14/02/2024
شوية نصايح قبل ما تشتري برنامج حسابات ( سيستم )
لازم تطمن إن خدمة ما بعد البيع كويسة في الشركة اللي بتشتري منها البرنامج، في شركات بتديك البرنامج وتقبض منك وبعد كدة متلاقيش حد يقدملك دعم فني أو يدربك على البرنامج كويس أو يجاوب على استفساراتك وخصوصاً في أو فترة للتشغيل أو يعالج مشكلة حصلت، وممكن شغلك كله يعطل أو تحصل مشاكل مخزنية أو مالية.
تاني حاجة لازم تتأكد إن البرنامج معمول على قاعدة بيانات كويسة وتستحمل الشغل عشان ما يحصلش لغبطة في شغلك أو في التقارير والحسابات، وعشان مستوى الامان والحفاظ على بياناتك يكون عالي، وتكون قاعدة بيانات مرنة، بحيث يكون فيه سهولة في التعامل ما بين البرنامج وبرامج الأوفيس مثلا ( الورد والاكسيل .... الخ ) علشان ده هتحتاجه في شغلك.
كمان لازم تكون محدد أنت محتاج البرنامج ليه، عشان تقدر تقرر البرنامج ده مناسب ليك ولا مش مناسب، وتشوف البرنامج بنفسك وتسأل وتستفسر، ولو فيه حد يرشحلك برنامج مجربه بنفسه أو حصل تعامل بينه وبين الشركة دي قبل كدة يكون أفضل.
أخيرا بلاش تسترخص وتقول ما كلها برامج، لان فيه برنامج هيساعدك تنجز شغلك وتعلي من كفاءة الشغل وتطوره، وفيه برنامج هيخليك تلف حوالين نفسك.
فيه برنامج اشتغل على تصميمه فريق عمل متخصص ودايما بيطورا فيه وليه شركة وفريق دعم للعملاء فنياً وعملياً ومش هيستغلوك بعد البيع،
وفي برنامج بسيط بيقدملك كام نقطة بشكل كويس لكن مش كبير ومش كامل وهيجي عليك وقت تحتاج تغيره لانك هتكون محتاج برنمامج أعلى منه، وفيه برامج أي كلام ونصب واستغلال . طبيعي إن كل حاجة في التلاتة ليها سعر، فبلاش تسترخص أو تستعجل.
**لو عندك أي سؤال ابعتلنا وهنجاوبك.
**لو بتعرف تبيع برامج وتاخد عمولة كويسة احنا محتاجين نزود فريق البيع.
**لو محتاج برنامج وتعبت من اللف ، ابعتلنا رسالة واحنا هنساعدك تلاقي برنامج يناسبك.
**لو عاوز تساعد غيرك بالنصيحة دي اعمله منشن أو أعمل شير للبوست.
** لو جاي في هزار وتضيع وقت يبقى ده مش مكانك المناسب 😄
