البروفسور أمكايو

13/03/2016

13/02/2016

الجزء الاخير
قبل ما تقرا فرشخ جيم + كومنت فاش تقراا و طاغي شي عشيرك يتخلع
صافي اخوتي بديت نعاني ونطلب الله يفاجيها عليا، وكاندعي فليلي ونهاري يخلصني ربي من هاد المحنة، مشيت لواحد الدوار بعيد وكنت باقي كانشوف ديك المرأة اللي لابسة لكحل وداك السيد..
تعرفت على واحد السيد وعاودت ليه اشنو وقع ليا وهو اللي دلني على واحد الفقيه كاين فواحد البلاصة سميتها امين واداي فنواحي ديال تارودانت سميتو الحاج الطيب، مشيت عندوا وعاودت ليه اشنو وقع وقلت ليه باللي انا حامل لكتاب الله،.
قال ليا باللي هادشي اللي خلاهوم ما قدروش يقربوا ليا زيد عليها انني ما كنتش مسؤول على الموت ديال ديك الجنية، ولكن حتى صاحبي ما كان مسؤول قال لي باللي صاحبك كان حتى هو سبب بحيث انه كان خنقها فواحد الوقت بلا ما يشعر، داكشي اللي عاود ليا طويل وما بغيتش نزيد نطول عليكوم الاخوان والله وحدوا اللي عالم شحال كانقاصي الى يومنا هذا، باش نختااصر انا دابا كاين فالمحمدية ومرة مرة كانكون فالدار البيضاء ولا الرباط كانخدم فشركات ديال البناء هادي شي 8 سنوات ما مشيت للبلاد وما شفت واليديا بيناتنا غير الهاتف، بحيث انني محكوم عليا ما نشوف واليديا لمدة خمسة عشر سنة وهذا هو العقاب ديالي على ما قال ليا داك الفقيه، وشحال من مرة كانبغي نمشي للبلاد ولكن كايخرج ليا شي واحد منهوم ويبدا يهددني، الحمد لله على كل حال وربي اللي عالم شحال توحشت الوالدة والوالد والعائلة كلها ولكن رجافالله،
هادشي اللي عاودت ليكوم اخوتي وقع ليا وما غادي نحلف ليكوم باش تيقوني يكفيني داكشي اللي كانعانيه لغاية الآن..
المتنفس ديالي الوحيد هو هاد العالم الوهمي كاندوز فيه وقتي وكانحاول ننسى اللي بيا والحمد لله على كل حال

12/02/2016

الجزء الثالث
قبل ما تقرا فرشخ جيم + كومنت فاش تقراا و طاغي شي عشيرك يتخلع
التفاعل ديال الثب لمهم باش ما كان التفاعل قليل باش ما القصة كانزيد نعطلهاا
خرجنا انا والصديق ديالي وشدينا وسيلة النقل ما وقفنا حتى البلاد فين ساكنين، هو مشا لدارهوم وانا دارنا، تيقوا بيا دخلت للدار بلا حتى ما نسلم مع الوالدين الله يسمح ليا، بقيت فالدار 7 ايام مكانهضر مع حتى وااحد ومكانخرج ما والو، بحال شي واحد مريض فعقلوا، تشجعت وبديت نخرج ونهضر مع مالين الدار ونمشي للجامع، دازت واحد المدة تلاقيت مع داك الصديق ديالي مسكين حتى هو كانت حالتو حالة وقال ليا باللي الامور تأزمات وباللي كايشوف شي نفر من الجن كايجيو عندوا كل ليلة ويهددوه بالانتقام على داكشي اللي دار لبنتهوم، المهم انا ما بقيت قااد نصبر الخلعة دارت ما دارت، تشجعنا وقررنا نرجعوا للمدرسة ونشوفو الفقيه ونعاودو ليه اش وقع لينا خاصة انني حتى انا بديت نشوف امور غريبة فالمنام ديالي كانحلم باللي شي حااد شادني وداير ليا كيما كنت داير لداك السيد ماللي كنا كاننصرعوه يعني شي حد شادني من رجلي ويدي ومجبدني، وماللي كانفيق كانلقا واحد المرا لابسة الكحل كاتبقا تشوف فيا وتضحك، رجعنا للمدرسة وكانت دازت تقريبا شي 3 اشهر على الخروج ديالنا منها، رجعنا باش نشوفو الفقيه ولكن كانت الصدمة، ما لقيناهش وقالو لينا شي تلاميذ انه مرض وجاو ولادوا داوه للدار، مشينا انا وداك السيد حتى البلاد ديال الفقيه باش نشوفوه، وكان ساكن فالنواحي ديال مراكش، مشينا كانقلبو عليه وما لقينا دارو غير بزز، دخلنا عندهوم وعرفنا على انفسنا وباللي جينا نزورو السي الحبيب، اش غانقول ليكوم لقينا السيد فواحد الحالة ما عالم بيها غير الله، ولا ضعيف بزاف و وجهو تبدل، ماللي شافنا مسكين فرح بينا ولكن كان خايف بزاف، وبدا يقول لينا نجاو براسكوم أولادي راه المسألة ولات خايبة وهادشي اللي وصلت ليه دابا راه بسبابهوم، كايقولها مسكين وكايبكي ما عمري غادي ننسا داك المنظر ما حييت، خرجنا من عندوا من بعد ما طلبنا ليه الشفاء، وحنا غاديين فالطريق كل واحد فينا كايشوف فالاخر وحنا ساكتين بحال الزيازن، شددينا المركوب ورجعنا للبلاد، وعاوتاني نفس الحالة، وليت ساد على راسي فالدار تقريبا شي شهرين حتى داك صاحبي ما بقيت كانشوفو، و وليت كانشوف مواقف غريبة بزااف فحياتي، مرة كانشوف راجل راكب فوق العاود ديالو وكايهددني ومرة كانشوف واحد المرأة لالابسة الكحل كاتجيني فالليل وتفيقني من النعاس وتدفل عليا حاشاكوم، دازت شي 6 اشهر على هاد الحالة وانا خايف ما بغيت نعاود لمالين الدار والو، ولكن وقعات الكارثة، وصلاتنا الخبار بالللي داك الدري صاحبي لقاوه ميت حدا واحد المقبرة وحالتو يرثى لها، مات مسكين والى يومنا هذا حتى حد ما عرف سبب موتو ولكن انا عارف مزيان اشنو كان السبب، من بعد داكشي وليت حتى انا كانتسنى الدور ديالي وكنت متيقن باللي ححتى انا غايلقاوني فشي قنط مليوح بحال الحمير حاشاكوم، دازت واحد المدة تشجعت وحصنت راسي بالاذكار وخرجت من الدار مع الخمسة ديال الصباح وشديت الطريق لمراكش عند داك الفقيه باش نعاود ليه جديد الامور ووباللي دااك الدري مسكين مات، ولكن كانت الصدمة لقيت الفقيه مسكين مات هادي شحال، بحيث انه مات من بعد ما زرناه حنا بشهر وهو كذلك ما عرفينش سبب الموت ديالو يتبع .

12/02/2016

الجزء الثاني
قبل ما تقرا فرشخ جيم + كومنت فاش تقراا و طاغي شي عشيرك يتخلع
التفاعل ديال الثب لمهم باش ما كان التفاعل قليل باش ما القصة كانزيد نعطلهاا خن باي
بدات تخرج ليه كشكوشة صفرة من الفم ديالو والدم من عينيه، شي ساعة تقريبا وحنا على ديك الحال حتى كانشوفو الباب تحل ووتسد بالجهد، عرفنا باللي خرجات من الجسد ديالو بقا الفقيه كايقرا ننص ساعة حتى تأكد باللي صافي ما بقات فداك السيد حتى حااجة، شد شوية ديال الماء قرا عليه بعض الايات وعطا ليا شربتو لداك السيد، والحمد لله فاق كأن ما بيه والو ولكن ضعيف بزاف، ما عمري غاننسى المنظر ديال الام والاب ديال داك السيد اللي جا كايجري عندنا ويعنق فينا ويرحم لينا والدينا والام ديالو مسكينة كاتبكي وكاتعنق فولدها، حمدت الله وشكرتو لأنني كنت سبب ولو غير مباشر فإسعاد أبوين كانو على شوية غادي يضيعو فولدهوم، بقينا مع دوك الناس يومين حتى تأكدنا باللي السيد ولا بخير وورجعنا للمدرسة العتيقةـ فالطريق ديال الرجوع كانهضروا مع الفقيه وبدا يقول لينا باللي ديك الجنية أقوى انواع الجن اللي شافهوم فحياتو وباللي بالتأكيد هي شي حااجة عندهوم وماشي جنية عادية، وقال لينا باللي واعداتو غادي ترجع لينا كاملين وما غاتنساناش، والله اخوتي غير سمعت داك الكلام صافي وقف ليا الشعر ديال راسي وبديت نقول اش داني علاش مشيت، عرفت باللي المسألة كانت خايبة بزاف والامور كانت خطيرة، رجعنا للمدرسة مكانهضروا مع حد واللي سولنا كانقولو ليه كنا فوااحد الغرض وجينا، دازت ثلاثة ايام عيط لينا الفقيه انا وداك صاحبي وقال لينا باللي فالليلة الفايتة بانو ليه شي 2 من الجن فالمحيط ديال الغرفة ديالو وباللي شي واحد فيهوم قال ليه باللي ديك الجنية اللي خرجناها من داك السيد توفات فنفس النهار بسبب داكشي اللي وقع، ونصح الفقيه انه يتحصن حيث القوم ديالها ماغاديش يفوتوه الا الى قتلوه، دوك الجن اللي شافهوم قال لينا باللي هما من سكان المدرسة وومسلمين ودايما كاينين فيها من قديم العهد، اش غانقول ليكم والله العظيم ماللي سمعت داك الكلام تمنيت تشق الارض وتبلعني، المسألة فيها جن مقتول وانتقام من القوم ديالو خااصة ان ديك الجنية اتضح انها كانت من عائلة كبيرة فالحجاز وباللي الاب ديالها هو كبير القوم ديالهوم، ديك الليلة ما نعسناش تجمعنا أنا والفقيه وداك الصديق وبدينا نقراو القرآن ونحصنو ريوسنا بالذكر والقرآن الكريم حتى أذن الفجر، صلينا الفجر وبدينا نقراو القرآن جماعة مع الفقيه وباقي التلاميذ، كملنا الحزب وكل واحد فينا مشا لبيتو، فاش دخلنا للبيت ديالنا انا والصديق ديالي لقيناه مرونة وتقلب سفاها على علاها، شداتنا الخلعة ومشينا كانجريو عند الفقيه وعاودنا ليه اش وقع، تما حسينا بالفقيه اللون ديالو تبدل واول مرةة كانشوفو مخلوع، مشا جبد شي فلوس من وااحد الصندوق باقي كانعقل كانت 750 درهم عطاها ليا انا وداك صاحبي وقال لينا نخويو المكان لواحد المدة مؤقتة على ما تهدا الأمور ويشوف هو شنو يدير باش يحل المشكل يتبع ..

11/02/2016

الجزء الاول
قبل ما تقرا فرشخ جيم + كومنت فاش تقراا و طاغي شي عشيرك يتخلع
أنا خالد من نواحي ديال اغادير,
المهنة ديالي عامل فورشة بناء في الوقت الحالي..
في العمر ديالي 35 سنة دوزت نصها في الدراسة فالمدارس العتيقة " المسيد"
هادشي اللي غانعاود ليكوم وقع ليا انا و واحد الصديق ديالي مات الله يرحمو وغادي نعرفكوم على السبب في نفس القصة.
سمحوا ليا الى كنت غادي نطول عليكوم وكانتمنى تستحملوني شوية..
من نهار وعيت فهاد الدنيا وأنا كاانقرا فالمسيد وتما فين تعلمت القراءة والكتابة والحمد لله على كل حال.
تقريبا 15 سنة ديال الدراسة فالمسيد وفهاد الفترة مروا عليا بزاف ديال المواقف غريبة اثرت بزاف على حياتي وباقي كانعاني من التبعات ديالها لدابا..
وباش نختاصر اكثر غادي ندخل فالمفيد، فاش وصل السن ديالي لعشرين سنة، مشيت كانقرا فواحد المدرسة عتيقة وتما فين تعرفت على الصديق ديالي الله يرحمو،
مشيت ليها باش نتعلم العلم وهنا كاانقصد علوم الدين من السيرة النبوية الخ الخ، لاني ديجا ختمت القرآن خمس مرات فالمدرسة الاولى..
تعرفنا على الفقيه ديال المدرسة ومع المدة تطوورات العلاقة ديالنا بيه انا والصديق ديالي وكان ديما كايدينا معاه فينما مشا، خاصة الى كانت عندوا شي مهمة صرع او علاج بالرقية,
هاد الفقيه كان مشهور بالرقية الشرعية وابعاد السحر والمس، كانت يدو فيها البركة كيما كايقولو الله يرحموا، المهم باش ما نطول عليكوم، واحد النهار عيط ليا انا والصديق ديالي وطلب منا اننا نوجدوا راسنا حيث غادي نمشيو لوحد الدوار اخور يقضي واحد الغرض، مشينا معاه و وصلنا لواحد الدوار كبير، اش غانقول ليكوم ، فالطريق كلها كان قلبي مقبوط وكانحس بحال الى غاتوقع شي حاجة، وصلنا لداك الدوار ودقينا على واحد الدار كبيرة فتح لينا مولاها وكان رجل كبير فالسن واستقبلنا، دخلنا للصالة ريحنا، دخل علينا داك السيد، وبدا يهضر مع الفقيه ويعاود ليه على ولدوا المريض وباللي حار معاه وما بقاش قاد يصبر لداكشي اللي فيه خاصة انه حاول يقتل امه فواحد الليلة، تما فهمت أنا والصديق ديالي أن الامر كايتعلق بعملية صرع وباللي هذا هو سبب علاش جينا، تغدينا وطلب منا الفقيه نتوضاو كيف العادة ونوجدوا راسنا، فالحقيقة أنا شحال من مرة حضرت معاه لعمليات رقية شرعية، ولكن هادي اول مرة كانت غادي نحضر معاه لعملية اخراج جن، كان قلبي غادي يخرج من بلاصتو بمجرد ما كنت كانفكر فهادشي، دخلنا للبيت اللي فيها ولد داك السيد، لقينا واحد المنظر والله العظيم كون كان شي واحد ضعيف ليه القلب حتى يمشي فيها، لقينا واحد الدري مكتف بالسلاسل وداير بحال شي وحش من لوسخ اللي فيه و واحد الريحة غريبة جدا، تيقو بيا كان كايبان ولد 60 عام والحقيقة كان عمروا غير 25 سنة، غير دخلنا البيت بدا يضحك بالجهد ويقول لباه جبتي وحدين أخرين، والله ما عندهوم باش ينفعوك ولدك ميت ميت بلا ما تعيي راسك، كايقولها وكايضحك، دخل الفقيه وطلب منا نشدوه ونزيروه باش ما يتحرك، أخوتي أنا فشلت ما قديت حتى نشد راسي عاد نشد واحد ساكنوا جن خايب، توكلنا على الله وبدينا ننقراو القرآن وشدينا داك الدري، بدا يغوت، ويخرج كلام غريب من فمو وكايتكلم بلهجة غريبة، شوية بدا يبكي والصدمة انه كان كايبكي الدم بلاصة الدموع، كايبكي وكايغوت والفقيه شاد ليه راسو وكايقرا عليه وانا كون ما الله اللي تبتني فدديك الحالة كون راني طلقتهوم فحوايجي حشاكوم، ما حد الفقيه كايقرا ما حد الامور كاتأزم شوية بدا يتكلم داك الدري عاوتاني ويقول طلقوني اش بغيتو عندي، ووبدا الفقيه يتكلم معاه، اش بغيتي عند هاد السيد اعدو الله؟ اش قربك ليه، والدري كايضحك وكايغوت بالجهد ويقول أرا جهدك ما عندك ما تقضي، والفقيه كايقرا بجهد، شوية طلب منا نجبدوه واحد يشدو من رجليه و واحد من يديه ونجبدوه، الصديق ديالي شدوا من رجليه وأنا شديتو من يديه وكلنا كانقراو القرآن،تخيلو معايا السيد ضعييف بزاف بحال شي هيكل، و وخا هكاك حاسين بحال الى شادين شي جمل هايج لدرجة انه تهز من بلاصتو وهزنا معاه، بقا الفقيه كايقرا حتى ولا داك الدري كايترجاه يسكت وما يكملش، والفقيه كاايقرا، حتى بدا الدري يقول صافي صافي انا نسمع ليك صافي والله العظيم اخوتي كايقولها بواحد الصوت بحال شي رعدا كاتضرب فالبيت، بدا الفقيه يتكلم معاه ويقول ليه أش بغيتي عند السيد واش داك ليه وعلااش دخلتي ليه؟، هنا كانت الصدمة حيث داك اللي كان كايسحاب لينا جن صدق جنية، كاتكلم مع الفقيه وداك الدري كايشوف فيا شي شوفات غريبة بزاف، المهم قالت ليه باللي الاصل ديالها من الحجاز وباللي كانت دايزة ونادى عليها واحد الدجال وهو اللي تسبب لداك الدري فأنها تسكنو، قالت باللي الدري تعمل ليه سحر من نوع السحر الاسود، وباللي داك السحر صعيب يتبطل حيث هو مدفون مع ميت، فاش سولها علا شكون اللي دار ليه السحور اتضح انها شي وحدة كان داك الدري كايعرفها، والام ديالها هي اللي سحرات ليه باش يبعد من بنتها، وداك السحر اللي تعمل حشاوه فالكفن ديال شي ميت وتدفن معاه، صافي رجع الفقيه عاود كايقرا وهاديك كاتغوووت وتبقا تهضر شي كلام غريب لدرجة ان السيد بدات تخرج ليه كشكوشة صفرة من الفم ديالو والدم من عينيه .. . يتبع ...
القصة وااعرة ما تفلتوهااش تفاعلة لا بغيتو نكمل و طاغيو شي صاحبك و لا صاحبنك تخلع

11/12/2015

من صل على النبي صلاة واحدة صل الله عليه به عشر صلاوات
صل على النبى واجعلها تجارة رابحة مع الله

30/07/2015

من أين يشرب سكان وادي النيل ؟ :)

25/07/2015

شحال هذا كانوا البنات يحبوا #المونيكات
والدرااري #السيارات
دبا العكس #البنات السيارات و #الدراري المونيكات
الله #إستر ما جااي من #اليمات

11/07/2015

اللهم ارزقني ب #ريبيكا من حيث لا ادري
5 سنين و انا فالفيسبوك مكنتعرف غير ب
ماجدولين من العونات
انتصار من البخاتي
فاطمة الزراء من جزولة
نوهيلة من قرية الشمس.......
هههههههه