15/11/2024
‼️Анхаараарай Redmi хэрэглэгчидээ‼️
⁉️Redmi брэндийн нэр өөрчлөгдсөн байна.⁉️
Xiaomi-ийн хамгийн алдартай дэд брэндүүдийн нэг болох Redmi дахин шинэчлэгдэн өөрчлөгдлөө. 2024 оны 11-р сарын 15-аас эхлэн Redmi брэнд бүх үсгийг том үсгээр бичигдэх бөгөөд "REDMI" нэрийг ашиглан шинэ үеийг эхлүүлэхээр болжээ.
Redmi брэндийн түүх
Redmi анх БНХАУ-д "Hongmi" буюу "Улаан Будаа" нэртэйгээр танилцуулагдсан ч 2019 онд Xiaomi компани энэ нэрийг өөрчлөн "Redmi" болгож, олон улсын зах зээлд тэлэх шийдвэр гаргасан. Англи нэр сонгосон нь дэлхий даяар илүү танигдах боломжийг олгосон бөгөөд Xiaomi нь Redmi-г хямд үнэтэй, бие даасан брэнд болгон хөгжүүлэх зорилготой байсан.
Redmi брэндийг албан ёсоор тусгаарлаж, Redmi Note 7 загвараас эхлэн шинэ лого танилцуулсан.
Шинэ том үсгээр бичигдсэн “REDMI” брэнд
Redmi-ээс “REDMI” болж өөрчлөгдөж байгаа нь зөвхөн үсгийн өөрчлөлт биш юм. Энэ нь тус брэндийн бие даасан, хүчирхэг байдлыг илэрхийлж, өрсөлдөөн ихтэй зах зээлд ялгаруулах зорилготой. Шинэ том үсгээр бичигдсэн логогоор компани нь өөрийн амбицийг харуулахыг зорьж байна.
Энэхүү шинэ брэндийн лого нь Redmi-ийн Weibo хуудсан дээр гарч ирсэн бөгөөд Xiaomi-гийн албан ёсны вэбсайтад ч нэмэгдсэн байна. Энэ нь Xiaomi энэхүү шинэчлэлтийг бүх платформд хэрэгжүүлэхэд анхаарал тавьж буйг илтгэж байна.
“REDMI” брэндийн хамгаалалт
Xiaomi компани шинэ “REDMI” нэрийг албан ёсоор бүртгүүлж, хууль эрх зүйн хамгаалалт авчээ. Энэ нь “REDMI” нэрийг салбартаа хамгаалах, ирээдүйд үүсэж болох зөрчилдөөнөөс сэргийлэх, брэндийн ялгарлыг нэмэгдүүлэх зорилготой.
Яагаад нэрийг өөрчилсөн бэ?
“REDMI” гэсэн шинэ нэр нь Xiaomi-ийн брэндийг шинэлэг, хэрэглэгчдийн сонирхолтой хэвээр байлгах зорилгоос үүдэлтэй. Өнгөрсөн жилүүдэд Redmi зөвхөн хямд ухаалаг утас төдийгүй таблет, телевизор, зөөврийн компьютер зэрэг олон төрлийн бүтээгдэхүүнээр өргөжсөн. Xiaomi-ийн үзэж буйгаар шинэ “REDMI” нэр нь тус брэндийн бие даасан байдал, бат бөх чанар, олон талын бүтээгдэхүүний экосистемийг илтгэж байгаа аж.
Цаашид юу хүлээж байна вэ?
Энэхүү шинэчлэлт нь REDMI брэндийн ирээдүйд томоохон өөрчлөлт, шинэ стратеги хэрэгжүүлэх дохио байж магадгүй. Бүх үсгийг томоор бичих болсон нь шинээр гарч ирэх бүтээгдэхүүнүүд, шинэ боломжуудын эхлэл байж болно. Xiaomi компани энэхүү өөрчлөлтөөр REDMI брэндийг дэлхий даяар илүү өргөн цар хүрээтэйгээр танигдах бэлтгэлээ хангаж байгааг илтгэж байна. Цаашид REDMI-ийн шинэ бүтээгдэхүүн, сонирхолтой чиг хандлагын талаар мэдээлэл гарахыг хүлээж сууядаа. Манай хуудас ч бас нэрээ өөрчлөнө дөө ккк
