26/08/2026
انا وفي العمرة لما كنت بشوف الناس تجري علي الوجبات اللي بتتوزع كنت بقول لنفسي ليه الناس دي بتجري كده يعني هو دافع 40 الف الي 60 الف عشان يجي ومش قادر يشتري وجبة ب 10 ريال يعني مكملتش 150 جنية 🤔
وكان الأغرب ليا أنه الشركات وناس كتير بتوزع وجبات الإفطار والغداء والعشاء بكمية ما شاء الله كبيرة جداً يعني الفرد ممكن ياخد مره واتنين وتلاتة وعادي بيوزعوا وهم ومبسوطين جداً 🙂
قولت طب مش اولي بيها الناس الفقراء اللي في الدول أو العمالة اللي بتسترزق في الغربة 💔
الموضوع بصراحه خلاني افكر وبحث عن السبب ده 😅
ولما بحثت اكتشفت أنه سبب توذيع الوجبات يومياً من الشركات أنهم بيوذعوا في الأماكن الصح لناس الاكتر احتياجاً فعلاً 🙂
هتقولي ازاي هقولك أنه اغلاب الناس اللي بتعمل عمرة ناس مش معها فلوس أصلا يعني مش أغنياء زي مانا وانت فاكرين 😳
ودي حكمة من ربنا أنه بيكتب العمرة لناس البسيطة الفقيرة اللي بتتوسل ليه ليلة نهار عشان تزور بيته ❤️
وبالفعل 99% ناس بسيطة وعفيفة
فتلقي نسبة الأغنياء في العمرة قليلين جداً جداً 💔
لانه اغلب المحظوظين بالعمرة فقراء وناس بسيطة عفيفة هم أصلا ميمتلكوش تمن العمرة او ممكن امتلكوها بس بالتدبير من قوت يومهم او ماشيين قسط بس سبحان الله اتكتبتلهم الزيارة ❤️
عارفين ليه لأنها دعوة من رب العباد
الدعوة لو كانت في يد العباد كان مكة دي بقت زي الفنادق
الـ 5 نجوم ميدخلهاش غير اللي معه ملايين من زحمة الناس عليها لكن رغم الأسعار ورغم ظروف الناس 💔
ربنا المدبر وربنا اللي بيدعو الناس 🤲🏼
عشان كده اغلب الزوار والزائرين فقراء الي الله صادقين مؤمنين بالله ورسوله ❤️
وهنا عرفت معني " كريمٌ رسولُ اللهِ واللهُ أكرمُ، فهل فقيرٌ بين الكريمينِ يُحرمُ؟"
