12/01/2026
✨UNITED TEAM EP1✨
"Subway брэнддээ дурлаж ажилласан минь миний карьерыг хөгөлсөн"
Сайн байна уу? 😀
Би Монгол дахь Subway брэндийн үйл ажиллагаа хариуцсан менежер Б. Азжаргал байна.
Ажлын маань хамгийн дуртай хэсэг
Би ачаалалтай, идэвхтэй орчинд ажиллах дуртай. Тодорхойгүй, удаашралтай ажил надад хамгийн хэцүү санагддаг бол үр дүн нь шууд харагддаг, хариуцлага өндөр ажил илүү урам өгдөг. Subway-д орсноос хойш өөрийнхөө зөв газраа олсон мэт мэдрэмж төрдөг. ☺️
2024 оны хавар Subway Монголд нээгдэх гэж буйг сонсоод шууд холбогдож уулзан, Сингапурт сургалтад хамрагдах боломжтой болсон. Ингээд Монголд анхны салбараа нээх бэлтгэл ажилд идэвхтэй оролцож, онол, практикийг хослуулан суралцсан. Шинэ брэнд учраас сургалтын материалуудыг монгол хэлнээ боловсруулж, орчуулсны дараа ажилтнуудаа цогц сургалтад хамруулж, улмаар анхны салбараа нээсэн.
Иймээс бидний баримталж буй хамгийн чухал зарчим бол чанар, аюулгүй байдлын стандартыг чанд мөрдөх. Олон улсын франчайз брэндийн томоохон давуу тал нь тогтсон стандарт, эрүүл ахуйн өндөр шаардлага байдаг бол Subway үүнийг онцгойлон чухалчилж ажилладаг.
Манай анхны салбар 2024 оны 7-р сарын 5-нд үүд хаалгаа нээхэд маш олон зочид, үйлчлүүлэгч ирсэн. Нээлтийн өдөр үйлчлүүлэгчдийн дараалал барилгын гадаа хүртэл үргэлжилсэн нь бидний төсөөллөөс давсан амжилт байлаа. Ердийн үед хөдөлгөөн багатай 7-р сард ийм идэвхтэй урсгалтай байна гэж бодоогүй ч Монголчууд Subway-ийг үнэхээр хүсэн хүлээж байсан нь тодорхой болсон. Тухайн өдөр Азийн бүсэд рекорд тогтоож, 1000 ширхэг сэндвич худалдаалсан.
Нээлтийн өмнөх 14 хоног маш их ачаалалтай, бараг амралтгүй байсан ч багийн нэгдэл, хөдөлмөрийн үр дүнд бид амжилттай давсан. Нээлтийн дараах хоёр сар гаруй хугацаанд үйлчлүүлэгчдийн хөл тасрахгүй, суудал дүүрэн байсан үе ч бий.
2025 оны 11-р сараас салбарын ерөнхий менежерээс үйл ажиллагаа хариуцсан менежер болж ажиллаж байна.
Энэ хугацаанд өмнө нь нэг салбарын үйл ажиллагаанд төвлөрч ажилладаг байсан бол одоо 8 салбарын үйл ажиллагаанд хяналт тавьж, илүү өргөн хүрээний хариуцлага үүрэх болсон. Аливаа ажлыг орхигдуулахгүй, хурдан шуурхай, гүйцэтгэлтэй хийх, дутуу орхих дургүй зан төлөв маань энэ бүхэнтэй салшгүй холбоотой. Би зарчимч, хариуцлагатай байхыг эрхэмлэдэг бөгөөд энэ чанар маань мэргэжлийн өсөлтөд маань эергээр нөлөөлсөн гэж үздэг.
Хүн бүр өөрийн гэсэн онцлог, ажиллах арга барилтай. Тиймээс багийн гишүүдийнхээ давуу талыг олж харж, ажлыг зөв хуваарилах нь хамт олны амжилтад чухал нөлөөтэй гэж боддог. Хэн ямар ажлыг илүү үр дүнтэй хийж чадахыг тодорхойлж, түүнд нь тохируулан чиглүүлэх нь манлайлагч хүний гол үүрэг.
АНУ-д 4 жил амьдрах хугацаандаа Subway-д дуртай болж, энэ брэндтэй илүү дотно болсон. Тиймээс одоогийн ажлаа сонгохдоо зөвхөн мэргэжлийн бус, сэтгэл зүрхний сонголт хийсэн гэж хэлж болно. Аливаа хүндрэл, бэрхшээлийг “сорилт” гэж харж, шийдэл хайж ажиллах дуртай. Сэтгэл санааны хувьд хэцүү үе тохиолдвол найз нөхөд, ойр дотнын хүмүүстэй ярилцаж өөрийгөө цэгцэлдэг.
Өсөж дэвших хүсэл, зорилготой байвал хүн ямар ч ажлыг сурч, чаддаг болдог. Тиймээс үүнийг уншиж буй хүн бүрд тэсрэлттэй өсөх сэтгэлгээтэй, зорилго тэмүүлэлтэй байгаарай гэж хэлмээр байна.
