07/07/2026
غزة بتحب حسام حسن... وده مش كلام عادي
"إحنا ممتنين ليك من قلب غزة"
كابتن حسام حسن رفع علم فلسطين بعد تأهل مصر لدور الـ16، وأهدى الفوز للشعب الفلسطيني. مكنش موقف عابر... غزة حسّت بيه وردت بطريقتها.
فنان فلسطيني شاب، اسمه مجد المدهون، رسم لوحة وسط الأنقاض بتجسد حسام حسن وهو ملفوف بعلم مصر وفلسطين، وأهداها له تعبيرًا عن الامتنان.
وشاب تاني من غزة بعت رسالة مصورة قال فيها إن أهل غزة كلهم بيحبوه وبيقدّروا مواقفه، رغم كل اللي بيعيشوه من حرب ودمار.
وفي مؤتمره الصحفي قبل مباراة الأرجنتين، اتكلم حسام حسن تاني عن معاناة غزة، وقال: "اتركوا الشعب الفلسطيني يعيش"، وطلب من كل الرياضيين في العالم يوصلوا الرسالة دي. الكلام ده خد صدى عالمي واتغطى في صحف زي إل باييس والمونيتور، وصحفي فلسطيني وصفه إنه "بينتفض لينا للمرة التانية".
كابتن حسام حسن مثّل مصر كويس جدًا... مش بس في الملعب، في الإنسانية كمان. 🇪🇬🇵🇸
