05/10/2026
الرياضيات والإحصاء والاحتمالات… الأشياء اللي كنت أكرهها من طفولتي، طلعت كلها على راسي مع الضريبة لما قررت أفوت بعالم الـ Machine Learning. 🥹
لحد الآن بذكر أول أيامي بالموضوع، كنت برجع أدرس الرياضيات من جديد؛ من المعادلات الجبرية والخطية، وأحاول أبني عقلية تخليني أفهم كيف الأمور ماشية فعلًا بهذا المجال.
والموضوع ما وقف هون…
في Optimization، وStatistics، وProbability، وLinear Algebra، وتفاضل، وعمليات على المتجهات والمصفوفات، وفهم للـ Algorithms والـ Models، وفوق كل هذا برمجة وتفاصيل كثيرة لازم تكون فاهمها، مش مجرد حافظها.
وهون بتكتشف إنه , Python لحالها مش AI وكم مكتبة تحفظ تستخدمها او وكيل اوامر يبنيه لك ، او كم سلايد أخذتهم مع الدكتور، مش معناتهم إنك صرت جاهز تمسك مجال الـ AI.
ممكن تبدأ بهالأشياء، وممكن تبني نماذج فعلًا بس لا تزعل من الكوارث وراك ، لكن إذا بدك تفهم شو بصير خلف الكواليس، وليش النموذج بتعلم، وكيف بتقيس الخطأ، وكيف بتحسن النتائج… رح تلاقي حالك راجع للرياضيات والإحصاء والاحتمالات والبرمجة بعمقها من جديد.
فكان الله بعون اللي داخل تخصصات AI ومفكر إن الموضوع Python وكم سلايد، ورح يخلّيه يمسك الذيب من ذيله.
المجال جميل جدًا… بس أعمق بكثير مما كثير ناس متخيلة.
