09/09/2025
أبل بتخربها السنه ديه 🎊🎉🎗️
أولا قدمت ٣ موديلات مش فقط موديلين ذي كل سنه
هم الموديل الستاندرد و الأفضل في رأيي 👏🏻👏🏻👏🏻
والموديل ال Air الاكثر نحافه و شياكه واناقه واقل كاميرات
البرو و برو ماكس الاكثر كاميرات و الأفضل للتصوير والأكبر كحجم بطاريه في ال١٧ برو ماكس والاول في احتوائه على غرفة تبريد " على الله تنفع في تبريد الجهاز في الصيف المقبل" و طبعاً كل الاجهزه فقط هتعمل بتقنية ال eSim
برده لاول مره من مثلا ٧ سنين او ٥ سنين يحدثوا آخيرا سينسور الكاميرا السيلفي و بقى ١٨ ميجابيكسل آخيرا والحساس نفسه بقى مربع مش مستطيل وبالتالي يقدر ياخد ناس اكثر في الصوره ولو بتصور بالطول فمش لازم تمسك الموبايل بالعرض علشان تاخد ناس اكثر في السيلفي و ديه حركه لطيفه انها توصل لكاميرا سيلفي 🙃 الآيفون
اخيرا لفت نظري ان الآير و العادي هيبقوا تيتانيوم ، بينما ال١٧ برو و برو ماكس هيبقوا المونيوم بس ممكن اكون فهمت غلط - او يكون الآير بس اللي تيتانيوم - بينما العادي والبرو المونيوم - مش مجمع و حضرت المؤتمر متأخر سيكا 🤏🏻
★ بس اهم حاجه و أفضل حاجه والحاجه الثورية في نظري واللي مخليه الآيفون ١٧ لاول مره انصح بيه أنه اخيرا بقى بيدعم ١٢٠ فريم بعد دهر من ٦٠ هرتز و طبعاً شاشه اموليد و بكده اقدر انصح بيه وانا مش صعبان عليا اللي هيجيبه و هيدفع فيه دم قلبه لانه مش بشاشه ٦٠ هرتز ذي الآيفون ١٦ او ١٥ او ١٤ او ١٣ او ١٢ 🥴
طبعاً البرو و برو ماكس هيدعموا ٣ كاميرات ال٣ ما شاء الله ٤٨ ميجابيكسل 🤝🏻👍🏻🫶🏻 وبيدّعوا انهم زودوا حجم السينسور ،، الله وحده أعلم
مفيش كلام على PWM ولا سطوع الشاشه ولا اي حاجه هاردوير احدث غير طبعاً البروسيسور ال A19 Pro 💪🏻
