17/06/2024
السلام عليكم. تعريفًا فالأول، احنا شركة شغلنا بيتمحور حول تنظيم الإيفنتات و الحفلات بشكل عام وخصوصًا حفلات التخرج، و لكن كان فيه كام مشكلة أدركناها بعدين. فا لذلك احنا وقفنا شغل بالنسبة لتنظيم الحفلات ولكن الشغل الي هيبقي متاح هو التجهيزات فقط والي بتشمل الأرواب - الدروع - الشهادات -البانرات بمختلف أنواعها..إلخ.
ببساطة, شغلنا كان بيشمل تنظيم الحفلات من في كل النواحي: حجز القاعات، الدي جي، الأغاني, الفقرات الإستعراضية و باقي بروجرام الحفلة. ده غير التجهيزات الأساسية الخاصة بالأرواب والدروع وغيرهم.
وفي الحقيقة المشاكل هنا بكل بساطة ان فيه جزء من الحاجات الي احنا بنعملها دي بتسبب الأتي:
١- أغاني المخلوطة بالموسيقى.
٢- اختلاط بين الولاد و البنات (بشكل زايد وخصوصًا في الفان داي).
٣- رقص.
كل المشاكل دي كنا بنتغاضي عنا بحجة انه يوم واحد بس فالعمر و دول شوية شباب بتفرح بأنهم خلصوا مرحلة مهمة في حياتهم زي الجامعة و مفيهاش حاجة لما يتبسطوا باليوم ده.
و لكن الموضوع مش هيّن علي الإطلاق.
بالنسبة للأغاني:
١- قول الله سبحانه وتعالى: {وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ} [لقمان: ٦].
٢- قول النبي صلى الله عليه وسلم: ليكونن من أمتي أقوام يستحلون الحر والحرير والخمر والمعازف. رواه البخاري.
بالنسبة للأختلاط:
١- قول الله سبحانه وتعالى: {وَإذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ} [الأحزاب:٥٣].
٢- قول الله سبحانه وتعالى: {قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ} [النور:٣٠].
وفي الاول والآخر الرزق بإيد ربنا فقط.
{وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ} [الطلاق : ٢-٣].
ربنا يغفرلنا و يعفو عنا. وكل عام وانتم بخير❤️
