https://www.facebook.com/121167434255422/

Shwe Hin Thar -DIY Electronic, No. (35), Padauk (8)Street, (4)Ward, Bogale Township, AYEYARWADDY DIVISION (2026)

12/05/2024

လျှပ်စစ် အန္တရာယ်....

အိမ်တစ်အိမ်မှာ သိန်းရာကျော်တန် ဆိုလာကြီးဆင်မှ မဟုတ်ပါဘူး။
ထောင်ကျော်တန် အားသွင်းမီးသီးတစ်လုံးကြောင့်လည်း
ဘဝပျက်သွားနိုင်ပါတယ်။

Shwe Hin Thar

07/05/2024

ရန်ကုန်ကနေမှာတဲ့ dc powerstation နဲ့ AC/DC aircooler အတွက် အချိန်ပိုသုံးဖို့အတွက် 8Ah battery pack ကို ငွေကြိုလွှဲပြီး အားပေးလို့ ကျေးဇူးတင်ပါတယ်နော် ။ဘိုကလေးကလည်း powerstation 20Ah ကို ဆိုင်အတွက် ၂ လုံး အိမ်အတွက် ၂ လုံး အားပေးထားတဲ့အမကြီးအတွက် ပူတယ်ဆိုလို့ DC ပန်ကာ လေးတွေကိုယ်တိုင်ဝယ်ပြီး ဝယ်ထားတဲ့ powerstation နဲ့ တပ်ဆင်ပေးခဲ့ပါတယ်။သုံးရတာ အဆင်ပြေတယ်ဆိုလို့ ဝမ်းသာရပါတယ်။

05/05/2024

spot welder 230000 တဲ့ 😭😭😭

battery တွဲတဲ့ spot welder လေးပျက်သွားလို့ အသစ်ဝယ်ဖို့လိုက်ကြည့်တာ စျေးတွေကလည်းတက်ချက်။ spot ရိုက်စက်မရှိတဲ့အချိန်ကျမှ အော်ဒါအပ်တဲ့သူတွေက ဆက်တိုက်ကျ

03/05/2024

များမကြာမီ အချိန်အတွင်းမှာ ရင်ဆိုင်ရတော့မဲ့ အာမခံပြသနာများ.......

အင်ဗာတာ အာမခံပေးတယ်...
ဘက္ထရီ အာမခံပေးတယ်....
ဘယ်လိုပေးတာပါလဲ။
စာချုပ်စာတမ်းပါ အချက်အလက်တွေနဲ့ အာမခံယူထားတာလား...ဒါမှ မဟုတ် ပါးစပ်ပြောနဲ့လား။

အာမခံကိစ္စက အင်မတန်ရှုပ်ထွေးပါတယ်။
အာမခံကာလအတွင်းပျက်သွားရင်....
၁။အသစ်တစ်လုံးလျော်ပေးမှာလား
၂။ကြုံရာ အစားတစ်လုံး လျော်ပေးမှာလား
၃။ပျက်သွားတာကိုပြင်ပေးပြီး ပစ္စည်း ဘိုးလက်ခ မယူတာမျိုးလား
၄။ပြင်တော့ပေးပါရဲ့....ပစ္စည်း ဘိုးယူပြီး လက်ခမယူတာမျိုးလား....
၅။အလဲအထပ်ပြန်လုပ်ပေးမှာလား...
၆။ပြင်ပီးတော့ အရင်လို သုံးလို့မကောင်း...စိတ်တိုင်းမကျခဲ့ရင်...ဘာဆက်လုပ်ပေးမှာလဲ...
၇။ခကြျခငြျးစီစဥျပေးတာမြိုးလား...ဒါမှမဟုတ် စက်ရုံက စီစဥ်ပေးတာ လနဲ့ချီပြီးကြာနေခဲ့ရင် ဒီတိုင်းမသုံးပဲ စောင့်နေရမှာလား....လား.......လား.......လား

အများကြီး ကျန်ပါသေးတယ်။

အဲ့အချက်တွေကို ခနထားအုံး....
200Ah လို့ရေးထားပြီး တစ်ကယ် 200Ah မပါခဲ့ရင် လိမ်ရောင်းတာဖြစ်တဲ့အတွက် တရားစွဲလို့ရလား....ဒါမှမဟုတ်ပြန်လဲလို့ရလား

ဟိုး ဆိုလာအစက ကားဘက္ထရီတွေ သုံးခဲ့ဘူးတယ်။ 200Ah ရေးထားလို့ ဘယ်လောက်ပါလဲစမ်းကြည့်လိုက်ရင် 140Ah လောက်ပဲရတယ်၊အဲ့ဒါလွန်ခဲ့တဲ့ ၃ နှစ်က...

အဲ့ဒါနဲ့ အကောင်းဆုံးဆိုပီး နာမည်ရတဲ့ TUBULAR အိုးကိုသူ့စံနှုန်းအတိုင်းစမ်းကြည့်တော့ 190Ah လောက်ရတယ်။အဲ့ဒါအရမ်းရှားတယ်။သူ့ အော်ရီဂျင်နယ်အက်စစ်နဲ့မှ အဲ့လောက်ရတာ။အဲ့ဒါစျေးကွက်ထဲမှာ အကောင်းဆုံး.......

ကိုသိရသလောက် ဘယ်ဘက္ထရီဆိုင်ကမှ 100/200Ah အိုးတွေကို ဘယ်လောက်ပါသလဲ ဘယ်သူမှမစမ်းဘူး၊စမ်းလဲမစမ်းတတ်ပါဘူး။ပြောလည်းမပြောနိုင်ဘူး။ရေးထားတဲ့အတိုင်းပဲရောင်းကြတာ....ကြာပေါ့။ကြိုက်ရင်ယူ မကြိုက်ရင်မယူနဲ့...ဒါလောက်ပဲပြောတတ်တာ။

လီသီယမ် ခေတ်ကို ရောက်လာတော့ Display တွေပါလာပြီ။အသေးစိတ် ဖတ်လို့ရတယ်....အဲ့ဒါတောင်ဆော့ဝဲလ်ကိုလိမ်ခိုင်း 200Ah မပြည့်ပဲ 200Ah ပြနေတဲ့ Display တွေကရှိသေး(ဟီဟိ😁)

လိမ်စားတာရိုးဟိုးဟိုးနေပြီ....အလိမ်ခံရတာလဲရိုးပေါ့😊
ဆက်ရေးရင် အရိုက်ခံရတော့မယ် ထင်တယ် 😫

အင်ဗာတာ၊ဆိုလာ၊ဘက္ထရီ ၃ မျိုးမှာ.....
စျေးအများဆုံးပေးရတာ ဘက္ထရီ ပဲ.....
ဒါကြောင့် Installation လုပ်ဖို့အတွက် ရောက်လာတဲ့အိုးတွေကို Ah Test လုပ်ပီးမှပဲ ကာစတန်မာအိမ်သွားတပ်ပါတယ်။အကုန်လုံးတော့ မစမ်းနိုင်ပါဘူး။ ဘက္ထရီ မှာ အရင်က Mother home တံဆိပ်တွေ ကပ်ပါတယ်။အဲ့ဒါတွေက Ah စစ်ပီးမှ စျေးကွက်ထဲကိုထည့်တာပါ။

အခုသုံးနေတဲ့ Shark topsun,LV Topsun, Top,Sandi,MATADOR, TBB,DEYE,Senes အကုန်စစ်ပါတယ်။အာမခံ Seat တွေအကုန်ခွါပါတယ်။စစ်နေတုန်း ကိုယ့်ကြောင့်ပျက်သွားလည်းဂရုမစိုက်ပါဘူး။ဒါလောက်တော့ရင်းရမှာပေါ့။

Mother Home က တပ်တဲ့ ဘက္ထရီအိုးတွေ Ah မပြည့်ရင် ကျွန်တော့်တွက်ချက်မှုတွေ လွဲချော်ကုန်ပါလိမ့်မယ်။အလွဲအချော်မခံနိုင်ပါ။ နောက်ပီး ကြားဆိုဒ်တွေ တတ်နိုင်သမျှမသုံးပါ။ 100Ah,200Ah,300Ah အသုံးများပါတယ်။ ဘက္ထရီအသစ်တွေကို Ah စစ်ရင် သူ့စံနှုန်းအတိုင်းစစ်လို့ 1% လောက်ပဲ အလွဲခံပါတယ်။
ဥပမာ-200Ah တစ်လုံးဟာ အနည်းဆုံး 198Ah/202Ah ပေါ့.....
ဘက္ထရီအဟောင်းတွေကတော့ 5% အထိ လွဲလည်းသုံးပါတယ်။သူကတော့ အဟောင်းစျေးကိုး...ဥပမာ Blue Carbon battery လိုမျိုးပေါ့။

အဲ့တော့ကာ....ဘက္ထရီ ရောင်းတဲ့ကုမ္ပဏီတွေကို Ah မပြည့်ဘို့ပါ အာမခံ ခိုင်းရမှာပါ။
DEYE 100Ah ဆိုရင် 106Ah တွေ ထည့်ထားသလို
TBB ကလည်း 105Ah တွေထည့်ထားတဲ့အတွက် DOD 10% အထိပေးသုံးကြတာပါ။
အခုနောင်ပိုင်းဝင်တဲ့ Shark topsun မော်ဒယ်အသစ်က 105Ah နှစ်လုံးတွဲထားတဲ့အတွက် 210Ah ရှိပါတယ်။
Top-100Ah ဘက္ထရီ အိုးကလည်း 105Ah ရှိပါတယ်။
Sunes 300Ah ကတော့ Ah Test လုပ်တာ 303Ah ရပါတယ်။
အခုလို စမ်းတယ်ဆိုတာ ဘက္ထရီ ကုမ္ပဏီ တွေက ခွင့်ပြုလို့ရယ်....ကိုယ်သုံးဘို့အတွက်ရယ် စမ်းတာပါ။သက်သေပြဘို့စမ်းတာမဟုတ်တဲ့အတွက် စာရွက်စာတမ်းထုတ်မပေးနိုင်ပါဘူး။

ဘယ်လိုပဲ Ah ပြည့်ပြည့် 20% ချန်ချန် မချန်ချန် သုံးစွဲတဲ့ပုံစံပေါ်မူတည်ပြီး တစ်နှစ်ပြည့်ရင်တော့ဖြင့် ဆဲလ်အသစ်တစ်လုံးဟာ 2% to 3% အထိ Ah ကျသွားပါတယ် ဆိုတာကို သတင်းကောင်းလေး ပါးခဲ့ပါတယ်။
ဆိုလိုတာက 200Ah တစ်လုံးဟာ သုံးကာစမှာ 200Ah အပြည့်ပါတယ်ဆိုရင် Cycle 350 လောက်သုံးပီးတာနဲ့ 196Ah လောက်ရောက်သွားတာကို လက်တွေ့တိုင်းထွာချက်များအရ သိရှိရတာပါ။ အဲ့ဒီအချက်ဟာ ကိုယ်သုံးနေတဲ့ ဆဲလ်တွေအတွက်သာအကျုံးဝင်ပီး ကိုယ်မသုံးဘူးတဲ့ ဆဲလ်တွေအတွက် မသိကြောင်းပါ။စာဖတ်ပီးရေးတဲ့လူလောက်တော့ မသိကြောင်းပါ။

ကဲ....ဒါဆို အာမခံ အမှန်အကန်နဲ့ ကိုယ်သုံးစွဲတဲ့ပစ္စည်းရဲ့ Performance ကောင်းကောင်းရ ဘို့ ဘာလုပ်သင့်တယ်၊ဘယ်လိုရွေးချယ်သင့်တယ်ဆိုတာ အထိုက်အလျောက် သိရှိကြပြီထင်ပါတယ်။ဖတ်ရှုသူအားလုံးကိုကျေးဇူးတင်ပါတယ်။(အကျိုးရှိရင် ရှယ်ပေးပါ)

Credit: Mother Home Solar Installation

29/04/2024

သတိပြုစေချင်.....

မိုးရာသီ ဆိုလာသုံးမယ်ဆိုရင်....
ဆိုလာတပ်ဆင်ထားတဲ့အိမ်တွေအနေနဲ့ သတိပြုစရာတစ်ခု မျှဝေချင်ပါတယ်။ မကြာခင် နွေရာသီကုန်ဆုံးပြီး မိုးရာသီရောက်ရှိလာတော့မှာဖြစ်တဲ့အတွက်
မိုးတွင်းမှာ မိုးရွာ/မိုးအုံ့ ရင်နေရောင်ခြည်မရပါဘူး။နေ့တစ်နေ့မှာနေရောင်ကောင်းမွန်စွာ မရရင် ဆိုလာကနေ ဘက်ထရီကိုအားအပြည့်သွင်းပေးနိုင်မှာ မဟုတ်ပါဘူး။
hybrid solar system တွေက နေရောင်ခြည်ရချိန်မှာ solar ကလာတဲ့ စွမ်းအင်ကို ရယူသုံးစွဲပြီး နေရောင်မရချိန်မှာ ဘက်ထရီကနေ ထုတ်ယူသုံးစွဲပါတယ်။မိုးတွင်းမှာ မိုးအုံတာပဲဖြစ်စေ နေရောင်ခြည် ကောင်းကောင်းမရရင် နေ့ခင်းပိုင်းသုံးသမျှကို solar ကမပေးနိုင်တဲ့အချိန်မှာ ဘက်ထရီကနေ ထုတ်ယူသုံးစွဲပါတယ်။နေရောင်ကောင်းကောင်းမရရင် ဘက်ထရီကလည်းအားပြည့်မှာမဟုတ်ပါဘူး။ အခုလို မီးပျက်ပုံမျိုးနဲ့ဆိုရင် epc ကမီးနဲ့အားပြည့်ဖို့ကလည်းမလွယ်ကူလှပါဘူး။ အဲ့တော့ပြောချင်တာက မိုးတွင်းမှာ နေ့ခင်းဘက်ကို ခြွေတာမသုံးပဲနဲ့ နွေရာသီမှာသုံးသလိုမျိုးသုံးမယ်ဆိုရင် ညပိုင်းကို အခက်တွေ့လာနိုင်ပါတယ်။

ဆိုလာတပ်မယ်ဆိုရင်......

ဆိုလာကို ပိုက်ဆံအရမ်းချမ်းသာတဲ့သူတွေလည်း တပ်ချင်ကြသလို သာမန်လူတန်းစားတွေလည်း တပ်ဆင်အသုံးပြုချင်ကြပါတယ်။ပိုက်ဆံရှိတဲ့သူတွေအနေနဲ့ကတော့ ဘာမှနားလည်ဖို့မလိုအပ်ပါဘူး။အကောင်းဆုံးဆိုတဲ့ ပစ္စည်းတွေကိုပဲ ရွေးချယ်ဝယ်ယူယုံပဲဖြစ်ပါတယ်။
လူလတ်တန်းစားတွေအနေနဲ့ကတော့ ကိုယ်အသုံးပြုမဲ့ငွေကို ချင့်ချိန်ရတဲ့အတွက် သိထားရမဲ့အချက်တွေကို သိသလောက် ပြောပြပေးပါမယ်။
သာမန် user တစ်ယောက်အနေနဲ့ ကိုယ့်အိမ်မှာ သုံးတဲ့ပစ္စည်းတိုင်းရဲ့ watts တွေကို မသိနိုင်ပါဘူး။အဲ့တော့ ဆိုလာစဆင်တော့မယ်ဆိုတာနဲ့ မေးရမဲ့သူက ကျွမ်းကျင်တဲ့ installer သမားပဲဖြစ်ပါတယ်။ကိုယ်အသုံးပြုမဲ့ပစ္စည်းအားလုံးကို ပြောပြရပါမယ်။installer သမားက total တွက်ပြီး ဥပမာ 3kv,5kv,10kv သုံးရမယ်ဆိုတာ ပြောပါလိမ့်မယ်။နောက်တစ်ချက်က ကိုယ့်အိမ်မှာအသုံးပြုမဲ့ပစ္စည်းတိုင်းရဲ့ watts ဘယ်လောက်အားစားသုံးလဲဆိုတာကို မေးပြီး မှတ်ထားသင့်ပါတယ်။ဥပမာ ပေါင်းအိုး ရေနွေးအိုး ဒယ်နီ မီးပူ ရေမော်တာ ဒွါရာ အစရှိတဲ့ပစ္စည်းတွေဟာ watts စားသုံးမှုများပါတယ်။watts စားသုံးမှုများတဲ့ ပစ္စည်းတွေကို အသုံးပြုမယ်ဆိုရင် ပြိုင်တူ တစ်ချိန်တည်းအသုံးမပြုပဲနဲ့ တစ်လှည့်စီအသုံးပြုခြင်းဟာ ပိုမိုသင့်လျော်ပါတယ်။
installer ကို သိချင်တာမေးပြီးရင် နောက်ထပ်လုပ်ဆောင်ရမှာကတော့ ကိုယ်အသုံးပြုမဲ့ပစ္စည်းပဲဖြစ်ပါတယ်။စျေးကွက်ထဲမှာ solar ကော ဘက်ထရီကောဟာ နာမည်အမျိုးမျိုး စျေးအမျိုးမျိုးရှိတဲ့အတွက် တာဝန်ယူမှု တာဝန်ခံမှုရှိတဲ့ဆိုင်က ပစ္စည်းမျိုးကိုရွေးချယ်ဝယ်ယူသင့်ပါတယ်။ကိုယ်မွေးတဲ့ကလေးကို ကိုယ်ကိုတိုင် နာမည်ပေးတာ အကောင်းဆုံးပါပဲ။သေချာစုံစမ်းပြီးမှ ဝယ်လေ ကိုယ့်အတွက် အကျိုးရှိလေပါပဲ။ခေါင်းရှုပ်မခံချင်ရင်တော့ ကိုယ်စိတ်ချယုံကြည်ရမယ်လို့ ထင်ရတဲ့ installer သမားကိုပဲမေးပေါ့။အရောင်းဆိုင်တွေတော့ မမေးမိစေနဲ့ပေါ့(ဆိုင်တိုင်းကိုမဆိုလိုပါ)။မိသားစုတစ်ခုမှာ မွေးလာတာချင်းအတူတူတောင် စိတ်နေစိတ်ထားတွေ မတူညီကြတော့ လူတစ်ယောက်နဲ့တစ်ယောက်ရဲ့ စိတ်နေစိတ်ထားဟာလည်း မတူနိုင်ပါဘူး။အနာရှိတဲ့ဆိုင်တွေကတော့ စပ်ပါလိမ့်မယ်😛။
ဆိုလာ system တစ်ခုလုံးမှာ စျေးအကြီးဆုံးက ဆိုလာချပ်၊hybrid inveter နဲ့ ဘက်ထရီပဲဖြစ်ပါတယ်။ဘက်ထရီကတော့ စျေးအကြီးဆုံးပါပဲ။ဆိုလာချပ်ကတော့ တစ်ခါတပ်ပြီးရင် ၃ နှစ်ကနေ ၁၀ နှစ်လောက်ထိ သက်တမ်းရှိတဲ့အတွက် ထပ်ကုန်ဖို့မရှိပါဘူး။သတိပြုရမှာက ဆိုလာပြားတွေ ဆင်တဲ့အခါမှာ ကုန်ကျမဲ့ငွေကိုမနှမြောသင့်ပါဘူး။သေချာကျွမ်းကျင်တဲ့ အင်စတော်လာတွေကို မေးမြန်းပြီး စနစ်တကျ တပ်ဆင်ခိုင်းသင့်ပါတယ်။

ဘက်ထရီဝယ်မယ်ဆိုရင်.....

ဘက်ထရီမှာအမျိုးအစားတွေ များစွာရှိပါတယ်
lead-acid (အက်စစ်အိုးအစို)
Gel-Battery (အရပ်အခေါ် အိုးခြောက်)
Tubular (အိန္ဒိယအိုး)
lithium
lifepo-4

lead-acid....
မြန်မာနိုင်ငံမှာ အများဆုံးအသုံးပြုကြပါတယ်။အက်စစ်အရည်နဲ့ မိုးရေ(အရပ်အခေါ်)ပေါင်းစပ်ထည့်သွင်းထားပါတယ်။
အားသာချက်ကတော့ စျေးတန်းက လူအများသုံးနိုင်အောင်ထုတ်ထားလို့ပါ။
အားနည်းချက်က သက်တမ်းကြာရှည်မခံခြင်းပါပဲ။သေချာစနစ်တကျသုံးစွဲမှသာလျှင် တစ်နှစ်ကနေ တစ်နှစ်ခွဲလောက်ထိ အသုံးပြုလို့ရမှာပါ။သူ့ရဲ့ DOD က 50% လို့ဆိုထားတဲ့အတွက် အားအပြည့်ကနေ 50%ပဲ သုံးစွဲရမှာ ဖြစ်ပါတယ်။ဒါကသီအိုရီအရပါ။ဘက်ထရီကနေ အင်ဗာတာဆီကိုသွားတဲ့ ကြိုး၊အင်ဗာတာကနေ ကိုယ်အသုံးပြုမဲ့ ပစ္စည်းတွေဆီသွယ်တန်းထားတဲ့ ကြိုးတွေမှာ စီးဆင်းနေတဲ့ power lose တွေပါထည့်တွက်လိုက်ရင် သုံးဖို့သိပ်နည်းလွန်းပါတယ်။အင်ဗာတာ watts 1000 သုံးထားရင် load က 500Watts ထက်ပိုမသုံးသင့်ပါဘူး။ကိုယ်အသုံးပြုချင်တဲ့ total watts ထက် ၂ ဆ များတဲ့ inveter ကိုသာသုံးစွဲရမှာဖြစ်ပါတယ်။ရိုးရိုး sinewave inveter တွေနဲ့ watts စားသုံးမှုများတဲ့ (ဥပမာ-ရေမော်တာ၊ပန်ကာ၊aircooler၊မီးပူ၊ရေနွေးအိုး၊laptop၊Desktop၊ထမင်းပေါင်းအိုး၊ဒယ်နီ၊Hot plate အပူပြား)လို ပစ္စည်းတွေကို သုံးစွဲမယ်ဆိုရင် ဘက်ထရီ သက်တမ်းတိုစေပါတယ်။အသုံးပြုတဲ့ပစ္စည်းနဲ့ အင်ဗာတာလည်း ပျက်ပါတယ်။
သတ်မှတ်ချထားတဲ့ watts ထက်ပိုမိုသုံးစွဲမယ်ဆိုရင် အိုးစဝယ်ကာစမှာ မသိသာပေမယ့် နောက်ပိုင်းမှာ အားမနေတော့တာတွေကြုံတွေ့လာရမှာပါ။
အားသွင်းတဲ့နေရာမှာလည်း အရင်တုန်းကအသုံးပြုခဲ့တဲ့ အင်ဗာတာ အဟောင်းကြီးတွေနဲ့ မသုံးသင့်တော့ပါဘူး။စျေးကွက်ထဲမှာ အားပြည့်ရင်အော်တိုဖြတ်ပေးတဲ့ အားသွင်းစက်တွေအပြင် pure sinewave ထွက်တဲ့ inverter တွေကို အလွယ်တကူဝယ်လို့ ရနေပါပြီ။

Gel Battery (အိုးခြောက်)
Gel battery တွေဟာ lead-acid ဘက်ထရီတွေနဲ့ တည်ဆောက်ပုံခြင်း အတူတူပဖြစ်ပါတယ်။laid-acidရဲ့ အက်စစ်အရည်နေရာမှာ ဝါဂွမ်းစနဲ့ အက်စစ်ရည်ကိုထည့်သွင်းတည်ဆောက်ထားခြင်းဖြစ်ပါတယ်။ဆောင်ရန်/ ရှောင်ရန်ကတော့ lead-acid နဲ့တူတူပါပဲ။

Tubular (အိန္ဒိယအိုး).....
အက်စစ်အိုးတွေထက်တစ်ဆင့်မြင့်တဲ့အိုးဆိုလည်း မမှားပါဘူး။အက်စစ်အိုးထက် ပိုပြီးအသုံးခံလို့ အခုနောက်ပိုင်း သုံးစွဲမှုများလာတာ တွေ့ရပါတယ်။

lithium...3.7V

အခုနောက်ပိုင်း အသုံးအများဆုံးကတော့ lithium ပါ။ဖုန်းတွေ၊အားသွင်းမီးသီးတွေ၊ အားသွင်းပန်ကာတွေ၊ AC/DC Aircooler တွေ၊Wifi-ups တွေ၊DC power-station တွေ၊ပါဝါဘန့်တွေ စသဖြင့် နေရာတော်တော်များများမှာ အသုံးပြုလာကြပါတယ်။lithium ဆိုတဲ့နေရာမှာလည်း စလင်ဒါနဲ့ ပေါ်လီမာ ဆိုပြီးရှိပါသေးတယ်။polymer တွေကိုတော့ အခုနောက်ပိုင်း ပါဝါဘန့်တွေမှာ အများဆုံးအသုံးပြုကြပါတယ်။ပေါ်လီမာတွေရဲ့ အတွင်းပိုင်းတည်ဆောက်ပုံဟာ gel-battery တွေရဲ့ တည်ဆောက်ပုံနဲ့ ဆင်တူပါတယ်။ကျွန်တော်တို့ DIY သမား အများစုကတော့ polymer cells တွေကို သိပ်မကြိုက်ကြပါဘူး။မကြိုက်ရတဲ့အကြောင်းရင်းက မီးလောင်လွယ်သလို သုံးစွဲမှုကြာလာတာနဲ့အမျှ ဘက်ထရီဟာ ဗိုက်ဖောင်းလာလို့ပါ။
စလင်ဒါပုံမှာကတော့ 18650 lithium ဘက်ထရီဟာ လူသုံးအများဆုံးဖြစ်ပါတယ်။lithium cells တွေရဲ့ DOD ဟာ 80% ဖြစ်တဲ့အတွက် ဘက်ထရီရဲ့ 80%ကို သုံးစွဲနိုင်တဲ့အပြင် သက်တမ်းကြာရှည်စွာသုံးစွဲလို့ရခြင်းကြောင့် လူသုံးများတာလည်းဖြစ်ပါတယ်။စနစ်တကျ အသုံးပြုမယ်ဆိုရင် ရေရှည်အသုံးပြုနိုင်ပါတယ်။ပါဝင်တဲ့ mAh ပေါ်မူတည်ပြီး စျေးကွာခြားမှုရှိသလို c rate ပေါ်မူတည်ပြီး စျေးကွာခြားမှုရှိပါတယ်။တပ်ဆင်သုံးစွဲရာမှာ BMS (battery management system)ဟာ မရှိမဖြစ်တပ်ဆင်သုံးစွဲရမှာဖြစ်ပါတယ်။ပါဝါဘန့်ကဒ်တွေမှာ bms စနစ်ပါဝင်တဲ့အတွက် bms တပ်ဆင်ဖို့မလိုအပ်ပါဘူး။4.2V ဆို အားပြည့်တယ်လို့ သတ်မှတ်ပါတယ်။12V တွဲမယ်ဆိုရင်တော့ 3 လုံးကို series ဆက်သွယ်ပေးရမှာဖြစ်ပါတယ်။

Lifepo-4....3.2V
ဘက်ထရီတွေထဲမှာ လက်ရှိ အကောင်းဆုံးကတော့ သူပါပဲ။ဘက်ထရီထဲမှာ အကောင်းဆုံးဖြစ်သလို စျေးလည်းကောင်းပါတယ်။စလင်ဒါပုံနဲ့ လာသလို လေးထောင့်အပြားပုံစံလည်းလာပါတယ်။ပါဝင်တဲ့ Ah အလိုက်စျေးရှိပါတယ်။load အသုံးများတယ်ဆိုရင် lifepo-4 ဆဲလ်ကို အသုံးပြုင့်ပါတယ်။ဆိုလာစနစ်တွေမှာလည်း lifepo-4 ကို အသုံးများတာတွေ့ရပါတယ်။
ev ကားတွေမှာလည်း သုံးစွဲကြပါတယ်။DOD 80% သုံးနိုင်ပြီးc rate မြင့်မားမှုနဲ့ life cycle ကြာရှည်စွာ အသုံးပြုနိုင်ခြင်းကြောင့် အကောင်းဆုံးပါပဲ။ခုနောက်ပိုင်း အသုံးများလာမှုကြောင့် အရည်အသွေး မမှီသော lifepo-4 cells များ တင်သွင်းလာသောကြောင့် ဝယ်ယူမယ်ဆိုရင် သေချာနားလည်သောသူ သို့ ကိုယ်တိုင်သေချာခေ့လာပြီးမှ ဝယ်ကြဖို့ ပြောလိုပါတယ်။3.6V ဆို အားပြည့်တယ်လို့သတ်မှတ်ပါတယ်။တစ်လုံးတည်းဆို အများအားဖြင့် ဆိုလာအားသွင်း စလိုက်တွေမှာ အသုံးများပါတယ်။12 V သုံးမယ်ဆိုရင် 4 လုံးကို series သွယ်တန်းပြီး bms, blancer တို့နဲ့ တပ်ဆင်အသုံးပြုရမှာဖြစ်ပါတယ်။

BMS ဆိုတာ ဘာလဲ....
BMS ဆိုတာ (battery management system)ဖြစ်ပါတယ်။

Battery low volt discharge protection
(ဘက်ထရီ အားနည်းနေတဲ့အခါမှာ ဆက်လက်အသုံးပြုလို့မရတော့အောင် ထိန်းချုပ်ပေးတဲ့ အကာအကွယ်စနစ်)

Over voltage protection
(ဘက်ထရီ အားသွင်းတဲ့အခါမှာ သတ်မှတ် Volt ထက် ကျော်ပြီးမသွင်းအောင်ထိန်းချုပ်ပေးတဲ့ စနစ်)

Battery cell balance
(ဘက်ထရီတွေ ပေါင်းစပ်အသုံးပြုရာမှာ မတူညီတော့တဲ့ cells.တွေကို ထိန်းညှိပေးတဲ့ စနစ်)

အထက်ပါအချက်များသည် ကျွန်တော်လေ့လာထားသလောက် သိထားသလောက် ပြန်လည်မျှဝေခြင်းသာ ဖြစ်သည့်အတွက် အချို့နေရာများတွင် အမှားများ ပါဝင်နိုင်ပါတယ်။ဆရာများမှ ဝေဖန်ထောက်ပြဆွေးနွေးခြင်းအား ကြိုဆိုပါတယ်။

လူသားဆန်စေချင်......

စီးပွားရေးလုပ်တယ်ဆိုတာကတော့ လူတိုင်းအကျိုးအမြတ်လိုချင်လို့လုပ်ကြတာပါ။ဒါကိုလက်ခံပါတယ်။ပစ္စည်းမှာယူတိုင်း တန်ဆာခ၊ delivery ခနဲ့ အလုပ်သမားခတွေက နောက်မှာကပ်ပါလာပါတယ်။ဒါကြောင့်မလို့ နေရာဒေသပေါ်မူတည်ပြီး
တစ်မြို့နယ်နဲ့တစ်နဲ့တစ်မြို့နယ် စျေးကွာဟတာကို လက်ခံလို့ရပေမယ့် ပေးလိုက်ရတဲ့ငွေနဲ့တူတဲ့ ပစ္စည်းကို ပြန်မရဘူးဆိုရင်တော့ ဂျင်းထည့်ခံရတယ်လို့ပဲ မြင်ပါတယ်။ကိုယ့် ဖေ့ဘုတ်အကောင်ရဲ့ news feed မှာ ပေါ်လာတိုင်း ယုံကြည်ရတဲ့ page မဟုတ်ဘူးဆိုတာ သိသင့်ပါတယ်။ဖေ့ဘုတ်ရဲ့ AI စနစ်က အရမ်းကို ကောင်းမွန်ပါတယ်။မယုံရင် သင် ဖေ့ဘုတ်ရဲ့ အပေါ် search bar မှာ စိတ်ဝင်စားတဲ့ပစ္စည်း အကြောင်းအရာတစ်ခုကို စာရိုက်ပြီး ရှာကြည့်လိုက်ပါ။ မကြာခင်အချိန်အတွင်းမှာ သင့် news feed မှာ သင်ရှာထားတဲ့ ပစ္စည်းနဲ့တူတဲ့ ဆိုင်ပေါင်းများစွာကို လာပြပေးပါလိမ့်မယ်။ပြထားတဲ့ဆိုင်တွေတိုင်းကို မျက်စိမှိတ်မယုံဖို့လိုပါတယ်။page တစ်ခုကနေ ပို့စ်တစ်ခုကို
ဖေ့ဘုတ်ကို ($ 5$ ကနေ 15$လောက်ပေးပြီး boost လုပ်) လိုက်တာနဲ့ လူရာထောင်ချီ သောင်းချီတဲ့လူတွေရဲ့ news feed မှာ မြင်အောင်လုပ်လို့ရပါတယ်။သေချာလေ့လာစုံစမ်းပြီးမှ ဝယ်ယူမယ်ဆိုရင်တော့ ဆုံးရှုံးမှုသက်သာပြီး ပေးရတဲ့ပိုက်ဆံနဲ့တန်တာကို ပြန်ရပါလိမ့်မယ်။

ကိုယ်ကျိုးရှာ စီးပွားရေးသမားများသို့....

မီးတွေအရမ်းပျက်ပြီး မီတာခတွေကပိုတိုးလာလို့ ပါဝါစတေရှင်နဲ့ ဆိုလာတပ်ဖို့ လူအများစုကဆန္ဒရှိလာကြပါတယ်။ဒါကိုအခွင့်ကောင်းယူပြီး ကိုယ့်အကျိုးတစ်ခုပဲကြည့်ကြတဲ့ စီးပွားရေးလောဘသားတွေဟာ မသိနားမလည်သူတွေကို ကောင်းကောင်းဂျင်းထည့်ကြပါတယ်။ကိုယ်ထမင်းဝဖို့အတွက် မသိနားမလည်တဲ့ တောသူတောင်သားတေ ကို ဂျင်းကျွေးတဲ့အပြင် ကိုယ့်မြို့က ဘုန်းကြီးကျောင်းတွေပါမကျန် ဂျင်းထည့်ပြီးရောင်းတာကတော့ အတော်ကိုလွန်လာပါပြီ။ဒါတွေလိုက်ပြောနေလို့ ခင်ဗျားတို့ စီးပွားဖြစ်ပြီး ချမ်းသာနေတာကို မနာလိုလို့ တိုက်ခိုက်နေတယ်ထင်အုံးမှာ။ဒီလိုမျိုးရေးတာ ဒါနောက်ဆုံးပါပဲ နောက်ထပ်လဲ ဒါမျိုးမရေးတော့ပါဘူး။နောက်ဆုံးအနေနဲ့ တစ်လက်စတည်း ပြောချင်တာတော့ ဝအောင်ပြောလိုက်အုံးမယ်။

အောက်ကပုံကတော့ တခြားမြို့က အွန်လိုင်းမှာ ကြော်ငြာထားတဲ့ပုံ ဖြစ်ပါတယ်။
lead-acid အိုးကို မနိုင်ဝန်ထမ်းခိုင်းတာက ခဏတော့ရပါတယ် မကြာခင် ဘက်ထရီ ပျက်မှာပါ။တချို့တွေက တတ်လို့လည်းမဟုတ်ဘူး ငတ်လို့လဲမဟုတ်ဘူး။ တတ်အောင်လည်း လေ့လာမကြိုးစားဘူး။
ကိုယ့်ပစ္စည်းရောင်းရ ပြီးရော ဝယ်သူလက်ထဲရောက်တော့မှ ဘာဖြစ်ဖြစ်ဆိုတဲ့ စိတ်နဲ့ကိုရောင်းနေကြတာ။
ကိုယ်ထမင်းစားရပြီးရောဆိုပြီး လက္ကားဒိုင်က တင်ထားတဲ့ စာလေးတွေ copy ကူးပြီး တင်လိုက်တာပဲ။မေးလိုက်ရင်လဲ ကျွန်တော်တို့သင်ခဲ့တဲ့ ပညာရေးလိုပဲ😂 အလွတ်မှတ်ထားတာလေးတွေ ရွတ်ပြကြပါလိမ့်မယ်။warrenty ပါတယ်ဆိုလို့ မေးကြည့်လိုက်ရင် ကုမ္ပဏီ ပေးတဲ့ warrenty ဆိုပြီး ရောပြီး ဂျင်းသိပ်ပြပါလိမ့်မယ် တကယ် error ဖြစ်လို့ ပြန်သွားပြောကြည့် user fault ဆိုပြီး မျက်နှာပြောင် တိုက်ပြလိမ့်မယ်😛

Shwe Hin Thar -DIY Electronic
Electronic & DIY ပစ္စည်းအရောင်းဆိုင်
အမှတ် ၃၆ ပိတောက် ၈ လမ်း
၄ ရပ်ကွက် ဘိုကလေးမြို့။
☎09444254466
☎09782160839
https://maps.app.goo.gl/u8vUoAk3gd5NERMt8

30/03/2024

DIY

29/03/2024

DC to DC Stepup/Stepdown/Booster module
collection

26/03/2024

Lithium BMS collection

ဘက်ထရီတွေရဲ့အသက်ဟာ bms ပါပဲ။
3.7V lithium BMS လေးတွေလိုအပ်ရင် အားပေးလို့ရပါတယ်။စျေးလေးတွေလည်းတစ်ခါတည်းပုံမှာရေးပေးထားပါတယ်။

Shwe Hin Thar -DIY Electronic
Electronic & DIY ပစ္စည်းအရောင်းဆိုင်
အမှတ် ၃၆ ပိတောက် ၈ လမ်း
၄ ရပ်ကွက် ဘိုကလေးမြို့။
09444254466
09782160839
https://maps.app.goo.gl/u8vUoAk3gd5NERMt8

26/03/2024

ပစ္စည်းအသစ်တွေ ရောက်ပါတယ်

တစ်ခုချင်းစီရဲ ပုံနဲ့ စျေးထပ်တင်ပေးပါမယ်

Shwe Hin Thar -DIY Electronic
Electronic & DIY ပစ္စည်းအရောင်းဆိုင်
အမှတ် ၃၆ ပိတောက် ၈ လမ်း
၄ ရပ်ကွက် ဘိုကလေးမြို့။
09444254466
09782160839
https://maps.app.goo.gl/u8vUoAk3gd5NERMt8

Shwe Hin Thar -DIY Electronic

12/05/2024

07/05/2024

05/05/2024

03/05/2024

29/04/2024

30/03/2024

29/03/2024

26/03/2024

26/03/2024

Address

Telephone

Website

Alerts

Shortcuts

Share

Category