AK Tech Support

AK Tech Support Professional laptop repair service. Hardware & Software maintenance, Windows installation, troubleshooting, virus removal, and performance optimization.

💻 ممكن يكون جهازك أقوى بكتير من اللي إنت شايفه دلوقتي… وإنت مش عارف تستفيد منه!في أجهزة بتكون إمكانياتها كويسة جدًا، لكن...
07/09/2026

💻 ممكن يكون جهازك أقوى بكتير من اللي إنت شايفه دلوقتي… وإنت مش عارف تستفيد منه!
في أجهزة بتكون إمكانياتها كويسة جدًا، لكن استخدامها مش مديها حقها.

ممكن تلاقي لابتوب إمكانياته كويسة ولسه شغال بـ HDD، أو الرام قليلة بالنسبة لاستخدامك، أو مساحة التخزين مش مناسبة، أو الجهاز محتاج Upgrade في حاجة معينة… ومع الوقت التراب والحرارة والاستخدام المستمر بيبدأوا يأثروا على أداء الجهاز.

وساعتها صاحب الجهاز بيقول:
"اللابتوب ده بقى ضعيف وعايز يتغير."
مع إن في حالات كتير الجهاز نفسه لسه يقدر يقدم أداء أحسن بفرق واضح.

في AK TECH SUPPORT بنبص على الجهاز الأول ونشوف حالته وإمكانياته وإيه اللي ينفع يتعمل فيه فعلًا.
ممكن تكون محتاج SSD، زيادة RAM، تنظيف داخلي، تغيير معجون حراري، ضبط السوفتوير أو مجرد حل لمشكلة معينة مأثرة على الأداء.

وبنراجع كمان حالة المكونات والتبريد، عشان نكون عارفين الجهاز محتاج إيه بالظبط قبل ما نبدأ شغل.

مش هدفنا نغيرلك قطع وخلاص… الهدف إننا نطلع من جهازك أقصى أداء يقدر يقدمه....والأهم إنك مش هتاخد كلامنا بس.

بعد ما نخلص، إنت بنفسك هتستخدم الجهاز وتشوف الفرق في السرعة والاستجابة، وبعدها نوضحلك إيه اللي اتعمل وإيه اللي فرق معاك.

فلو عندك لابتوب حاسس إنه بقى تقيل أو مش بيشتغل زي الأول، متستعجلش وتفكر تغيّره.
ابعتلنا موديل جهازك ومواصفاته، ونشوف مع بعض هو لسه يقدر يقدم إيه. 🔧💻

📱 واتساب: 01508230853
☎️ اتصال: 01553411269

AK TECH SUPPORT — جهازك في إيد أمينة.

#لابتوب

💻اللابتوب بتاعك مش مجرد جهاز… بالنسبة لناس كتير هو الشغل والدراسة ومصدر الرزق كمان.علشان كده الاهتمام بيه مش رفاهية، خصو...
04/09/2026

💻اللابتوب بتاعك مش مجرد جهاز… بالنسبة لناس كتير هو الشغل والدراسة ومصدر الرزق كمان.

علشان كده الاهتمام بيه مش رفاهية، خصوصًا لو بتعتمد عليه كل يوم وبتقضي عليه ساعات طويلة.

الحرارة، التراب، ضغط الاستخدام، أو حتى الإهمال لفترة طويلة، كل ده بيأثر على أداء الجهاز مع الوقت. وممكن تلاقي الجهاز بقى أبطأ، حرارته عالية، أو المروحة صوتها زاد… ومش دايمًا الحل إنك تستنى لحد ما تظهر مشكلة كبيرة.

🔧عشان كده وفرنا خدمة تنظيف وصيانة كاملة للجهاز.

الجزء الخاص بالهاردوير بيشمل فك الجهاز وتنظيفه من الداخل، وتنظيف الأتربة المتراكمة، وتنظيف نظام التبريد، وفحص حالة المعجون الحراري وتغييره عند الحاجة.

وبما إننا في الصيف ودرجات الحرارة مرتفعة، فلو جهازك بيستخدم لفترات طويلة أو في مكان فيه أتربة، من المهم تتابع حرارته وأداء نظام التبريد بدل ما تسيبه لحد ما تبدأ تظهر مشاكل.

💻وطبعًا الموضوع مش هاردوير بس.

بنراجع كمان حالة السوفتوير ونساعدك في ضبط الجهاز، سواء من ناحية الويندوز أو البرامج أو الحاجات اللي ممكن تأثر على استخدامك وأداء الجهاز، بحيث جهازك يبقى جاهز تشتغل عليه بشكل أفضل.

🔥والفترة دي عندنا عرض خاص للتنظيف والصيانة اسمه: عرض الصيف.

ولو حاسس إن جهازك بقى محتاج يتراجع عليه أو تنظفه قبل ما المشكلة تكبر، ابعتلنا واسأل على عرض الصيف.

📱واتساب: 01508230853
☎️اتصال: 01553411269

AK TECH SUPPORT — جهازك في إيد أمينة.🔧💻

مش كل جهاز بيدخل صيانة بيكون فيه عطل واحد وخلاص… وده اللي حصل معانا في الـ HP ProBook 6570b ده.الجهاز وصلنا وهو متوقف تم...
02/09/2026

مش كل جهاز بيدخل صيانة بيكون فيه عطل واحد وخلاص… وده اللي حصل معانا في الـ HP ProBook 6570b ده.

الجهاز وصلنا وهو متوقف تمامًا عن العمل، يعني مفيش استجابة والجهاز مش بيفتح.

بدأنا نفحص الجهاز ونجرب جزء جزء لحد ما اتأكدنا إن المشكلة الأساسية في البوردة وإنها محتاجة تتغير.

طيب كده خلاص؟
للأسف الموضوع ماكانش بالسهولة دي 😅

لأن الجهاز موديل قديم، والـ Motherboard بتاعته مش من الحاجات اللي بتكون متوفرة بسهولة، وده خلانا ندور عليها شوية لحد ما قدرنا نوفر واحدة مناسبة للجهاز وبأفضل سعر ممكن.

بعد ما وفرنا البوردة وبدأنا نركبها ونراجع الجهاز، كنا فاكرين إن خلاص كده هنقفل الموضوع…

بس كل ما نخلص من حاجة، تظهر حاجة تانية 😅

بدأنا نراجع الهارد، وبعد ما خلصنا منه ولقينا الدنيا تمام، ظهرت مشاكل في السوفتوير محتاجة تتظبط.

يعني الجهاز كان ماشي معانا خطوة بخطوة، وكل مرحلة بتظهر حاجة محتاجة شغل 😄
بس بما إننا بدأنا، كان لازم نكمل ونطلع الجهاز شغال بشكل كويس.

في النهاية تم تغيير البوردة، ومراجعة الجهاز بالكامل، وتنظيم كل حاجة فيه، وبعدها تم تثبيت نسخة Windows جديدة، وكمان Office هدية مننا للعميل🎁

والحمد لله في الآخر الجهاز اشتغل بنجاح ورجع يشتغل تاني بعد ما كان متوقف تمامًا.

وده من الحالات اللي بتفكرك إن خصوصًا الأجهزة القديمة، مينفعش تحكم على الجهاز من أول عطل يظهر فيه، ومينفعش كمان تستسلم من أول مشكلة وتقول الجهاز خلاص انتهى.

HP ProBook 6570b… من جهاز متوقف تمامًا لجهاز شغال تاني بفضل الله.🔧💻

📱 للتواصل واتساب: 015 08230853
☎️ اتصال: 01553411269

AK TECH SUPPORT — جهازك في إيد أمينة.

💻 جهازك بقى بطيء؟ طب أعمله Upgrade ولا أغيره؟السؤال ده بيتكرر كتير، والإجابة مش دايمًا "هات جهاز جديد"، وفي نفس الوقت مش...
23/08/2026

💻 جهازك بقى بطيء؟ طب أعمله Upgrade ولا أغيره؟
السؤال ده بيتكرر كتير، والإجابة مش دايمًا "هات جهاز جديد"، وفي نفس الوقت مش دايمًا الـUpgrade هو الحل...خلينا نبسطها شوية 👇

لو جهازك استخدامه عادي، وبقاله فترة حاسس إنه بقى تقيل في فتح البرامج، الويندوز بياخد وقت، أو الجهاز بقى بيهنج مع فتح أكتر من حاجة في نفس الوقت، هنا أول حاجة بنبص عليها هي **الرام والـSSD**.

مثلًا لو جهازك لسه شغال بـ HDD، فتركيب SSD في حالات كتير بيعمل فرق كبير جدًا في سرعة فتح الويندوز والبرامج واستجابة الجهاز بشكل عام.

ولو الرام قليلة، زي 4GB أو 8GB في جهاز استخدامه بقى أعلى من إمكانياته، زيادة الرام ممكن تفرق معاك خصوصًا لو بتفتح برامج كتير في نفس الوقت.

بس هنا لازم ناخد بالنا من حاجة مهمة:
1-مش أي جهاز ينفع نعمله Upgrade وخلاص.

في أجهزة الرام فيها محدودة أو ملحومة، أو الـSSD مش قابل للترقية بالشكل اللي تتوقعه، وفي أجهزة المعالج نفسه قديم جدًا، وساعتها حتى لو زودت RAM وSSD مش هتحصل على النتيجة اللي متوقعها.

2-كمان لازم نحسبها من ناحية الفلوس.
يعني لو جهازك محتاج SSD + RAM + بطارية + صيانة، وبعد ما تدفع كل ده هتفضل إمكانياته محدودة… هنا لازم تسأل نفسك:

أنا هدفع المبلغ ده في جهاز قديم، ولا أزود عليه شوية وأجيب جهاز أحدث؟

وفي المقابل، لو جهازك حالته كويسة، والمعالج مناسب لاستخدامك، والشاشة والبطارية وباقي المكونات كويسة، واللي ناقصه مجرد Upgrade بسيط، يبقى ليه تغير جهاز كامل وتدفع مبلغ أكبر؟

عشان كده قبل ما تاخد قرار إنك تبيع جهازك أو تشتري واحد جديد، اعرف الأول جهازك حالته إيه وإيه اللي ممكن يتعمل فيه فعلًا.

وابعتلنا موديل جهازك + الرام + نوع ومساحة التخزين، ونقولك بصراحة:
Upgrade ولا تغيير؟ وإيه اللي هيكون أوفر وأنسب لاستخدامك.🔧💻

📱واتساب: 015 08230853
📱 اتصال: 01553411269

AK TECH SUPPORT — جهازك في إيد أمينة.

#لابتوب

الدراسة قربت… وآخر حاجة ممكن تحتاجها إن اللابتوب يعطلك في وقت أنت محتاجه فيه.مش معنى إن الجهاز شغال دلوقتي إنه جاهز لضغط...
21/08/2026

الدراسة قربت… وآخر حاجة ممكن تحتاجها إن اللابتوب يعطلك في وقت أنت محتاجه فيه.

مش معنى إن الجهاز شغال دلوقتي إنه جاهز لضغط الدراسة والشغل والكورسات، خصوصًا لو بقاله فترة من غير صيانة أو بدأت تلاحظ إنه بقى أبطأ، حرارته أعلى، البطارية بتخلص أسرع أو بيهنج من وقت للتاني.

والأهم…متستناش المشكلة تكبر عشان تبدأ تدور على حل.

في AK TECH SUPPORT بنبدأ بفحص الجهاز وتحديد حالته والمشكلة الموجودة، وبعدها بنوضحلك إيه اللي محتاج يتعمل فعلًا وإيه اللي مش محتاج تغيير، عشان متدفعش في حاجة مش ضرورية.

🎁 وبمناسبة بداية الدراسة،خصم 25% على خدمات الصيانة لفترة محدودة.

لو جهازك محتاج يتراجع عليه قبل بداية الدراسة، ابعتلنا موديل الجهاز أو المشكلة اللي بتواجهك وهنساعدك تعرف تبدأ منين.

واتساب: 015 08230853
اتصال: 01553411269

AK TECH SUPPORT — جهازك في إيد أمينة.🔧💻

#لابتوب #طلاب #جامعة

مش كل عطل ظاهر هو أصل المشكلة.💻أوقات العطل اللي العميل بيشتكي منه بيكون مجرد جزء من المشكلة، مش المشكلة كلها.من كام يوم ...
17/08/2026

مش كل عطل ظاهر هو أصل المشكلة.💻
أوقات العطل اللي العميل بيشتكي منه بيكون مجرد جزء من المشكلة، مش المشكلة كلها.

من كام يوم جالنا جهاز، والمشكلة الظاهرة فيه كانت إن الشاحن مش شغال بشكل طبيعي، وبعد الفحص تم حل المشكلة واستبدال الشاحن بشاحن اصلي.

لكن أثناء الفحص الكامل للجهاز، اتضح إن الجهاز محتاج تنظيف داخلي، لأن تراكم الأتربة مع الوقت كان مأثر على بعض المكونات الداخلية ، وده كان سبب في ظهور مشاكل تانية في التشغيل زي ان الجهاز مش قادر يقرا الداتا بسبب ان الرام تراكم عليها اتربه.

الحمد لله بعد التنظيف والمراجعة الكاملة للجهاز، رجع يشتغل بصورة طبيعية وتم حل المشكلة بالكامل.

وده سبب إننا دايمًا بنفضل إن أي جهاز يدخل الصيانة يتم فحصه بشكل كامل، لأن أوقات العطل اللي ظاهر قدامك بيكون مجرد نتيجة لمشكلة تانية موجودة من فترة.

والتنظيف الدوري للجهاز مش رفاهية، خصوصًا مع الأتربة ودرجات الحرارة المرتفعة، لأنه بيساعد في الحفاظ على كفاءة الجهاز وتقليل فرص حدوث أعطال مع الوقت.

جهازك فيه مشكلة ومش عارف سببها؟ ابعتلنا الموديل ووصف المشكلة، ونساعدك تعرف تبدأ منين.

📍AK Tech Support

📞 Phone: 01553411269
💬 WhatsApp: 01508230853

لأن التشخيص الصحيح هو بداية الحل.

#لابتوب #كمبيوتر

أحيانًا العميل بيجيب الجهاز بسبب مشكلة واحدة، وبعد الفحص بنكتشف إن الجهاز محتاج شوية اهتمام أكتر من كده.الجهاز ده وصلنا ...
15/08/2026

أحيانًا العميل بيجيب الجهاز بسبب مشكلة واحدة، وبعد الفحص بنكتشف إن الجهاز محتاج شوية اهتمام أكتر من كده.

الجهاز ده وصلنا والصوت فيه قاطع تمامًا.بعد الفحص اتضح إن المشكلة في السماعة الداخلية، واتبلغ العميل بالتفصيل وتمت الموافقة على استبدالها.

لكن بما إننا بنقدم فحص شامل للجهاز مع الصيانة، بدأنا نراجع باقي الجهاز، وظهر إن فيه عدد كبير من التعريفات ناقصة، وده كان مأثر على بعض وظائف الجهاز.

بعد الرجوع للعميل، تم عمل نسخة Windows مناسبة للجهاز، مع الحفاظ على بياناته بالكامل...ودي نقطة بنهتم بيها جدًا في أي جهاز بيدخل عندنا.

الداتا أهم من الصيانة نفسها...قبل ما نبدأ أي خطوة ممكن تعرض بيانات العميل للخطر، تم نقل البيانات وتأمينها، وبعد انتهاء العمل رجعناها للجهاز مرة تانية.

وخلال وجود الجهاز عندنا تم :
1- استبدال السماعة الداخلية.
2- تثبيت التعريفات المطلوبة.
3- تثبيت نسخة Office للعميل.
4- فحص الجهاز من الداخل وتنظيفه.
5- تنظيف وتلميع الجهاز من الخارج.
6- مراجعة الجهاز بعد الانتهاء والتأكد إن الصوت وكل شيء رجع للعمل بشكل طبيعي.

والحمد لله الجهاز اتسلم لصاحبه بالصورة اللي المفروض يكون عليها...الفكرة بالنسبة لنا مش إننا نصلح العطل اللي العميل جاي بيه وخلاص.

لما جهاز يدخل عندنا، بنحاول نعرف حالته بالكامل، ونوضح للعميل أي حاجة محتاجة تدخل قبل ما نعملها...وفي النهاية، القرار بيكون للعميل...لأن الصيانة الصح مش مجرد تغيير قطعة...

الصيانة الصح إنك تعرف المشكلة، تحافظ على بيانات صاحب الجهاز، وتسلّمه جهازه وهو عارف إيه اللي اتعمل فيه بالظبط.

لو عندك جهاز فيه مشكلة ومش عارف تبدأ منين، ابعتلنا AK Tech Support الموديل ووصف المشكلة، وإن شاء الله نساعدك تعرف الخطوة المناسبة.

للتواصل واتساب : 015 08230853
للتواصل فون : 01553411269

#كمبيوتر #لابتوب #تكنولوجيا

مشكلة اللابتوب إنه مش بيتكلم.. لو كان بيتكلم، كان زمانه شتمنا كلنا من كتر اللي بنشوفه! 💻😂بحكم الشغل اليومي ، الواحد بقى ...
10/08/2026

مشكلة اللابتوب إنه مش بيتكلم.. لو كان بيتكلم، كان زمانه شتمنا كلنا من كتر اللي بنشوفه! 💻😂

بحكم الشغل اليومي ، الواحد بقى يشوف حاجات غريبة...جهاز لسه صاحبه دافع فيه مبلغ محترم، وتلاقيه اتفتح واتجرب فيه كذا حاجة، أو مشكلة بسيطة اتساب عليها لحد ما كبرت وبقت عطل أكبر وتكلفتها أعلى.

وعشان كده دايمًا بقول إن أهم حاجة في الصيانة مش إنك تغير قطعة وخلاص، المهم تعرف العطل منين الأول.

من أكتر الحاجات اللي بنشوفها:

1- اللابتوب بيسخن والمروحة صوتها عالي جدًا
مش كل مرة الموضوع بيكون "نضفه وخلاص"...ممكن يكون التبريد محتاج يتراجع، أو المعجون الحراري فقد كفاءته، أو فيه سبب تاني مخلي الحرارة عالية. المهم تعرف السبب قبل ما تبدأ تغير حاجه.

2- الجهاز بيفصل فجأة
تلاقيه شغال عادي وفجأة يفصل، وبعدها يشتغل تاني. هنا مينفعش نقول من أول مرة "دي الرام" أو "دي البطارية". ممكن حرارة، ممكن باور، وممكن عطل على البوردة، والتشخيص هو اللي يحدد.

3- اللابتوب بقى تقيل جدًا رغم إن الويندوز جديد
قبل ما تقول الويندوز هو السبب، شوف الهارد أو الـSSD حالته إيه. خصوصًا لو فيه تهنيج أو الجهاز بياخد وقت طويل في فتح البرامج والملفات. ولو عليه بيانات مهمة، متستناش المشكلة تكبر.

4- البطارية بتخلص في وقت قليل جدًا
ممكن تكون البطارية خلص عمرها، وده الطبيعي مع الاستخدام، لكن مش دايمًا البطارية هي السبب. ساعات بيكون فيه استهلاك غير طبيعي أو مشكلة في دائرة الشحن، وده بيتحدد بالفحص.

وعشان كده لو جهازك فيه مشكلة، متخليش أول حل يبقى تغيير قطعة بالتجربة.

اتأكد الأول العطل فين، وبعدها قرر هتصلح ولا لأ.

ولو عندك مشكلة في جهازك، ابعتلي الموديل + وصف المشكلة في كومنت أو على الواتساب، وأنا أقولك إيه اللي ممكن يكون سببها وإيه اللي محتاج يتفحص.

للتواصل واتساب: 015 08230853
للتواصل فون: 01553411269
AK Tech Support

#كمبيوتر #لابتوب #تكنولوجيا

هو كان شغال كويس.. مش عارف حصل فيه إيه؟ 💻🤔من أكتر الحاجات اللي بشوفها في اللابات إن صاحب الجهاز بيكون متعود عليه وهو شغا...
31/07/2026

هو كان شغال كويس.. مش عارف حصل فيه إيه؟ 💻🤔

من أكتر الحاجات اللي بشوفها في اللابات إن صاحب الجهاز بيكون متعود عليه وهو شغال كويس، وفجأة يبدأ يلاحظ إن الجهاز اتغير عن الأول.
المروحة صوتها زاد، الجهاز بقى بيسخن، الويندوز بقى تقيل، البطارية مش بتكمل، الشحن بيقطع، أو الجهاز ساعات يفصل من غير سبب واضح.
وساعات صاحب الجهاز بيقول:
"هو كان شغال كويس، مش عارف حصل فيه إيه."

الحقيقة إن أغلب المشاكل دي مش بتظهر في يوم وليلة. ممكن تكون حاجة بسيطة بدأت من فترة ومحدش خد باله منها، ومع الوقت الموضوع بيكبر.
مثلاً التراب اللي بيتجمع جوه الجهاز مع الوقت بيأثر على التبريد، والمعجون الحراري بيحتاج يتغير بعد فترة، وممكن مروحة تكون بدأت تضعف، أو البطارية حالتها قلت، أو يكون فيه مشكلة في الشحن.

وعشان كده الصيانة مش معناها إنك تستنى الجهاز يعطل وبعدين تصلحه.
أحيانًا كشف بسيط على الجهاز في الوقت المناسب يخليك تعرف المشكلة بدري، وتوفر على نفسك تكلفة عطل أكبر بعد كده.

ونفس الكلام لو ناوي تشتري لاب استيراد أو مستعمل. متعتمدش على إن الجهاز شكله نضيف أو إنه اشتغل قدامك كام دقيقة. الحالة الحقيقية للجهاز بتبان بالكشف والاختبار، وأحيانًا لما يتفتح الجهاز بتظهر حاجات مكنتش باينة من بره.

أنا بدأت AK TECH SUPPORT عشان أساعد الناس في الحاجات دي، سواء صيانة، فحص جهاز، أو حتى لو محتاج تعرف هل اللاب اللي قدامك يستاهل تشتريه ولا لأ.

فلو عندك لاب فيه مشكلة ومش عارف تبدأ منين، ابعتلي موديل الجهاز والمشكلة اللي بتحصل معاك، ونشوف الموضوع محتاج إيه.

📞 للتواصل فون : 01553411269
💬 للتواصل واتساب : 015 08230853

ولو تعرف حد عنده لاب بيعمل مشاكل أو ناوي يشتري جهاز، ابعتله البوست يمكن يفيده.

#كمبيوتر #صيانة #هاردوير #ويندوز

متحكمش على اللاب من شكله!💻في ناس كتير أول ما تيجي تشتري لاب استيراد، أول حاجة بتبص عليها هي الشكل الخارجي. لو نضيف ومفيه...
22/07/2026

متحكمش على اللاب من شكله!💻
في ناس كتير أول ما تيجي تشتري لاب استيراد، أول حاجة بتبص عليها هي الشكل الخارجي. لو نضيف ومفيهوش خربوش يبقى خلاص الجهاز ممتاز.

لكن من خلال الأجهزة اللي فتحتها، اتعلمت إن الشكل الخارجي مش بيحكي كل حاجة.

ممكن تفتح جهاز شكله كأنه لسه جديد، وتتفاجئ إنه:
1- مفكوك قبل كده أكتر من مرة.
2- فيه مسامير ناقصة أو متغيرة.
3- المعجون الحراري ناشف ومحدش غيره من سنين.
4- المروحة مليانة تراب.
5- البطارية أو الرام أو الهارد متغيرين.
6- أو حتى فيه شغل سابق على البوردة.

وده كله ممكن ميبانش وقت الشراء، لكن بعد فترة تبدأ تظهر المشاكل... سخونة، تهنيج، بطء، أو الجهاز يفصل فجأة.

وده مش معناه إن كل اللابات الاستيراد وحشة، بالعكس. فيه أجهزة استيراد ممتازة جدًا وبتقعد سنين من غير أي مشكلة.

الفكرة بس إن متخليش الشكل هو اللي يحكم.

لو ناوي تشتري لاب، اتأكد إنه يتكشف عليه كويس من الداخل قبل ما تدفع فلوسك، لأن الكشف هو اللي هيقولك حالة الجهاز الحقيقية.

لو محتاج تكشف على لاب قبل الشراء أو تعمل صيانة للجهاز بتاعك، كلمني وهساعدك بإذن الله.📩

📞 للتواصل: 015 08230853

#كمبيوتر #صيانة #هاردوير #ويندوز

Address

محافظه كفر الشيخ/مركز قلين
Qallin
6841504

Opening Hours

Monday 10am - 10pm
Tuesday 10am - 10pm
Wednesday 10am - 10pm
Thursday 10am - 10pm
Friday 10am - 10pm
Saturday 10am - 10pm
Sunday 10am - 10pm

Website

Alerts

Be the first to know and let us send you an email when AK Tech Support posts news and promotions. Your email address will not be used for any other purpose, and you can unsubscribe at any time.

Shortcuts

Share

Category