28/06/2022
موقع cable عامل دراسة لمتوسط سعر جيجا النت في باقات الموبيل
علي 6000 باقة في 230 بلد في العالم في 2021
طبعا دي مش مسابقة Ookla اسرع انترنت في قارة افريقيا
(اللي هي مفهاش انترنت أساسا)
عشان نعملهم سيرفر هوست عندنا فنطلع في المركز الأول 😉
احنا في المركز ال 55 عقبال أمالتك
ايوة عندنا اربع شركات منهم 3 عالميين بإجمالي 40 باقة قصاد بعض
بس مفيش منافسة هنا لأن كلهم متسعريين من جهاز تنظيم الاتصالات
بيحط حد أدنى لسعر الجيجا أو الدقيقة أو الاشتراك الشهري
ممنوع كشركة انك تقدم خدمة بسعر أقل أو باقة أفضل
أو مزايا اشتراك اكتر أو خدمات أحسن من الشركات التلاتة التانية
عالميا طبيعي في دول ملعمة علينا زي:
إسر.ا.ئيل وإيطاليا وروسيا وفرنسا والصين
وبولندا وأستراليا والدنمارك والكويت وماليزيا وفنلندا
التكنولوجيا عندهم مفيش اكتر منها
دخلوا عصر ال5G وبيفكروا في ال6G لامؤاخذة
عاملين باقات بالتيرا وباقات غير محدودة عشان الحياة بقت كلها اونلاين
الناس تشتغل وتتعلم وتتواصل وتسوشيال وتخزن ملفاتها
وتستخدم الخدمات الحكومية وتترفه وتستمتع وتدفع اونلاين
كمثال باقة زين 5 تيرا الموبيل في الكويت ب 10 دينار(ما يعادل 611 جنيه)
انت لو استهلكت هنا 5 تيرا اورانج بتتكلم في حوالي 75.000 جنيه
(ما يعادل 1226 دينار)
وطبعا دا مش بالساهل دا هيكون عن طريق الاشتراك 125 مرة في باقة جو نت 40 جيجا اكبر باقة متاحه
علي عكس باقة زين هناك اللي هتشرك فيها مرة واحدة
(وهي اصغر باقة لان الباقي غير محدود) 🙂
مش دا الغريب, الغريب ان دول تقدم الجيجا أرخص مننا زي:
السودان وبنجلاديش والجزائر وباكستان وليبيا والصومال والمغرب وأفغانستان
للمفارقة احنا لوحدنا مشتركين في كابلات بحرية بعدد كابلات التمن بلاد دول مجتمعين!!!
كل الامنيات للشركات المصرية في 2022
انها تتقدم على الأقل مركز واحد فقط الي المركز 54
وتتقدم على أفغانستان
عشان عيب والله.... عيب