21/01/2020
هانتكلم فى البوست ده عن الـ Self Driving Cars وهانعرف انها بتفرق عن بعضها فى مستوى ال Autonomy اى التحكم الذاتى أو الاستقلالية فى اتخاذ القرار 🤓.
هناك أكثر من مستوى للـ Autonomy وقامت NHTSA وهى "الادارة الوطنية الأمريكية للسلامة المرورية على الطرق السريعة" بتقسيمهم الى مستويات من الـ Autonomy .
همه عملوا كدا عشان يقدروا يحددوا مستوى ال Testing الى هايتعمل على السيارة لاعتمادها أنها تعمل ضمن بروتوكولات السلامه.
زى ما همه خايفين من السيارات ذاتية القيادة على قدر ما هى ممكن تحمينا من الحوادث المتوقعة.
الموضوع ده مهم جدا جدا ,, أهميته تكمن فى مستوى الـ Autonomy الى هاتقدمه السيارة لان على أساسه هايتحدد المتطلبات الى المفروض تقدمها أو تكون متوفرة فيها.
المستوى الاول : وهى سيارة لا تحتوى على أى نسبة من الـ Autonomy ومثال لذلك سيارة Chevrolet Chevette عام 1976
الانسان فقط هو المسؤول عن كل مستويات القيادة اى أنه هو من له القرار .. يبقى نقدر نقول إن النوع ده ليس به أى مواصفات من مواصفات الـ Self Driving Cars
نخلى بالنا أن فيه جزء كبير جدا من السوق الان من هذا المستوى.
المستوى الثانى : السيارة ممكن تساعد فى عملية التوجيه أو الفرامل وليس الاثنين فى نفس الوقت .. يبقى هنا فيه Driver Assistance .. وهنا السيستم المسؤول عن الـ ACC اى Adaptive Cruise Control وبيكون مسؤل عن الفرامل أنه يخلى فيه مسافة بين السيارة التى تقودها والسيارة التى امامك .. هو غير مسؤول عن عملية التوجيه.
من ضمن السيارت التى تمتلك مثل هذا النظام زى Jeep Cherokee 2011
المستوى الثالث : هنا الموضوع بيكون Partial Automation ياعنى فيه عملية توجيه بشكل بسيط جدا .. السيارة ممكن تساعد فى عملية التوجيه أو الفرامل ولكن فى نفس الوقت .. ولكن رغم ذلك الموضوع محتاج حرص كبير من السائق لان ممكن يأخذ التوجيه من السيستم إلى كان بيوجه السيارة فى اى وقت أو تحت اى ظرف قد لا يستطيع نظام التوجيه التعامل معه.
الفكرة هنا إذا استطعت استخدام نظام ACC الى اتكلمنا عنه فى المستوى الثانى بالإضافة إلى قدرة السيارة على توجيه نفسها أنها تكون بين الخطين المرسومين على الطريق الى همه ال Lanes بكدا وصلنا اننا نكون فى المستوى الثالث من الـ Autonomy.
من أحد هذه الأمثلة فى المستوى الثالث الـ Super Cruise وهنا فعليا انت بتكون شايل ايدك كليا من على الـ Steering wheel .. ولكن فى الحالة دى بيكون فيه كاميرا مثبتة فى السيارة تراقب عينك لانه في حالة إذا كان السائق لا ينظر فى اتجاه الطريق ويراه بعينه سوف يتوقف النظام عن العمل .. مثال لذلك ال Auto Pilot الى فى سيارات Tesla فى موديل S موديل X وموديل 3.
نقدر نشوف اللينكات دى :
https://www.cadillac.com/world-of-cadillac/innovation/super-cruise
https://www.tesla.com/autopilot
المستوى الرابع : هنا الموضوع بيكون Conditional Automation هنا السائق يقدر يشيل ايده من على الـ Steering wheel ولا ينظر بعينه للطريق زى المستوى الثالث .. إذا النظام لا يتوقف إذا لم ينظر السائق للطريق بل يستكمل نظام التوجيه العمل ولكن لازم يكون السائق فى السيارة .. ولكن مثل المستوى الثالث يقدر السائق استلام الـ Steering wheel فى اى وقت أو في الحالات التى لا تستطيع السيارة التعامل معها.
فى حالة حدوث اصطدام وشيك لا تستطيع السيارة التعامل معه قد لا يملك السائق فى هذه الحالة الوقت الازم لتفاديه أيضا .. قد يكون معه الوقت فى حالة اهتمامه الشديد بمتابعة الطريق نفسه.
شركة Audi خططت اصدار A8 بإمكانية تسمى Traffic Jam Pilot ولكن لن تعمل هذه الإمكانية فى US نتيجة بعض التعقيدات والقوانين إلى عملاها US
https://www.audi-mediacenter.com/en/press-releases/audis-new-full-size-class-with-the-market-introduction-of-the-q8-now-complete-10590
لذلك حصرت شركة Audi الميزة دى فى انها تحدد السرعة لا تزيد عن 37 mph بشرط أن يكون كمان فيه حاجز بيفصل حركة المرور القادمة فى اتجاهك عن اتجاه المرور الخاص بك
المستوى الخامس : هنا الموضوع بيكون High Autonomy .. فى المستوى الرابع وصلنا لدرجة من الاستقلالية فى اتخاذ القرار كبيرة جدا لدرجة أننا قدرنا نلغى قرار السائق بشكل كبير جدا ولكن ماذا اذا كان الطريق به ثلج أو كانت السماء تمطر ؟ لذلك فى هذه الحالات لا يستطيع المستوى الرابع التعامل معها.
المستوى الخامس قدر يحل المشكلة دى ياعنى واخد تحكم كامل فى السيارة بدون تدخل السائق حتى تحت الظروف الجوية الصعبة دى.
شركة Honda أعلنت أنها شغالة على سيارة من المستوى الخامس وهاتكون موجودة بعام 2026 فيه شركات تانية زى Lyft و Google و Uber والكثير شغالين برده على حاجات مشابهة لمعايير المستوى الخامس ولكن جميع الفحوصات والتجارب الى تمت على سياراتهم كانت التجارب الى بتتعمل على المستوى الرابع والمستوى الثالث لذلك مانقدرش نقول إن السيارات الخاصة بهم بنسبة 100٪ تتطابق مع معايير المستوى الخامس.
ولكن شركة Waymo عملت استثناء ليها وقدرت تجرب تجاربها طبقا لمعايير المستوى الخامس عملت برنامج اسمه Early Access
https://waymo.com/apply/
نخلى بالنا بمجرد انك ركبت فى Waymo لا يوجد أى Safety Driver.
لكنهم قاموا بتحديد المتغيرات و العوامل الى ممكن السيارة تقود فيها عشان يحافظوا على سلامة السائق بقدر الامكان .. وكانت Arizona مكان مفضل طبعا لاجراء مثل هذه المحاولات واستغلوا الطقس الجاف هناك كا ميزة لذلك.
https://www.theverge.com/2017/11/7/16615290/waymo-self-driving-safety-driver-chandler-autonomous
https://www.theverge.com/2019/1/20/18175563/waymo-one-customer-interview-self-driving-arizona
المستوى السادس : هنا الموضوع بيكون Full Automation : ده الحلم الاكبر لكل الشركات ان يكون الاعتماد على نظم السيارة بشكل كامل فى مختلف الظروف وايضا لا يوجد Steering Wheel.
تخيل معى سيارة ليس بها Steering Wheel بالتالى ليس بها سائق .. فا اذا كانت كل المستويات الاخرى يقود الانسان السيارة للوصول لوجهته فا المستوى السادس العكس السيارة هي من تقود الانسان للوصول الى وجهته.
اقدر اقول لكم ان المستوى السادس موجود بالفعل ولكن السيارت ليس بها سائق كما قلنا وتستتخدم فى نقل البضائع فقط لاننا لم نصل الى مستوى السلامة المطلوب.
قامت Nuro بالتعاون مع Krogers انهم يجربوا ذلك بالفعل على سيارات صغيرة تقود الى مسافات صغيرة ايضا .. انت تشترى البضائع من المتجر و البضائع تأتى لوحدها الى منزلك فى سيارة من المستوى السادس.
https://www.reviewgeek.com/1717/two-ex-googlers-want-nuro-a-new-self-driving-car-to-handle-your-deliveries/
طبعا قللوا كل العوامل عشان يقدروا يحصلوا على Full Automation.
ولكن مازال حلم سيارة من المستوى السادس تحمل الانسان مازال حلم بعيد جدا ولكن كل الشركات الان تتسارع الى ان تحقق به نجاح ملحوظ.
https://www.reviewgeek.com/1717/two-ex-googlers-want-nuro-a-new-self-driving-car-to-handle-your-deliveries/
قد نترك هنا سؤال مهم على التكنولوجيا هى العامل الوحيد الذى يحد من استخدام وتطوير السيارات ذاتية القيادة ؟
نترك لكم تخبرونا وجهة نظركم بذلك 🤓
Kernel_Masters
