09/09/2026
Сурагчид эх орныхоо дархан хилтэй бодитоор танилцах аялал хичээлийг жил бүр уламжлал болгон "Сайн Электроникс" дэмжин ажиллаж, хамтран зохион байгуулж байна.
Сурах бичгийн хуудаснаас бус эх орныхоо бодит хөрсөн дээр, хилийн дээсэн дээр зогсож үүх түүхээ судлах боломжийг "Сайн Электроникс" сурагчдад олгож байна. НЕБ-ын 1 дүгээр сургуулийн 11-р ангийн 170 орчим сурагч, 20 орчим багш "Эх орны дархан хил" төсөл хичээлийн хүрээнд Байтаг-Богд чиглэлийн аялал амжилттай зохион байгуулагдаж байна.
Сурагчид 9 дүгээр сарын 2-8-ны хооронд "Эх орон, дархан хил — Байтаг Богд" төсөл хичээлээр хил нутгийн газарзүй, байгаль экосистемийн онцлог, тулалдааны түүх, хилчдийн ажил үйлс, зэвсэг хэрэглэл, застав, хөшөө дурсгалт газрын ач холбогдол, нутгийн иргэдийн уламжлалт ахуй, соёлтой танилцахын зэрэгцээ байгаль хамгаалал, хариуцлагатай аяллын зарчмыг ч судална.
Ингэснээр эх орны хил хязгаар, тусгаар тогтнолын үнэ цэнийг бодит амьдрал дээр мэдрэхийн сацуу багаар ажиллах, тэмдэглэл хөтлөх, судалгаа хийх чадвараа ч хөгжүүлэх юм. Энэхүү аяллын сурагчид Улаанбаатар – Баянхонгор – Ховд – Говь-Алтай – Өвөрхангай чиглэлээр 2000 гаруй км замыг туулж байна.
Сурагчид аялал хичээлийнхээ төгсгөлд хилийн газарзүй, түүхэн замнал, байгаль хамгааллын чиглэлээр тэмдэглэл хөтөлж, видео тайлан, ханын сонин, танилцуулга судалгааны ажлуудыг бэлтгэн хамгаална.
"Эх орны дархан хил" төсөл хичээлд хамрагдаж буй нийт 450 гаруй сурагч, 20 багш, ажилчдыг дархан хилээ мэдэж, мэдрэх аяллыг “Сайн Электроникс” жил бүр уламжлал болгон хамтран ажиллаж байгаадаа баяртай байна. Аялж буй сурагчдадаа амжилт хүсэж, аян замдаа саадгүй хүрэхийг хүсье.
БОЛОВСРОЛЫГ ХАМТДАА ДЭМЖЬЕ.
