المرسي لخدمات الكمبيوتر والانترنت

13/04/2018

المظهر و الجوهر: هل تعرف من الرجل الذي يظهر في الصورة؟
إنه ملك الهند جاي سينج، في عام 1919 تم طرده من معرض للسيارات في لندن لظنهم أنه رجل هندي فقير.
كان يتجول المهراجا الهندي آنذاك في لندن بملابس عادية بدون ملابسه الرسمية وبدون حراسة، فدخل معرض السيارات الفخمة "رولز رويس" يسأل عن سعر سيارة، فأهانه البائع معتقدًا أنه مهاجر هندي فقير وطرده من المعرض.
فعاد المهراجا للفندق وأتصل بمعرض السيارات بصفته ملك الهند، فتم تجهيز استقبال حافل له في المعرض مع فرش السجاد الأحمر ووجود المدير، فاشترى 10 سيارات رولز رويس، واشترط أن يوصلهم عنده الرجل الذي أهانه، ثم شحنها إلى بلده وأزال الأسقف وقرر أن تعمل تلك السيارات في نقل القمامة.
ليرد على الإهانة التي تلقاها في المعرض، فحدثت ضجة صحافية بسبب هذا الأمر وساءت سمعة المعرض كثيرًا، مما دفع شركة رولز رويس بالتواصل مع المهراجا الهندي والإعتذار منه وأرسلوا إليه 10 سيارات جديدة هدية في مقابل أن يوافق على التوقف عن إستغلال السيارات الأخرى في نقل القمامة وإنهاء المشكلة

13/04/2018

للناس الي سمعت عن موضوع تسريب بيانات الفيس بوك و المفروض ان مارك و شركة فيس بوك تواجه بسببها مشكله مع الحكومة الامريكية

فى البداية خلينا نتفق ان الطرفين مش ملايكة، وان الحرب دي تمثيلية هاتخلص ف مكتب مقفول، بفلوس كتير
لكن في النهاية تفاصيل جلسة الاستماع كانت مليانة دروس لينا احنا ف ادارة الازمات:

١. انك تلبس وش بلاستيك "بوكر فيس" وتحافظ على لغة جسدك، نبرة صوتك وهدوءك تحت ضغط نص سيناتورز امريكا وماتهزش راسك حتى بالموافقة

٢. انك تسمع كويس لخصمك، انك تكون مركز لمدة ٥ ساعات متتالية، مركز مع ٤٤ سيناتور ف كل كلمة هما بيقولوها وكل كلمة انت بتقولها، دانا صدعت وانا بتفرج بس.

٣. انك مش دايما لازم ترد، ممكن تسكت. وممكن تطول السكوت كإنك مستمر في الانصات، فا خصمك يتكلم اكتر لحد مايغلط.
وماتردش ابدا الا اذا كنت فاهم ١٠٠٪؜ ، لو مش فاهم اطلب توضيح ولو مش عارف اطلب وقت.

٤. الاعتراف بأخطاءك والاعتذار عنها ثم تقديم خطة بمزاجك، احسن من انك تتقفش وبعدين تتجرس وبعدين يتحط عليك خطة غصب عنك،
مارك اول مابدأ قاللهم سلامو عليكو انا غلطت وبعتذر و هاوظف ٢٠ الف خبير لحماية المعلومات، عايزين حاجة تاني؟

٤ ونص: لو مش هاتعترف بالحقيقة، اوعى تكدب:
يعني اتشقلب، العب باليه، اقفل الراوتر وافتحه تاني، بس اوعى تكدب. عشان مافيش كدبة يمكن إخفاءها لوقت طويل، يمكنكم متابعة نماذج الشقلبة ورقصات الباليه اللي عملها مارك اول ما سألوه "هوا فيسبوك بيراقبنا واحنا اوفلاين؟"

٥. الغرض من الجلسة كان مهاجمة مارك لأقصى درجة، ومقاطعة حديثه واستفزازه لحد مايغلط (يعترف بمصيبة جديدة فا يحاكموه، او يكدب فايفضحوه)
إلا إنه والشهادة لله شللهم، لدرجة ان السيناتورز هما اللي تعبوا وطلبوا بريك مرتين وهوا اللي يقوللهم لا انا مبسوط وعايز اكمل عادي.

٦. دايما اختار الحلول اللي تحافظ على صورتك:
يعني مارك كان يقدر يرفض التعاون، يقول لأ، لن اقبل تدخل حكومي ف الشركة بتاعتي او مايحضرش الجلسة من اساسه،
لكن الحاج صاحب الفيسبوك قدر يخلق انطباع ان احنا ناس محترمين ومتعاونين جدا جدا جدا،
لو كان عمل اي حاجة غير كده كان هايخسر الصورة الجميلة اللي هوا بيصدرها عن نفسه وعن شركته، اسهم فيسبوك ف البورصة كانت على المحك لكن ارتفعت حوالي ٥٪؜ خلال الجلسة. وده يعكس اعجاب المستثمرين بإجاباته. طبقا لرويترز، الباشا دخل جيبه ٣ بليون اضافية لمجرد انه كان بيرد بذكاء وبثقة

٧. اتفاجئنا ان مارك بينسق مع حكومات العالم، عارف انتخابات المانيا وفرنسا والهند امتى، و بيتفق معاهم على ضمانات حقيقة لعدم انشاء حسابات وهمية تنشر بوستات تأثر على اراء الناخبين، بيطمن الحكومات انه مش هايعمل فيهم اللي عمله في انتخابات امريكا ٢٠١٦
يعني الشاب ذو ال ٣٣ عام ده طلع اخطر من غسان مطر

٨. لو افترضنا ان كل حاجة ماشية بالحب والاتفاق، فا واضح ان مارك مش جزء من الاتفاقات وان الحكومة الامريكية عينيها عليه، على معلوماته او على فلوسه، يا اما هو يشربهم شاي بالياسمين يااما هما يشربوه سم ف العسل
لان كل النقاط اللي بينتقدوا الفيسبوك عليها، موجودة ف تويتر وجوجل وكل المنافسين. ولا هوا عشان ترامب مدمن تويتر يعني ياسعات البيه؟

٩. اصبح واضحا للعيان ان امريكا تسعى لاحتلال دولة الفيسبوك ذات ال ٢ مليار نسمة بحجة حمايتهم من الدكتاتور، طلبوا صراحة تدخل حكومي، وصاية، مراقبة، تفتيش دوري، خطوات تنظيمية. ومارك بيظهر كانه بيدافع عن شعبه وبيطلب حرية التعبير للجميع. لكن الحقيقة الطرفين نصابين

١٠. تظل القوة الحقيقية للفيسوك انه يقدر يسحب كل عناصره من امريكا ويصحى الصبح يشتغل من الصين او روسيا وماحدش يقدر يعملله حاجة، ودي نقطة سألوه عنها، الا انه اختار يلعب على ارضهم وبقوانينهم وعشان كده هما بيطلبوا موافقته انه يلعبهم معاه ويسمحلهم بشوية "اجراءات تنظيمية"

١١. اخيرا؛ دي اسمها جلسة استماع الكونجرس لمارك، مش جلسة استماع مارك للكونجرس، مش مناظرة بين الاتنين. يعني عمرك ما هاتشوف مارك بيهاجم، هوا رايح ياخد الهجوم ويدافع. فا الانتصار مش انك تشوف السيناتورز بيهاجموا مارك، الانتصار ان المولد يتفض زي ما بدأ كإنه ماحصلش. يمكننا القول ان فيسبوك تمكن من تحييد الكونجرس

لو لسه داخل من البلكونة هاتلاقي مارك بيقول شهادته ف اول جلسة استماع قدام الكونجرس اللي بيحققوا ف تسريب بيانات ٨٧ مليون مستخدم (واللي انا طلعت منهم معرفش ليه) لصالح شركة "كامبريدج اناليتيكا" اللي سربت وباعت المعلومات لروسيا اللي استخدمت تفاصيل البيانات دي من اول اللايكات لحد الرسايل ف دراسات نفسية ساعدت ف التلاعب بالرأي العام الامريكي لصالح حملة ترامب ف انتخابات ٢٠١٦

تقدر تعرف لو انت واحد من ال ٨٧ مليون من لينك الفيسبوك ده
https://m.facebook.com/help/1873665312923476?helpref=related

ردود الافعال:

مصادر "سي ان ان" قالت ان مارك كان بيعمل جلسات تمثيلية جوا مقر الفيسبوك عشان يتدرب على الجلسة الرسمية

CNBC
بتقول انها كانت امسية ثلاثاء رائعة ل مارك زوكربيرج وان اداؤه فاق التوقعات
https://youtu.be/Tte9CX0rogY

تقرير منفصل بيقول ان مارك اظهر السيناتورز انهم مش مذاكرين، متلخبطين
https://www.facebook.com/thinkprogress/videos/2040092382668888/

تقرير كوميدي ل cnet بيوريك ازاي مارك خلاهم اراجوزات
https://www.facebook.com/cnet/videos/10156544563437275/

نصيحة اخيرة: مارك طبق كتير من القواعد اللي موجودة ف كتاب: ٣٣ استراتيجية للحرب

09/04/2018

09/04/2018

كل سنه واهل مصر بالف خير طقوس لن تراها الا فى مصر

08/04/2018

أنت تستطيع.. لا يوجد مستحيل

08/04/2018

سيخبرك البعض انك ضعيف
واخر بانك لا تستطيع
ويقول اخرين كم هو صعب تحقيق ماتريد
ولا شي من ذلك سيكون حقيقيا حتى تعطيه انت القبول👌🏼
مساء النجاح وواقع نحن نصنعه .

08/04/2018

يوجد لدينا شحن كروت الكهرباء و تحصيل جميع انواع الفواتير و المدفوعات

08/04/2018

لما بتشترك مع جارك في الانترنت ، انت بتقلل في سرعتك ، خلي السرعة ليك لوحدك ! متربطش نفسك بحد ---------

مستني ايه زور اقرب فرع ليك وتعاقد الان

56 شارع شبين الكوم بجوار ميدان ابراهيم سلامه - الاسماعيليه

08/04/2018

هل من محب هنا لهذا الرجل رحمه الله

08/04/2018

اي حد عنده استفسار او مشكلة خاصة بخطوط الانترنت يتفضل يقولها فى الكومنتات و هنحلها مع بعض باذن الله