မြန်မာ့မျက်နှာဖုံး

မြန်မာ့မျက်နှာဖုံး Contact information, map and directions, contact form, opening hours, services, ratings, photos, videos and announcements from မြန်မာ့မျက်နှာဖုံး, Yangon.

မြန်မာ့မျက်နှာဖုံးဆိုတာ မြန်မာနိုင်ငံက လူတိုင်းလူတိုင်းရဲ့ မတူညီတဲ့ ဘဝပေး အခြေအနေတွေရယ် ဘဝအတွေ့အကြုံတွေနဲ့ ရင်တွင်းခံစားချက်မျိုးစုံကို တစ်နေရာထဲကနေ အားလုံးနဲ့ထပ်တူ မျှဝေခံစားပေးမယ့် စာမျက်နှာတစ်ခုပဲ ဖြစ်ပါတယ်။

"မေမြို့ရဲ့ အေးချမ်းတဲ့လေပြေ၊ လမ်းဘေးက ရောင်စုံပန်းလေးတွေနဲ့အတူ မြင်းခွာသံ တဒေါက်ဒေါက်ကို ကြားဖူးကြရဲ့လား..."ကျွန်တော့်န...
05/06/2026

"မေမြို့ရဲ့ အေးချမ်းတဲ့လေပြေ၊ လမ်းဘေးက ရောင်စုံပန်းလေးတွေနဲ့အတူ မြင်းခွာသံ တဒေါက်ဒေါက်ကို ကြားဖူးကြရဲ့လား..."

ကျွန်တော့်နာမည်ကတော့ ဦးခင်မောင်ဝင်းပါ။ ဒီမေမြို့လေးမှာပဲ မွေးဖွားကြီးပြင်းလာခဲ့ပြီး၊ ကျွန်တော့်ဘဝရဲ့ (၃၅) နှစ်တာ ကာလကို ဒီမြင်းလှည်းလေးပေါ်မှာပဲ ဖြတ်သန်းလာခဲ့တာပါ။ ဘိုးဘွားလက်ထက်ကတည်းက ဆင်းသက်လာတဲ့ မြင်းလှည်းမောင်းတဲ့ အလုပ်လေးဟာ ကျွန်တော့်အတွက်တော့ အသက်မွေးဝမ်းကြောင်းတစ်ခုတင်မကဘဲ အမွေအနှစ်တစ်ခုလည်း ဖြစ်နေပါတယ်။

ခေတ်ကာလတွေ ပြောင်းလဲလာတဲ့အခါမှာတော့ ဒီအလုပ်လေးက တဖြည်းဖြည်း ပျောက်ကွယ်လုနီးပါး ဖြစ်လာပါပြီ။ သားသမီးတွေ လက်ထက်ကျရင်တော့ ဒီအလုပ်လေး ဆက်လုပ်ဖြစ်မယ် မထင်ပါဘူး။ ပင်လဲပင်ပန်းတာကိုး..

အထူးသဖြင့် မိုးတွင်းကာလလိုမျိုး ခရီးသွားနည်းတဲ့အချိန်တွေမှာဆိုရင် ဝမ်းရေးအတွက် အဆင်မပြေမှုတွေနဲ့ ရင်ဆိုင်ရတာပေါ့။

ဒါပေမဲ့လည်း... ကျွန်တော် ဒီအလုပ်ကို မစွန့်လွှတ်ရက်သေးပါဘူး။

မြန်မာ့မျက်နှာဖုံးကို ဖတ်ရှူနေကြပြီး
မေမြို့ကို အလည်လာမယ့် မိတ်ဆွေတို့ရေ...

မေမြို့ရဲ့ အေးချမ်းတဲ့အရသာကို အပြည့်အဝခံစားရင်း၊ ပျောက်ကွယ်လုနီးပါးဖြစ်နေတဲ့ မြင်းလှည်းလေးကို စီးပေးကြပါဦး။ ခေတ်မီတဲ့ ကားတွေနဲ့ မတူတဲ့ မြင်းလှည်းစီးခြင်းရဲ့ ရသကို ကျွန်တော့်မြင်းလှည်းလေးနဲ့အတူ ခံစားကြည့်ဖို့ ဖိတ်ခေါ်ချင်ပါတယ်။

အမှတ်တရ ခရီးစဉ်လေးတစ်ခုအတွက် ကျွန်တော့်ကို အချိန်မရွေး ဆက်သွယ်နိုင်ပါတယ်။
📞 ဆက်သွယ်ရန် - 09794810486 (ဦးခင်မောင်ဝင်း)

ယနေ့ ဖတ်ရှုရမယ့် သင့်အတွက် စာတစ်စု_______________________________မိသားစုဆိုတာနဲ့ “ရိုးရာ”၊ “လေးစားမှု”၊ “မိသားစုတန်ဖိုး”...
28/04/2026

ယနေ့ ဖတ်ရှုရမယ့် သင့်အတွက် စာတစ်စု
_______________________________

မိသားစုဆိုတာနဲ့ “ရိုးရာ”၊ “လေးစားမှု”၊ “မိသားစုတန်ဖိုး” ဆိုတဲ့ စကားလုံးတွေက အမြဲရှေ့က ပါလာတတ်ကြတယ်။ ဒါပေမဲ့ လက်တွေ့ဘဝမှာတော့... မိန်းကလေးတစ်ယောက်က ကိုယ်ပိုင်ဝင်ငွေမရှိဘူးဆိုရင် သူမရဲ့အသံက အလိုလို တန်ဖိုးကျသွားတာမျိုး ကြုံဖူးကြမှာပါ။
• တိတ်တိတ်နေရမယ်။
• မပြောသင့်တာ မပြောရဘူး။
• “မိသားစုအတွက်” ဆိုတဲ့ စကားတစ်ခွန်းနဲ့တင် အရာအားလုံးကို ခေါင်းငုံ့ခံကာ လက်ခံရမယ်။

ဒီခေတ်ကြီးထဲမှာတောင် မိန်းမတစ်ယောက်ရဲ့ ဘဝဆုံးဖြတ်ချက်တွေကို သူမကိုယ်တိုင်မဟုတ်ဘဲ ဘေးကလူတွေက ဝင်ထိန်းချုပ်နေတာဟာ... အဲဒါကို “ရိုးရာ” လို့ ခေါ်လို့မရပါဘူး။ အဲဒါက “ထိန်းချုပ်မှု” ဆိုတဲ့အရာကို ရိုးရာဆိုတဲ့ စောင်ခြည်နဲ့ ဖုံးကွယ်ထားတာပါ။

မိန်းကလေးတစ်ယောက်ရဲ့ တန်ဖိုးကို ငွေနဲ့ တိုင်းတာလို့မရဘူးလို့တော့ ပြောကြတာပဲ။ ဒါပေမဲ့ လက်တွေ့မှာတော့ ငွေမရှိတဲ့အခါ သူမရဲ့ ရပိုင်ခွင့်တွေက အလိုလို လျော့ကျသွားတတ်တယ်။ အဲဒါကြောင့်ပဲ...
“ကိုယ်ပိုင်ဝင်ငွေရှိခြင်းနဲ့ ကိုယ်ပိုင်ရပ်တည်နိုင်ခြင်းဟာ ရွေးချယ်မှုတစ်ခုမဟုတ်ဘူး။ အဲ့ဒါဟာ အမျိုးသမီးတစ်ယောက်အတွက် အခြေခံအကျဆုံး လုံခြုံရေးပဲ။”

မိန်းမတစ်ယောက်အနေနဲ့ လွတ်လပ်ခွင့်ကို လိုချင်တာဟာ အပျက်အစီးမဟုတ်သလို၊ မိသားစုကို မလေးစားတာလည်း မဟုတ်ပါဘူး။

တကယ်လို့ ကျွန်မတို့က “မိသားစုတန်ဖိုး” အကြောင်းကို ပြောမယ်ဆိုရင်... အဲ့ဒီတန်ဖိုးထဲမှာ အမျိုးသမီးတစ်ယောက်ရဲ့ ဂုဏ်သိက္ခာ၊ အခွင့်အရေးနဲ့ လွတ်လပ်မှု ကိုလည်း ထည့်သွင်းစဉ်းစားပေးသင့်တယ် မဟုတ်လား?

စာဖတ်သူတို့ သတိပြုထားရမှာက... မိန်းကလေးတစ်ယောက်အတွက် “လွတ်လပ်ခြင်း” ဆိုတာ တော်လှန်ရေးလုပ်နေတာမဟုတ်ဘူး။ အခုခေတ်မှာတော့ အဲဒါဟာ သိက္ခာရှိရှိ အသက်ရှင်နိုင်ဖို့အတွက် “မရှိမဖြစ် လိုအပ်ချက်” တစ်ခုသာ ဖြစ်ပါတယ်။

#မြန်မာ့မျက်နှာဖုံး

28/04/2026

ယနေ့ ဖတ်ရှုရမယ့် သင့်အတွက် စာတစ်စု
___________________________________

Coffee + work life balance ဆိုတာ တချို့အတွက်တော့ နေ့စဉ်ဘဝကို “လည်ပတ်စေတဲ့စနစ်” လိုမျိုးပါပဲ။

မနက်ခင်းမှာ coffee တစ်ခွက်နဲ့ စတင်လိုက်တဲ့အခါ အိပ်ငိုက်နေတဲ့စိတ်တွေက တဖြည်းဖြည်းနိုးလာတယ်၊ အတွေးတွေကလည်း စနစ်တကျဖြစ်လာတယ်။ အလုပ်မစခင် အဲဒီ coffee လေးက “ဒီနေ့ကို ဘယ်လိုဖြတ်သန်းမလဲ” ဆိုတဲ့ mood ကိုတောင် သတ်မှတ်ပေးနိုင်တယ်။
အလုပ်ဘက်မှာတော့ deadline တွေ၊ meeting တွေ၊ task တွေကြားမှာ တစ်ခါတစ်လေ စိတ်ပင်ပန်းလာတတ်ပေမယ့် coffee break တစ်ခါယူလိုက်တာနဲ့ပဲ စိတ်က reset လုပ်သလို ပြန်လည်အသက်ဝင်လာတတ်တယ်။ အဲဒီအချိန်လေးတွေက productivity ကိုသာမက mental balance ကိုပါ ပြန်တည်ဆောက်ပေးတာပါ။

Work life balance ဆိုတာ အလုပ်မလုပ်တာမဟုတ်ဘဲ အလုပ်နဲ့ ကိုယ့်ဘဝကြားမှာ မျှတမှုကို ရှာဖွေတာပါ။ Coffee ကတော့ အဲဒီ balance ထဲမှာ “pause button” လိုအခန်းကဏ္ဍယူထားတတ်တယ်။ အလုပ်ကြားမှာ ခဏရပ်ပြီး ကိုယ့်ကိုယ်ကို ပြန်စောင့်ရှောက်ဖို့ သတိပေးတဲ့အရာလိုပဲ။

တကယ်တော့ Coffee + work life balance ဆိုတာ perfection မဟုတ်ပါဘူး။ တစ်ခါတလေ အလုပ်တွေရှုပ်၊ တစ်ခါတလေ အနားယူချိန်နည်းပေမယ့် အဲဒီကြားထဲမှာ coffee တစ်ခွက်နဲ့ ကိုယ့်ကိုယ်ကို ပြန်ညှိနိုင်တဲ့ lifestyle တစ်ခုပါပဲ။

27/04/2026

ယနေ့ ဖတ်ရှုရမယ့် သင့်အတွက် စာတစ်စု
___________________________________

တနင်္လာနေ့ဆိုတာ လူအများအတွက်တော့ တစ်ပတ်ရဲ့အစ၊ အလုပ်တွေပြန်စရတဲ့နေ့၊ တချို့အတွက်တော့ အနည်းငယ်လေးလံတတ်တဲ့နေ့တစ်နေ့ဖြစ်နိုင်ပါတယ်။ ဒါပေမယ့် တကယ်တမ်းမှာတော့ တနင်္လာနေ့ဆိုတာ အသစ်တစ်ခုကို ပြန်လည်စတင်နိုင်တဲ့ အခွင့်အရေးတစ်ခုပါပဲ။
မနေ့ကဖြစ်ခဲ့တဲ့ အခက်အခဲတွေ၊ မအောင်မြင်ခဲ့တဲ့ အရာတွေ၊ စိတ်ပင်ပန်းစရာတွေကို ဒီနေ့ထဲကို မသယ်ဆောင်လာဘဲ ချထားနိုင်တဲ့သူကပဲ ဒီနေ့ကို ပိုလှပအောင် ဖန်တီးနိုင်မှာပါ။ ဘဝဆိုတာ ပြီးခဲ့တာတွေကို ပြန်ပြင်လို့မရပေမယ့် နောက်ထပ်တစ်ခါ စတင်ဖို့ အမြဲအခွင့်အရေးပေးနေတဲ့ စာမျက်နှာအသစ်တွေလိုပါပဲ။
တနင်္လာနေ့ကနေစပြီး ကိုယ့်ရဲ့ရည်မှန်းချက်တွေကို တစ်ဆင့်ချင်းတည်ဆောက်နိုင်မယ်၊ စိတ်ဓာတ်ကို ပြန်လည်စုစည်းနိုင်မယ်၊ မျှော်လင့်ချက်အသစ်တွေနဲ့ ရှေ့ဆက်နိုင်မယ်ဆိုရင် ဒီနေ့ဟာ မပျင်းစရာနေ့မဟုတ်တော့ပါဘူး။ အရေးကြီးတာက အစတစ်ခုကို ဘယ်လိုစတင်မလဲဆိုတာပါပဲ။
ဒါကြောင့် ဒီတနင်္လာနေ့လေးကို မလေးလံဘဲ အလင်းရောင်အသစ်လို မြင်ပြီး ကိုယ့်ဘဝကို ပိုကောင်းတဲ့ဘက်ကို တစ်လှမ်းချင်းတိုးသွားမယ်ဆိုရင် အောင်မြင်မှုကလည်း တဖြည်းဖြည်းနဲ့ နီးကပ်လာမှာပါ။

'' အားလုံးကိုကျော်ဖြတ်ရမယ် ''တခါတလေကြုံမယ်အကောင်းအဆိုးလည်းတွေ့ရမယ်အလိုက်အထိုက်ပေါ့လေဘယ်အမှောင်ဘယ်လိုမှောင်မလဲတနေ့တော့လင်...
26/04/2026

'' အားလုံးကိုကျော်ဖြတ်ရမယ် ''

တခါတလေကြုံမယ်အကောင်း
အဆိုးလည်းတွေ့ရမယ်အလိုက်အထိုက်ပေါ့လေ
ဘယ်အမှောင်ဘယ်လိုမှောင်မလဲ
တနေ့တော့လင်းရမယ် စိတ်မလျော့နဲ့လေ
အားလုံးကိုကျော်ဖြတ်ရမယ်
နွေကန္တာ ခရီးကြမ်းတွေ
ဆူးခင်းလမ်း ခရောင်းတောနက်တွေ စိတ္တဇညတွေ
တလှမ်းချင်းလှမ်းလို့ အရောက်ရောက်သွားမယ်လေ
ဪ တစ်နေ့တော့ အားလုံးကိုကျော်ဖြတ်ရမယ်။

Sometimes we encounter both pleasant
And unpleasant experiences
Just take them as they come
Regardless of how bleak the situation may seem
There are eventually bright days ahead
Stay resilient and never give up
We must conquer all obstacles
Such as summer desert hikes
Thorny roads and deep forest
Navigating through times fraught with nightmares
One step at a time
With persistent determination
We will inevitably reach our destination
One day we can conquer them all

ကမ္ဘာဟာရပ်မနေဘူး လည်ပတ်နေခဲ့တယ်။
စဉ်ဆက်မပြတ်လည်ပတ်နေခဲ့တဲ့ ကမ္ဘာကြီးရဲ့ပေါ်မှာ
သတ္တဝါတွေရဲ့ရှင်သန်မှု ကြီးထွားမှုတွေက ရပ်တန့်နေခဲ့တဲ့ အခိုက်အတန့်ဆိုတာ မရှိခဲ့ဘူး။
နေ့နဲ့ညက တလှည့်စီ ကူးပြောင်းလည်ပတ်နေခဲ့သလို
အကောင်းအဆိုး အကြောင်းနဲ့အကျိုးဟာ တလှည့်စီကူးပြောင်းဖြစ်ပေါ်နေတယ်။

အမျိုးစုံတဲ့ဘဝဖြစ်တည်မှုတွေမှာ ကြုံတွေ့လာရတဲ့ အတားအစီးအခက်အခဲ ပိတ်လှောင်မှုတွေအပေါ်မှာ တုန်လှုပ်ကြ စိတ်အတွင်းသဏ္ဍာန်တွေ လှိုင်းထကြရတာဟာ ဖြစ်မြဲတရားပါပဲ။ ဒါပေမယ့် ဒီကမ္ဘာမှာ ရပ်တန့်နေတဲ့အရာ မရှိဘူးလို့ဆိုခဲ့သလိုပဲ အကောင်းတွေဟာလည်း အချိန်အကြာကြီးဖြစ်တည်နေမှာ မဟုတ်သလို အဆိုးတွေဟာလည်း ကာလတစ်ခုရောက်တာနဲ့ ပျက်ပြယ်သွားကြမှာပါပဲ။ ဒါကြောင့်ပဲ ဒီသဘောတရားကို နားလည်လက်ခံပြီး
"တချိန်မှာ ကြုံမယ်အကောင်း အဆိုးတွေပျောက်ရမယ် အလိုက်အထိုက်ပေါ့လေဆိုတဲ့ " သီချင်းစာသားလေးအတိုင်းအဆိုးတွေကိုလက်ခံ အကောင်းတွေဖြစ်လာဖို့မျှော်လင့်ရင်း ဘဝခရီးမှာ ကြုံတွေ့လာရတဲ့ အရာတွေအပေါ် အလိုက်အထိုက်နဲ့ ကိုယ့်ပျော်ရွှင်မှုတွေ မလွင့်ပါးသွားအောင်ထိန်းသိမ်းရင်းဖြတ်သန်းကြရမယ်။

ဆူးခင်းလမ်းတွေကိုဖြတ်သန်းရတဲ့အခါမှာ ချစ်ခြင်းမေတ္တာနဲ့ ဉာဏ်ပညာဆိုတဲ့ လက်နက်ကို ကိုင်စွဲနိုင်တဲ့ အရည်အချင်းရှိဖို့လိုပြီး ပန်းခင်းလမ်းတွေကို ဖြတ်သန်းရတဲ့အခါမှာလည်း မမြဲခြင်းသဘောတရားဟာ အသိတစ်ခုဖြစ်ဖို လိုအပ်ပါတယ်။ ဘယ်လိုခက်ခဲမှု‌‌တွေကြုံတွေ့နေရပါစေ တချိန်မှာ အလင်းတန်းမဟုတ်ရင်တောင် အလင်းစက်လေး တစ်ခုကို မြင်နိုင်ပါစေ။ ကိုယ့်ပျော်ရွှင်မှုကို ကိုယ်တိုင်သယ်ဆောင်နိုင်ပါစေ။ ဘယ်အမှောင်ဘယ်လိုမှောင်ပါစေ နောက်ဆုံးမှာ အလင်းတစ်စက်တော့ မလွဲမသွေ တွေ့နိုင်ရပါမယ်။တနေ့တော့ အားလုံးကို ကျော်ဖြတ်ရမယ်။

26/04/2026

ယနေ့ ဖတ်ရှုရမယ့် သင့်အတွက် စာတစ်စု
___________________________________

တချို့သောလူတွေက မြွေတစ်ကောင်တည်းကိုပဲ မြင်လိုက်ရုံနဲ့ “အန္တရာယ်ရှိတယ်” ဆိုတဲ့အမြင်တစ်ခုနဲ့ ဆုံးဖြတ်ချင်ကြတယ်။ ဒါပေမယ့် မြွေချင်း အတူတူဖြစ်နေရင်တောင် အဆိပ်ရဲ့ပြင်းအားက မတူနိုင်သလို လူတွေရဲ့စိတ်သဘောထားဆိုတာကလည်း တစ်မျိုးတည်းမဟုတ်ပါဘူး။

တချို့ကတော့ အပြင်ပန်းမှာပဲ မြင်သာအောင် စိတ်တိုလွယ်တတ်တယ်၊ ဒေါသထွက်လွယ်တတ်တယ်၊ စကားပြောတစ်ခွန်းတည်းနဲ့လည်း အလျင်အမြန် တုံ့ပြန်တတ်ကြတယ်။ ဒါပေမယ့် သူတို့ရဲ့စိတ်ထဲမှာ အဆိပ်မရှိဘဲ ရိုးသားတဲ့ခံစားချက်နဲ့သာ ဖြစ်တတ်တာမျိုးလည်း ရှိတတ်တယ်။

အခြားတစ်ဖက်မှာတော့ အေးအေးဆေးဆေး၊ မထင်ရှားဘဲနေတတ်သူတွေရှိတယ်။ စကားနည်းနည်း၊ ပြုံးနည်းနည်းနဲ့ပဲ နေတတ်ပေမယ့် သူတို့ရဲ့သဘောထားနဲ့ အတွင်းစိတ်ကတော့ တဖြည်းဖြည်းနဲ့ ပိုပြီးလေးနက်လာတတ်တယ်။ အချိန်ကြာလာမှသာ သူတို့ရဲ့သဘောသဘာဝ၊ အန္တရာယ်ရှိနိုင်မှုကို သိလာရတတ်တယ်။

ဒါကြောင့် လူတစ်ယောက်ကို အမြင်တစ်ချက်၊ အခြေအနေတစ်ခဏနဲ့ပဲ မဆုံးဖြတ်သင့်ပါဘူး။ အပြင်ပန်းက အရိပ်အယောင်တွေထက် အချိန်နဲ့အတူ ပေါ်လာတဲ့ စိတ်သဘောထားတွေကသာ တကယ့်အမှန်တရားကို ပြောပြပေးနိုင်ပါတယ်။

24/04/2026

ယနေ့ ဖတ်ရှုရမယ့် သင့်အတွက် စာတစ်စု
___________________________________

ဘဝဆိုတာ အရာအားလုံးကို အစကတည်းက နားလည်ထားရမယ့် စာအုပ်တစ်အုပ်လို့ မှတ်ယူရမှာ မဟုတ်ပါဘူး။

ဘဝခရီးကို လမ်းလျှောက်ရင်း၊ လေထဲက သင်ခန်းစာတွေကို ကိုယ်တိုင်ခံစားပြီး သင်ယူရတဲ့ ခရီးတစ်ခုဖြစ်ပါတယ်။

ဒီခရီးလမ်းဟာ မြန်မြန်ပြီးဆုံးဖို့ မလိုတဲ့ လမ်းကြောင်းတစ်ခုပါဘဲ။
တန်ဖိုးရှိတဲ့အရာတွေဆိုတာ သွေး၊ ချွေး၊ အချိန်တွေ ပေါင်းပြီးမှသာ ပွင့်ဖူးတတ်ကြပါတယ်။

ဒါကြောင့် အချိန်တစ်ခုပြီးတစ်ခု ဖြတ်သန်းသွားတိုင်း သင်ဟာ မသိမသာနဲ့တောင် ရှေ့ကို လှမ်းနေပြီဆိုတာ မမေ့ပါနဲ့။

#မြန်မာ့မျက်နှာဖုံး #စာတို #မှတ်စု

22/04/2026

ဘဝနဲ့ပတ်သက်ပြီး သီကုံးပြောရမယ်ဆိုရင် ဘယ်အရာမဆို တစ်ခုတည်းပဲ ရွေးချယ်ရမယ်လို့ ပုံသေ သတ်မှတ်ထားတာမျိုးမရှိဘူး။
ကိုယ့်ရဲ့ဘဝနဲ့ ပတ်သက်တဲ့ Career, နေထိုင်မှု, ချစ်ခြင်း, မုန်းခြင်း ဖြစ်ပေါ်လာတဲ့စိတ်တွေဆိုတာက ဘဝရဲ့ အစိတ်အပိုင်းတွေထဲက တစ်ခုစီသီးသန့်ဖြစ်တည်နေမှုပါပဲ။

အဲ့ဒီအချိန်မှာ "ဘယ်အရာကို ရွေးချယ်ရမှာလဲ" ဆိုတဲ့မေးခွန်းကို ကိုယ်က တွေဝေနေရမှာ မဟုတ်ပါဘူး။
ဘယ်အချိန်မှာ ဘယ်လိုအရာကို ဦးစားပေးမလဲ ဆိုတာက ပိုပြီး သေချာတဲ့ မေးခွန်းမလို့ပဲ ဖြစ်ပါတယ်။

အချို့အချိန်တွေမှာက Career က အရေးကြီးသလို
အချို့အချိန်တွေမှာဆိုရင် အချစ်ရေးကိုလဲ တွေးသင့်ပါတယ်။
အချို့အချိန်တွေမှာတော့ ကိုယ့်ရဲ့ စိတ်ကလေး အေးချမ်းသာယာနေဖို့နဲ့ ကျန်းမာနေဖို့ဆိုတာကလဲ အရေးကြီးနေပြန်ရော။

ဒါကြောင့်မို့ ဒီမေးခွန်းတွေနဲ့ပတ်သက်ပြီး
ကိုယ့်ရဲ့တွေးတောမှုလေးတွေကို ဒီလိုလေး ပြောင်းတွေးကြည့်လိုက်ရအောင်။
" အခုချိန်မှာ ကိုယ့်ရဲ့ဘဝကို တိုးတက်စေမယ့်အရာက ဘာများဖြစ်နေမလဲ?"

ပြီးတော့ ကိုယ့်ကိုကိုယ်မမေ့ဖို့ တစ်ခုရှိပါသေးတယ်။
မေတ္တာတရား မရှိတဲ့ Career
တန်ဖိုးထားခြင်းမခံရတဲ့ Relationship
မပျော်ရွှင်ရတဲ့ ဘဝကြီးတွေက
ဘယ်အရာမှ ရေရှည် မတည်တံ့ပါဘူး။

နောက်ဆုံးတော့ ကိုယ်က ကိုယ့်ရဲ့ဘဝကို Balance ဖြစ်အောင်နေနေတာလေ ဆိုတာက အကောင်းဆုံးရွေးချယ်မှု မဟုတ်ပါဘူး။
ကိုယ့်ရဲ့ ဖြစ်တည်မှုကို ကိုယ်ကိုယ်တိုင် လက်ခံပြီးတော့ ကိုယ့်ရဲ့တန်ဖိုး လျော့မကျသွားအောင် သတိရှိရှိ ရွေးချယ်ဖို့ လိုအပ်တယ်လို့ ဆိုလိုချင်ပါတယ်။

21/04/2026

အခုလတလော လူတွေကို မြင်ရတာ တကယ်ပင်ပန်းစေတယ်။
ဘ၀မှာ ဘာကို အရေးကြီးဆုံးထားရမလဲ မသိကြသေးဘူး၊
ကိုယ့်ရဲ့ boundary ကိုလည်း နားမလည်ဘူး။
သူများအကြောင်းတော့ ဝင်စပ်စုနေကြပြီး
တကယ်တော့ အားလုံးက အပေါ်ယံပဲ။

ဒါပေမယ့် ကိုယ်တိုင်တော့ မတူအောင်နေဖို့ ကြိုးစားလို့ရတယ်။
ကိုယ့်ဘ၀ကိုယ် priority သတ်မှတ်ပြီး
ကိုယ့်စိတ်ကို ကာကွယ်ဖို့ boundary ထားတတ်ရမယ်။
သူများအကြောင်းထက် ကိုယ့်တိုးတက်မှုကို ပိုအာရုံစိုက်ပါ။
နောက်ဆုံးတော့ အမှန်တရားနဲ့ sincerity ကပဲ ရေရှည်မှာ တန်ဖိုးရှိတာပါ။

Address

Yangon

Telephone

+959791029719

Website

Alerts

Be the first to know and let us send you an email when မြန်မာ့မျက်နှာဖုံး posts news and promotions. Your email address will not be used for any other purpose, and you can unsubscribe at any time.

Contact The Business

Send a message to မြန်မာ့မျက်နှာဖုံး:

Shortcuts

Share