20/04/2026
ضلع مہمند کے عوام کے لیے ایک بڑی اور خوش آئند پیش رفت!
ممبر صوبائی اسمبلی ڈاکٹر محمد اسرار صافی، صوبائی وزیر صحت خلیق الرحمن اور سیکرٹری ہیلتھ شاہد اللہ کی انتھک محنت اور ذاتی دلچسپی کے نتیجے میں محمد گٹ کا کیٹگری ڈی ہسپتال، جو عرصہ دراز سے بند تھا، دوبارہ فعال کر دیا گیا ہے۔
اس اہم موقع پر مینجنگ ڈائریکٹر خیبر پختونخوا ہیلتھ فاؤنڈیشن ڈاکٹر خضر حیات اور سابق ڈائریکٹر جنرل پی ایچ ایس اے ڈاکٹر جانباز آفریدی بھی موجود تھے، جن کی موجودگی اس منصوبے کی اہمیت اور سنجیدگی کو ظاہر کرتی ہے۔
یہ منصوبہ ایک بڑا چیلنج تھا، جسے خیبر پختونخوا ہیلتھ فاؤنڈیشن نے کامیابی سے مکمل کیا۔ مہمند کے عوام، جو پہلے علاج کے لیے دور دراز علاقوں کا رخ کرنے پر مجبور تھے، اب اپنی دہلیز پر بروقت اور معیاری طبی سہولیات حاصل کر سکیں گے۔
آؤٹ سورسنگ کے ذریعے اس ہسپتال کو فعال بنایا گیا ہے تاکہ عوام کو جدید اور بین الاقوامی معیار کی صحت سہولیات فراہم کی جا سکیں۔ یہ اقدام حکومت خیبر پختونخوا کی صحت کے شعبے میں بہتری کی ترجیحات کا واضح ثبوت ہے۔
یہ صرف ایک ہسپتال کی بحالی نہیں بلکہ ایک نئی امید، ایک نئی زندگی اور ایک روشن مستقبل کی طرف قدم ہے۔
