لمسات هدى Huda's Touches

لمسات هدى Huda's Touches قصصي وتصاميمي تعكس رؤيتي للعالم���
My stories and designs reflect my vision of the world ���

22/11/2025

🤗💞💞💞💞💞💞

21/11/2025

*✨(سـلـسـلـة:- نـظـريـات غـامـضـة)✨*

*🔮الجزء الأول: سر الماء المظلم🔮*

الجزء دا بيتكلم عن نظرية غريبة جدًا... صعب على أي عقل بشري يصدقها.😵‍💫
لكن الأول خليني أوضحلكم إن السر المظلم للماء ليس في الظلام ولكن في الخفاء.، في التفاصيل التي لايراها إلّا القليل.🤫

ركز معايا عشان انا دلوقتي هاخدك معايا ف جولة من الأسرار هتحيرلك دماغك، عشان كدا خليني اقولك يا رفيق الأسرار🤝..

🌊-- تعرف إن المياه ذاكرتها ومشاعرها أقوى مني ومنك!
-- طب تعرف إن المياه سهل جدًا تمتص أي طاقة بس صعب تفرغها!
-- تخيل لو حصلت جريمةٍ ما في مكانٍ ما، وكان فيه مياه في المكان، سواء كوباية او قزازة او حتى حوض سمك.. المياه دي هتشهد على الجريمه؟!!!!!
-- وطبعًا لو شربت مياه متأثرة بطاقة معينه انت كمان هتتأثر بنفس الطاقة!!!
-- لو فاكر إن الكلام دا هو اللي هيخليك تفكر وتستغرب وتنبهر ف خليني أقولك يا رفيق الأسرار إن جسمك حوالي 70% مياه!!!!! 😱💧
*« تفتكر ايه سر جسمك؟🤔💧»*

ودلوقتي يلا نغووص في أسرار النظرية مع هدى🌝🤍

_ في سنة 1988 عالِم فرنسي اسمه (چاك بنڤنيست Jacques Benveniste) قرر يجرب حاجه غريبه جدًا.... كان بيحلل تأثير مواد معينة على خلايا جسم الإنسان، ولاحظ حاجه مذهلة.. حتى لما خفض المادة لدرجة إنها تقريبًا تختفي من المياه، المياه كانت لسه بتتصَرّف وكإن المادة موجودة!، دا خلاه يقول: المياه ممكن تحتفظ بذاكرة المادة اللي كانت فيها)... والمجلة العلمية Nature نشرت اكتشافه، لكن بعد كدا العلماء اتهموه بالتزييف والغلط وقالوا إن مفيش تفسير علمي منطقي لكدا..!
_ بعدها جه عالم ياباني اسمه (ماسارو إيموتو Masaru Emoto) قرر يجرب حاجه مختلفه... جاب كوبايتين مياه وبدأ يتكلم مع واحده منهم كلمات حب وامتنان، ويتكلم مع التانيه كلمات سلبية وشتايم، وبعدين جمّد المياه وصورها بالميكروسكوب... النتيجه!!
المياه اللي اتعرَّضت للكلمات الحلوة الطيبة طلّعت بلورات جميله ومتناسقه، والمياه اللي اتعرَّضت للكلمات السيئة طلعت مشوهه وغريبة جدًا😳. ونفس الكلام ده ظهر لما عمل التجربة على دموع فرح ودموع حزن.
(ده خلى الناس تقول: الكلمه والطاقه فعلًا ممكن تؤثر على المياه)

-- وطبعا من استنتاجي کـ هدى لكل ده، إن المياه شاهد صامت.. صامته للعين، لكنها بتسمع كل حاجه.
وان جزيئاتها الصغيره ممكن تحتفظ بالزعيق، بالخوف، وبكل طاقة مرّت حواليها.. يعني كل صدمه، كل صرخه، كل ضحكه، وكل شعور بيسيب أثره جوا المياه.. صامت، لكن موجود👌. حد هيسألني: طيب يا هدى لو حصلت جريمة في مكان فيه مياه، مش ممكن نحلل المياه ونعرف سمعت ايه وشافت ايه؟؟!
أحب اقولك يا رفيق الأسرار: النظرية بتقووول إن المياه بتتأثر بالطاقة والمشاعر المحيطه بيها.. مش إنها تحفظها گـبيانات مفهومة... يعني المياه ممكن تكون شاهد صامت بس منقدرش نستجوبها.
-- وأحب أقولك عزيزي القارئ إنك لو شربت مياه موجودة ف مكان فيه طاقة سلبية او إيجابية انت هتتأثر بنفس الطاقة دي... وبما إن 70% من جسمك مياه، يبقى هتتأثر بالطاقة بسهولة وهتفرغ الطاقة منك بصعوبة.. 😶😶🤍

-- ومتنساش عزيزي رفيق الأسرار مع هدى إن فيع سر مهم جدًا..
النبي ﷺ علمنا نقرأ القرآن على المياه ونرتقي بيها 😇🤍.. تفتكر ليه؟ وايه السر؟🤔.. دا كمان تقريبًا كل الأديان بيأكدوا على أهمية المياه الروحيه وحكمتها في طقوسهم.

عايزة اقولك ان النبي ﷺ قال اننا نقرأ القرآن على الماء، ثم يشرب منه الإنسان أو يمسح به جسده... الهدف الشفاء الروحي والحماية من السحر والعين و كمان الطاقة السلبيه.
لو طبقنا فكرة ذاكرة المياه... فَ المياه اللي اتقرأ عليها قرآن أو رقية تحمل طاقة إيجابية وروحية قوية.. ف لما يشربها الإنسان أو يمسح بيها جسمه الجسم بيتفاعل مع الطاقة دي وبيتأثر بالخير والطاقة الإيجابية (طبعًا لا شك أن كلام الله مليئ بالطاقة الإيجابية، بدليل إننا لما بنسمع قرآن بس بنهدأ.. ما بالك لو شربنا مياه متأثرة بطاقة القرآن.. وكمان جسمك بما انه 70% مياه ف هيبقى من الصعب يفرغ الطاقة دي حاجه منتهى ال🥰🥰🥰)
وطبعًا يعزيزي ناس كتير لاحظت فرق في الشعور بعد شُرب مياه عليها آيات قرآنية أو رقية شرعية🤍.
ودا يتماشى مع التجارب العلمية الغريبة زي (ماراسو إيموتو)، لكن هنا المصدر روحاني وأقوى في التأثير.
-ف بالتالي نستنتج مع بعضينا عزيزي القارئ إن المياه اللي عليها القرآن بتهدّي النَّفْس، وتُذهِب الطاقة السلبية، وتساعد على الشفاء الروحي والجسدي..... وبما إن الجسم 70% مياه، ف التأثير بيوصل لكل جزء فينا.
-- ف هيجي حد يسألني: طب يا هدى هو النبي ﷺ كان عارف أسرار المياه؟!
هرد واقولك: لا يا عزيزي..، باختصار شديد.. النبي ﷺ ماعتمدش عِلم تجريبي حديث، لكنه كان على عِلم بالفطره والطاقة الروحيه في الماء... يعني النبي ﷺ كان عنده وحي من الله ﷻ، وهذا يشمل ما يُفيد البشرية في الدين والدنيا.
((سبحان من خلق حبيبنا ﷺ على أكمل فطرة، ف عَلَّم قبل أن يُعَلَّم🤍🤍🤍🤍))

-- أحب أقولك كمان يا رفيق الأسرار إن ف الدين المسيحي المياه مهمه جدًا.. زي المعمودية مثلا: المياه هنا مش مجرد رمزيه، لكنه وسيط للتطهير الروحي والخلاص.. وف بعض الطقوس يُقرأ الكتاب المقدس أو صلوات على المياه قبل استخدامها.. عندك كمان الكنائس الكاثوليكية والأرثوذكسية عندهم حاجه اسمها (المياه المباركه).
-- عندك الهندوسية، يُعتقد فيها أن المياه تُنقي الروح والجسد وبتحمل طاقة مقدسة تمحو الذنوووب!!!.
-- وبعض المدارس في البوذية تؤمن أن الإنتباه والطاقة الذهنيه ممكن تأثر على المياه.
-- وكمان في الشنتو (اليابانية القديمة): الطقوس تتضمن غسل اليدين والفم قبل دخول المعابد، تعبيرًا عن تنقية الطاقة قبل الإقتراب من المقدس.
-- وفيه معتقدات وشخصيات حديثة اعتبروا المياه تحمل ذكريات ومشاعر الطاقة البشرية.

«« من الآخر الفكرة موجودة من قديم الزمن، وف كل الثقافات تقريبًا»»

ف أحب أقولك يعزيزي المياه ليست مجرد سائل، لكنها وسيط للطاقة والروحانية.

وطبعًا لو سألتك عزيزي القارئ: ليه الساحر بيستخدم السحر في المياه سواء يشرّبه لحد أو يرشه على حد أو في مكان؟ أظن هتبقى عارف الإجابه لوحدك. 👌🌝

ودلوقتي يا رفيق الأسرار هستناك تشارك معايا إجابتك ف كومنت 🤍

*🕯️انتظروني في الجزء التاني من (سـلـسـلـة: نـظـريـات غـامـضـة)*
مع #هدى

16/11/2025

a wise person once said:
الأهم من إنك تلاقي حد متوافق معاك
إنك تلاقي حد يواكب تغيُّراتك في كُل مرحلة.

16/11/2025

في فيلم " كلمني شكرًا " اتقالت جملة حلوه ع الناس اللي ليهم رأي ف كل حاجه :
"هو انت يعني لو سكت هيقولوا اللي متكلمش اهو؟"

29/10/2025

تخيل تفتح محل ورد ومخبوزات في نفس الوقت المكان كله هيبقى ريحة مخبوزات سخنة ممزوجة بريحة الورد الطبيعي وفي ميوزك فرنسية شغالة والحيطان عليها لوحات وييجي شخص يشتري كراوسون مثلاً ومعاه وردة توليب.♡

27/10/2025

*حين وجدتني..*

ظللت ابحث عني في الناس، في الحب، في المديح... أركض، أضحك، أتنازل، وأزعم أني بخير.
كنت أحيا كَـظلٍ لـنفسي، ألبس ملامحي، لكن لا أشعر بها.
حتى جاء اليوم الذي تعبت فيه من كوني مجهولة... حتي لنفسي.
فقررت أن اتوقف عن البحث خارجًا، وأدخل.. إلى أعماقي.
لا أبحث عن الكمال، بل عن الصدق.
لا أريد أن أُصبِح كما يُحبون، أريد فقط أن أكون كما أستحق.
وفي لحظة هدوء، وسط فوضى قلبي... وجدتها... تلك الفتاة التي لطالما كنت.
حين وجدتني عرفت أن البداية الحقيقية لم تكن في الماضي.... بل تبدأ الآن.
#هدى

عمو سكار ، عمو سكار ، لما أنا أبقى مَلك إنت هتبقى إيه؟ 😂
25/10/2025

عمو سكار ، عمو سكار ، لما أنا أبقى مَلك إنت هتبقى إيه؟ 😂

25/10/2025

من الأدب مع الله
انك تحترم توزيعه للرزق
وماتمدش عينيك على رزق غيرك...

25/10/2025

إذا كانت الثمرة التي أكلتها كُتِبَت لك منذ اللحظة التي زُرِعَت بذرتها، فما الذي يجعلك تظن أن ما كُتِب لك لن يجد طريقك !! 🌺

الموظفين ف مصر :
25/10/2025

الموظفين ف مصر :

25/10/2025

‏إحساس الثقه بالنفس دا نعمة، تخيل متبقاش شاغل دماغك بـ أي مقارنه علشان متأكد إنك اجمل والذ واعسل حد في الدنيا

25/10/2025

بنقعد ف التجمع العائلي مفيش حد مستمع كله متحدث

Address

Luxor

Website

Alerts

Be the first to know and let us send you an email when لمسات هدى Huda's Touches posts news and promotions. Your email address will not be used for any other purpose, and you can unsubscribe at any time.

Shortcuts

Share

Category