27/08/2025
📢 مناشدة لفخامة الرئيس عبد الفتاح السيسي 🇪🇬
✋ لكل إنسان شريف بيدافع عن الحق وينصر المظلوم، لكل
ضمير صاحي ولسه بيقول كلمة الحق...
كيرلس حشمت لبيب اتظلم ظلم كبير.
الراجل اللي طول عمره معروف بسمعته الطيبة ونزاهته، اتحكم عليه ظلمًا بـ ١٠ سنين حبس عسكري!
📌 القصة كلها إنه اشترى أجهزة من تاجر معروف على أساس إنها مصادرات جمارك، وعرضها في محلاته كوكو أند أس قدام الناس علنًا. وبعدها بيومين فقط سافر الصين عشان يجيب بضاعة جديدة.
لما رجع وعرف إن الأجهزة دي طالعة مسروقة، نشر إعلان يطلب من كل العملاء يرجعوها… وبالفعل رجّعها كاملة للشرطة وسلم نفسه.
😔 الغريب إن:
اللي باع له الأجهزة (هيثم الطحلاوي) اتقال عنه "حسن النية".
اللي اشترى من السارق (أحمد جلاكسي) اتقال عنه "حسن النية".
لكن كيرلس، اللي رجّع كل حاجة وسلم نفسه، اتقال عنه "سيئ النية"!!
💔 الشهادات قدام المحكمة من ضباط الأموال العامة والمباحث نفسها قالت بوضوح: كيرلس كان حسن النية.
ومع ذلك… الحكم نزل عليه وحده بالـ ١٠ سنين!
كيرلس مش نصاب ولا حرامي، ده رجل أعمال ناجح، شريك في سلسلة محلات معروفة، بيشغّل شباب وبيساعد أسر تعيش من ورا التجارة دي. طول عمره بيبيع بهامش ربح قليل عشان يسهّل على الناس.
هل معقول يغامر بسمعته ومستقبل شركته من أجل صفقة صغيرة مشبوهة؟
🙏 إحنا بنناشد كل إنسان عنده قلب وضمير، وكل حد بيحب العدل، إنه يرفع صوته وينشر الحق.
استغاثتنا دي موجهة إلى فخامة الرئيس عبد الفتاح السيسي:
"التفتوا لقضية كيرلس حشمت لبيب، وأعيدوا له حقه، لأنه ضحية حسن النية مش جانٍ."
إلحق يا ريس، في إنسان مظلوم اسمه كوكو، اتحط في قضية هو مالوش فيها ذنب، وكل اللي يعرفه يشهدله إنه إنسان طيب وبيساعد الناس.
إحنا بنناشد سيادتك بالتدخل لرفع الظلم عنه وإظهار الحقيقة 🙏.
