02/10/2026
إتبعتلي الكلام دا و إتسألت عن صحته ، و شفته كمان ف بوست بنفسي 😵
مبدئياً / أنا معرفش الشخص إللي ناشره ، و هو ليه كل الإحترام
و كلامي مجرد توضيح لمعلومة و للمنفعة العامة مش أكتر
و كلنا بنتعلم من بعض عادي جداً 🤝
---
1 / الكلام دا غلط تماماً ، و بيحاول يوهمك إنه فيه أكتر من فرز و جهة استيراد
و دا عشان يخلق تبرير لفرق الاسعار او الحالات مستقبلاً
و انا شايفها محاولة بائسة لتقنين الحالات السيئة و السعر الغالي
بس بطريقة شيك ترسخ جواك فكرة معينة ، و ف نفس الوقت بيميز نفسه 😉
--
2 / مفيش حاجة اسمها استخدام السوق الاوروبي افضل من الصيني و لا العكس
الاستخدام و الحالات فيها تفاوت و بتفرق حسب الفرز و اتفاقك برا مع المصدر
فيه حاجات جاية من سيبرات و مراكز جيمنج ، ف حاجات من مزارع تعدين
ف حاجات جاية من شركات و موظفين ، ف حاجات تجميع محلات مستعمل
و دي ف كل الاسواق بلا استثناء 🤔
الموضوع كله مع المستورد انه يتعاقد مع مكان كويس و يطمن ع حالة الشغل
ملهاش علاقة هو اوروبي و لا بنغالي و لا البلد مقياس أصلاً
ع اساس ان الاوروبيين مش بيبوظوا الحاجة و لا بيعدنوا !
ممكن حاجة مستوردة من الصين تبقى احسن من الاوروبي ، و العكس صحيح 🧐
--
3 / يعني إيه كارت إتجدد ! ما الكروت معروف أولها و أخرها !
هيتجدد فيه إيه ! هاوسنج ولا مراوح ولا قطع داخلية !
و لو قصدك متصين ، طيب ما كله بيبان برضو ، الكارت مش لغز و أموره واضحة !
و لو حد هيصين او هيجدد ف اسيا ، إيه المانع يعمل كدا ف اوروبا ! مش فاهم !
برضو دا كلام غريب ملوش أي اساس من الصحة 😲
--
4 / معروف من زمان إن فيه أكتر من جهة استيراد
زي / اوروبا و امريكا و كوريا و الصين و اسواق صغيرة ف اسيا ، الخ
لكن عمر ما كان بيتقال دا استيراد انهي بلد ، و كله بييجي تحت كلمة استيراد فقط
و بعدين مالك أول إيه ! حضرتك عرفته منين معلش ! رحتله شخصياً يعني !
إذا كان أنا لما بشتري من جوا مصر و من شخص مصري يوزر عادي
مببقاش دايماً عارف هو المالك الأول و لا الحاجة مصدرها إيه أصلاً !
فـ دي برضو شطحة كبيرة أوي ملهاش أي أساس من الصحة 😵💫
--
5 / مش عشان بعض المستوردين بيروحوا يسترخصوا من أي اسواق
يبقى كدا خلاص السوق دا كله وحش أياً كان مصدره ، دا تفكير غلط طبعاً
الفكرة كلها إن فيه أسواق فيها فرز و أسواق مفيهاش أو مش عليها رقابة كافية
فـ من هنا بتيجي المعلومة الغلط و التعميم اللي عند بعض الناس 😱
---
لو محتار ف اي معلومة او شايف حاجة مشكوك فيها ، ابعتلنا ع طول
او اعمل كومنت و منشن لينا 🔥
---
