TV მეორე • TV Meore

26/05/2026

🇬🇪ოზურგეთი საქართველოს დამოუკიდებლობის დღის აღნიშვნას უერთდება

👉🏻 ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით წელს საქართველოს დამოუკიდებლობის დღის აღსანიშნავი ღონისძიებები ეფუძნება კონცეფციას: 1700 წელია, რწმენა გვაძლიერებს – სიყვარული გვაერთიანებს.

👉🏻 ოზურგეთში ღონისძიების მთავარი ორგანიზატორი განათლების, მეცნიერებისა და ახალგაზრდობის სამინისტროა

👉🏻 დღის განმავლობაში სხვადასხვა აქტივობაა დაგეგმილი, რომელიც გალა კონცერტით დასრულდება.

24/05/2026

📌 ოზურგეთის ალექსანდრე წუწუნავას სახელობის სახელმწიფო დრამატულ თეატრში ლიტერატურულ-მუსიკალური კომპოზიცია ,,ლაზარე, გამოვედ გარე" გაიმართა.

ღონისძიების ფარგლებში მოეწყო მოსწავლეების შემოქმედებითი ნამუშევრების გამოფენა. კომპოზიციაში მონაწილეობდნენ ადგილობრივი ქორეოგრაფიული და მუსიკალური ანსამბლები, სკოლის მასწავლებლები და მოსწავლეები.

საღამო ქალაქ ოზურგეთის საგანმანათლებლო რესურსცენტრის და ოზურგეთის მუნიციპალიტეტის მერიის ორგანიზებით გაიმართა. მას ადგილობრივი ხელისუფლების წარმომადგენლები და საქართველოს განათლების, მეცნიერებისა და ახალგაზრდობის მინისტრის მოადგილე ბაია კვიციანი დაესწრნენ.

23/05/2026

📌ოზურგეთის მუნიციპალიტეტის მერი პაატა კუნჭულია, მოადგილე სოფო რამიშვილთან ერთად, სსიპ ახალგაზრდობის სააგენტოს პროექტის - „ახალგაზრდული საქმიანობის დელეგატი“ ფარგლებში შერჩეულ ოზურგეთის დელეგატს, ავთო ხომერიკს შეხვდა.

საუბარი შეეხო ახალგაზრდების აქტიურ ჩართულობასა და რეგიონში ახალგაზრდული პოლიტიკის გაძლიერების მნიშვნელობას.

პროექტი „ახალგაზრდული საქმიანობის დელეგატი“ ქვეყნის მასშტაბით ხორციელდება და მიზნად ისახავს ახალგაზრდების სამოქალაქო ჩართულობისა და რეგიონებში ახალგაზრდული მიმართულების გაძლიერებას.

08/05/2026

📌წელს ერთიან ეროვნულ გამოცდებზე ოზურგეთის საგამოცდო ცენტრი მესამე საჯარო სკოლა იქნება - ინფორმაცია ამის შესახებ დღეს შეფასებისა და გამოცდების ეროვნულმა ცენტრმა ოზურგეთელ აბიტურიენტებთან შეხვედრაზე დაადასტურა.

გამოცდების ეროვნული ცენტრის წარმომადგენლებმა აღნიშნეს, რომ სკოლა სრულად შეესაბამება საგამოცდო სტანდარტებს და ამ მხრივ აბიტურიენტებს პრობლემა არ შეექმნებათ.

შეგახსენებთ, რომ აქამდე ერთიანი ეროვნული გამოცდები ოზურგეთის მეორე საჯარო სკოლაში ტარდებოდა, თუმცა სკოლის შეცვლის გადაწყვეტილება მისი რეაბილიტაციის გამო მიიღეს.

25/04/2026

⚽️ ოზურგეთში, სოფელ შრომაში, შრომა-უკრაინის საფეხბურთო მატჩი გაიმართა.

გურია-აჭარის ჩემპიონატის მორიგ ტურში, ორივე ასაკში, გამარჯვება მასპინძლებმა, შრომელებმა, მოიპოვეს.

23/04/2026

📍 ოზურგეთის ახალგაზრდული საქმიანობის დელეგატი ავთო ხომერიკი ოზურგეთელ ახალგაზრდებს შეხვდა.

შეხვედრა, რომელიც ოზურგეთის ტექნოპარკში გაიმართა, ეხებოდა ახალგაზრდობის სააგენტოს, მიმდინარე პროექტებსა და იმ შესაძლებლობებს, რომლებიც ხელს უწყობს ახალგაზრდული სფეროს გაძლიერებას.

შეხვედრას ოზურგეთის საგანმანათლებლო რესურსცენტრის უფროსი ლალი სიჭინავა და სხვადასხვა სკოლის მოსწავლეები ესწრებოდნენ.

14/04/2026

📌ოზურგეთის მუნიციპალიტეტის სოფელ ხრიალეთის საჯარო სკოლაში მე-5 კლასელებმა 14 აპრილი - დედაენის დღე აღნიშნეს.
👉 მოსწავლეებმა შექმნეს თემატური კედლის გაზეთი და წარმოადგინეს კალიგრაფიის ნიმუშები.
👉 ღონისძიება, რომლის მიზანი მოსწავლეებისათვის ქართული ენის დაცვისა და ისტორიული მნიშვნელობის შეხსენება იყო, ქართული ენისა და ლიტერატურის მასწავლებელმა რუსუდან ლაბაძემ მოამზადა.
👉 მას სკოლის დირექორი და მასწავლებლები ესწრებოდნენ.

11/04/2026

21/03/2026

▪️ხალხის უწყვეტი ნაკადია სამების საკათედრო ტაძარში და მის მიმდებარე ტერიტორიაზე.
▫️მოქალაქეები ემშვიდობებიან სრულიად საქართველოს კათოლიკოს-პატრიარქს, ილია II-ს.