ناصحين

ناصحين نساعد أصحاب الأعمال الحرة والشركات في إنشاء مواقعهم وح

إن العمل في التجارة أعون على الصدقة، وبذل الخير، كما أن ظهور التوكل في تحصيل الرزق في التجارة أبلغ منه في الوظيفة، وقد ي...
17/03/2022

إن العمل في التجارة أعون على الصدقة، وبذل الخير، كما أن ظهور التوكل في تحصيل الرزق في التجارة أبلغ منه في الوظيفة، وقد يقال بأن المفاضلة بين التجارة والوظيفة، أو غيرهما من الأعمال يختلف باختلاف الأشخاص، والأحوال.
✒️ الحافظ ابن حجر.

والتجارة سالمة من منّة صاحب العمل، وتسلطه، ونحوها من المكدرات التي قد تكتنف الوظيفة، والتجارة أوسع أبواب الرزق.

👈 وعلشان التجارة ربحها ملوش حد ومبيخضعش لتقييد لو حابب تصمم متجر إلكتروني تبيع من عليه.. فيشرفنا إنك تتواصل معانا على الخاص لنوافيك بالتفاصيل اللازمة وإعطاءك خطة عمل مُفصّلة لتنفيذ هذا المشروع وأيضًا بعض النصائح الهامة في أمور التسويق.

الأسبوع اللي فات تم اكتشاف ثغرتين في إضافة WordPress: All in One SEO ودي أحد إضافات السيو المشهورة وبتستخدم في أكثر من ث...
28/01/2022

الأسبوع اللي فات تم اكتشاف ثغرتين في إضافة WordPress: All in One SEO ودي أحد إضافات السيو المشهورة وبتستخدم في أكثر من ثلاثة ملايين موقع ويب.

👈🏻 الثغرتين (Privilege Escalation, SQL Injection).

بيحتاجوا إن المهاجم يكون له حساب على الموقع حتى لو الصلاحية (مشترك)، الثغرتين لو تم استغلالهم مع بعض المهاجم هيقدر بالصلاحية بتاعته البسيطة يحصل على امتيازات أكبر يقدر بيها يسيطر على الموقع، إزاي الكلام ده!

⚠️ الثغرة الأولى: Privilege Escalation في إصدارات الإضافة نسخة 4.0.0 ونسخة 4.1.5.2
لديها القدرة على الكتابة فوق ملفات معينة ضمن بنية ملف ، وبكده نقدر نرفع امتيازات حسابات المشتركين إلى مشرفين.

⚠️ الثغرة الثانية: Authenticated SQL Injection تم اكتشافها في نسخ 4.1.3.1 و 4.1.5.2 من الإضافة.
وبما إن الثغرة الأولى سمحت برفع الامتيازات للصلاحية فيمكن للمهاجم إنه أولًا يرفع الامتياز للصلاحية بتاعته وبعد كده ينفذ أوامر SQL يسرب بيها البيانات الحساسة من قاعدة البيانات، بما في ذلك معلومات المسؤول!

طيب يا هندسة أنا بستخدم الإضافة الحل الله يكرمك!

💡 قم بتحديث الإضافة فورًا لأحدث إصدار وقم بوضع أحد الإضافات المشهورة في حماية مواقع الوردبريس مثل: Wordfence/Sucuri، وبالتوفيق للجميع.

✒️ تفاصيل الثغرة والأكواد المُصابة موجودة للمتخصصين والمتدربين والمهتمين لو حد طلبهم.

لا يوجد شيء اسمه فلوس تأمين يأخذها العميل!أرأيتم ذات مرة صنايعي دفع لصاحب الشقة أموالًا كي يقبل عمله!⚠️ هذه إحدى عمليات ...
21/01/2022

لا يوجد شيء اسمه فلوس تأمين يأخذها العميل!
أرأيتم ذات مرة صنايعي دفع لصاحب الشقة أموالًا كي يقبل عمله!

⚠️ هذه إحدى عمليات النصب والاحتيال من قِبل بعض المنتسبين للعملاء.

👈🏻 يبدأ الحوار غالبًا بجملة كيف لي أن أثق بك؟ وأنك ستقدم لي العمل كما أريد، لا بُد أن تدفع أولًا مبلغ بسيط ولو بعض الدولارات/الجنيهات/الريالات لأتأكد من أنك جاد! والمسكين يدفع ثم يكتب لنا منشورًا كل سطر فيه نوع من أنواع الصِياح. 😁

وحقيقة الأمر أن العكس هو الذي لا بُد أن يتم، إذ أن أعمالك سابقة وما يدل على امتهانك الخدمة التي تقدمها بمثابة (الهوية الخاصة بك) إذًا هو المجهول لك،

✅ القاعدة تقول: يُعرف مقدم الخدمة بعمله ويعرف العميل بإنفاقه.

✒️ وبناءً على ما تقدم فننصح بأن تأخذ عربونًا يساوي نصف قيمة العمل قبل البدأ على الأقل أو تأخذ مبلغ العمل على دفعات بحيث تسبق الدفعة المالية كل مرحلة تقوم بها.

❌ لا يوجد شيء اسمه ادفع لي كي أثق بك لنبدأ العمل، بل عملكم السابق هو ما يدفع الآخرين للحجز لديكم والعمل معكم لا تسمحوا للمُحتالين بأن يجعلوكم حمقى مستغلين تطلعكم لزيادة عدد عملاءكم أو حاجتكم الشديدة للمال.

📌 اعلموا أن مقدم الخدمة بيده هو أن يرفع من شأنه ويرفع ثمنه وقدره وبيده أيضًا أن يضع عمله ويقلل من شأنه ويجعل المار من هنا وهناك يطأ وقته وجهده بالأقدام.

» ملاحظة هامة: يوجد فرق بين مواقع الفريلانسر الذي تأخذ عمولة لأنها أوصلتك بالعميل وهذا معلوم وبين العميل الذي يريد أموال لنفسه كي يثق فيك!

🔹 عميل: أنا كنت عايز حماية لموقعي وكلمت مهندس وقاللي هيتعمل بكذا! فكنت حابب أسمع منك.🔸 يا باشا إيه الرقم ده مفيش الكلام ...
07/01/2022

🔹 عميل: أنا كنت عايز حماية لموقعي وكلمت مهندس وقاللي هيتعمل بكذا! فكنت حابب أسمع منك.

🔸 يا باشا إيه الرقم ده مفيش الكلام ده؛ بـ 300 جنيه بس هعمل لحضرتك حماية كاملة متخرش الماية وكمان صفحة الدخول للموقع بياناتها لا يمكن حد يتخيله أبدًا.

صفحة الدخول =

.
َّال.
.

29/12/2021

🔸 سكشن الجامعة:
شرح إخراج جملة "hello world" على الشاشة برمجيًا.

🔸 الأسيمنت بعد السكشن:
مطلوب تبرمجولنا فيفا 22 وحطوني أنا وباقي الدكاترة في تيم لوحدنا سموه فريق العظماء والعميد بتاع الجامعة يكون المدير الفني، وحارس المرمى ميدخلش فيه أجوان 😂😂😂

💖

واحد لسه مخلص كورس HTML, CSS في تصميم المواقع.= بعد مرور 3 ساعات 😅
25/12/2021

واحد لسه مخلص كورس HTML, CSS في تصميم المواقع.
= بعد مرور 3 ساعات 😅

⚠ أصمم لك موقعك بـ *** جنية، لفترة محدودة!أول لما تشوف جملة زي دي وفر وقتك واعمل سكرول!ليه يا بشمهندس ما أنت زمان كنت بت...
17/12/2021

⚠ أصمم لك موقعك بـ *** جنية، لفترة محدودة!
أول لما تشوف جملة زي دي وفر وقتك واعمل سكرول!

ليه يا بشمهندس ما أنت زمان كنت بتكتب زيها تحب أقولك كنت بتقول بكام، أطلعلك سيديهاتك 😅

ده حقيقي فعلًا أنا كنت بكتب ده في بداية حياتي ومكنش عندي أي خبرات وده اللي عايز أكلمكم فيه النهاردة.

لازم تفرق بين شخصين.. شخص لسه بيبدأ حياته فلسه ميعرفش أوي عن المجال ولا تفاصيله ولا متطلباته وشخص أنفق ساعات وأيام وشهور وسنوات في نفس المجال.

يعني في الجملة اللي فوق دي: "أصمم لك موقعك بـ *** جنية، لفترة محدودة!"، لازم تستشف منها إن المتحدث هنا حد بيبدأ حياته وخبرته ضئيلة جدًا ومشروعك لو مهم أو هتعمل بيه مبيعات وشغل فخلي بالك لإن هيكون فيه مخاطرة ومغامرة كبيرة جدًا، ليه بقى؟

لإن هنا مقدم الخدمة قالك هعملك الموقع بقرش!
طيب التكلفة هنا ثابته؟ هل ده منطقي؟ يعني مثلًا عنده

» الموقع (صفحة واحدة) = عدة صفحات!
» الموقع اللي فيه الدفع عند التسليم = موقع فيه دفع إلكتروني!
» المواقع العادية = المتاجر!
» الموقع بلغة = الموقع بعدة لغات!

يعني إنت يا هندسة عايز تقطع عيش الناس يعني وبتقول للناس تعالولي أنا! اتق الله.

💡 لا خالص، أنا بس حابب أوجه رسالة لكل واحد بيكلم متخصص ويقوله أعملي موقع زي سوق أو زي أمازون أو تطبيق زي أوبر ولما تقوله تسعيرتك يقولك إيه الكلام ده، إنت بتهرج ده فلان الفلاني ابن عمي/صاحبي قاللي أعملهولك بقرشين ساغ، ويستشهد ببوست أو بكلام حد عامل إعلان (أصمم لك موقعك + سيرفر لمدة سنة + تطبيق + زوجة صالحة = بـ 20 جنيه)!!

فيجماعة الخير.. اتقوا الله فينا، اللي بيقولك تعالا بكذا من قبل ما يسمع متطلباتك ده حد إما (دجال/بيبدأ حياته) ولا يمكن أبدًا يكون خبير أو متخصص، فلو مشروعك عادي ومش مرجو منه أي عوائد روحله واتفق معاه عادي لكن بالله لو جاي في موقع/آبلكيشن كبير أو متوسط ومنتظر عوائد أو هتنافس بيه أو حابب يستمر معاك متقارنش بيه وتقول: لأ، سعركم عالي؛ ربنا يسترك.

إحنا مش بنبيع هوهوز ولا شيبسي علشان يكون فيه تسعيرة ثابتة ده شغل معتمد على متطلبات العميل.

بس وسامحوني إن طولت بس خشيت على مرارتي فقلت أفضفض.

عميل كويتي عمره أكبر من 60 سنة طلب مني موقع من أربع سنين ودفعلي قيمته كلها مقدمًا وأنا طبعًا كانت دي أول حالة لعميل يدفع...
16/12/2021

عميل كويتي عمره أكبر من 60 سنة طلب مني موقع من أربع سنين ودفعلي قيمته كلها مقدمًا وأنا طبعًا كانت دي أول حالة لعميل يدفع كله مقدم.. فقلت في نفسي والله لن أخذله أبدًا وبمشيئة الله هبهره.

المهم لما أنهيت الشغل كله قاللي: هسأل عندي وارجعلك تاني يا بشمهندس ما قصرت، جزاك الله خيرًا.

المهم غاب يومين ورجع قاللي: كل اللي سألتهم قالولي الموقع ممتاز وتصميم روعة وأنا شايفه جميل لكن هذا مش طلبي أنا عايزه كله باللون الرصاصي وكل حاجة تحت بعضها وخلاص ما أريد كل هذا العمل!

قولتله يا فندم حضرتك أرسلت قيمة الشغل كلها مرة واحدة وأنا حابب أعملك شغل يوازي سعادتي بإرسالك مبلغ الموقع مرة واحدة وثقتك بي،

بس فيه ملحوظة حضرتك عايز الموقع كله باللون الرصاصي وكل حاجة تحت بعضها والله ده هيؤذيك جدًا والزائر هيخش يمشي وهتفقد زوارك وأنا مقدرش أؤذيك بهذا الشكل، اللون والترتيب اللي حضرتك طالبه يؤذي العين أذى مباشر وهيطيل من الصفحة الرئيسية بشكل مبالغ فيه.

العميل فهم إن مش راضي أنفذ طلباته، قاللي: تمام يا بشمهندس راح أجيب حد تاني يعملي الموقع زي ما أحب، وشكرًا ما قصرت.

فضلت أبعتله رسائل وانبهه وأقوله أنا مش رافض بس ده هيدمر شغلك لا اللون ولا الهيئة اللي إنت عايز بيها موقعك هينفعه يا فندم، المفروض فيه معايير للتصميم وللبناء علشان الشغل يطلع احترافي، شمال يمين ما بيردش خالص على رسائلي..

المهم بعد أيام فعلًا تقريبًا تعاقد مع أحد (المحسوبين على المجال) وقولت عليه كده لإن دخلت لقيت الموقع الريسبونسيف بتاعته مدمر والموقع لازم تعمله سكرول أفقي علشان يظهرلك وفعلًا الحاجات بقت تحت بعض بس بالشقلوب والموقع تقريبًا بقى أرض بور مش نافع..

وما هي إلا بضعة أسابيع والراجل المسكين موقعه وقع ومرت أربع سنوات وحتى يومنا هذا لا أجد لموقعه أثر.. ولا حول ولا قوة إلا بالله.

والموضوع ده شاغلني لحد دلوقتي.. يعني حضرتك سألت اللي حوليك وإنت كمان بتقول الموقع ممتاز، طيب ما الذي يحملك على هدم كل ما تم بناءه؟

التجربة دي علمتني كتير جدًا.. وفهمتني إن أحيانًا لازم أتنازل عن المعايير لإن العميل عايز كده وخلاص، وبقيت أشرح علشان أبرأ ذمتي ولو لقيت اللي قدامي مصمم بمشي مراده؛ لكن لا أضع موقعه في قائمة أعمالي حفاظًا على الشكل العام لها.

Address

Cairo

Telephone

+201010886128

Alerts

Be the first to know and let us send you an email when ناصحين posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ناصحين:

Share