƙafa.

Ba dole sai an fara daga babbar academy ko wata fitacciyar kungiyar ba. Abin da ake buƙata shi ne baiwa, jajircewa, haƙuri da kuma ƙin gajiyawa da bin buri.

Muna taya Isah Jarma murnar wannan dama, tare da yi masa fatan alheri. Fatanmu shi ne wata rana wannan mataki da ya taka a Spain ya zama farkon labarin wani fitaccen ɗan wasan Kano da zai kai ga manyan matakan ƙwallon ƙafar duniya.

Wane fata zaku iya yi wa Jarma Jr bisa wannan mataki da ya taka???

Yiwuwar tafiyar Enzo na tilasta Chelsea fara neman Barrios domin cike gurbinsa...Sabon shirin gina tawaga na Chelsea ya ...
04/09/2026

Yiwuwar tafiyar Enzo na tilasta Chelsea fara neman Barrios domin cike gurbinsa...

Sabon shirin gina tawaga na Chelsea ya fara bayyana fili, inda koci Xabi Alonso ke duba yiwuwar maye gurbin Enzo Fernandez da wani sabon jigo daga Spain.

Rahotanni sun nuna cewa makomar Enzo a kulob din na cikin shakku, musamman bayan jita-jitar tafiyarsa da kuma yadda aka fara tunanin yadda za a cike gurbin sa idan ya bar kungiyar.

A cikin wannan yanayi ne sunan Pablo Barrios na Atletico Madrid ya fara fitowa a matsayin wanda Xabi Alonso ke gani ya dace da sabon tsarin da yake son gina a Stamford Bridge.

Abin da ya fito fili shi ne cewa wannan ba kawai ciniki bane na yau da kullum, illa wani bangare na babban sauyi da Chelsea ke kokarin yi a tsakiyar fili, musamman bayan manyan sauye-sauye da s**a faru a kasuwar canja wuri.

Dukkan alamu na nuna cewa idan har Enzo ya tafi, Chelsea ba za ta tsaya ba tare da maye gurbinsa da ɗan wasa mai irin rawar da yake takawa ba, kuma Barrios na daya daga cikin zabin da ake kallon zai dace da wannan aiki.

Aminchi Sports na ganin cewa wannan na daga cikin manyan gwaje-gwajen da za su fuskanci Xabi Alonso — yadda zai iya gina sabon tsakiya bayan yiwuwar rasa daya daga cikin muhimman ‘yan wasan sa.

Yanzu tambaya ita ce, shin Barrios zai iya maye gurbin Enzo idan ya tafi, ko kuwa Chelsea za ta nemi wani daban?

Ku fa, a ra’ayinku Barrios ya dace da tsarin Chelsea, ko Enzo ya fi dacewa su rike shi?

Wane Ɗan Kwallo Ne Musuluntarsa Zata Fi Yin Tasiri Ga Duniya?A duniyar yau, shahararren ɗan ƙwallo ba wai kawai gwarzon ...
19/08/2026

Wane Ɗan Kwallo Ne Musuluntarsa Zata Fi Yin Tasiri Ga Duniya?

A duniyar yau, shahararren ɗan ƙwallo ba wai kawai gwarzon wasa ba ne. Wasu daga cikinsu sun zama abin koyi ga miliyoyin mutane, musamman matasa, waɗanda ke bibiyar rayuwarsu a filin wasa da wajen filin wasa.

Abin da ɗan wasa ya saka, wurin da ya je, kalmar da ya faɗa ko kuma matakin da ya ɗauka, na iya zama abin tattaunawa a kafafen sada zumunta cikin ƴan mintuna.

Manyan taurari irin su Cristiano Ronaldo, Lionel Messi, Neymar, Kylian Mbappé da Vinícius Júnior suna da dimbin magoya baya a sassa daban-daban na duniya. Wasu daga cikin magoya bayansu ma suna kallon waɗannan 'yan wasa a matsayin abin koyi, ba wai a fagen ƙwallo kawai ba.

A gefe guda kuma, akwai fitattun 'yan wasan Musulmi irin su Mohamed Salah, Sadio Mané, Karim Benzema da Riyad Mahrez, waɗanda s**a nuna cewa ɗan wasa zai iya kasancewa babban tauraro a duniya tare da riƙe addininsa da al'adunsa.

Idan muka yi tunanin irin wannan tasiri, sai wata tambaya mai ban sha'awa ta taso:

Idan wani shahararren ɗan ƙwallo da ba Musulmi ba ya bayyana a fili cewa ya karɓi Musulunci, shin hakan zai iya sa miliyoyin magoya bayansa su fara binciken addinin Musulunci?

Wataƙila wasu za su tambayi kansu: Me ya sa ya zaɓi Musulunci? Me ya karanta? Me ya gano?

Wasu kuma za su iya cewa addini ba abu ne da ya kamata mutum ya karɓa saboda shahararren mutum ya karɓe shi ba.

Amma babu shakka cewa idan wani babban tauraron ƙwallon ƙafa ya yi irin wannan sanarwa, labarin zai iya mamaye kafafen yaɗa labarai da shafukan sada zumunta a duniya, kuma mutane da dama za su fara magana da bincike game da Musulunci.

A ganinku, wane shahararren ɗan ƙwallo ne kuke ganin idan ya karɓi Musulunci, tasirinsa zai fi kowa girma kuma zai iya jawo hankalin mutane da yawa zuwa Musulunci?

Ku faɗi sunansa a ƙasa, sannan ku bayyana dalilin da ya sa kuka zaɓe shi.

Tsohon tauraron Real Madrid Roberto Carlos ya rungumi Musulunci — RahotoAn rawaito cewa fitaccen tsohon ɗan wasan ƙasar ...
18/08/2026

Tsohon tauraron Real Madrid Roberto Carlos ya rungumi Musulunci — Rahoto

An rawaito cewa fitaccen tsohon ɗan wasan ƙasar Brazil kuma tsohon ɗan wasan Real Madrid, Roberto Carlos, ya rungumi addinin Musulunci.

Rahoton ya bayyana cewa Carlos ya karɓi Musulunci ne kimanin makonni huɗu da s**a gabata, bayan ya karanta Shahada a gaban Sheikh Jihad Hammadeh, wani fitaccen malami kuma ɗaya daga cikin jiga-jigan al’ummar Musulmi a Brazil.

Wannan bayani ya fito ne daga Ali Şahin, ɗan majalisar dokokin Turkiyya, wanda ya ce ya samu labarin ne yayin da yake ganawa da Sheikh Jihad Hammadeh da wasu wakilan al’ummar Musulmi a birnin São Paulo na Brazil.

A cewar Şahin, Sheikh Hammadeh ya bayyana cewa Roberto Carlos ya daɗe yana tuntuɓar sa, kafin daga bisani tsohon ɗan wasan ya ziyarce shi kuma ya karanta Shahada, inda ya zaɓi Musulunci.

Sai dai har zuwa yanzu, Roberto Carlos da iyalansa ba su fitar da wata sanarwa kai tsaye da ke tabbatar da cewa ya musulunta ba, don haka rahoton yana ci gaba da kasancewa a matsayin wani bayani da ke jiran tabbatarwa daga Carlos da kansa.

Roberto Carlos, mai shekaru 53, ya shahara sosai a duniya a lokacin da yake taka leda a Real Madrid, ƙungiyar ƙasar Brazil da kuma Fenerbahçe ta Turkiyya

Dan tsakiyar da ya fi ‘yan gaba hatsari a tawagar Ingila: Bellingham ya kafa sabon tarihi...A gasar da ake tsammanin ‘ya...
13/07/2026

Dan tsakiyar da ya fi ‘yan gaba hatsari a tawagar Ingila: Bellingham ya kafa sabon tarihi...

A gasar da ake tsammanin ‘yan gaba ne za su mamaye kanun labarai, sai ga Jude Bellingham ya juya labarin gaba ɗaya—ba tare da kasancewa striker ba.

Tauraron England ya kafa wani tarihi mai nauyi, inda ya zama ɗan wasan Ingila da ya fi kowa zura kwallaye a bude (open play) a World Cup guda ɗaya. Wannan ba ƙaramin abu ba ne, domin ya zarce sunaye da aka saba jingina wa wannan matsayi—musamman ‘yan gaba da aka gina domin zura kwallo.

Abin da ya fi ɗaukar hankali shi ne yadda yake yin wannan aikin cikin sauƙi, kamar ba sabon abu ba ne. Yana fitowa daga tsakiyar fili, yana shiga cikin sarari, sannan ya zama wanda ke kammala harin—abin da yawanci ake barin ‘yan gaba su yi.

Wannan ya nuna cewa Bellingham ba kawai ɗan wasa ba ne mai baiwa, illa wani sabon salo ne a kwallon kafa. Dan tsakiyar da zai iya jagoranci wasa, ya kare, sannan kuma ya zama mai kawo ƙarshe a gaba. Wannan ne ya sa yake zama barazana a kowane lokaci.

A cikin wannan gasar, ya nuna cewa matsayi ba ya hana tasiri. Ba sai ka zama striker ba kafin ka zama tauraron da ke yanke hukunci a wasa. Wannan ne ya bambanta shi da sauran.

Aminchi Sports na ganin cewa wannan tarihi da ya kafa ba wai kawai rikodi ba ne, alama ce cewa sabon zamani na ‘yan wasa ya zo—inda iyaka tsakanin matsayi ke rushewa.

Yanzu tambaya ita ce, shin Bellingham zai iya ci gaba da wannan abin mamaki har ya kai England ga daukar kofin duniya?

Ku fa, a ganinku ya kamata a ci gaba da kiransa dan tsakiyar fili, ko lokaci ya yi da za a fara kallonsa a matsayin cikakken mai zura kwallo?

“Za mu yi komai domin Messi ya sake lashe kofin duniya” – Alvarez ya bayyana manufar Argentina...A yayin da gasar cin ko...
13/07/2026

“Za mu yi komai domin Messi ya sake lashe kofin duniya” – Alvarez ya bayyana manufar Argentina...

A yayin da gasar cin kofin duniya ke kara zafi, ɗan wasan Argentina Julian Alvarez ya fito da wata magana mai cike da ƙwazo da kishin ƙasa, yana mai bayyana a fili abin da ke cikin zukatan ‘yan tawagar.

Alvarez ya ce burinsu a fili yake — su yi duk mai yiwuwa domin Lionel Messi ya sake ɗaga kofin duniya. Wannan magana ta nuna yadda tawagar ke kallon wannan gasa ba kawai a matsayin fafatawa ba, amma a matsayin wata manufa ta musamman ga gwarzon su.

Ya kara da cewa kowanne wasa a gare su kamar yaki ne, kuma suna shiga kowace karawa da wannan tunani a zuciya. Wannan ya nuna irin haɗin kai da manufa guda da ke cikin tawagar, inda aka haɗa ƙarfi domin cimma buri ɗaya.

Abin da ya fito fili shi ne cewa tasirin Messi a cikin tawagar ya wuce abin da yake yi a filin wasa kawai. Ya zama wani ginshiki na ƙarfafa gwiwa da kuma haɗa kan ‘yan wasa, wanda ke sa kowa ya kara ƙoƙari domin ganin sun cimma nasara tare.

Aminchi Sports na ganin cewa irin wannan yanayi na iya zama babban makami ga Argentina, domin idan tawaga ta haɗu kan buri guda, tana iya kaiwa matakin da ba a zata ba.

Yanzu tambaya ita ce, shin wannan ƙwazo da haɗin kai za su isa su kai Argentina ga nasarar da suke nema?

Ku fa, kuna ganin Argentina za ta iya sake ɗaukar kofin duniya domin Messi?

Man United ta fara nazari kan daukar Kone bayan rashin tabbas a cinikin Ederson...A cikin wani sabon yanayi mai ɗaukar h...
11/07/2026

Man United ta fara nazari kan daukar Kone bayan rashin tabbas a cinikin Ederson...

A cikin wani sabon yanayi mai ɗaukar hankali a kasuwar canja wuri, Manchester United na fuskantar babban koma baya bayan cinikin ɗan wasan tsakiyar fili Ederson daga Atalanta ya shiga cikin matsala mai tsanani.

Rahotanni sun nuna cewa duk da an riga an cimma yarjejeniya tsakanin ɓangarorin biyu, matsalar gwajin lafiya (medical test) musamman a gwiwa ta jefa shakku kan kammala cinikin. Wannan ya sa ake fargabar cewa dukkan yarjejeniyar na iya rushewa a ƙarshe.

Abin da ya kara ɗaga hankali shi ne yadda United ke cikin matsin lamba a bangaren tsakiya, musamman bayan sauye-sauyen da s**a faru a tawagar da kuma matsalar raunuka. Wannan ya sa s**a fara duba wasu hanyoyi na gaggawa domin cike gurbi.

A nan ne sunan Manu Kone na Roma ya fara fitowa, inda aka ce kulob din ya riga ya fara tambayoyi kan yiwuwar daukarsa idan har cinikin Ederson ya fadi.

Dukkan bayanan da ke fitowa sun nuna cewa United na cikin wani yanayi na “tsaka-tsaki” – suna jiran sakamakon karshe kan Ederson, amma a lokaci guda suna shirya madadin idan komai ya lalace. Hakan ya nuna yadda kulob din ke kokarin guje wa sake shiga matsala a bangaren tsakiyar fili.

Aminchi Sports na ganin cewa wannan lamari na nuna yadda kasuwar canja wuri ke cike da rashin tabbas, inda ko yarjejeniya ta kusa kammala na iya rushewa a minti na karshe.

Yanzu tambaya ita ce, shin United za ta ci gaba da dagewa kan Ederson ko kuma ta juya gaba daya zuwa Kone?

Ku fa, a ganinku wanene ya fi dacewa da United a wannan lokaci – Ederson ko Kone?

🚨 Tarihin gasar Kofin Duniya ya shaida cewa 'yan wasa tara (9) ne kacal s**a taba zura kwallaye 8 ko fiye a gasa guda. ⚽...
11/07/2026

🚨 Tarihin gasar Kofin Duniya ya shaida cewa 'yan wasa tara (9) ne kacal s**a taba zura kwallaye 8 ko fiye a gasa guda. ⚽🌍

Sai dai akwai ɗan wasa guda ɗaya kacal da ya maimaita wannan bajinta sau biyu:

🇫🇷🔥 Kylian Mbappé

✅ 8 Goals — Qatar 2022
✅ 8 Goals — World Cup 2026 (zuwa yanzu)

Mbappé ya zama ɗan wasa na farko a tarihin FIFA World Cup da ya zura kwallaye 8 ko fiye a gasa biyu daban-daban.

Farashin tikitin kallon World Cup ya fadi kasa warwas da kusan kaso 60 bayan ficewar Ronaldo daga gasar...Wani yanayi ma...
10/07/2026

Farashin tikitin kallon World Cup ya fadi kasa warwas da kusan kaso 60 bayan ficewar Ronaldo daga gasar...

Wani yanayi mai ban mamaki ya biyo bayan ficewar Critistiano Ronaldo da tawagarsa ta Portugal daga gasar World Cup, inda farashin tikitin wasan quarter-final ya fadi sosai fiye da yadda ake zato.

Rahotanni sun nuna cewa farashin ya sauka da kusan kashi 60%, alamar yadda bukatar tikiti ta ragu kwatsam bayan tawagar sun fita daga gasar. Wannan ya nuna irin tasirin da manyan kungiyoyi da fitattun ‘yan wasa ke da shi wajen jawo hankalin masu kallo.

Abin da ya fito fili shi ne cewa yawancin magoya baya suna da sha’awar kallon irin wadannan manyan tawaga, musamman ma ‘yan wasa masu suna irin su Cristiano Ronaldo. Ficewarsu ya rage armashin wasannin a idon wasu masu sayen tikiti.

Dukkan wannan lamari ya nuna yadda kasuwar wasanni ke aiki — inda bukata ke da alaƙa kai tsaye da sunaye da darajar wasa. Idan manyan taurari ko kasashe s**a fita, tasirin hakan na bayyana kai tsaye a bangaren kudin shiga.

A gefe guda kuma, wannan saukar farashi na iya zama dama ga wasu magoya baya da ba su iya sayen tikiti a baya ba, su samu damar shiga su kalli manyan wasanni a rahusa.

Yanzu tambaya ita ce, shin darajar wasa tana cikin sunayen ‘yan wasa ne, ko kuma gasar kanta ya isa ta jawo kallo ba tare da su ba?

A naku bangaren, me kuke ganin ya jawo faduwar farashin tikitin gasar???

Address

Kano

Telephone

+2347045989882

Website

Alerts

Be the first to know and let us send you an email when Aminchi Sports posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aminchi Sports:

Shortcuts

Share