Thanlar Co., Ltd.

11/02/2026

Business Email သုံးပါ

09/02/2026

Gmail သုံးပြီး လုပ်ငန်းလည်ပတ်နေတုန်းလား? ဒါဆိုရင် သင် သတိမထားမိဘဲ ဆုံးရှုံးနေတာတွေ ရှိပါတယ်! 📉

❌ Security Risk: Personal Gmail ဟက်ခံရရင် Company Data တွေပါ အကုန်ပါသွားမယ်။
❌ No Control: ဝန်ထမ်းထွက်ရင် Data တွေပါ ပါသွားမယ်။
❌ Unprofessional: gmail.com နဲ့ မေးလ်ပို့တာက Client တွေရဲ့ ယုံကြည်မှုကို လျော့ကျစေတယ်။

✨ THANLAR Work Mail Service သို့ ပြောင်းလဲလိုက်ပါ။ Google Workspace Quality အတိုင်း၊ ဒါပေမဲ့ ဈေးနှုန်းကတော့ Google ထက် ၉၇% ပိုသက်သာပါတယ် ။

💼 ဘာတွေထူးခြားလဲ?

✅ [email protected] နဲ့ Professional ဆန်မယ်။

✅ Spam/Blacklist ပူစရာမလိုတဲ့ Clean IP & 99.9% Uptime ။

✅ ဖုန်းဆက်ရင် ချက်ချင်းကိုင်မယ့် Myanmar Local Support Team ။

💰 Pricing Highlights:

5 Users: ၃၀၀,၀၀၀ ကျပ် / တစ်နှစ်

20 Users: ၅၀၀,၀၀၀ ကျပ် / တစ်နှစ် (Best Seller 🔥)

📄 Full Proposal & Comparison:
🔗 [ https://thanlar.com/proposal ]

09/02/2026

2026 ရောက်နေပြီ... Company Data တွေကို Free Gmail ပေါ် တင်ထားတုန်းလား? 😱

AI နည်းပညာတွေ ဒီလောက် တိုးတက်လာတဲ့ခေတ်မှာ "Free" ဆိုတာ တကယ်တော့ အလကားမဟုတ်ပါဘူး။ ခင်ဗျား Company ရဲ့ အဖိုးတန် Data တွေက သူတို့အတွက် ကုန်ကြမ်းတွေ ဖြစ်သွားနိုင်ပါတယ်။

ဒါတင်မကပါဘူး... လုပ်ငန်းရှင်တိုင်း မတွေးမိကြတဲ့ အန္တရာယ်ကြီး (၃) ခု ရှိနေပါတယ်:

1️⃣ The "One Hack" Disaster: ဝန်ထမ်းတစ်ယောက်ရဲ့ Personal Gmail အဟက်ခံရရုံနဲ့... သူ Google Keep မှာ မှတ်ထားတဲ့ Company Password တွေ၊ လျှို့ဝှက်စာရင်းတွေ အကုန်ပါသွားနိုင်ပါတယ်။ Personal အကောင့်ဖြစ်တဲ့အတွက် Company ဘက်က ဘာမှ ပြန်လုပ်လို့မရပါဘူး။

2️⃣ Trust Issues: Official အလုပ်ကိစ္စကို [email protected] နဲ့ ပို့နေတာက Professional မဆန်သလို၊ ဝန်ထမ်းက Personal ကိစ္စနဲ့ အလုပ်ကိစ္စ ရောသုံးနေတာမျိုးက ရေရှည်မှာ ယုံကြည်မှု (Trust) ကို ထိခိုက်စေပါတယ်။

3️⃣ Data Ownership: ဝန်ထမ်းထွက်သွားတဲ့အခါ သူ့ Personal Gmail ထဲက Customer Contact တွေ၊ Deal တွေကို Company က ပြန်သိမ်းဆည်းခွင့် မရှိပါဘူး။

✅ အဖြေရှိပါတယ် - THANLAR Work Mail Service Google Workspace လိုမျိုး Enterprise Grade Quality ကိုမှ... Google ထက် ၁၀ ဆ သက်သာတဲ့ ဈေးနှုန်းနဲ့ ရယူလိုက်ပါ။

🔥 Popular Packages:

💎 Starter Plan (5 Users): တစ်နှစ်လုံးမှ ၃၀၀,၀၀၀ ကျပ်

💎 SME Growth Plan (20 Users): တစ်နှစ်လုံးမှ ၅၀၀,၀၀၀ ကျပ်

(Google Workspace သုံးရင် သိန်း ၅၀ ကျော်မယ့်အစား ၅ သိန်းပဲ ကျပါတော့တယ်)

အသေးစိတ် Proposal ဖတ်ရှုရန် Link 👇
🔗 [ https://thanlar.com/proposal ]

လက်ရှိ Gmail ကနေ Data မပျောက်ဘဲ ပြောင်းသုံးချင်ရင် အခုပဲ ဆက်သွယ်လိုက်ပါ။ 💬 Message Us Now!

05/11/2022

တိုင်းပြည်ရဲ့ အနာဂတ်ကြယ်ပွင့်လေးတွေ 🤩

19/10/2022

မြန်မ့ကြေးနီစီမံကိန်းမှ လုပ်ငန်းကြီးများ၏
ရာဇဝတ်မှုများ နှင့် ချိုးဖောက်မှုများ

အစီရင်ခံစာအပြည့်အစုံ ဒေါင်းလုပ်ဆွဲဖတ်ရှ့ရန်

https://bit.ly/3TwHHla

https://bit.ly/3gaYvzK

19/10/2022

မြန်မာကြေး နီစီမံကိန်းမှ လုပ်ငန်းကြီးများ၏
ရာဇဝတ်မှုများ နှင့် ချိုးဖောက်မှုများ (၁)

နောက်ခံအကြောင်း

မြန်မာနိုင်ငံတွင် အရပ်သား အစိုးရတက်လာသော၂၀၁၁ ရွေးကောက်ပွဲနှင့် နိုင်ငံတော်သမ္မတ ဦးသိန်းစိန်
ကြေငြာခဲ့သော နိုင်ငံရေးနှင့် စီးပွားရေးပြုပြင်ပြောင်းလဲမှုများစွာ၏ အကျိုးဆက်ဖြစ် ၂၀၁၂ ခုနှစ်မှ စတင်ကာ
မြန်မာနိုင်ငံအပေါ် ချမှတ်ထားသော အနောက်နိုင်ငံများ၏ စီးပွားရေးပိတ်ဆို့အရေးယူမှုများကို တော်တော်များများ
လျှော့ချပေးခဲ့ရာမှ မြန်မာနိုင်ငံအတွင်းသို့ နိုင်ငံခြားရင်းနှီးမြုပ်နှံမှုများ ဝင်ရောက်ရန်လမ်းပွင့်သွားခဲ့သည်။

မြန်မာနိုင်ငံသည် ရေနံနှင့် သဘာဝဓာတ်ငွေ့သိုက်များ များစွာရှိပြီး၊ တွင်းတွက် သယံဇာတများ၊ အဖိုးတန်
ကျောက်မျက်များ မြောက်များစွာ ကြွယ်ဝသောနိုင်ငံ တစ်ခုဖြစ်ပါသည်။ သို့သော်နိုင်ငံ၏ တွင်းထွက်
ထုတ်ယူရေးလုပ်ငန်းများမှာ ရင်းနှီးမြုပ်နှံမှု အားနည်းခြင်းနှင့် ခေတ်မှီနည်းပညာ မရှိခြင်းတို့ကြောင့်
ဖွံ့ဖြိုးမှုနှောင့်နှေးခဲ့သည်။

ယခုမူ နိုင်ငံတကာ ရေနံနှင့် သဘာဝဓာတ်ငွေ့ ထုတ်လုပ်ရေး ကုမ္ပဏီများ
ပိုမိုဝင်ရောက်လာသောကြောင့်ထိုအခြေအနေမှာ ပြောင်းလဲ လာတော့မည်ဖြစ်သည်။

တွင်းထွက်ထုတ်ယူရေးကဏ္ဍ အတွင်း နိုင်ငံခြား ရင်းနှီးမြုပ်နှံမှုများသည် မြန်မာနိုင်ငံသို့လူမှုရေးနှင့် စီးပွားရေး
အကျိုးအမြတ်များ သယ်ဆောင်လာမည့် အလားအလာများရှိပါသည်။

သ့ိုသော် ထိုတွင်းထွက်ထုတ်ယူရေး
လုပ်ငန်းများသည်ပင်လျှင် လူ့အခွင့်အရေး အတွက် သတိထားစရာ ဖြစ်လာခဲ့ပါသည်။ အထူးသဖြင့်
ထိုတွင်းထွက်ထုတ်ယူရေး လုပ်ငန်းများသည် လုပ်ငန်းနှင့်သက်ဆိုင်သည့် မြေယာသိမ်းပိုက်ခြင်း၊
အန္တရာယ်ဖြစ်စေတတ်ပြီး သတိကြီးစွာထား၍ စီမံကွပ်ကဲရန်လိုအပ်သည့် လုပ်ငန်းထွက် စွန့်ပစ်ပစ္စည်းများ
စွန့်ထုတ်ခြင်းတို့ကြောင့်ဖြစ်သည်။ မြန်မာနိုင်ငံတွင်းနှင့် ပြည်ပမှ လူ့အခွင့်အရေး ဆော်သြရေးသမားများက
တွင်းထွက်ထုတ်ယူရေးကြောင့် သက်ရောက်မှုတွေ ခံရမည့် လူ့အသိုင်းအဝိုင်းကို ကာကွယ်ရန်နဲ့ ၎င်းလုပ်ငန်းများမှ
ရလာသည့် ဝင်ငွေကို အခွင့်ထူးခံလူတန်းစား တစု အတွက်သာ မဟုတ်ဘဲ လူထုတစ်ရပ်လုံးရဲ့ အကျိုးစီးပွားအတွက်
သုံးစွဲဖို့ဆိုသော အခြေခံကျသည့်ကာကွယ်ရေး အချက်များ မရှိသေးသည့်အပေါ်စိုးရိမ်နေကြပါသည်။

ထို့အပြင်မြန်မာနိုင်ငံ၏ စီးပွားရေးကို စစ်တပ်၏ အကျိုးစီးပွားနှင့် ခရီုနီဟုခေါ်သော အစိုးရနှင့်နီးစပ်သည့် သူတွေက
လွှမ်းမိုးနေဆဲ ဖြစ်ပါသည်။ တိုင်းပြည်စီးပွားရေးတွင် စစ်တပ်၏ ပါဝင်ပတ်သက်မှုအပေါ် ပြုပြင်ပြောင်းလဲမှုကို
လေးလေးနက်နက်မလုပ်နိုင်သေးပေ။

စီးပွားရေးမှာ စစ်တပ်က ထဲထဲဝင်ဝင်ပတ်သက် နေမှုတွေ ကလည်း
သက်တမ်းရှည်ကြာလှပြီ ဖြစ်သည်။ မြန်မာစစ်အစိုးရ အဆက်ဆက်သည်ဆယ်စုနှစ်ပေါင်းများစွာ ချီပြီး စစ်တပ်ပိုင်
မြန်မာစီးပွားရေးဦးပိုင်ကုမ္ပဏီလီမီတက်၊ ခရီုနီခေါ် အထက်တန်းလွှာ အခွင့်ထူးခံလူတန်းစား တစ်စုပိုင်လုပ်ငန်းများ
အပါအဝင် စစ်တပ်နှင့်ပတ်သက်မှု ရှိသည့် လုပ်ငန်းများသို့ ၎င်းတို့၏အကျိုးအတွက် စီးပွားရေး အခွင့်အရေးများ
ဦးစားပေး လမ်းဖွင့်ခဲ့သည်။

မြန်မာနိုင်ငံအတွင်း လုပ်ငန်းလုပ်ကိုင်နေကြသော နိုင်ငံခြားကော်ပိုရေးရှင်းများအတွက်အကျိုးရလဒ်ရော စွန့်စားမှှုပါ
ကြီးမားပါသည်။ မြန်မာနိုင်ငံတွင်းလာရောက် ရင်းနှီးမြုပ်နှံမှုများသည် သဘာဝသယံဇာတ ပေါများကြွယ်ဝသော
အခြားနိုင်ငံများတွင် ဖြစ်ပွားခဲ့ဖူးသလို လူ့အခွင့်အရေး ချိုးဖောက်မှုများ သို့မဟုတ် တိုင်းပြည်၏ ကြွယ်ဝမှုကို
ခိုးယူမှုများ မဖြစ်စေရန်ထိုကော်ပိုရေးရှင်းများနှင့်သူတို့၏ သက်ဆိုင်ရာဌာနေ အစိုးရများတွင်တာဝန်ရှိကြပါသည်။

အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ (AmnestyInternational) သည်မြန်မာနိုင်ငံရှိ အဓိက သတ္ထုထုတ်
လုပ်ရေး လုပ်ငန်းကြီး ဖြစ်သည့် စစ်ကိုင်းတိုင်းဒေသကြီး စပါယ်တောင်၊ ကြေးစင်တောင်၊ လက်ပံတောင်း ကြေးနီ
သတ္ထုမိုင်းများ အပါအဝင်ဖြစ်သော မုံရွာကြေးနီစီမံကိန်း၏ လူ့အခွင့်အရေးအပေါ် သက်ရောက်မှုများကို ဆန်းစစ်
လေ့လာခဲ့ပါသည်။ စီမံကိန်းကို ၁၉၈၀နှစ်များတွင် စပါယ်တောင်နှင့် ကြေးစင်တောင်မိုင်းများမှ စတင်လည်ပတ်ခဲ့ပြီး
ယခုအချိန်အထိ ပြည်ပနှင့်ပြည်တွင်းကုမ္ပဏီ အမျိုးမျိုးက ပါဝင်လုပ်ကိုင်ခဲ့သည်။ အပြည်ပြည်ဆိုင်ရာ
လွတ်ငြိမ်းချမ်းသာခွင့်အဖွဲ့ ၏ တစ်နှစ်တာကျယ်ကျယ်ပြန့်ပြန့် စုံစမ်းစစ်ဆေးမှုများတွင် မုံရွာစီမံကိန်းနှင့်
စပ်ဆိုင်သောဖြစ်ရပ်များကို အဓိကထားလေ့လာရင်း မြေယာများ ရယူရေးနှင့် သဘာဝပတ်ဝန်းကျင်ကို
ကာကွယ်ရေးဆိုင်ရာ လုပ်ငန်းများအတွက်ဥပဒေမူဘောင်တစ်ခု သတ်မှတ်ရေးကိစ္စကဲ့သို့ မြန်မာနိုင်ငံတွင်းရှိအခြား
တွင်းထွက်တူးဖော်ရေး လုပ်ငန်းများနှင့်ပါ ဆက်စပ်လျှက်ရှိသော ပိုမိုကျယ်ပြန့်သည့် စနစ် စည်းဘောင်ဆိုင်ရာ
ကိစ္စများကိုလည်း လေ့လာခဲ့သည်။

မုံရွာကြေးနီစီမံကိန်းသည် စီမံကိန်းစတင်ခဲ့ချိန်မှစ၍ ပိုင်ရှင်အဆက်ဆက် ပြောင်းလဲခဲ့သည့် ကာလတလျှောက်လုံး
လူ့အခွင့်အရေးကို ဆိုးဆိုးဝါးဝါး ချိုးဖောက်မှုများနှင့် ပွင့်လင်းမြင်သာမှု ကင်းမဲ့ခြင်းများ ရှိခဲ့သည်။ အစိုးရက
ထောင်နဲ့ချီတဲ့လူတွေကို သူတို့နေရာဒေသက အဓမ္မဖယ်ရှားခဲ့ပြီး ထိုကဲ့သို့ လုပ်သည်ကို နိုင်ငံခြားကုမ္ပဏီတွေက
သိရှိသလို တခါတလေ သူတို့ကိုယ်တိုင်ပါဝင်လုပ်ဆောင်ခြင်းမျိုး ရှိခဲ့ပါသည်။ ဒေသခံတွေ၏ သက်မွေးဝမ်းကျောင်းနှင့်
ကျန်းမာရေးကို ရေရှည်ထိခိုက်မှုတွေ ဖြစ်လာစေနိုင်သည့် သဘာဝပတ်ဝန်းကျင်ကို ထိခိုက်မှုတွေကိုလည်း
လေ့လာအကဲဖြတ်မှုလုပ်ရာမှာ အားနည်းပြီး စီမံခန့်ခွဲမှုတွေလည်း ထိထိရောက်ရောက်လုပ်ခြင်းမျိုးမရှိပေ။

ဒေသခံတွေ၏ ဆန္ဒပြမှုများကိုလည်း ရဲတပ်ဖွဲ့က အင်အားအလွန်အကျွံသုံးပြီး နှိမ်နင်းခဲ့သည်ကို တွေ့ရှိရပါသည်။
၂၀၁၂ ခုနှစ်တွင် ရဲတပ်ဖွဲ့သည် နိုင်ငံတကာ ဥပဒေကိုချိုးဖောက်ပြီး ငြိမ်းချမ်းစွာ ဆန္ဒပြနေသူများကို
မီးလောင်လွယ်သည့် မီးစုန်းအဖြူပါသည့် ဗုံးလက်နက်နှင့် ပစ်ခတ်ခဲ့သဖြင့် လူအများ ဆိုးဆိုးဝါးဝါး ဒဏ်ရာရ
သွားခဲ့ကြပါသည်။ ဤသို့တိုက်ခိုက်မှု တချို့ကို တရုတ်ဝမ်ပေါင်သတ္တုတူးဖော်ကုမ္ပဏီ၏ ရုံးခွဲအတွင်းမှ
ပြုလုပ်ခဲ့ကြောင်းလည်း တွေ့ခဲ့ရပါသည်။

27/06/2022

Statement

ရှင်းလင်းထုတ်ပြန်ချက်

06/05/2022

26/11/2021

မနက်ဖန် 27.11.2021

မိုးကြိုးလွှဲ L. A လဲရန် နှင့်

6.6kv လိုင်းအောက်ရှိသစ်ပင်ကြီးများရှင်းလင်းရန်

နံက် 08:30hr to 12:00hr ထိ

Mine Town only power break down.

21/11/2021

စိန်ထဲမှ သတ္တုသစ် တစ်ခုကို ရှာဖွေ တွေ့ရှိခဲ့တဲ့အကြောင်း

သိပ္ပံပညာရှင်တွေက ဒီတွေ့ရခဲတဲ့ သတ္ထု နမူနာ တစ်မျိုးကို ရှာဖွေနိုင်တော့မှာ မဟုတ်ဘူးလို့ ထင်ခဲ့ကြပါတယ်။

ယခင်က လုံးဝမတွေ့ဖူးတဲ့ သတ္ထုတစ်မျိုးကို မြေမျက်နှာပြင်အောက်ခြေ အနက်မှ တူးဖော်ထုတ်ယူထားတဲ့ စိန်တစ်လုံးအတွင်းမှ သိပ္ပံပညာရှင်တွေက ရှာဖွေတွေ့ရှိခဲ့တယ်လို့ LiveScience မှ အစီရင်ခံစာအရ သိရပါတယ်။

လွန်ခဲ့တဲ့နှစ်များက ကြိုတင် ခန့်မှန်း ထားခဲ့သော်လည်း သိပ္ပံပညာရှင်တွေက ထိုသတ္တုနမူနာတစ်မျိုးကို ရှာဖွေနိုင်မှာ မဟုတ်တော့ဘူး လို့ ထင်ခဲ့ကြပါတယ်။

ဘူမိဗေဒပညာရှင် Ho-Kwang (Dave) Mao ဦးဆောင်ပြီးနောက်ပိုင်း တွေ့ရှိခဲ့တဲ့ davemaoite လို့ အမည်ပေးထားတဲ့ သတ္ထုဟာ ကမ္ဘာမြေပေါ်မှာ တွေ့ရှိဖူးတဲ့ ပထမဆုံးနှင့် တစ်ခုတည်းသော ဖိအားမြင့် calcium silicate perovskite (CaSiO3) ရဲ့ နမူနာဖြစ်ပါတယ်။

ဒီရှာဖွေတွေ့ရှိမှုဟာ အပြည်ပြည်ဆိုင်ရာ သတ္တုတွင်း အဖွဲ့အစည်းမှ Davemaoite ကို ဓာတ်သတ္တုအသစ်အဖြစ် တရားဝင် အတည်ပြု နိုင်စေခဲ့ပါတယ်။

ထိုသတ္တုကို ကမ္ဘာမြေ မျက်နှာပြင် အောက် မိုင်ပေါင်း ၄၁၀ (၆၀၀ ကီလိုမီတာ) ခန့်အကွာတွင် ဖြစ်ပေါ်နေသော Botswana တွင် တွေ့ရှိရတဲ့ တွင်းထွက် စိန်တစ်လုံးအတွင်းမှယ ရှာဖွေတွေ့ရှိခဲ့ပါတယ်။

ကိုးကားချက်အနေဖြင့် လူသားစက်များဖြင့် တူးထားသည်များမှ အနက်ဆုံးတွင်းမှာ အနက် ၇.၆ မိုင် (၁၂.၂ ကီလိုမီတာ) အထိ ရောက်ရှိတဲ့ Kola Superdeep Borehole ဖြစ်ပါတယ်။

မီးတောင်ပေါက်ကွဲမှုကြောင့် စိန်တွေဟာ ကမ္ဘာမြေမျက်နှာပြင်အောက် နက်နက် ရှိုင်းရှိုင်းတွင် ဖြစ်ပေါ် နေပါတယ်။

CaSiO3 ရဲ့ အခြားပုံစံဖြစ်သော wollastonite က ကမ္ဘာမြေပေါ်တွင် ပေါများသော်လည်း davemaoite ရဲ့ ပုံဆောင်ခဲဖွဲ့စည်းပုံဟာ ကမ္ဘာမြေကြီးအတွင်းရှိ မယုံနိုင်လောက်အောင် မြင့်မားသော ဖိအားနဲ့ မြင့်မားသော အပူချိန် အောက်တွင်သာ ဖြစ်ပေါ်နိုင်ပါတယ်။

ကမ္ဘာမြေကြီးရဲ့ အတွင်းလွှာထဲမှာ Davemaoite တွေ ပေါများနေမယ်လို့ သိပ္ပံပညာရှင်တွေက ခန့်မှန်းထားသော်လည်း ၎င်းသည် ကမ္ဘာ့မြေ မျက်နှာပြင် သို့ ရောက်ရှိပြီး ဖိအားလျော့နည်းသွားသည့် အခြေအနေများတွင် အခြား သတ္တုတွေအဖြစ်သို့ ကွဲထွက်သွားခြင်းကြောင့် သတ္တု တွင်းတွေမှာ မတွေ့ရှိရခြင်း ဖြစ်ပါတယ်။

အဆင့်မြင့် အသေးစိတ် ခွဲခြမ်းစိတ်ဖြာမှု လုပ်ထုံးလုပ်နည်းတွေကို အသုံးပြုပြီး Davemaoite ကို Botswana မှ စိန်အတွင်းတွင် ရှာဖွေတွေ့ရှိခဲ့တယ်လို့ Science ဂျာနယ်တွင် ထုတ်ဝေထားသော စာတမ်းအသစ်တွင် ဖော်ပြထားပါတယ်။

Las Vegas ရှိ Nevada တက္ကသိုလ်မှ သိပ္ပံပညာရှင်အဖွဲ့ဟာ Synchrotron X-ray diffraction လို့ခေါ်တဲ့ နည်းပညာကို အသုံးပြုခဲ့ပါတယ်။

၎င်းသည် စိန်ရဲ့ အတွင်းပိုင်းကို စွမ်းအင်မြင့် X-ray အလင်းတန်းတွေ ကျရောက်စေပြီး ပြန်လာသော အလင်းရဲ့ ထောင့်နဲ့ ပြင်းထန်မှုကို ခွဲခြမ်း စိတ်ဖြာ ခြင်းဖြင့် သိပ္ပံပညာရှင်တွေကို အတွင်းရှိ အရာတွေကို ဖော်ထုတ်နိုင်စေခဲ့တာ ဖြစ်ပါတယ်။

Davemaoite တွင် ယူရေနီယမ်နဲ့ သိုရီယမ်ကဲ့သို့သော နမူနာဒြပ်စင်တွေ ပါ၀င်နိုင်ပြီး ၎င်းသည် ကမ္ဘာ့ဝတ်ရုံလွှာအတွင်း အပူများစွာကို ထုတ်ပေးနိုင်တယ်လို့ သုတေသီတွေက ဖော်ပြထားပါတယ်။

၂၀၁၉ ခုနှစ်တွင် နှစ်တစ်သန်းသက်တမ်းရှိ ဥက္ကာခဲအပိုင်းအစကို ခွဲခြမ်းစိတ်ဖြာကြည့်ပြီး တစ်ခါမှမမြင်ဖူးသော အခြား သတ္တု တစ်မျိုးကို ဖော်ထုတ် နိုင်ခဲ့တဲ့ အခါမှာ သိပ္ပံပညာ အသိုက်အဝန်းအတွက် နောက်ထပ် သတ္တုတွင်းထွက် အသစ်ကို ပေးစွမ်းခဲ့ပါတယ်။

Davemaoite နဲ့ပတ်သက်ပြီး Nevada တက္ကသိုလ်မှ သုတေသနအသစ်က ကျွန်တော်တို့ ရှာဖွေ တွေ့ရှိရလွယ်တဲ့ နေရာတွေ အောက်မှာ အမျိုးအမည်မသိသော တွင်းထွက်ပစ္စည်းတွေ အမြောက်အမြားရှိနိုင်တယ်လို့ ဖော်ပြထားပါတယ်။

စိန်တွေဟာ ယခင်က သိပ္ပံပညာရှင်တွေ ထင်ထားတာထက် ကမ္ဘာ့အလွှာအတွင်း ပိုမိုနက်နက် ရှိုင်းရှိုင်းတွင် ဖြစ်ပေါ်နိုင်တာကို ပြသပြီး ဘူမိရူပဗေဒ ပညာရှင်တွေအတွက် စူးစမ်းလေ့လာရန် ကျယ်ပြောလှတဲ့ နယ်ပယ်သစ် တစ်ခုကို ဖွင့်လှစ် ပေးလိုက်တာ ဖြစ်ပါတယ်။