WELD DOC

08/10/2026

මහත්වරුනී

MIG වෙල්ඩින් කිරීමේදී ARC LENGTH එක වැඩි සහ අඩු වුණොත් මොකද වෙන්නේ කියලා අද අපි කතා කරමු,

වෝල්ටීයතාවය, වයර් වේගය සහ විදුලි චාපයේ දිග අතර තියෙන තාක්ෂණික සම්බන්ධය මේ තුලින් ඔබට මදක් හෝ අවබෝධ කරදීමට උත්සාහ කරමී,

MIG වෙල්ඩින් මැෂිමක් භාවිතා කරන බොහෝ දෙනෙක් වෝල්ටීයතාවය සහ වයර් වේගය වෙනස් කරමින් පෑස්සුම් කරනවා.

නමුත් මේ දෙක වෙනස් කරනකොට විදුලි චාපයට ඇත්තටම මොකද වෙන්නේ කියලා සහ විශේෂයෙන් විදුලි චාපයේ දිග Arc Length කියන්නේ MIG වෙල්ඩින්වලදී ඉතාම වැදගත් සාධකයක්.

අද අපි මේ ගැන තාක්ෂණිකව පැහැදිලි කරගමු.

01. මොකද්ද මේ ARC LENGTH කියන්නේ?

MIG වෙල්ඩින් කිරීමේදී වයර් ඉලෙක්ට්‍රෝඩයේ කෙළවර සහ වැඩ කොටසේ දියවුණු ලෝහය අතර ඇති විදුලි චාපයේ දිග තමයි Arc Length කියන්නේ.

මෙම පරතරය හරහා විදුලි චාපය පවත්වාගෙන යනවා. Arc Length එක නිවැරදිව පවත්වා ගැනීමෙන් ස්ථාවර විදුලි චාපයක් සහ ගුණාත්මක පෑස්සුම් සම්බන්ධයක් ලබාගන්න පුළුවන්.

02. MIG මැෂිමේ වෝල්ටීයතාවය සහ ARC LENGTH අතර සම්බන්ධය

සාමාන්‍ය MIG/MAG වෙල්ඩින් මැෂින් බොහොමයක් ක්‍රියාත්මක වෙන්නේ නියත වෝල්ටීයතා ක්‍රමයට ඒ කියන්නෙ Constant Voltage ක්‍රමයට

මෙහිදී අපි මැෂිමේ වෝල්ටීයතාවය සකස් කරනවා.

ඒ වගේම වයර් ගමන් කරන වේගයත් සකස් කරනවා.

සාමාන්‍යයෙන් අනෙක් තත්ත්වයන් සමානව පවත්වාගෙන යන විට,

වෝල්ටීයතාවය වැඩි කළොත් .... විදුලි චාපයේ දිග වැඩි වෙනවා.

වෝල්ටීයතාවය අඩු කළොත්.... විදුලි චාපයේ දිග අඩු වෙනවා.

නමුත් මෙය වයර් වේගය, වයර් ප්‍රමාණය, ආරක්ෂිත වායුව සහ ලෝහ බිංදු මාරුවන ක්‍රමය අනුවත් වෙනස් වෙනවා.

ඒ නිසා වෝල්ටීයතාවය පමණක් සකස් කරලා හොඳ පෑස්සුමක් ලබාගන්න බැහැ.

03. ARC LENGTH එක වැඩි වුණොත් මොකද වෙන්නේ?

විදුලි චාපයේ දිග අවශ්‍ය ප්‍රමාණයට වඩා වැඩි වුණොත් පෑස්සුම් ක්‍රියාවලියේ වෙනස්කම් කිහිපයක් ඇති වෙනවා.
..පෑස්සුමේ පළල වැඩි විය හැකියි...

විදුලි චාපය දිගු වීමත් සමඟ එහි තාපය පැතිරෙන ආකාරය වෙනස් වෙනවා. ඒ නිසා පෑස්සුම පළල් සහ පැතලි විය හැකියි.
..ලෝහ බිංදු මාරුවීම අස්ථාවර විය හැකියි...

වයර් කෙළවරේ දියවෙන ලෝහය වැඩ කොටසට මාරුවීමේ ක්‍රියාවලියට විදුලි චාපයේ දිග බලපානවා. වෝල්ටීයතාවය අධික වීමෙන් ඇතැම් තත්ත්වයන් යටතේ විදුලි චාපය අස්ථාවර වී උණු ලෝහ බිංදු විසිරීම වැඩි විය හැකියි.
..පෑස්සුම් දාර කැපී යාම Undercut ඇති විය හැකියි...

විදුලි චාපය අධික ලෙස දිගු වීම සහ වැරදි පෑස්සුම් වේගය වැනි හේතු නිසා පෑස්සුම් සම්බන්ධයේ දෙපස දාරවල කුඩා කානු වැනි දෝෂ ඇති විය හැකියි. මෙය පෑස්සුම් සම්බන්ධයේ ශක්තියට අහිතකර විය හැකියි.
..පෑස්සුම් සම්බන්ධය තුළ වායු සිදුරු ඇති වීමේ අවදානම වැඩි විය හැකියි...

විදුලි චාපය අධික ලෙස දිගු වීමෙන් ආරක්ෂිත වායුවේ ආවරණය ප්‍රමාණවත් නොවන තත්ත්වයක් ඇති වුවහොත් අවට වාතය පෑස්සෙන ස්ථානයට ඇතුළු විය හැකියි. එමඟින් වායු සිදුරු ඇති වීමේ අවදානම වැඩි වෙනවා. හැබැයි විදුලි චාපයේ දිග වැඩි වූ සෑම අවස්ථාවකම වායු සිදුරු ඇති වෙනවා කියලා අදහස් කරන්නේ නැහැ.

04. ARC LENGTH එක අඩු වුණොත් මොකද වෙන්නේ?

විදුලි චාපය අවශ්‍ය ප්‍රමාණයට වඩා කෙටි වීමත් ගැටලුවක්.

විශේෂයෙන් වයර් වේගයට සාපේක්ෂව වෝල්ටීයතාවය අඩු වුණොත්,
.වයර් එක දියවුණු ලෝහයට අධික ලෙස තල්ලු විය හැකියි.
.විදුලි චාපය අස්ථාවර විය හැකියි.
.ලෝහ බිංදු විසිරීම වැඩි විය හැකියි.
.පෑස්සුම් පටිය පටු සහ උස් හැඩයක් ගත හැකියි.
.පෑස්සුම් සම්බන්ධයේ දෙපස ලෝහ නිසි ලෙස එකතු නොවීමේ අවදානම ඇති විය හැකියි.

මෙහිදී මතක තබාගත යුතු වැදගත් දෙයක් තියෙනවා.

Short Circuit MIG ක්‍රමයේදී වයර් එක දියවුණු ලෝහයට වරින් වර ස්පර්ශ වීම සාමාන්‍ය ක්‍රියාවලියක්. ගැටලුව වෙන්නේ එම ස්පර්ශ වීම පාලනයකින් තොරව අධික වීමයි මහත්වරුනී

05. එහෙනම් MIG මැෂිමේ ඇම්පියර් පාලනය වෙන්නේ කොහොමද?

මෙතන තමයි ගොඩක් දෙනෙක් වරද්දාගන්නේ.

සාමාන්‍ය නියත වෝල්ටීයතා MIG මැෂිමකදී වෙල්ඩින් ධාරාව ප්‍රධාන වශයෙන් සම්බන්ධ වෙන්නේ වයර් ගමන් කරන වේගයටයි.

වයර් වේගය වැඩි කළොත්

වයර් එක වැඩ කොටස දෙසට වැඩි වේගයකින් ගමන් කරනවා.

එම වේගයට ගැළපෙන ලෙස වයර් එක දියවීමට වැඩි ධාරාවක් අවශ්‍ය වෙනවා.

ඒ නිසා සාමාන්‍ය ස්ථාවර පෑස්සුම් තත්ත්වයකදී,

වයර් වේගය වැඩි වෙනවා... වෙල්ඩින් ධාරාව වැඩි වෙනවා.

වයර් වේගය අඩු කළොත්

වයර් එක දියවීමට අවශ්‍ය ධාරාවත් සාමාන්‍යයෙන් අඩු වෙනවා.

වයර් වේගය අඩු වෙනවා.... වෙල්ඩින් ධාරාව අඩු වෙනවා.

මෙම සම්බන්ධය වයර් විෂ්කම්භය, වයර් වර්ගය, වයර් කෙළවරේ නිදහස් දිග සහ අනෙකුත් පෑස්සුම් තත්ත්වයන් අනුව වෙනස් විය හැකියි.

06. MIG මැෂිමේ විදුලි චාපය ස්වයංක්‍රීයව ස්ථාවර වෙන්නේ කොහොමද?

මේක ඉතාම වැදගත් තාක්ෂණික කරුණක්.

සාමාන්‍ය CV MIG මැෂිමකදී විදුලි චාපයේ දිග තාවකාලිකව වෙනස් වුණොත් මැෂිමේ ධාරාවත් වෙනස් වෙනවා.

උදාහරණයක් බලමු.

විදුලි චාපය කෙටි වුණොත්:

චාප වෝල්ටීයතාවය අඩු වෙනවා.

එවිට CV පද්ධතියේ ස්වභාවය අනුව වෙල්ඩින් ධාරාව වැඩි වෙනවා.

වැඩි ධාරාව නිසා වයර් එක වේගයෙන් දියවෙනවා.

එමඟින් විදුලි චාපයේ දිග නැවත වැඩි වීමට උපකාරී වෙනවා.

විදුලි චාපය දිගු වුණොත්:

චාප වෝල්ටීයතාවය වැඩි වෙනවා.

එවිට වෙල්ඩින් ධාරාව අඩු වීමට නැඹුරු වෙනවා.

ධාරාව අඩු වීම නිසා වයර් එක දියවෙන වේගය අඩු වෙනවා.

වයර් එක අඛණ්ඩව ඉදිරියට ගමන් කරන නිසා විදුලි චාපයේ දිග නැවත අඩු වීමට උපකාරී වෙනවා.

මේ ක්‍රියාවලිය තමයි සාමාන්‍ය CV MIG වෙල්ඩින් පද්ධතියක විදුලි චාපයේ දිග ස්වයංක්‍රීයව ස්ථාවර කරගැනීමේ මූලික ක්‍රමය.

මෙය ක්‍රියාත්මක වෙන්නේ මැෂිමේ ධාරා ප්‍රතිචාරය සහ වයර් දියවීම අතර ඇති ස්වභාවික සම්බන්ධය නිසා.

07. ටෝච් එක වැඩ කොටසෙන් ඈත් කළොත් ARC LENGTH එක අනිවාර්යයෙන් වැඩි වෙනවාද?

නැහැ. මෙතනත් වැදගත් වෙනසක් තියෙනවා.

Contact Tip to Work Distance CTWD කියන්නේ ටෝච් එකේ වයර් සම්බන්ධක තුඩේ සිට වැඩ කොටස දක්වා ඇති දුරයි.

මෙය විදුලි චාපයේ දිගට සමාන නැහැ.

සාමාන්‍ය CV MIG පද්ධතියකදී ටෝච් එක තරමක් ඈත් කළ විට වයර් කෙළවරේ නිදහස් දිග වැඩි විය හැකියි.

ඒ සමඟ වයර් එකේ විද්‍යුත් ප්‍රතිරෝධය නිසා ඇතිවන තාපය සහ වෙල්ඩින් ධාරාව වෙනස් වෙනවා.

ඒ නිසා ටෝච් එක ඈත් කළ පමණින් විදුලි චාපයේ දිගත් ඒ ප්‍රමාණයෙන්ම වැඩි වෙනවා කියලා කියන්න බැහැ.

ටෝච් දුර සහ විදුලි චාපයේ දිග කියන්නේ එකිනෙකට සම්බන්ධ වුණත් වෙනස් මිනුම් දෙකක් කියලා අපි ටිකක් ඔලුවට දා ගන්න උත්සාහ කරමු

08. ARC LENGTH වැඩි කළොත් Pe*******on එක වැඩි වෙනවාද?

මෙතනත් වැරදි අවබෝධයක් තියෙනවා.

සමහරු හිතනවා වෝල්ටීයතාවය වැඩි කළොත් ලෝහය වැඩිපුර ඇතුළට දියවෙනවා කියලා.

නමුත් ඒක හැම අවස්ථාවකම නිවැරදි නැහැ.

පෑස්සුම් සම්බන්ධයේ ලෝහය ඇතුළට දියවන ගැඹුර තීරණය වෙන්නේ සාධක කිහිපයක් මතයි.

ඒ අතර,
.වෙල්ඩින් ධාරාව.විදුලි චාපයේ වෝල්ටීයතාවය.පෑස්සුම් වේගය.වයර් විෂ්කම්භය.ආරක්ෂිත වායු මිශ්‍රණය.ලෝහ බිංදු මාරුවන ක්‍රමය.ටෝච් එකේ කෝණය.වැඩ කොටසේ ඝනකම සහ සම්බන්ධයේ හැඩය

වැනි කරුණු බලපානවා.

ඒ නිසා,

වෝල්ටීයතාවය වැඩි කිරීම = Pe*******on වැඩි කිරීම කියලම කියන්න බෑ නේද?

MIG වෙල්ඩින් මැෂිමක් භාවිතා කරන විට මතක තබාගන්න.

01.වෝල්ටීයතාවය ප්‍රධාන වශයෙන් විදුලි චාපයේ දිග සහ පෑස්සුම් පටියේ හැඩයට බලපානවා.

02.වයර් ගමන් කරන වේගය සාමාන්‍ය CV MIG පද්ධතියක වෙල්ඩින් ධාරාව තීරණය කරන ප්‍රධාන සාධකයක්.

03.විදුලි චාපයේ දිග වැඩි වීම හෝ අඩු වීම යන දෙකම පෑස්සුම් ගුණාත්මකභාවයට බලපානවා.

04.ටෝච් එකේ දුර සහ විදුලි චාපයේ දිග එකම දෙයක් නෙවෙයි.

05.නිවැරදි වෝල්ටීයතාවය සහ වයර් වේගය තෝරාගත යුත්තේ භාවිතා කරන වයර් වර්ගය, විෂ්කම්භය, ආරක්ෂිත වායුව, ලෝහයේ ඝනකම සහ පෑස්සුම් ක්‍රමය අනුවයි.

විශේෂයෙන් මතක තියාගන්න, මේ පැහැදිලි කිරීම සාමාන්‍ය නියත වෝල්ටීයතා MIG/MAG ක්‍රමයට අදාළයි. Pulse MIG වැනි නවීන පද්ධතිවල ධාරාව සහ විදුලි චාපය පාලනය කරන ක්‍රමය වෙනස් විය හැකියි. පසුව ඒ ගැනත් කතා කරමු

WELD DOC ELECTRONICS

ඉතින් අද ලිපියත් හොදයී නම් අපිව follow කරන්න , ලයික් එකක් දාන්න,ඔයාගෙ අදහසත් කමෙන්ට් කරන්න , යාලුවන්ට බලන්න shear කරන්න ,
ජය වේවා ඔබ සැමට❤

03/10/2026

මහත්වරුනී , අද අපි ටිග් වෙල්ඩින් මැෂිමක වැදගත්ම කොටසක් ගැන කතා කරමු

LIFT TIG සහ HF TIG කියන්නේ මොකද්ද?

TIG වෙල්ඩින් මැෂිමක් ගන්න කලින් අනිවාර්යයෙන් කියවන්න

ඉතින් ඔයාලා TIG මැෂිමක් ගන්නකොට TIG තියෙනවා කියන එක විතරක් බලලා මැෂිමක් තෝරගන්න එපා.

TIG වෙල්ඩින්වලදී මුලින්ම බලන්න ඕන වැදගත් දෙයක් තමයි විදුලි චාපය ආරම්භ කරන්නේ කොහොමද කියන කාරනාව ,

ඉතින් මේ සඳහා ප්‍රධාන ක්‍රම දෙකක් තියෙනවා.

01. LIFT TIG

මෙහිදී ටංග්ස්ටන් ඉලෙක්ට්‍රෝඩය වැඩ කොටසට සෙමින් ස්පර්ශ කරලා, පසුව ඉහළට එසවීමෙන් විදුලි චාපය ආරම්භ කරනවා.

හැබැයි මෙය සාමාන්‍ය Scratch Start ක්‍රමය නෙවෙයි.

හොඳ LIFT TIG පද්ධතියකදී ටංග්ස්ටන් එක වැඩ කොටසට ස්පර්ශ කළ විට සම්පූර්ණ වෙල්ඩින් ධාරාව එකවර ලබාදෙන්නේ නැහැ. පද්ධතිය ස්පර්ශය හඳුනාගෙන, ටංග්ස්ටන් එක ඉවත් කරන අවස්ථාවේදී චාපය ආරම්භ කරනවා.

ඒ නිසා Scratch Start ක්‍රමයට වඩා ටංග්ස්ටන් විනාශ වීමේ අවදානම අඩුයි.

LIFT TIG වල වාසි

01.HF ආරම්භක පරිපථයක් අවශ්‍ය නොවීම
02HF නිසා ඇතිවිය හැකි විද්‍යුත් බාධා අඩු වීම
03.සරල හා අඩු වියදම් TIG මැෂින්වල බහුලව තිබීම

නමුත් ටංග්ස්ටන් එක වැඩ කොටසට ස්පර්ශ කරන නිසා නිවැරදි ක්‍රමයට භාවිතා නොකළොත් ටංග්ස්ටන් විනාශ විය හැකියි.

02. HF TIG

HF කියන්නෙ High Frequency

මෙහි විශේෂත්වය තමයි ටංග්ස්ටන් ඉලෙක්ට්‍රෝඩය වැඩ කොටසට ස්පර්ශ නොකරම විදුලි චාපය ආරම්භ කිරීමට හැකි වීමයී,

ඒක කොහොමද වෙන්නේ කියලත් ඔයාලා පොඩ්ඩක් දැනගන්න එක දවසක ඔබටම වැදගත් වේවී ,

HF එකෙන් Arc එක ආරම්භ වෙන ක්‍රියාවලිය. ලොකුවට හිතන්න එපා සරළව කියවා බලා ඔලුවට දාගන්න ,

ටංග්ස්ටන් ඉලෙක්ට්‍රෝඩය සහ වැඩ කොටස අතර කුඩා පරතරයක් තියෙනවා.

ටෝච් එකෙන් ආර්ගන් ආරක්ෂිත වායුව ගලා එන අතර, මේ පරතරය හරහා HF පද්ධතිය මඟින් ඉහළ වෝල්ටීයතාවයක අධි සංඛ්‍යාත විදුලි ස්පන්දන ලබාදෙනවා.

මෙම විදුලි ක්ෂේත්‍රය නිසා පරතරයේ තිබෙන වායුවේ නිදහස් ඉලෙක්ට්‍රෝන වේගවත් වෙනවා.

ඒ ඉලෙක්ට්‍රෝන වායු අංශු සමඟ ගැටීමේදී තවත් ඉලෙක්ට්‍රෝන නිදහස් කරමින් අයනීකරණ ක්‍රියාවලිය වැඩි කරනවා.

ඒ අනුව ටංග්ස්ටන් සහ වැඩ කොටස අතර ඇති වායුවේ අයන සහ ඉලෙක්ට්‍රෝන සහිත විදුලිය ගෙන යා හැකි ප්ලාස්මා මාර්ගයක් සෑදීමට පටන් ගන්නවා.

ඉන්පසු එම අයනීකෘත මාර්ගය හරහා ප්‍රධාන වෙල්ඩින් ධාරාව ගලා යාමට හැකි වන අතර, TIG Arc එක ස්ථාපිත වෙනවා.

ඒ නිසා සරලව කිව්වොත්:

ටංග්ස්ටන් .. වැඩ කොටසට ස්පර්ශ වෙන්නී නෑ,

HF අධි වෝල්ටීයතා ස්පන්දන.. වායු පරතරයට විදුලි ක්ෂේත්‍රයක් ඇති කරනවා,

වායුව අයනීකරණය වීම නිසා විදුලිය ගෙන යා හැකි ප්ලාස්මා මාර්ගයක් නිර්මානය වෙනවා,

ඊට පසු ප්‍රධාන වෙල්ඩින් ධාරාව එම මාර්ගය හරහා ආරම්භ වෙනවා,

ඉතින් මේ තරම්ම සරළ කරලා කියන්නේ මැෂින් අලුත්වැඩියාව කරන කෙනෙකුට හෝ වෙල්ඩර් කෙනෙකුට ඔලුවටම වැටෙන්න ඕනී නිසා,

මේ නිසා තමයි ටංග්ස්ටන් එක වැඩ කොටසට ස්පර්ශ නොකරම TIG Arc එක ආරම්භ කරන්න පුළුවන් වෙන්නේ. ඉතින් මහත්වරුනී ,
සාමාන්‍ය HF Start ක්‍රමයකදී Arc එක ස්ථාපිත වූ පසු HF ආරම්භක ක්‍රියාව නවත්වන අතර, ප්‍රධාන වෙල්ඩින් ධාරාව Arc එක පවත්වාගෙන යනවා. සමහර පද්ධතිවලදී Arc එක කැඩුණු විට නැවත ආරම්භ කිරීමට HF නැවත ක්‍රියාත්මක විය හැකියි.

HF TIG වල විශාල වාසිය

ටංග්ස්ටන් එක වැඩ කොටසට ස්පර්ශ නොකර Arc එක ආරම්භ කළ හැකි නිසා,

01.ටංග්ස්ටන් විනාශ වීම අඩුයි
02.Arc Start එක පිරිසිදුයි
03.තුනී තහඩු සඳහා ඉතා පහසුයි
04.නිරවද්‍ය TIG වැඩ සඳහා ප්‍රයෝජනවත්
05.AC TIG වල Arc ආරම්භයට සහ ස්ථායීතාවයට විශේෂයෙන් වැදගත්

මෙතන වැදගත් දෙයක් තියෙනවා, පටලවා ගන්නත් එපා

LIFT TIG කියන්නෙත් ක්‍රමවේදයක් තමයී හැබැයී නිවැරදිම ක්‍රමයට කොන්ට්‍රොල් සිස්ටම් තියෙන්නෙ ඕනී,

HF TIG අද වන විට බහුලව භාවිතා කරනවා, සමහර වෙල්ඩින් සදහා HF ටිග් ගැලපෙන්න නැති වෙන්නත් පුලුවන් ,

දෙකම TIG Arc එක ආරම්භ කරන ක්‍රම.

නමුත් වැඩේ අනුව සුදුසුකම වෙනස් වෙනවා.

සාමාන්‍ය වානේ සහ මල නොබැඳෙන වානේ වැනි ද්‍රව්‍ය DC TIG වලින් පෑස්සීමේදී LIFT TIG ප්‍රමාණවත් විය හැකියි.

නමුත් නිරවද්‍ය වැඩ, තුනී ද්‍රව්‍ය, ටංග්ස්ටන් දූෂණය වීමට ඉඩ නොදිය යුතු වැඩ සහ විශේෂයෙන් AC TIG වැනි යෙදුම්වලදී HF Start එක ඉතා ප්‍රයෝජනවත් කියන එකත් අමතක කරන්න එපා,

එහෙනම් TIG මැෂිමක් ගන්නකොට මොනවාද බලන්න ඕන?

මැෂිමේ TIG කියලා තියෙනවාද කියන එක විතරක් බලන්න එපා.

මේවා ඉතින් ඔක්කොම තියන මැෂින් නම් මිල අධිකයී, අවශ්‍යතාවය පරිදි කිහිපයක් හෝ බලන්න,

01.LIFT TIG ද? HF TIG ද?
02.DC TIG ද? AC/DC TIG ද?
03.ඇලුමිනියම් පෑස්සීමට අවශ්‍ය නම් AC TIG තිබෙනවාද?
04.HF ආරම්භක පහසුකම තිබෙනවාද?
05.ධාරාව ආරම්භයේදී සහ අවසානයේදී පාලනය කළ හැකිද?
06.ගෑස් ආරම්භයට පෙර සහ අවසානයෙන් පසු ගෑස් ගලායාම පාලනය කළ හැකිද?
07.ධාරාව ක්‍රමයෙන් වැඩි කිරීම සහ අඩු කිරීම තිබෙනවාද?
08.2T / 4T තිබෙනවාද?
09.Pulse TIG තිබෙනවාද?
10.AC TIG නම් AC Balance සහ AC Frequency පාලනය කළ හැකිද?
11.Foot Control හෝ Torch Control සම්බන්ධ කළ හැකිද?
12.Duty Cycle එක ඇත්තටම කොච්චරද?

WELD DOC අපගෙ අවසාන උපදේශය

TIG තියෙනවා කියන වචනය දැක්කා කියලා මැෂිමක් හොඳ TIG මැෂිමක් කියලා තීරණය කරන්න එපා.

LIFT TIG සහ HF TIG අතර වෙනස හඳුනාගන්න.

ඒ වගේම DC TIG සහ AC/DC TIG අතර වෙනසත් හඳුනාගන්න.

ඔබට ඇලුමිනියම් පෑස්සීමට අවශ්‍ය නම්, HF තිබීම පමණක් ප්‍රමාණවත් නැහැ — මැෂිම AC TIG ද කියන එකත් අනිවාර්යයෙන් බලන්න.

මැෂිමක් ගන්න කලින් ඒක ඇතුළේ තියෙන තාක්ෂණය ටිකක් ඉගෙනගන්නත් උත්සාහ කරන්න

ඉතින් ජයවේවා ඔබ සැමට❤

ඉතින් අද ලිපියත් හොදයී නම් අපිව follow කරන්න අමතක කරන්න එපා🌹 ලයික් එකක් සහ ඔබගෙ අදහසත් කමෙන්ට් කරලා යාලුවන්ට බලන්න shear කරන්න ..

02/10/2026

ඉලෙක්ට්‍රොනික්ස් 😁😁 අනෙ මන්ද බං මේ වගෙ වටින මැෂින් කොයිතරම් ප්‍රමානයක් බුදිකරවලා ඇතිද මේ මැෂිම හදපු ඩෑල් එක , පපපවවවර්ර්‍ර් මොඩියුල් භීතීකාව😏

01/10/2026

හිල්වෙන්න නැතිව පාස්සන්නේ කොහොමද? හොඳ වෙල්ඩින් මැෂිමක් තෝරාගන්නේ ක...

01/10/2026

WELD DOC පේජ් එකත් එක්ක රැදිලා ඉන්න මහත්වරුනී ඔන්න අපි you tube නැවතත් ආරම්භ කලා,වෙල්ඩින් කර්මාන්තය තුල ඇති දැනුම වැඩිකරන්න උත්සාහ කරන ඔයාට බොහො වැදගත් වීඩීයෝවක් #

හිල්වෙන්න නැතිව පාස්සන්නේ කොහොමද? හොඳ වෙල්ඩින් මැෂිමක් තෝරාගන්නේ ක...

30/09/2026

E6013 වෙල්ඩින් ඉලෙක්ට්‍රෝඩය ගැන සම්පූර්ණ තාක්ෂණික විස්තරයක්

මහත්වරුනී, අද අපි E6013 වෙල්ඩින් ඉලෙක්ට්‍රෝඩය ගැන කතා කරමු.

ඉතින් ලංකාවේ ඕනෑම වෙල්ඩින් සාප්පුවකින් හොයාගන්න පුළුවන් තරමට ජනප්‍රිය ඉලෙක්ට්‍රෝඩයක් තමයි E6013 කියන්නේ.

ගේට්, වැට, රාමු, තහඩු, පයිප්ප, යන්ත්‍ර කොටස් සහ සාමාන්‍ය මෘදු වානේ අලුත්වැඩියා වගේ වැඩවලදී මේ ඉලෙක්ට්‍රෝඩය බහුලව භාවිතා වෙනවා.

හැබැයි මේ ඉලෙක්ට්‍රෝඩයේ අංක ටිකෙන් කියවෙන්නේ මොනවාද?

DCEN වලින් පෑස්සිය හැකිද?
DCEP වලින් පෑස්සිය හැකිද?
AC වලින් පෑස්සිය හැකිද?
2.5 mm, 3.2 mm, 4.0 mm කියන්නේ මොනවාද?
ගේජ් එක කියන්නේ මොකක්ද?
මොන ඇම්පියර් එකෙන් පෑස්සිය යුතුද?

මුලින්ම අපි බලමු...

E6013 කියන්නේ මොකක්ද කියලා?

E6013 කියන්නේ වෙළඳ නාමයක් නෙවෙයි.

මෙය කාබන් වානේ සඳහා භාවිතා කරන ආවරණය කළ ඉලෙක්ට්‍රෝඩයක වර්ගීකරණයක්.

E — Electrode

ඉලෙක්ට්‍රෝඩයක් බව පෙන්වනවා.

60 — 60,000 psi

අවම ඇදීමේ ශක්තිය 60,000 psi හෝ ආසන්න වශයෙන් 414 MPa.

මෙය තේරුම් ගන්න ඕනේ ඉලෙක්ට්‍රෝඩයෙන් තැන්පත් වන වෙල්ඩ් ලෝහයේ වර්ගීකරණ ශක්තිය ලෙසයි.

1 — වෙල්ඩින් පිහිටීම

1 කියන්නේ සියලුම ප්‍රධාන වෙල්ඩින් පිහිටීම් සඳහා වර්ගීකරණය කර ඇති බවයි.

ඒ කියන්නේ පැතලි, තිරස්, සිරස් සහ ඉහළින් කරන වෙල්ඩින් වැනි පිහිටීම් සඳහා සුදුසු වර්ගයක්.

3 — ආවරණය සහ ධාරාව

අවසාන 3 ඉලෙක්ට්‍රෝඩයේ ආවරණ වර්ගය සහ භාවිත කළ හැකි ධාරා වර්ගය හඳුනාගැනීමට භාවිතා කරන වර්ගීකරණ කොටසයි.

E6013 සාමාන්‍යයෙන් රූටයිල් ආවරණයක් සහිත ඉලෙක්ට්‍රෝඩයක්.

ඒ නිසා චාපය ආරම්භ කිරීම පහසුයි, චාපය සාපේක්ෂව ස්ථාවරයි, ස්ලැග් ඉවත් කිරීම පහසුයි සහ පෑස්සුම් පෙනුමත් ලස්සනට ලබාගන්න පුළුවන්.

E6013 AC වලින් පෑස්සිය හැකිද?

ඔව්.

E6013 ඉලෙක්ට්‍රෝඩයේ විශාල වාසියක් තමයි AC ධාරාවෙන් භාවිත කළ හැකි වීම.

ඒ නිසා සාමාන්‍ය AC ට්‍රාන්ස්ෆෝමර් වෙල්ඩින් මැෂිමකින් වුණත් E6013 භාවිතා කළ හැකියි.

හැබැයි මෙතන වැදගත් දෙයක් තියෙනවා.

සෑම නිෂ්පාදකයෙකුගේම E6013 එකට එකම AC අවශ්‍යතාවයක් නැහැ.

උදාහරණයක් විදිහට සමහර නිෂ්පාදකයන් තම E6013 සඳහා අවම AC OCV අගයක් දක්වනවා.

ඒ නිසා පරණ AC ට්‍රාන්ස්ෆෝමර් මැෂිමකින් පෑස්සීමේදී ඉලෙක්ට්‍රෝඩ නිෂ්පාදකයාගේ දත්ත බලන එක වැදගත්.

DCEN සහ DCEP දෙකෙන්ම පුළුවන්ද?

බොහෝ E6013 නිෂ්පාදන සඳහා,

01. DCEN — ඉලෙක්ට්‍රෝඩය රින

02. DCEP — ඉලෙක්ට්‍රෝඩය ධන

03. AC

තුනෙන්ම භාවිත කළ හැකියි.

(ඒ කියන්නෙ තේරෙන සිංහලෙන් කිව්වොත් දන රින මාරු කරලා පාස්සන්න පුලුවන් )

නමුත් මෙතනත් එකම නීතියක් තියෙනවා.
E6013 කියලා තිබුණා කියලා සෑම නිෂ්පාදනයක්ම එකම විදිහට ක්‍රියා කරනවා කියලා හිතන්න එපා.

ඉලෙක්ට්‍රෝඩයේ පැකට්ටුවේ හෝ නිෂ්පාදකයාගේ දත්ත පත්‍රිකාවේ සඳහන් කරලා තියෙන ධාරා වර්ගය සහ නිර්දේශිත පරාසය තමයි අවසාන වශයෙන් බලන්න ඕනේ.

2.5 mm, 3.2 mm, 4.0 mm කියන්නේ මොකක්ද?

මේක තමයි අපේ සමහර මහත්වරුන්ට පොඩ්ඩක් පැටලෙන්නේ නේද?

ඉලෙක්ට්‍රෝඩයේ ප්‍රමාණය තාක්ෂණිකව හඳුනාගැනීමට වඩාත් පැහැදිලි ක්‍රමය තමයි මිලිමීටර් ප්‍රමාණය.

සාමාන්‍යයෙන් බහුලව හමුවෙන්නේ,

2.5 mm
3.2 mm
4.0 mm
5.0 mm

මෙහිදී කියන්නේ ඉලෙක්ට්‍රෝඩයේ මුළු දිග නෙවෙයි.

ආවරණය ඉවත් කළ මධ්‍යයේ ලෝහ හරයේ විෂ්කම්භය තමයි මේ ප්‍රමාණයෙන් අදහස් කරන්නේ.

එතකොට ගේජ් එක මොකද්ද?

ලංකාවේ වෙළඳපොළේ සමහර වෙලාවට ඉලෙක්ට්‍රෝඩ ප්‍රමාණය ගේජ් අංකයෙන් කියනවා.

උදාහරණයක් විදිහට සමහර වෙළඳපොළවල,

ගේජ් 10 — 3.2 mm

ගේජ් 8 — 4.0 mm

වගේ භාවිතයක් දකින්න ලැබෙනවා.

ඒ නිසා ඉලෙක්ට්‍රෝඩයක් මිලදී ගන්නකොට,

ගේජ් එක කීයද?

කියන එකට වඩා,

විෂ්කම්භය කීයද? 2.5 mm ද? 3.2 mm ද? 4.0 mm ද?

කියලා බලන එක වඩාත් පැහැදිලියි.

E6013 එකට ඇම්පියර් කීයක් ඕනීද?

මේක මෙහෙමයි අපි තේරුම් ගන්න ඕනේ.

ඉලෙක්ට්‍රෝඩයේ විෂ්කම්භය, නිෂ්පාදකයා, වෙල්ඩින් පිහිටීම සහ භාවිත කරන ක්‍රමය අනුව ධාරා පරාසය වෙනස් වෙනවා.

උදාහරණයක් විදිහට එක් නිෂ්පාදකයෙකුගේ E6013 සඳහා,

2.5 mm → 50–90 A

3.2 mm → 80–130 A

4.0 mm → 150–200 A

5.0 mm → 180–240 A

වගේ පරාසයන් තිබෙන්න පුළුවන්.

තවත් නිෂ්පාදකයෙකුගේ E6013 සඳහා එම ප්‍රමාණවලට වෙනස් ධාරා පරාසයක් තිබෙන්න පුළුවන්.

ඒ නිසා මම හැම E6013 එකකටම එකම ඇම්පියර් පරාසයක් කියන්නේ නැහැ.

පැකට්ටුවේ සඳහන් නිෂ්පාදකයාගේ ධාරා පරාසය තමයි නිවැරදිම මාර්ගෝපදේශය මහත්වරුනී ,

ඉලෙක්ට්‍රෝඩයේ විෂ්කම්භය වැඩි කළොත්?

සාමාන්‍යයෙන් ඉලෙක්ට්‍රෝඩයේ විෂ්කම්භය වැඩි වන විට,

01. වැඩි ධාරාවක් අවශ්‍ය වෙනවා.

02. තැන්පත් කරන වෙල්ඩ් ලෝහ ප්‍රමාණය වැඩි වෙනවා.

03. වැඩි තාපයක් ඇතුළත් වෙනවා.

04. ඝන වානේ සඳහා භාවිත කිරීමේ හැකියාව වැඩි වෙනවා.

ඒ නිසා තුනී තහඩුවකට 4.0 mm ඉලෙක්ට්‍රෝඩයක් අරගෙන අධික ධාරාවකින් පෑස්සීම හොඳ තේරීමක් නෙවෙයි කියන එක අපෙ වෙල්ඩින් මහත්වරු දන්නවා , ඉතින් නිවැරදිම ලෝහ ඝනකමට ඉලෙක්ට්‍රෝඩ සයිස් එක තෝරගන්න ඕනී,

E6013 බහුලව භාවිතා කරන ස්ථාන

තුනී වානේ තහඩු
ගේට් සහ වැට
රාමු
සාමාන්‍ය මෘදු වානේ
කුඩා හා මධ්‍යම නිෂ්පාදන වැඩ
සාමාන්‍ය අලුත්වැඩියා වැඩ

වගේ කටයුතුවලදී E6013 ඉතා ජනප්‍රියයි.

හැබැයි “E6013 කියන්නේ හැම වැඩකටම හොඳම ඉලෙක්ට්‍රෝඩය” කියලා හිතන්න එපා.

වානේ වර්ගය, ඝනකම, සන්ධියේ සැලසුම, අවශ්‍ය විනිවිදීම සහ අවශ්‍ය යාන්ත්‍රික ගුණ අනුව ඉලෙක්ට්‍රෝඩය තෝරාගන්න ඕනේ.

E6013 එකේ ජනප්‍රියත්වයට හේතුව මොකක්ද?

දන්නවද?

01. චාපය ආරම්භ කිරීම පහසුයි.

02. චාපය ස්ථාවරයි.

03. සාපේක්ෂව මෘදු චාපයක් ලබාගත හැකියි.

04. ස්ලැග් ඉවත් කිරීම පහසුයි.

05. පෑස්සුම් පෙනුම ලස්සනයි.

06. තුනී තහඩු සඳහා සුදුසු කුඩා විෂ්කම්භයන් තිබෙනවා.

07. AC මැෂින්වල භාවිත කළ හැකියි.

08. බොහෝ නිෂ්පාදන AC, DCEN සහ DCEP සඳහා සුදුසුයි.

09. සාමාන්‍ය මෘදු වානේ නිෂ්පාදන සහ අලුත්වැඩියා වැඩවලට ඉතා ප්‍රයෝජනවත්.

E6013 මිලදී ගන්නකොට මේ කරුණු පරීක්ෂා කරලා බලන්න පුලුවන් නම් ඉතින් හොදයී ,

01. E6013 වර්ගීකරණය නිවැරදිව තිබෙනවාද?

02. විෂ්කම්භය කීයද?

2.5 mm / 3.2 mm / 4.0 mm / 5.0 mm

03. AC භාවිත කළ හැකිද?

04. DCEN සහ DCEP භාවිත කළ හැකිද?

05. නිර්දේශිත ඇම්පියර් පරාසය කීයද?

06. AC මැෂිමක් නම් අවම OCV අවශ්‍යතාවය කීයද?

07. ඉලෙක්ට්‍රෝඩය තෙතමනයට ලක්වෙලාද?

08. ආවරණය කැඩිලාද?

09. නිෂ්පාදකයා කවුද?

10. ඔබේ වැඩේට අවශ්‍ය වානේ සහ වෙල්ඩින් පිහිටීමට මේ ඉලෙක්ට්‍රෝඩය ගැළපෙනවාද?

ඉතින් E6013 ඉලෙක්ට්‍රෝඩයක් මිලදී ගන්නකොට මේ කරුණු ටිකත් පරීක්ෂා කරලා බලන්න.

WELD DOC අපගේ අවසාන අදහස

E6013 කියන්නේ සරල ඉලෙක්ට්‍රෝඩයක් වගේ පෙනුණට, ඒකේ තාක්ෂණය හරියට තේරුම් ගත්තොත් ගොඩක් දේවල් ඉගෙනගන්න පුළුවන් ඉලෙක්ට්‍රෝඩයක්.

E6013 = AC පමණක් නෙවෙයි.

නිවැරදි නිෂ්පාදනයක් නම්,

AC + DCEN + DCEP

තුනෙන්ම භාවිත කළ හැකියි.

හැබැයි ධාරාව, ධ්‍රැවීයතාව සහ විෂ්කම්භය අනුමානයෙන් තෝරන්නේ නැතුව නිෂ්පාදකයාගේ දත්ත අනුව තෝරාගන්න.

මොකද E6013 කියන එක එකම වර්ගීකරණයක් වුණත්, වෙළඳපොළේ තියෙන සෑම නිෂ්පාදනයකම ක්‍රියාකාරීත්වය සහ නිර්දේශිත පරාසය සම්පූර්ණයෙන් එක සමාන නැහැ.

ලස්සන පෑස්සුමක් ලබාගන්න එක විතරක් වෙල්ඩින් නෙවෙයි.

නිවැරදි ඉලෙක්ට්‍රෝඩය

නිවැරදි ධාරාව

නිවැරදි ධ්‍රැවීයතාව

නිවැරදි චාප දිග

නිවැරදි ගමන් වේගය

නිවැරදි සන්ධි සැලසුම

මේ සියල්ල එකට ගැළපුණාම තමයි හොඳ වෙල්ඩින් සම්බන්ධයක් ලැබෙන්නේ.

ඉතින් ඔබට ජය වේවා! ❤️

WELD DOC ELECTRONICS

අද පෝස්ට් එකත් හොඳයි නම් අපිව Follow කරන්නත් අමතක කරන්න එපා.
Like එකක් දාන්න, ඔබේ අදහසත් Comment කරලා යාළුවන්ට බලන්න Share කරන්න.

27/09/2026

ඇලුමිනියම් මෙච්චර ලස්සනට පාස්සන්න පුළුවන්ද? මහත්වරුනී පින්තූරය බලන්න. මේ වගේ පිරිසිදු, සමාන සහ ලස්සන පෑස්සුම් රේඛාවක් ඇලුමිනියම් මත ලබාගන්න පුළුවන් වෙන්නේ පෑස්සුම් ශිල්පියාගේ හැකියාව විතරක් නිසා නෙවෙයි. මැෂිමේ තාක්ෂණය සහ නිවැරදි පාලන සැකසුම් ඒකට විශාල බලපෑමක් කරනවා.

මෙවැනි ඇලුමිනියම් පෑස්සුම් සඳහා භාවිතා කරන AC/DC TIG මැෂින් වර්ගයක් තමයි WSME 250A වගේ මැෂින් එක ඉතින් පුද්ගලිකව මම කැමතිම මැෂිමක්

ඉතින් දැන් වැදගත් කරුනු ටිකක් කතා කරමු

ඇලුමිනියම් සඳහා AC TIG අවශ්‍ය ඇයි?

ඇලුමිනියම් මතුපිට ඉතා ඉක්මනින් සෑදෙන ඇලුමිනියම් ඔක්සයිඩ් ස්තරය ඇලුමිනියම් ලෝහයට වඩා ඉතා ඉහළ උෂ්ණත්වයකදී දියවෙනවා.

ඒ නිසා ඇලුමිනියම් TIG පෑස්සුමේදී AC ධාරාව භාවිතා කිරීම වැදගත්.

AC ධාරාවේ ධන සහ ඍණ අර්ධ චක්‍ර පාලනය කිරීමෙන් පෑස්සුම් ස්ථානයේ තාපය සහ ඔක්සයිඩ් ස්තරය පිරිසිදු කිරීම අතර සමතුලිතතාව පාලනය කළ හැකියි.

WSME 250A මැෂිමේ ප්‍රධාන පාලන නොබ්

මෙවැනි මැෂිමක් මිලදී ගන්නකොට නොබ් කීයක් තියෙනවද කියලා විතරක් නොවෙයි, ඒවායින් මොනවා පාලනය කරන්න පුළුවන්ද කියලා බලන්න ඕනෑ. අනිවාර්යයෙන්

01.ආරම්භක ධාරාව — Starting Current

පෑස්සුම ආරම්භ කරන මොහොතේ ලබාදෙන ධාරාව පාලනය කරයි.
ආරම්භයේදී ලෝහයට එකවර අධික තාපයක් ඇතුළු වීම පාලනය කිරීමට මෙය ප්‍රයෝජනවත්.

02.පෑස්සුම් ධාරාව — Welding Current

ප්‍රධාන පෑස්සුම් ධාරාව.

ඇලුමිනියම් තහඩුවේ ඝනකම, සන්ධියේ ස්වභාවය, ටංස්ටන් ප්‍රමාණය සහ පෑස්සුම් වේගය අනුව මෙය සකස් කළ යුතුයි.
ඇම්පියර් වැඩි කළා කියලා හැමවිටම හොඳ පෑස්සුමක් ලැබෙන්නේ නැහැ.

03.මූලික ධාරාව — Base Current

ස්පන්දන පෑස්සුමේදී ඉහළ ධාරා අවස්ථාව අතරතුර අඩු මට්ටමක පවත්වාගෙන යන ධාරාව.
මෙය මඟින් පෑස්සුම් ස්ථානයේ සමස්ත තාපය පාලනය කරගන්න පුළුවන්.
විශේෂයෙන් සිහින් ඇලුමිනියම් තහඩු සඳහා වැදගත්.

04.අවසාන ධාරාව අඩු කිරීම — Crater / Down Slope

පෑස්සුම අවසන් කරන අවස්ථාවේ ධාරාව එකවර නතර නොකර ක්‍රමයෙන් අඩු කිරීමට භාවිතා කරයි.
මෙය නිවැරදිව සකස් කිරීම පෑස්සුමේ අවසාන කොටසේ ඇතිවිය හැකි දෝෂ සහ ඉරිතැලීම් අවදානම අඩු කිරීමට උපකාරී වෙනවා.

05.ස්පන්දන අනුපාතය — Pulse Duty

ස්පන්දන පෑස්සුමේදී ඉහළ ධාරාව පවතින කාලය සහ අඩු ධාරාව පවතින කාලය අතර අනුපාතය පාලනය කරයි.

06.ස්පන්දන වේගය — Pulse Frequency

තත්පරයකදී ධාරාව ඉහළ හා පහළ මට්ටම් අතර කොපමණ වේගයකින් මාරු වෙනවාද කියන එක පාලනය කරයි.
උදාහරණයක් ලෙස 1 Hz නම් තත්පරයකට එක් චක්‍රයක්. සංඛ්‍යාතය වැඩි කළ විට ස්පන්දන චක්‍ර වේගවත් වෙනවා.

07. ස්පන්දන ධාරාව — Pulse Current / Peak Current

ස්පන්දන චක්‍රයේදී ලබාදෙන ඉහළ ධාරාව.
මෙය පෑස්සුම් ස්ථානයට අවශ්‍ය ප්‍රධාන තාප ශක්තිය ලබාදෙන අවස්ථාවයි.

AC පෑස්සුමේ තවත් ඉතා වැදගත් පාලනයක්

හොඳ AC/DC TIG මැෂිමක් තෝරාගැනීමේදී AC Balance පාලනය තිබෙනවාද කියලා විශේෂයෙන් බලන්න.

මෙය AC චක්‍රයේ ධන සහ ඍණ කොටස් අතර කාල/ක්‍රියාකාරීත්ව සම්බන්ධතාව පාලනය කරනවා.

සාමාන්‍යයෙන් එක් පැත්තකින් පෑස්සුම් ලෝහයට වැඩි තාපයක් ලැබෙන අතර අනෙක් පැත්තෙන් ඇලුමිනියම් ඔක්සයිඩ් ස්තරය ඉවත් කිරීමට උපකාරී වෙන ක්‍රියාකාරීත්වයක් ලැබෙනවා.

ඒ නිසා AC Balance එක නිවැරදිව සකස් කිරීම ඇලුමිනියම් TIG පෑස්සුමේදී ඉතා වැදගත්.

AC / DC තේරීම — AC / DC Selection

ඇලුමිනියම් → සාමාන්‍යයෙන් AC

මල නොබැඳෙන වානේ / සාමාන්‍ය වානේ / තඹ → අවශ්‍යතාව අනුව DC

ඒ නිසා AC/DC TIG මැෂිමක ඇති විශාල වාසිය තමයි විවිධ ලෝහ සඳහා සුදුසු ධාරා වර්ගය තෝරාගත හැකි වීම.

WSME 250A වගේ මැෂිමක් මිලදී ගැනීමේදී බලන්න ඕනෑ දේවල්

“250A” කියලා ලේබලයේ තියෙනවා කියලා විතරක් මැෂිම තෝරන්න එපා.

මේ කරුණු බලන්න.

01.සැබෑ උපරිම පෑස්සුම් ධාරාව
02.Duty Cycle
03.AC / DC ක්‍රියාකාරීත්වය
04.AC Balance
05.Starting Current
06.Welding Current
07.Base Current
08.Pulse Current / Peak Current
09.Pulse Frequency
10.Pulse Duty
11.Up Slope / Down Slope
12.Pre-Gas / Post-Gas
13.2T / 4T
14.පාද පාලකය සම්බන්ධ කිරීමේ පහසුකම
15.ටෝච් පාලන පහසුකම්
16.අධික ධාරා ආරක්ෂාව
17.අධික උෂ්ණත්ව ආරක්ෂාව
18.අමතර කොටස් සහ සේවා පහසුකම්

ඉතින් මැෂිමක මේ ඔක්කොම නැති උනත් කිහිපයක් හරි බලන්න

ඉතින් ඩියුටි සයිකල් එක සහිත ලේබලය අනිවාර්යයෙන් බලන්න

ඉතින් , ගොඩක්ම විස්තර තිබුනත් කෙටි කරලා ලියන්නෙ හේතුව ඔයාට ටිකක් තේරුම් ගන්න සරළ කරන්න ඕනී නිසා

WELD DOC ELECTRONICS

ජයවේවා ඔබ සැමට❤

23/09/2026

මහත්වරුනී ,වෙල්ඩින් මැෂිමක රින පැත්ත )අර්ත් වයරය) ඉන්ඩක්ටර් කොටස් 3කට අවශ්‍යතාවය පරිදි සවි කරන්න තියනවා දැකලා තියනවද?

සමහර වෙල්ඩින් මැෂින්වල රින පැත්තට අර්ත් වයරය සම්බන්ධ වන ඉන්ඩක්ටර් දඟරයේ කොටස් 2ක් හෝ 3ක් තිබෙන දකින්න පුළුවන්. උදාහරණ:- ටෙල්වින් master mig වර්ගයේ මැෂින්,කොටස් දෙකක් ඇත

මේ කොටස් 3 දාලා තියෙන්නේ වෙල්ඩින් ධාරාවේ ගලායාම පාලනය කරමින් ආර්ක් එකේ ස්වභාවය වෙනස් කරගැනීමටයි. මේ ටික තේරුම් ගන්න

01.වැඩි ඉන්ඩක්ටන්ස් high
ධාරාව හදිසියේ වෙනස් වීම අඩු කරයි. ආර්ක් එක මෘදු හා ස්ථාවර වේ.

02.මධ්‍යම ඉන්ඩක්ටන්ස් mid
ආර්ක් එකේ ප්‍රතිචාරය මධ්‍යම මට්ටමක පවතී.

03.අඩු ඉන්ඩක්ටන්ස් low
ධාරාව වේගයෙන් වෙනස් වේ. ආර්ක් එක තද හා වේගවත් ස්වභාවයක් ගනී.

ඒ නිසා මේ කොටස් 3 කියන්නේ ඇම්පියර් ප්‍රමාණ 3ක් තෝරාගැනීමට නොවේ.

මෙයින් වෙනස් කරන්නේ ආර්ක් එකේ ස්ථාවරත්වය, ධාරාවේ ප්‍රතිචාරය සහ වෙල්ඩින් කිරීමේදී ඇතිවන විසිරීම ස්පැටර් වැනි කරුණුයි.

විශේෂයෙන් MMA වෙල්ඩින් මැෂින්වල, ඉන්ඩක්ටර් එකේ අගය ආර්ක් එකේ හැසිරීමට විශාල බලපෑමක් කරනවා.

ඉන්ඩක්ටර් දගරයක් හරහා රින සැපයුම ලබාගනී, එම දගරයේ ස්ථාන තුනකින් පිලිවෙලට මෙම රින අග්‍ර 3නට සැපයුම ලැබා ගනී

ඉතින් කුඩා කොටසක් වුණත්, වෙල්ඩින් ආර්ක් එක පාලනය කිරීමේදී ඉන්ඩක්ටර් එකට විශාල කාර්යයක් තියෙනවා. කියලා ඔබට දැන් අවබෝධ වන්නට ඇත,

ඉතින් අපි ඉදිරිපත් කරන ලිපි පොඩ්ඩක් කෙටි කලා, ඔබට කියවන්නට කම්මැලි ඇතියී සිතුනු නිසා,,

ජයවේවා ඔබ සැමට❤

WELD DOC ELECTRONICS

21/09/2026

විවිධ පරාසයන් ඔස්සේ කිසිම වරදක් නොකර, මඩ පාරවල් කාගෙන, හේතුවක් නොමැතිව බැනුම් අහගෙන යන ගමනක් මේක...

ඉතින් සතියකට සැරයක් විතර නිර්නාමිකව හේතුවක් නොමැතිව මඩ ගහන ඩෑල් නිසා මේ ලිපිය ලියන්න හිතුවා.

අනිත් කාරනාව ජීවිතයට දැකපු නැති ඩෑල් එකක් වෙල්ඩින් ගෲප් එකක අපිට අමුතුම කමෙන්ට් එකක් දාලා තියනවා, ඉතින් පොඩ්ඩක් අවුල් ගියපු නිසයි මම මේ ලියන්නෙ ..

අපි අවුරුදු 12ක පමණ කාලයක් මැෂින් අලුත්වැඩියාව හා සම්බන්ධ කටයුතුවල යෙදිලා සිටිනවා. ඒ කාලය තුළ විවිධ රටවල නිෂ්පාදනය කරපු MMA, MIG, TIG, Plasma Cutter වගේ මැෂින් උපරිමයෙන් ගොඩදාලා දීලා තියෙනවා.

ඉතින් අපිට කිසිම ප්‍රශ්නයක් ඇති නොකරපු, සාමාන්‍ය තත්ත්වයේ මැෂිමක් අලුත්වැඩියාවට එන්නේ බොහොම කලාතුරකින්. විනාශ කරපු, විවිධ ආකාරයෙන් හානි කරපු මැෂින් තමයි ගොඩක් වෙලාවට අපි අලුත්වැඩියා කරලා තියෙන්නේ.

සාක්ෂි අවශ්‍යයි නම්, අපේ ගෲප්වල සහ පේජ්වල තියෙන වීඩියෝ බලන්න.

ඒ හේතුව නිසාම තමයි පසුගිය දවසක අපි විනාශ කරපු මැෂින් අලුත්වැඩියාවට භාරගැනීම නවත්වන්න තීරණය කළේ.

ඉතින් මේ අවුරුදු ගණනාව තුළ මා ලබාගත් අත්දැකීම් සහ දැනුමෙන් පුළුවන් තරම් මිනිස්සුන්ට උදව් කරලා තියෙනවා.

ඉතින් මේ ටිකෙ පට්ටම කාර්‍ය්බහුල නිසා ගොඩක්ම දුරකථනය තුල රැදිලා ඉන්න වෙලාවක් නෑ ඒකට සමාවෙන්න , ගොඩක් අය අහන ප්‍රශ්න වලට කාලය අරගෙන උත්තර දෙන්න අමාරුයී , නමුත් කෙටියෙන් හරි පිලිතුරක් ලබා දී ඇත

අපි ලිපි ලියද්දිත් ලෝකයේ තියෙන අලුත්ම තාක්ෂණික දැනුමත්, අපි ලබාගෙන තියෙන ප්‍රායෝගික අත්දැකීම් සහ දැනුමත් එකතු කරලා ඉදිරිපත් කරන්නේ, ඔයාලගේ දැනුමත් වැඩි වෙන නිසා.

ඒත් මිනිස්සු කියන්නේ මහ පුදුම ජාතියක්...

මොකක් හරි පොඩ්ඩක් ඔලුව උස්සන්න හදනකොට, ඌව කකුලෙන් ඇදලා පහළට දාන්න හදනවා.

ඉතින් මේ පෝස්ට් එක දාන්නේත් ඒ වගේ ඩෑල්වලට දැනගන්න.

මම දිට්වා ගංවතුරට බිංදුවටම වැටුණා. ඒත් මම ගේම් එක අතහැරියේ නෑ.

ඒ නිසා එහෙන් මෙහෙන්, නිර්නාමිකව හෝ උඹලා මට මඩ ගහනවා නම්, ගහපල්ලා බං...

මම වැටෙන්නේ නෑ.

මම ශ්‍රී ලංකා යුද හමුදාවේ අවුරුදු 12ක් සේවය කරපු, යුද්ධයේ රස හොඳට දන්න, අඩියෙන් අඩියට තැළිච්ච එකෙක්.

ඒ නිසා මම වැටෙන්නේ නෑ බං.

මිනිස්සුන්ට දැනුම බෙදා දෙන එක නවත්වන්නෙත් නෑ බං.

ඒ නිසා මාත් එක්ක රැඳිලා ඉන්න ආදරණීය සෙට් එකට,

මම දන්න දේ ටික ටික හරි කියලා දෙනවා.

අද මට තියෙන දැනුමෙන් පුළුවන් තරම් මිනිස්සුන්ට ප්‍රයෝජනයක් වෙන දෙයක් කරන්නයි මගේ උත්සාහය.

වැටුණත් නැගිටිනවා.
මඩ ගැහුවත් නවතින්නේ නෑ.
දැනුම බෙදා දෙන ගමන නවත්වන්නේ නෑ.

ජයවේවා ඔබ සැමට❤

WELD DOC ELECTRONICS

19/09/2026

මහත්වරුනී ඔබ වෙල්ඩින් මැෂිමක් මිලදී ගැනීමේදී Name plate එකේ තියෙන මේ “S” අකුර සහ “EMF SAFE” කියන සලකුණ දැකලා තියෙනවද?

ගොඩක් අය මැෂිමක් ගන්නකොට බලන්නේ,

ඇම්පියර් කීයද? විතරයී

හැබැයි name plate එකේ තියෙන මේ පොඩි සලකුණු දෙක ගැනත් දැනගෙන ඉන්න එක ඔයාට බොහොදුරට වැදගත් වේවී

මේ “S” අකුරෙන් මොකක්ද කියන්නේ?

Name plate එකේ කොටුවක් ඇතුළේ S සලකුණක් තිබුණොත්, ඒක විදුලි සැර වැදීමේ අවදානම වැඩි පරිසරවල වෙල්ඩින් කිරීමට සුදුසු වෙල්ඩින් බල සැපයුමක් හඳුනාගැනීමට භාවිතා කරන සලකුණක්.

උදාහරණයක් විදිහට,

01.සීමිත ඉඩකඩක වෙල්ඩින් කිරීම
02.වෙල්ඩර්ගේ ශරීරය ලෝහ කොටස් සමඟ වැඩිපුර සම්බන්ධ විය හැකි ස්ථාන
03.තෙතමනය නිසා විදුලි සැර අවදානම වැඩි විය හැකි පරිසර
04.වෙල්ඩර්ට දණගසා, ඉඳගෙන හෝ වැතිරී වැඩ කිරීමට සිදුවන ස්ථාන

වැනි තත්වයන් වලදී මේ සලකුණ වැදගත්.

“S” කියන්නේ මැෂිම වැඩිපුර ඇම්පියර් දෙනවා කියන එකක්වත්, මැෂිම බලවත් කියන එකක්වත් නෙවෙයි.මේක විදුලි සැර ආරක්ෂාවට සම්බන්ධ සලකුණක්.ඉතින් ආරක්ෂාව ගැන හිතන අයට ඔන්න වැදගත් වේවී

එතකොට “EMF SAFE” කියන්නේ මොකද්ද ?

මෙතන තමයි ගොඩක් අය වැරදියට තේරුම් ගන්නේ.EMF කියන්නේ විද්‍යුත්-චුම්බක ක්ෂේත්‍ර.

වෙල්ඩින් ධාරාව කේබල් හරහා ගලා යනකොට, වෙල්ඩින් පරිපථය වටා විද්‍යුත්-චුම්බක ක්ෂේත්‍රයක් ඇති වෙනවා.

ඒක ඉන්වර්ටර් මැෂින්වලට විතරක් සීමා වූ දෙයක් නෙවෙයි. වෙල්ඩින් ධාරාව ගලා යන ඕනෑම ආර්ක් වෙල්ඩින් පද්ධතියක මෙවැනි ක්ෂේත්‍ර ඇති විය හැකියි.ඒ නිසා “EMF SAFE” කියන්නේ මැෂිමෙන් කිසිම විද්‍යුත්-චුම්බක ක්ෂේත්‍රයක් ඇති වෙන්නේ නැහැ කියන එක නෙවෙයි.
මෙයින් අදහස් කරන්නේ වෙල්ඩින් මැෂිමෙන් මිනිසුන්ට ඇති විය හැකි විද්‍යුත්-චුම්බක ක්ෂේත්‍ර නිරාවරණය සම්බන්ධ සීමා සහ තක්සේරු කිරීමේ අවශ්‍යතා පිළිබඳ අනුකූලතාවයි.

හැබැයි “EMF SAFE” කියලා තිබුණා කියලා...

EMF එකක් නැහැ කියලා හිතන්න එපා.

වෙල්ඩින් කරනකොට,

01.වෙල්ඩින් කේබල් දෙක හැකි තරම් එකිනෙකට ළඟින් ගෙන යන්න.

02.වෙල්ඩින් කේබල් ශරීරය වටේ ඔතාගන්න එපා.

03.කේබල් දෙක ශරීරයේ දෙපැත්තට වෙන් කරගෙන තබාගන්න එපා.

04.වැඩ කොටසට සම්බන්ධ කරන අර්ත් කේබලය වෙල්ඩින් කරන ස්ථානයට හැකි තරම් ආසන්නයෙන් සම්බන්ධ කරන්න.

05.හැකි තරම් කේබල් සහ ශරීරය අතර දුර තබාගන්න.

මේ ක්‍රම මඟින් විද්‍යුත්-චුම්බක ක්ෂේත්‍රයට නිරාවරණය වීම අඩු කරගැනීමට උපකාරී වෙනවා.

තවත් වැදගත් කරුණක්

විද්‍යුත්-චුම්බක ක්ෂේත්‍ර සමහර ශරීරයට සවි කරන වෛද්‍ය උපකරණ සමඟ අන්තර්ක්‍රියා කළ හැකියි. ඒ ගැනත් සිතන්න

ඒ නිසා හෘද ස්පන්දන යන්ත්‍ර වැනි වෛද්‍ය උපකරණ භාවිතා කරන අය වෙල්ඩින් කරන පරිසරයකට යාමට පෙර වෛද්‍ය උපදෙස් ලබාගැනීම වැදගත්.

ඒ නිසා “EMF SAFE” කියලා තිබුණා කියලා සියලුම පුද්ගලයන්ට කිසිම අවදානමක් නැහැ කියන අදහස ගන්න බැහැ.

මැෂිමක් ගන්නකොට මේ දෙකම බලන්න පුලුවන් නම් ගොඩක්ම හොදයි ඉතින්

හැබැයි මේ දෙකෙන් විතරක් මැෂිමක් හොඳයි කියලා තීරණය කරන්න බැහැ.

මැෂිමක් ගන්නකොට,

01.උපරිම වෙල්ඩින් ධාරාව
02.සැබෑ ප්‍රතිදාන ධාරාව
03.ඩියුටි සයිකල්
04.වෝල්ටීයතාව , OCV
05.ආදාන වෝල්ටීයතාව සහ ධාරාව
06.විදුලි සැර ආරක්ෂාව , අද කතා කරපු විස්තරය
07.ආරක්ෂක පද්ධති, මම කලින් ලිපි වල ලියා ඇත
08.විද්‍යුත්-චුම්බක ක්ෂේත්‍ර සම්බන්ධ අනුකූලතාව
09.නිෂ්පාදකයාගේ තාක්ෂණික දත්ත
10.අමතර කොටස් සහ සේවා පහසුකම්

වගේ කරුණු සියල්ලම බලන්න පුලුවන් නම් හොදයී ඉතින්

අද සිට Name plate එකේ ලොකු අකුරින් තියෙන “300A” එක විතරක් බලලා වෙල්ඩින් මැෂිමක් තෝරන්න එපා.

Name plate එකේ තියෙන පොඩි සලකුණු පවා මැෂිමේ ආරක්ෂාව සහ භාවිතයට සුදුසුකම ගැන වැදගත් තොරතුරු කියනවා.

01.“S” = විදුලි සැර වැදීමේ අවදානම වැඩි පරිසරයක වෙල්ඩින් කිරීමට සුදුසුකම සම්බන්ධ සලකුණක්.

02.“EMF SAFE” = වෙල්ඩින් කිරීමේදී ඇතිවන විද්‍යුත්-චුම්බක ක්ෂේත්‍රවලට මිනිසුන් නිරාවරණය වීම සම්බන්ධ අවශ්‍යතා හා අනුකූලතාව පිළිබඳ සලකුණක්.

මැෂිමක් හඳුනාගන්න නම් ඇම්පියර් එක විතරක් නෙවෙයි... Name plate එක කියවන්නත් ඉගෙනගන්න.

WELD DOC ELECTRONICS
ජයවේවා ඔබ සැමට❤