17/02/2019
شنو اسهل طريقة لتمويل منشور في الفيسبوك؟
دائماً ننسآل هذا السؤال، لانه اغلب المشاريع مهما كان حجمها، صارت تفتح صفحات على الفيسبوك وتعرض خدماتها وبضائعها عليه.
ولهذا السبب اصحاب هذي المشاريع كلش يحتاجون تمويل منشوراتهم للوصول الى زبائنهم، بس للاسف هواية منهم ميعرفون شلون ممكن يمول هذي المنشورات.
الفيسبوك طور تطبيقات مخصصة للتمويل ولادارة الحملة الاعلانية، ولكن مع ذلك ابقى على الطريقة الاسهل واللي رح نقدمها بخطوات بسيطة، علمود اللي ميعرف الطريقة يتعلم.
قبل كلشي لازم يكون عندك بطاقة ائتمانية بيها مبلغ معين من المال، وهاي البطاقات صارت متاحة بكثرة لذلك نتمنى منكم شرائها من مكانات معروفة، او فتح حسابات مصرفية تمكنكم من ان تصدرون بطاقة خاصة بيكم.
بعد ما تصير البطاقة جاهزة وياكم، نجي عالخطوات الاساسية لتمويل المنشورات، بس قبلها نحب ننوه الى انه، على اصحاب المشاريع لازم يميزون انه الفيسبوك يتيح امكانية التمويل على الصفحة نفسها او التمويل على منشورات محددة، ننصح احنة بتمويل المنشورات اكثر من الصفحة، وهذا اللي رح نوضحة بالخطوات التالية:
١- فتح الصفحة الخاصة بالمشروع، واختيار المنشور اللي حابين انه يتمول، من ثم الضغط على “ترويج المنشور” او “Boost post”.
٢- من بعدها رح تنفتح نافذة تتضمن ٤ حقول اساسية وهي (الجمهور، الميزانية والمدة، طريقة الدفع، بالاضافة الى حقل يبين كيفية ظهور المنشور عند بدء التمويل).
٣- عندها نقوم بملئ الحقول المطلوبة، فحقل الجمهور، يتضمن تحديد جنس المطلوب استهدافهم ذكور او اناث، بالاضافة الى اختيار فئاتهم العمرية، كما يتم في هذا الحقل اختيار المكان المطلوب ظهور الاعلان فيه، لنقوم بعد ذلك بحفظ معلومات الفئة المستهدفة.
٤- بعد ذلك ننتقل الى حقل الميزانية والمدة، نقوم عندها بتحديد اجمالي الميزانية، على ان لا يكون اقل من دولار واحد، وتحديد المدة المطلوب ظهور الاعلان خلالها.
٥- عند اكتمال جميع المعلومات المطلوب اكمالها لغرض الترويج، نضغط على (ترويج).
٦- بعد ذلك سيطلب منك تحديد طريقة الدفع، وهنا نقوم بادخال معلومات عن البطاقة الائتمانية، وهي رقم البطاقة، تاريخ انتهاء صلاحيتها، واخيراً الرقم السري الخاص بالبطاقة، لنظغط على متابعة، وهي اخر خطوة، ليقوم الفيسبوك بعد ذلك بمعاينة الاعلان ومطابقته لشروط شركة فيسبوك ليقوم باطلاق الاعلان.
اذا استفاديتوا من هذي المعلومات نتمنى منكم مشاركتها، او الاشارة لاصدقائكم اللي تعتقدون ممكن تفيدهم، واكيد اي سوال او استفسار احنة حاظرين للاجابة.
#انفنتي #العراق #تسويق
