15/07/2025
⛔ لو بتفكر تشتري REALME 14 PRO PLUS
اهرررب يامعلم! جهاز بلح وتجربة ملهاش طعم !
وماتسمعش كلام المراجعين لأنهم مدفوعي الأجر؛
خليك عارف ان موبايلات ريلمي مزاج يعني لازم تختار بفن عشان ماتزعلش بعد كده 🖐️
ازاي يـ هندسه ده الموقع الفولاني ماكدلي ان الموبايل فاق التوقعات❓😱
= لما يبقا عندك في السوق 6 اجهزة ويقولك علي 5 منهم ممتازين يبقا ايه النظام 🤔
ماتخليش حد ياكل بعقلك حلاوة 🥴
في البوست فضايح بالكيلو بس خليني اكلمك عن مميزات الجهاز الاول 😉
⭕ مميزات الجهاز ⭕
🟢 شاشة جميلة ، اموليد 6.83 بدقة هايلة 1270p واستحواذ ممتاز (ولكن اقرا جزء العيوب)
🟢 كاميرا أساسية 50MP و سيلفي 32MP بمستشعرات محترم ومعالجة صور يعتمد عليها
🟢 كاميرا 3x زوم 50MP بمستشعر محترم ومثبت بصري لكن فتحة عدسة ضيقة شوية بليل F/2.7
🟢 بطارية ممتازة 6000mAh ، وشاحن محترم 80w
🟢 داعم معيار مقاومة iP69 وشهادة عسكرية MIL-STD-810H
🟢 داعم مميزات Ai في السوفتوير
🟢 مستشعر مكالمات حقيقي.
🟢 بصمة شاشة ممتازة.
🟢 شبكات وواي فاي قوية.
🟢 سوفتوير خفيف ومستقر.
🟢 داعم Gyroscope و NFC
🟢 داعم مدخل 3.5mm وكارت ميموري
🟢 ذاكرة سريعة UFS 3.0
🟢 كارتونة كاملة
-
⚠️ عيوب الجهاز بالكيلو ⚠️
⛔ خامات الجهاز ضعيفه جدا، الفريم والضهر من البلاستيك وأصلا سعره مش رخيص
⛔ نازل باندرويد 15 واخره تحديثين اندرويد فقط ! بسعر 25 الف يعتبر ضايع !
⛔ سطوع الشاشة قليل عن المنافسين 1500nits فقط.
⛔ الجهاز غير داعم للـ E-Sim !
⛔ كاميرا الزاوية الواسعة ضعيفة 8MP .
⛔ سبيكر ستيريو عالي كصوت ولكن كجودة وتجسيم مش اجدع حاجة ، هونر واوبو وسامسونج افضل.
⛔ معالج ليس الاقوي ، 7s Gen3 مركز رابع في الفئة. تقدر تقول انه الاضعف وسط المنافسين تحديداً كاداء رسومي ، لانه اقل من 7 Gen3 بحوالي 25%
-
⭕ السعر ⭕
25000 نسخة 256/12
غالي جداً ! لا يوجد قيمة مقابل سعر فمش
الجهاز بعد التجربة مايسواش 20 الف 🤷
🔺 رأيي الشخصي 🔻 5/10
جهاز خردة ومنفوخ ع الفاضي❗
بيحاولوا يلمعوه ويحطوه وسط المنافسين بأي شكل 🧲
بنفس سعره عندك جهاز افضل بمراحل
👉 OPPO RENO 13 5G 👈
هتاخد معالج واداء أعلي ، خامات ، تحديثات وسيلفي افضل ، وحتي الكاميرا الخلفية افضل كنتايج فعلية مش ارقام
كذلك بسعر اقل عندك اجهزة تدعسه حرفياً زي :
Honor 400
Vivo V50
بيقدموا معالج اعلي 25% ، وكاميرا خلفية وسيلفي افضل.
يا استاذي الفاضل..
لما يبقا السوق فيه 6 اجهزة من 20 لـ 25 الف اول عن آخر
وييجي مراجع يقولك علي 5 منهم كويسين اعرف انه بيشتغلك وبيحاول يرضي الجميع❗
*مهما كان عدد متابعينه*
عشان لو مالقيتش سلعة اعرف انك انت السلعة 😉
تحياتي ..
اخوكم عبدالرحمن عويضه
