30/04/2026
ကဆုန်လပြည့်နေ့သည် ဗုဒ္ဓဘာသာဝင်များအတွက် အလွန်ထူးမြတ်သော နေ့တစ်နေ့ဖြစ်ပါသည်။ အဘယ်ကြောင့်ဆိုသော် ဂေါတမဗုဒ္ဓမြတ်စွာဘုရားရှင်နှင့် ပတ်သက်၍ ထူးခြားသည့် ဖြစ်ရပ်ကြီး (၄) ခု တစ်နေ့တည်းတွင် ဆုံကြုံသောကြောင့် ဖြစ်ပါသည်။
ဗျာဒိတ်ခံယူတော်မူခြင်း: သုမေဓာရှင်ရသေ့ဘဝဖြင့် ဒီပင်္ကရာမြတ်စွာဘုရားထံမှ ဘုရားစင်စစ် ဧကန်ဖြစ်လိမ့်မည်ဟု ဗျာဒိတ်တော် ခံယူသည့်နေ့။
ဖွားမြင်တော်မူခြင်း: ဂေါတမဗုဒ္ဓလောင်းလျာ သိဒ္ဓတ္ထမင်းသားလေးကို ဖွားမြင်သည့်နေ့။
ဘုရားဖြစ်တော်မူခြင်း: သဗ္ဗညုတဉာဏ်တော်ကို ရရှိကာ ဘုရားအဖြစ်သို့ ရောက်ရှိတော်မူသည့်နေ့။
ပရိနိဗ္ဗာန်စံဝင်တော်မူခြင်း: သက်တော် (၈၀) တွင် ပရိနိဗ္ဗာန်စံဝင်တော်မူသည့်နေ့။
ထိုသို့ ထူးခြားလှသည့် အဖြစ်အပျက်များ တိုက်ဆိုင်နေခြင်းကြောင့် ကဆုန်လပြည့်နေ့ကို ဗုဒ္ဓနေ့ အဖြစ် ကမ္ဘာတစ်ဝန်းတွင် ကျင်းပကြခြင်း ဖြစ်ပါသည်။
ဤထူးမြတ်လှသောနေ့တွင် မြန်မာပြည်သူပြည်သားအားလုံး စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံပါစေကြောင်း ဆုတောင်းမေတ္တာပို့သအပ်ပါသည်။ မြတ်စွာဘုရားရှင်၏ တရားတော်များကို နာယူကျင့်ကြံရင်း ငြိမ်းချမ်းသာယာမှုများကို ရရှိနိုင်ပါစေ။ မြန်မာနိုင်ငံတော်ကြီးလည်း အေးချမ်းသာယာပါစေကြောင်း ထပ်ဆင့်ဆုတောင်းမေတ္တာ ပို့သအပ်ပါသည်။
ွန်ပျူတာစာစီစာရိုက်လုပ်ငန်း
