თითოეული ჩვენგანისათვის ინფორმაციული და საკომუნიკაციო ტექნოლოგიები ყოველდღიური ცხოვრების განუყოფელ ნაწილად იქცა. ამასთანავე, პროგრესი სახელმწიფო და საზოგადოებრივი მოღვაწეობის ნებისმიერ სფეროში ინფორმაციული და საკონუმინაციო ტექნოლოგიების გარეშე წარმოუდგენელია.
ამ კუთხით თავს იჩენს გამოწვევები, რომლებიც საჭიროებს გადაწყვეტის გზების ძიებას, ხოლო ინოვაციური და კრეატიული მიდგომების საშუალებით ინფორმაცი
ული ტექნოლოგიების განუსაზღვრელი შესაძლებლობების გამოყენება ხელს შეუწყობს საზოგადოების მრავალმხრივ განვითარებას, რაც გულისხმობს ინფრასტრუქტურის განვითარებასა და დახვეწას, ინფორმაციული საზოგადოების შექმნასა და მსოფლიო ინფორმაციულ სივრცეში ჩვენი ქვეყნის და საზოგადოების აქტიურად ჩართვას.
ჩვენი გუნდის წევრებს აქვთ სფეროში მუშაობის უკვე სამწლიანი გამოცდილება, ხოლო „ინფორმაციული ტექნოლოგიების განვითარების ინსტიტუტი“ როგორც არამომგებიანი (არაკომერციული) იურიდიული პირი დაფუძნდა არსებული გამოწვევების საპასუხოდ, რაც გულისხმობს ინფორმაციული ტექნოლოგიების შესაძლებლობების შესახებ ცნობიერების დაბალ დონეს, ინფორმაციული უსაფრთხოებისა და კანონმდებლობის დახვეწის საკითხებს და ასე შემდეგ.
