Tous les genres

12/08/2025

19/08/2020

للإفادة..
هاد المعلومات راه ممكن تخسر عليهم الفلوس عند الكونطابيليتي قرا بشوية عليك باش تفهم كيفاش تحسب Cnss ديالك
اولا: cnss او الصندوق الوطني للضمان الاجتماعي صندوق . كيقدم مجموعة من الخدمات للموطنين (لي خدامين فالقطاع الخاص) من بينها التعويض على فقدان الشغل، الحصول على تقاعد....
المهم المشاركة ف cnss اجباري على جميع الشركات فالمغرب و بمعنى اخر اجباري على اي عامل فالقطاع الخاص يكون عندو بدون استثناء ؛ بمجرد ماكتبدا العمل فشي شركة خصهم يدكلاريو بيك ف cnss بقوة القانون.
وخى شحال كنساهم انا كعامل ف cnss باش نشد تقاعد كتساهم تقريبا ب 6.7 فالمئة من الصلير (مايسمى ب SBI ) . و المشغل ديالك كيخلص عليك كدالك تقريبا 21% من (SBI) .
تانيا: كيفاش تحسب التقاعد ديالك .
كيخصك تكون وصلتي ل 60 سنة .
وخصك تكون جمعتي 3240 نقطة ( نقطة كيقصدو بها يوم عمل) بمعنى خصك تكون خدمتي 3240 يوم دكلاري . لي ممكن تجمعها ف تقريبا 11 عام من العمل المتواصل.
3240 نقطة كيعطيك الحق تستافد بتقاعد ديال 50% ديال الصلير المتوسط باش كنتي خدام 8 سنوات الاخيرة( 96 شهر) نعطيك متال : اخر 96 شهر خدمتي ب 5000 درهم. كناخدو هد 5000 درهم ضارب 50% غتعطينا تقاعد ديال 2500 درهم .
لكن السؤال لي ممكن تسول دبا هو الا متلا وصلتي ل كتر من 3240 نقطة. متلا 5000 نقطة واش غضيع فالنقاط لي شايطين؟ طبعا لا هنا cnss كتقول ليك على كل 212 نقطة زايدة على 3240 غنزيدك 1% على 50% .
نفترض انت وصلتي ل 5000 نقطة : كناخدو 5000 ناقص 3240 تساوي 1760.
كناخدو هد 1760 لي شاط كنقسموها على 212 تساوي 8.3 %. يعني غتزيدك 8.3% على 50% لي ديجا غتاخد و غتعطينا 58.30.
ونفترض تخلصتي ف اخر 96 شهر بصلير ديال 5000 درهم . كناخدو 5000 ضارب 58.3% غتعطينا تقاعد ديال 2915 درهم.
ساهل نتمنى تكونو فهمتو.
غير للمعلومة اكبر نسبة ممكن توصل ليها هيا 70% بمعنى اخر اكبر صلير تقاعد ممكن توصل ليه هو 4200 درهم شهريا.

للمعلومة ايضا واش الى بغيت متلا يكون عندي تقاعد كبر من 4200 درهم واش من حقي. غنجوبك اه طبعا لكن خصك تكون متلا مشتارك فصندوق CIMR حتى هدو كتخلص فيه كل شهر وفاش كتوصل لتقاعد ديالك كيزيدوك شي بركة فالصلير على حسب انت شحال بغيتي وشحال كنتي كتخلص ليهم. ( غير هو هد CIMR ختياري ماشي اجباري. CNSS هو لي اجباري).

ثالثا: واش من حقي نسترجع التعويضات ديالي في حالة ماوصلتش ل 3240 نقطة:

هنا cnss دايرة ليك 2 ديال الاختيارات:
الاختيار الاول : التأمين الاختياري
يائما تكمل النقاط لي خاصينك بالفلوس و كيتسمى التأمين الاختياري وضروري تكون جمعتي على الاقل 1080 نقطة وضروري ايضا تكون وقفتي على الخدمة وضروري ايضا دير طلب في غضون عام من نهار وقفتي على الخدمة.
و الاختيار التاني : استرجاع مبلغ الاشتراكات
هنا cnss كتقول ليك من حقك ترجع الفلوس لي كنتي كتخلص ليا بشرط كون وصلتي ل 60 سنة و ماتكونش خدام وماتكونس ستفدتي من شي معاش كتعطيه او كتقترحو cnss.
(هنا متلا الا قدر الله شي أب او أم توفات راه من حق دوي الحقوق يطالبو بسترجاع الاشتراكات. )
نتمنى يكونو المعلومات واضحين.

🚨 ملاحظة الصورة ديال بلاغ د cnops خرج كياكد التعويض على نفقات العلاج متعلقة ب covid19 بعد مخرج قبل واحد كينفي التعويض
نخليه فالتعاليق

18/05/2020

كاينين بزاف ديال الناس كيفتحو الحساب، ولا كياخدو الكريدي وكيسينيو بلا مايقراو شنو مكتوب فالأوراق..
وكايدوز شهر ولا شهرين وكايتفاجؤو باقتطاعات كثيرة مكانتش فالبال.. ولا مصاريف إضافية على الكريدي..

مثلا كتسمع قرض بدون فوائد على السيارات.. وملي كتسيني على العقد ديالك ونتا فرحان.. وكتخلّص الطريطات بالشكل لي نتا متوقع.. وفاش كتسالي الكريدي ديالك وكتطلب وثيقة رفع اليد (la main levée) كتفاجأ أنك ملزم تدفع ليهم واحد المبلغ محدد سلفا فالعقد واللي كيتخلّص إما فبداية القرض ولا فنهايته، و لي سميتو القيمة المتبقية (la valeur résiduelle). هاد المبلغ لي ممكن يوصل حتى ل 20000 درهم..

لذلك كنصحكم إخوتي أخواتي تقراو العقود ديالكم، راه مايخدوش منكم بزاف ديال الوقت.. باش تربحو راحتكم و تتفاداو بزاف ديال المشاكل و إلا معجباتكمش شي حاجة تتراجعو على القرار ديالكم..

تحياتي..

08/05/2020

شنو هو إقتطاع الفوائد(les agios)..

هو اقتطاع كيتعرض ليه كل واحد سحب الصالير ديالو أو جزء منو أولا سحب فلوس دخلو لحسابو، قبل ما دوز عليه 24 ساعة من تاريخ تحويل الصالير أولا الفلوس للحساب الشخصي..

كيتعرضو بزاف ديال الناس كل ثلاث أشهر لاقتطاع سميتو agios، وهاد الاقتطاع فالغالب كيكون ماشي ثابت، يعني كتتغير قيمته كل 3 أشهر، وبعد المرّات مكيكونش..

هاد الإقتطاع كيكون نتيجة لنسبة فائدة على واحد المبلغ مالي عطاتو لك البنكة كريدي بلا متعرف.. غالبا المدة مكتجاوزش يوم ولا بضع أيام في أحوال أخرى...

شنو هو مصدر إقتطاع agios؟

فبزاف دالحالات كيضطرو الناس يسحبو الفلوس ديال الصالير كاملة ولا جزء منها بالظبط فالنهار لي دخل لحسابهم..
هادشي لي كيخلي هاد الإقتطاع agios يتحسب عليك.. وباش تتفاداه ضروري تخلي الصالير فحسابك لمدة 24 ساعة ملي يدخل لحسابك البنكي، حيت البنك كيعتبر إلا سحبتي الفلوس قبل ما تدوز 24 ساعة بحالا عطاك كريدي عليه.. بمعنى كتدخل معاه فقرض بلا خبارك، وكل 3 أشهر كايجيك إقتطاع الفائدة عليه...

حالة أخرى، ملي كيسيفط ليك شي حد الفلوس فحسابك، متخرجهومش فنفس النهار ولكن خليهم تدوز عليهم 24 ساعة، حيت السيستيم ديال البنك كايعتابرهم حتى هوما كريدي لي كيحسب عليهم نسبة الفائدة…

باش تتهناو من هادشي كامل.. خصكم تتجنبو تسحبو فلوسكم حتى تفوت 24 ساعة بعد أي عملية تحويل لحسابكم.. حيت كاين فرق بين تاريخ العملية وهو اليوم الذي أنجز فيه السحب أو التحويل و تاريخ القيمة هو التاريخ الفعلي للسحب أو التحويل حسب البنك.

مثال:

إلا افترضنا أن يوم 31 من الشهر هو النهار لي كيدخل لك الصالير و خرجتي 4000 درهم فداك النهار، إذن تاريخ العملية الخاص بسحب 4000 درهم هو 31 من الشهر بينما تاريخ القيمة هو 30 من الشهر (ناقص يوم بالنسبة للسحب وزائد يوم بالنسبة للدفع versement كتحسب العطل الرسمية والأحد والسبت في حساب الفرق بين تاريخ القيمة وتاريخ العملية)، إذا إلا افترضنا أن يوم 30 من الشهر كان رصيدك أقل من مبلغ السحب، غادي تكون فهاد الحالة مدينا للبنك لي كيعني أنك خديتي سلف (تسبيق) من البنك بمبلغ 4000 درهم لمدة يوم واحد.. وبالتالي غتدفع مصاريف هاداك القرض الإجباري التحايلي لي غايبان ليك فالكشف بسمية les agios.

كنصيحة لكم متسحبوش الفلوس من حسابكم حتى الغد ليه خصوصا إلا كان الرصيد ديالك أقل من القيمة ديال السحب.. وكلما كان السحب كبير كلما ازدادت مصاريف البنك، لهذا كنلاحظو أن قيمة اقتطاع les agios كتختلف حيت مبالغ السحب كتختلف فكل مرة.

تحياتي..

21/04/2020

20/03/2019

23/01/2019

23/01/2019

23/01/2019

20/12/2018