11/12/2023
ကမ္ဘာ့အနောက်ခြမ်း အာဖရိကတိုက်က
ကမ္ဘာကျော်ဘောလုံးသမား
ဆာဒီယိုမာနေး(Sadio Mane)ရဲ့
တစ်ပတ်စာဝင်ငွေဟာ ဒေါ်လာပေါင်း 186000ဖြစ်ပါတယ်။
ဆာဒီယိုမာနေးက သူသွားတဲ့နေရာတိုင်းမှာ screen(မျက်နှာပြင်) ကွဲကြေနေတဲ့ ဖုန်းလေးကို
သူနဲ့ တပါတည်း ယူဆောင်သွားလေ့ရှိတယ်။
အင်တာဗျူးတခုမှာ အဲ့ဒီဖုန်းလေးအကြောင်းမေးဖြစ်တော့...
"ကျွန်တော့်ဖုန်းလေး ပြင်ရဦးမှာပဲ"လို့ ပြန်ဖြေခဲ့တယ်။
"ဖုန်းအသစ်တစ်လုံးလောက် ဘာလို့မဝယ်တာလဲ"လို့ ထပ်မေးတော့...
"ကျွန်တော် ဖုန်းအလုံးရေ ထောင်ပေါင်းများစွာ ဝယ်နိုင်ပါတယ်။နောက်ဆုံးပေါ်ကား ဆယ်စီးမက ဝယ်နိုင်တယ် ။
ဂျက်လေယာဉ်နှစ်စီးလား ဝယ်နိုင်တယ်။
ကုန်ကုန်ပြောရရင် စိန်လက်ပတ်နာရီ ဘယ်နှလုံးဝယ်မလဲ ကျွန်တော်ဝယ်နိုင်တယ်။
ဒါပေမဲ့ ကျွန်တော် အဲ့ဒီအရာတွေကို ဘာမှ မလိုအပ်ဘူး”
"ကျွန်တော် ငယ်စဉ်က
ဆင်းရဲမွဲတေခြင်းရဲ့ အရသာကို မြည်းစမ်းခဲ့ရတယ်။
ပညာဆိုတာ ဘာမှန်းမသိခဲ့ရဘူး။
ဘဝရဲ့ ခါးသီးမှုတွေကို ခံစားခဲ့ရတယ်။
အခုလို ပြီးပြည့်စုံနေတဲ့အချိန်မှာ
စာသင်ကျောင်းတွေ ဆောက်ပေးချင်တယ်။
ဆင်းရဲတဲ့လူတွေ ပညာသင်နိုင်မယ့်
လမ်းကြောင်းတွေ ဖွင့်ပေးချင်တယ်”
"ကျွန်တော် ဖိနပ်မရှိခဲ့ဘူး။
ဖိနပ်မပါဘဲ ကစားခဲ့ရတယ် ။
အဝတ်အစားကောင်းကောင်း မဝတ်ခဲ့ရဘူး။
အစာမစားခဲ့ရတဲ့ ရက်တွေဟာလည်း
မရေတွက်နိုင်အောင်ပါပဲ။
အခုတော့ ကျွန်တော် မထိတွေ့ခဲ့ရဖူးတဲ့ အရာတွေကို ပိုင်ဆိုင်နေပြီ။
လိုတာထက်ကို ပိုပါတယ်။
ကျွန်တော်ရဲ့ ပိုင်ဆိုင်မှုတွေကို ကြွားဝါနေမယ့်အစား လူအများကို မျှဝေပေးချင်တယ်
ဒီလောက်ပါပဲ"
တကယ့်လက်တွေ့ဘဝမှာ
ချမ်းသာကြွယ်ဝတဲ့သူတွေဟာ ပိုက်ဆံမရှိသလို
ရိုးရှင်းစွာနေထိုင်ကြပြီး ချမ်းသာနေကြတာပါ
ဆင်းရဲသားတွေကတော့ ပိုက်ဆံရှိသလို ဟန်ဆောင်ပြီး နေထိုင်ကြရင်းနဲ့ပဲ ဆင်းရဲမွဲတေနေကြတာပါ။
ခိုင်မာပြတ်သားတဲ့ ရည်ရွယ်ချက်တွေ သတ်မှတ်ပြီး
အကြောင်းတစ်ခုကြောင့်သာ အလုပ်လုပ်ပါ။
လူအများရဲ့ လက်ခုပ်သံကြားရဖို့အတွက်
အလုပ်မလုပ်ပါနဲ့။
ဖော်ထုတ်ပြသ ကြွားဝါချင်တဲ့စိတ်နဲ့
ဘဝမှာ မရှင်သန်ပါနဲ့။
လူအများရဲ့ အားကိုးလေးစားခြင်းကို ခံယူလိုသော
စိတ်တစ်ခုနဲ့သာ ရှင်သန်ပါ။
လေးစားစွာဖြင့်.... Crd
